Læknablaðið - 15.11.1984, Side 58

314
LÆKNABLAÐID
þennan stutta samningstíma yrði ekki beitt
ákvæðum 2. gr. samningsins um tilhögun
tilvísana.
Megin ástæða framlengingar samningsins af
hálfu sérfræðinga var slæm samningsstaða
þeirra vegna sífelldra hótana viðsemjenda um
að setja málið í gerð. Samkvæmt þessum nýja
samningi fengu einstakir sérfræðingar rétt til
að segja sig undan samningnum með 4ra
mánaða fyrirvara, skv. 12. gr. hans, miðað við
1. des. 1983. Rúmlega 130 sérfræðingar neyttu
þessa réttar með skriflegum uþpsögnum, sem
bárust L.R. fyrir 1. 1983.
Samningaviðræður hófust í nóvember og
höfuðkrafa L.R. var, að þáverandi tilvísana-
kerfi yrði lagt niður og einstakir sérfræðingar
fengju uppsagnarrétt með eðlilegum fyrirvara,
óháðum gildistíma samningsins. Einnig voru
gerðar kröfur um breytingar og hækkun á
gjaldskrá. Ekkert miðaði í samkomulagsátt og
vegna almennrar biðstöðu annarra samninga
þótti eðlilegt að gefa frest til frekari viðræðna,
enda framlengdu bráðabirgðalög ríkisstjórnar-
innar frá sumrinu 1983 alla kjarasamninga
óbreytta og lögðu bann við launahækkunum
tii 1. febrúar 1984. Við breytingar á þeim
lögum í meðförum Alþingis var bann þetta þó
ekki í gildi nema fram í síðari hluta desember-
mánaðar.
Um miðjan janúar í ár hófust samningavið-
ræður að nýju og voru þá þegar gefin
fyrirheit um breytingar á tilvísanakerfinu, en
til þess þurfti lagabreytingu. Þann 27. marz lá
fyrir samkomulag, sem samninganefndir
beggja aðila undirrituðu með fyrirvara um sam-
þykki Tryggingaráðs og Læknafélags Reykja-
víkur. Báðir aðilar samþykktu samningsdrögin.
Helztu kostir þessa samnings eru þeir, að
tilvísanir eru felldar niður sem greiðsluheimild
samlaga. Sérfræðingar fengu rétt til að segja
sig undan samningnum óháð gildistíma hans.
Þá eru ákvæði um, að gjaldskrá skuli endur-
skoðuð á árinu. Sérfræðingar neyddust hins
vegar til að falla frá svo til öllum kröfum um
launahækkanir og taka upp meðaltalseininga-
fjölda á viðtöl innan hverrar sérgreinar í stað
lengri og styttri viðtala, sem samninganefndar-
mönnum var ljóst, að var skref aftur á bak.
Samningurinn hefur verið gefinn út og
vísast að öðru leyti til hans, en hann gildir til 1.
apríl 1985.
Starfsmatsnefnd
Nefndin hélt 9 fundi á árinu 1983 og mat 95
aðstoðarlækna og ákvað upphaf starfsaldurs
22 sérfræðinga.
Orlofsnefnd L.í. og L.R.
Almennur áhugi lækna er á orlofshúsum
læknafélaganna í Brekkuskógi og íbúðinni á
Akureyri. Mjög góð nýting er yfir sumarmán-
uðina, allgóð á vormisseri, en lítil að vetri til.
Til að auka nýtingu að vetri hefur leigan ver-
ið lækkuð verulega yfir vetrarmánuðina. Hef-
ur það mælzt vel fyrir og aðsókn aukizt.
Leigutekjur af húsunum og íbúðinni nægja
aðeins fyrir u.þ.b. helmingi rekstrar- og við-
haldskostnaðar, en hinn hlutinn er greiddur af
iðgjaldatekjum Orlofssjóðs lækna.
Lífeyrissjóður lækna veitti á sínum tíma lán
fyrir kaupverði beggja orlofshúsanna og fyrir
hluta kaupverðs íbúðarinnar á Akureyri. Af-
borganir af lánum þessum hafa engar farið
fram og vaxtagjöld að hluta lagst við höfuð-
stól skuldarinnar. Á síðasta ári nægðu iðgjöld í
fyrsta sinn til að greiða alla ársvexti af
skuldinni auk þess hluta rekstrarkostnaðar,
sem leigutekjur greiddu ekki.
Samkvæmt ályktun aðalfundar L.í. 1983
verður næsta fjárfestingarverkefni Orlofs-
nefndar að festa kaup á orlofsíbúð í Reykja-
vík. Það er mat Orlofsnefndar, að enn hafi
Orlofssjóður ekki fjárhagslegt bolmagn til
þessara íbúðarkaupa, en nefndin mun áfram
hafa ályktunina að leiðarljósi.
Námskeiðs- og fræðslunefnd L.í. og L.R.
1. Aðalverkefni Námskeiðs- og fræðslunefnd-
ar læknafélagnna á sl. ári var skipulagning
haustnámskeiðs, sem haldið var í Domus
Medica dagana 20.-25. september 1983.
Fjallað var um aðgerðir við kransæðasjúk-
dómum, tölvuvæðingu í heilbrigðisþjónustu
og augnsjúkdóma. Auk þess flutti dr. W.G.
Reeves frá University Hospital, Queen’s
Medical Center, Nottingham, erindi um The
Importance of Immunology in Medicine.
Tuttugu og sjö erindi voru flutt um ýmsar
rannsóknir íslenzkra lækna. Námskeiðinu
lauk með sérstöku 2ja daga tölvunámskeiði
verklegu og fræðilegu. Var eftirspurn eftir
því meiri en hægt var að sinna. Er í ráði að
koma föstu formi á slík námskeið.
2. í september sl. hélt nefndin í samvinnu við
fræðslunefnd F.Í.H. málþing um brjóstveiki.
Auk fjölda íslenzkra fyrirlesara fluttu þar
erindi þau Calle Bengtson, dósent, og Mari-
anne Hagman, dósent, bæði við Gauta-
borgarháskóla.