Nýtt S.O.S. - 01.09.1960, Side 34
„Jæja, hefur Triton látið frá sér heyra? Eða er hans saknað ennþá?“
Eglinton spratt á fætur skelfdur á svip. Heyrði hann virkilega rétt?
„Ha — þér — um það ætlaði ég einmitt að frétta hjá yður!“
„Hjá mér?“ svaraði Eglinton hissa. „Hví í ósköpunum hjá mér?“
„En þér höfðuð þó loftskeytasamband við Triton . . .“
Millian horfði undrandi á Eglinton:
„Eg? Loftskeytasamband við Triton? Aldrei á ævinni!"
Eglinton var orðinn náfölur. Hönd hans titraði, er hann rétti loft-
skeytamanninum á Atlantic skeytið frá Ocean.
„En lesið þér sjálfur — gjörið svo vel!“
Millian las loftskeytið með vaxandi undrun.
Það varð löng og kveljandi þögn.
Þá sagði Millian:
„Hvernig dettur þessum Princton í hug, að fullyrða slíka vitleysu?
Eg hef ekki talað við Triton aukatekið orð. Hinsvegar talaði ég við
farþegaflugvélina Xeres um Triton. Xeres, sem var á leið til Banda-
ríkjanna sagði mér aðeins, að það væri verið að leita að Triton, og bað
mig um að koma orðsendingu til Shannon, ef svo færi, að ég heyrði í
Triton á leiðinni."
Eglinton starði á bókunina í loftferðabók Atlantic:
Klukkan 4,03 Atlantic frá Xeres: Hafið þér frétt nokkuð af KLM-
Triton? — Xeres.
Klukkan 4,06. Xeres frá Atlantic: Nei, Hvað hefur skeð með Triton? —
Atlantic.
Klukkan 4,07. Atlantic frá Xeres: Triton saknað siðan klukkan 2,34.
— Stop — Ef þér verðið einhvers visari, gjörið svo vel að tilkynna
Shannon-flugvelli — Stop — Xeres.
Klukkan 4,09. Xeres frá Atlantic: OK Atlantic.
Klukkan 4,09. Atlantic frá Xeres: Ef til vill bara bilað loftskeytatceki
hjá Triton — Stop — Erum á leið til New York — Stop — Allt í lagi
um borð — Xeres.
Klukkan 4,10. Xeres frá Atlantic: Lika allt i lagi hjá okkur — Stop
— Góða ferð — Atlantic.
Eglinton greip báðum höndum fyrir andlitið og mátti ekki mæla fyrir
geðshræringu. í einni svipan stóð honum þetta allt skýrt fyrir hugskots-
sjónum. Ocean hafði aldrei náð nema broti af því, sem flugvélunum fór
á milli og dregið þá ályktun, að hin flugvélin væri Triton.
34
Nýtt S O S