Búskapur hins opinbera 1945-1980 - 01.01.1983, Blaðsíða 10

8
1. Með lögum nr. 52/1966 er gerð breyting á reglum um uppgjör á tekjum og ‘
gjöldum ríkissjóðs. Með þessari breytingu er gert ráð fyrir að álagðir skattar
verði færðir til tekna í stað innheimtra áður. Þessi breyting í meðferð
skatttekna kemur fyrst til framkvæmda árið 1967. Þó hafa skattar sem renna
til almannatryggingakerfisins ávallt verið færðir sem álagðir. Við slíka <
breytingu á meðferð skatttekna, kemur upp sá vandi hvernig eigi að tilfæra
það sem óinnheimt var í árslok 1966 af skatttekjum en það voru 250 m.gkr.
Rétt þótti vegna samanburðar við önnur ár að taka þessar skatttekjur ekki
með. Jafnframt eru felld niður útgjöld að fjárhæð 81 m.gkr. vegna
breytingar á bókun gjalda. Það sama á sér stað varðandi liðinn „Breyting
sjóðs“ lánareikninga og annarra verðbréfa’ en hann hefði breyst um sömu
fjárhæðir, eða réttara sagt mismuninn.
2. Eins og tafla 1 ber með sér eru frá árinu 1975 eingöngu tilfærðar í teknahlið
skatttekjur, en þá er gerð sú breyting að tekjur sem áður voru færðar undir
liðinn „aðrar tekjur" eru nú dregnar frá tilfærslum í gjaldahlið. Dæmi um
tekjur af þessu tagi eru tekjur frá Fríhöfninni á Keflavíkurflugvelli.
3. Árið 1975 koma nýir liðir inn í fjármunamyndun og fjármagnstilfærslur,
þ.e.a.s. „landgræðsla og skógrækt“ í fjármunamydun, en „vita- og hafna-
mál“ og „landhelgismál" í fjármagnstilfærslur. Þessir liðir höfðu áður verið
færðir undir „fjármunamyndun annað“.
4. Undir liðinn „Eignaaukning í ríkissjúkrahúsum“ árið 1977 eru færðar 1200
m.gkr. vegna kaupa á Landakotsspítala, en kaup fasteigna og sala er að
öðru leyti færð undir „fjármunamyndun annað”.
5 Frá árinu 1968 er framlag til Ríkisábyrgðasjóðs fært undir liðinn „framlög til
lánastofnana", en þar á undan hafði Ríkisábyrgðasjóður verið færður sem
hluti af búskap ríkisins og framlög til sjóðsins því ekki komið fram
sérstaklega.
6. Frá árinu 1951 til ársins 1960 eru tilfærðar tekjur bátagjaldeyriskerfis og
Framleiðslu- og Útflutningssjóðs. Tekjur þessar runnu fyrst og fremst til
útflutningsstyrkja og styrkja til sjávarútvegs, en á árunum 1958—1960 var
varið fé úr Útflutningssjóði til niðurgreiðslna sem nam 115 m.gkr. árið
1958, 246 m.gkr árið 1959 og 74 m.gkr. árið 1960. Hluti af þessu fór til
niðurgreiðslna á sjúkrasamlagsiðgjöldum, sem greidd voru niður árið 1959
eða 13 m.gkr.
7. Námsbókargjöld sem greidd voru vegna barna í skyldunámi fyrr á árum hafa
verið tilfærð með tekjusköttum, en barnabætur sem greiddar hafa verið frá
árinu 1975 hafa verið dregnar frá tekjusköttum.
8. Þar sem ekki liggur fyrir heildarálagning sóknar(kirkju)- og kirkjugarðs-
gjalda hefur þurft að áætla þau.
9. Söluskattur og aðflutningsgjöld, hafa verið lækkuð um hluta Jöfnunarsjóðs,
en tekjur Jöfnunarsjóðs eru taldar með skatttekjum sveitarfélaganna.