Læknablaðið - 01.10.1972, Side 83

LÆKNABLAÐIÐ
145
inn hluta ársins, þrátt fyrir stutta vegalengd (28 km). Fáist enginn
læknir, virðist þó alls ekki útilokað, að þjóna megi héraðinu þaðan
með auknum fjölda lækna og bættum samgöngum, einkum staðsetn-
ingu þyrlu á Egilsstöðum. Sama gildir raunar einnig um önnur héruð
Austfjarða sunnan Neshéraðs. Mjög góður vegur og stutt leið (34 km)
er nú um Fagradal til Reyðarfjarðar, og helzt hann yfirleitt opinn á
vetrum. Allgóður vegur, en nokkuð langur (87 km), er og til Breið-
dalsvíkur. Frá Djúpavogi er torsótt leið og löng til Elgilsstaða (m. a.
slæmur vegur fyrir Berufjörð), en hana mætti stytta um 70 km með
vegi beint norður yfir Öxi (um 90 km), sem yrði þá styttra en til
Hornafjarðar.
Loks er rétt að geta þeirrar hugmyndar Heimis Bjarnasonar, fyrrv.
héraðslæknis á Djúpavogi, að fyrrnefnd héruð og Egilsstaðahérað
myndi öll eina starfsheild með vel búinni læknamiðstöð á Egilsstöð-
um, sem tæki að sér ýmsa sérhæfða þjónustu og hefði á að skipa
varaliði lækna, sem gætu leyst staðbundna lækna af í leyfum og gefið
þeim auk þess kost á að starfa um tíma í læknamiðstöðinni. Ekki mun
hér rætt um kosti og galla þessarar athyglisverðu hugmyndar, en hæp-
ið þykir að mæla með henni sem fyrstu lausn vandamálsins, nema
greinilegur stuðningur íbúa og starfandi lækna eystra komi til, enda
getur framkvæmd hennar þróazt með árunum þrátt fyrir það. Má og
vera, að slíka lausn mætti nota víðar á landinu, einkum á Vestfjörðum,
ef góð reynsla fengist af henni á einum stað.
NESHÉRAÐ
í Neskaupstað hefur verið starfrækt sl. 12 ár 35 rúma fjórðungs-
sjúkrahús með sjúkradeild, ellideild og allgóðri aðstöðu til skurðlækn-
inga. Hefur að jafnaði starfað þar skurðlæknir, auk aðstoðarlæknis,
sem sinnt hefur heilsuvernd á staðnum. Hins vegar hefur mjög oft
vantað og vantar nú héraðslækni í Neshérað, sem von er, þar sem
nær engin starfsaðstaða hefur verið til fyrir hann né sæmilegur bú-
staður. Þegar héraðslæknir hefur starfað auk hinna tveggja sjúkra-
húslækna, sem einnig hafa sinnt almennum lækningum, hefur hann
haft meira en nóg að gera, og segir það sína sögu um almenna læknis-
þjónustu á staðnum, enda íbúar héraðsins 1709 talsins. Má því full-
yrða, að þegar séu næg verkefni fyrir 3 lækna alls í Neskaupstað, þar
af 2, sem sinntu að mestu almennum lækningum, eigi að starfrækja
sjúkrahúsið á svipaðan hátt áfram, þ. e. að nokkru leyti fyrir allt
Austurland og fyrir sjómenn.
Eðlilegt virðist að skapa aðstöðu fyrir læknamiðstöð í sjúkrahús-
inu eða við það og gera þar ráð fyrir 2 læknum, sem sinntu að mestu
almennum lækningum. Jarðvegur fyrir hugmyndir um læknamiðstöð
og skilningur ráðamanna staðarins á þörfum og kröfum lækna um
lágmarksstarfsskilyrði til viðunandi læknisþjónustu virðist hafa verið
rýr, auk þess sem héraðið yrði að greiða að hluta kostnað við upp-
setningu slíkrar miðstöðvar, þ. e. ekki er um samruna héraða að ræða.
Er nú byrjað að reisa héraðslæknisbústað fjarri sjúkrahúsinu, þar sem
gert er ráð fyrir lækningaaðstöðu. Verður slíkt að teljast fráleitt á