Boðberi K.Þ. - 01.06.1992, Síða 5

Aðalfundur K.Þ. 1992
Þormóður Jónsson
Aðalfundur Kaupfélags Þingeyinga var haldinn
í Sal Barnaskóla Húsavíkur 11. apríl. Formaður
félagsins, Egill Olgeirsson, setti fundinn. Helgi
Jónasson, Grænavatni, og Haukur Logason,
Húsavík, voru kvaddir til að stjórna fundinum.
Funarritarar voru Þórarinn Þórarinsson, Sig-
urgeir Aðalgeirsson og Baldur Vagnsson. Kjör-
bréfanefnd skipuðu: Berta Pálsdóttir, Jón Heiðar
Steinþórsson og Erlingur Teitsson. Sú hefð hefur
skapast, að kjörbréfanefnd annast talningu
atkvæða við kosningar á aðalfundum K.Þ.
Egill Olgeirsson flutti skýrslu stjórnar. í upp-
hafi ræðu sinnar minntist hann þess, að nú voru
liðin 110 ár frá stofnun Kaupfélags Þingeyinga.
Hann greindi frá því, að Alþingi fslendinga hefði
nú saman sett og samþykkt ný samvinnulög. Þau
lög miða að því að laga Samvinnuhreyfinguna að
þeim starfsháttum, sem nú tíðkast í heimi fjár-
mála og viðskipta.
Haldnir voru 11 fundir í stjórn K.Þ. á árinu
1991, að auki sátu stjórnarmenn ýmsa fundi með
starfsmönnum K.Þ. til að sinna sérstökum
afmörkuðum verkefnum.
Stjórn K.Þ. hefur reynt að koma á gagnrýninni
og málefnalegri umræðu um félagið með þvf að
veita fjölmiðlum upplýsingar um það og fjalla um
málefni þess í Boðbera K.Þ.
Á stjórnarfundum var farið yfir rekstur félags-
ins eins og hann var á hverjum tíma samkvæmt
rekstraryfirliti og reynt að færa í betra horf það
sem farið hafði á annan veg en fyrirhugað var.
Á fundum sínum hefur stjórnin fjallað ýtarlega
um stöðu landbúnaðarins og þær breytingar, sem
nú dynja yfir hann. Óvissa ríki um skipulag hans í
náinni framtíð, hvernig háttað verði úrvinnslu
landbúnaðarvara, dreifingu þeirra og sölu.
Goði h/f hefur annast sölu á kjötvörum, en
rekstur fyrirtækisins hefur gengið illa.
Stjórn K.Þ. og samlagsráð hafa af gaumgæfni
fjallað um málefni mjólkuriðnaðarins, stöðu hans
og framtíð. Menn eru sammála um að auka sam-
starf í greininni og efla Samtök afurðastöðva í
mjólkuriðnaði. Tilgangur samstarfsins er, að
koma á þeirri hagræðingu í mjólkuriðnaðinum,
að hann verði fær.um að hlíta kröfum markaðar-
ins.
Stjórn K.Þ. tók þátt í að koma bættri skipan á
rekstur Fiskiðjusamlags Húsvíkur. Að þeirri
skipan er unnið eftir tillögum Gísla Arasonar,
rekstrarhagfræðings.
Innlánsdeild K.Þ. er nú í umsjá Landsbanka
íslands á Húsavík. Þeirri skipan var komið á eftir
að Samvinnubanki íslands var seldur íslands-
banka.
Stjórn K.Þ. hefur heimilað undirbúning að
stækkun Matbæjar. Unnið er að gerð tillagna um
endurbætur á verslunarhúsi kaupfélagsins í
Reykjahlíð við Mývatn.
í lok ræðu sinnar minnti stjórnarformaður á, að
enn væri róðurinn þungur í öllum rekstri og brýnt
að stjórnendur, starfsmenn og félagsmenn K.Þ.
haldi vöku sinni.
Hreiðar Karlsson, kaupfélagsstjóri, flutti
skýrslu um rekstur og afkomu kaupfélagsins á
árinu 1991. Hann gerði hinum ýmsu rekstrar-
þáttum K.Þ. glögg skil og greindi frá afkomu sér-
hverrar deildar þess.
Rekstrartekjur verslunarinnar urðu 904 mil-
jónir króna og veltuaukning hennar 3,4% frá
árinu 1990. Heildarhagnaður í versluninni var 4,8
miljónir króna. Heildarhagnaður af framleiðslu-
starfsemi félagsins nam 2,6 miljónum og af þjón-
ustustarfsemi þess kr. 1,1 miljón. Þessi niðurstaða
er verulega mikið lakari en hún var á árinu 1990.
Velta Sláturhúss K.Þ. minnkaði frá fyrra ári.
Hagnaður af rekstri þess var þó heldur meiri en á
árinu 1990. Hagnaður af deildum K.Þ. var 14,4
miljónir króna á árinu 1991. Tap var á rekstri
Mjólkursamlags K.Þ. að fjárhæð 12,7 miljónir og
var því hagnaður af sameiginlegum rekstri félags-
ins aðeins kr. 1.642.574,00.
Þá er stjórnarformaður og kaupfélagsstjóri
5