Læknablaðið - 01.10.1972, Qupperneq 43

LÆKNABL AÐIÐ
119
Friðrik Sveinsson og Baldur Fr. Sigfússon
ÁLIT OG GREINARGERÐ
LÆKNAMIÐSTÖÐVANEFNDAR L. í.
INNGANGUR
Sumarið 1968 samþykkti aðalfundur L.Í., sem haldinn var að Bif-
röst 22.-23. júní, að fela stjóminni að skipa nefnd til að gera tillögur
um staðsetningu og rekstur læknamiðstöðva 1 strjálbýli landsins. Hinn
12. sept. sama ár var nefndin kosin og voru í henni eftirtaldir menn:
Friðrik Sveinsson, sem var formaður, Ingólfur Sveinsson og Baldur
Fr. Sigfússon. Skilaði nefndin áliti um staðsetningu læknamiðstöðva
réttu ári síðar, en nánari greinargerð og áliti nefndarinnar varðandi
rekstur slíkra miðstöðva var eigi fulllokið fyrr en í júní 1970. Hvarf
Ingólfur af landi brott rúmum tveimur mánuðum áður en verkinu
lauk, en átti eigi að síður í því mikinn þátt, einkum í undirbúnings-
vinnu og umræðum.
HEIMILDIR
Heimildir þær, sem við hefur verið stuðzt, eru margvíslegar og
verða ekki allar tíndar til. Fyrst ber að nefna svonefnda Héraðslækna-
könnun, þ. e. a. s. könnun á starfsaðstöðu og aðbúnaði héraðslækna,
sem gerð var sumarið 1967 á vegum L.í. að tilhlutan nokkurra ungra
lækna, er áhuga höfðu á skipan heilbrigðisþjónustu í strjálbýli lands-
ins. Var yfirgripsmikill spurningalisti sendur öllum héraðslæknum utan
Reykjavíkursvæðisins og Akureyrar og m. a. spurt um fólksfjölda,
samgöngur, húsakynni, rannsóknaraðstöðu, sjúkraskýli, tækjakost, að-
stoð (símaþjónustu, ritara, hjúkrunarlið o. fl.), heilbrigðiseftirlit,
sjúkradagbækur, bókakost, vinnutíma og starfshætti (möguleika á
leyfum og námsferðum, tímapantanir, vitjanir o. f 1.), samstarf lækna
og síðast en ekki sízt álit lækna á sameiningu héraða, um staðsetn-
ingu læknamiðstöðva í náinni framtíð. Einnig var leitað eftir frekari
hugmyndum um bætta læknisþjónustu. Bárust upplýsingar um 35 af
52 héruðum utan Reykjavíkursvæðisins, (en þau eru raunar alls 54,
ef með eru talin Flateyjar- og Djúpavíkurhéruð, sem hafa ekki enn
verið lögð formlega niður).
Auk þessara gagna var stuðzt við erindi eftir Auði Angantýs-
dóttur, sem gegndi starfi héraðshjúkrunarkonu í Flateyrarhéraði um
skeið. í sambandi við ofangreinda könnun sumarið 1967 liggja fyrir
skýrslur um ferðir erindreka L.Í.; fór Helgi Þ. Valdimarsson m. a. til
Stykkishólms og Vestfjarða og Örn Bjarnason til Hornafjarðar og um
Austfirði. Einnig fór einn nefndarmanna, Baldur Fr. Sigfússon, ásamt
fyrrv. framkv.stj. L.Í., Sigfúsi Gunnlaugssyni, um vestanvert Norður-
land og til Hólmavíkur sama sumar. Liggja fyrir góðar upplýsingar