Dagblaðið Vísir - DV - 08.10.2007, Blaðsíða 7

DV Fréttir mánudagur 8. október 2007 7
Björn IngI og VIlhjálmur VíkI
á upprunalegum lista sem þriggja
manna stjórn REI setti saman og
lagður var fram til kynningar á fundi
stjórnar Orkuveitu Reykjavíkur. Eft-
ir mótmæli á fundinum voru yfir-
mennirnir dregnir til baka og eftir
stóðu á listanum lykilmenn innan
REI sem sumir hverjir höfðu að-
eins stuttan starfstíma að baki hjá
fyrirtækinu. Sem dæmi má nefna
Hafliða Helgason, fjölmiðlafull-
trúa REI, sem einungis hafði starf-
að hjá fyrirtækinu í nokkra daga
þegar hann var settur á umræddan
lista. Áttu lykilmennirnir að fá rétt
til að kaupa hlutabréf í fyrirtækinu
fyrir 10 milljónir króna hver á mun
lægra gengi en á almennum mark-
aði.
Eftir að kaupréttarákvæði lykil-
starfsmanna urðu ljós greip um sig
mikil óánægja í samfélaginu. Vil-
hjálmur borgarstjóri fór í kjölfarið
fram á það við stjórn REI að draga
kaupréttarákvæðin til baka eða
bjóða öllum starfsmönnum Orku-
veitunnar slíkt hið sama. Stjórnin
fjallaði um málið og ákvað í kjöl-
farið að draga heimildina til baka
þannig að útvöldum starfsmönn-
um byðist ekki að kaupa hlutabréf
á sérgengi.
Samkvæmt heimildum DV þykir
borgarfulltrúum Sjálfstæðisflokks-
ins, utan borgarstjórans, ekki nóg
að gert og vilja að bakkað verði al-
farið með sameiningarferlið. Stað-
an í borgarstjórnarflokki Sjálfstæð-
isflokksins er því stál í stál.
Sigrún Elsa Smáradóttir, borgar-
fulltrúi Samfylkingarinnar, bendir
á að allir starfsmenn REI hafi ver-
ið ráðnir án þess að nokkur staða
hafi verið auglýst. Hún segir þá
flesta hafa verið týnda til vegna
stjórnmálaskoðana sinna eða vina-
tengsla. „Við höfum spurt eftir því
hvernig var staðið að ráðningun-
um. Svörin voru á þá leið að maður
þekkti mann. Það er með algjörum
ólíkindum og ég vona að við náum
því fram að svona starfsháttum
verði útrýmt,“ segir Sigrún Elsa.
Launin þrefölduð
Þegar REI var stofnað voru
stjórnarlaun ákvörðuð 120.000
krónur á mánuði og laun formanns-
ins 240.000 krónur. Fyrir því er hefð
að stjórnarfulltrúar hafi helming
launa stjórnarformanns. Síðar var
Bjarna Ármannssyni boðið að taka
að sér stjórnarformennsku REI og
voru honum boðnar 700 þúsund
krónur í laun. Á nýlegum kynning-
arfundi stjórnar Orkuveitu Reykja-
víkur vegna sameiningarinnar var
stjórnarformaður fyrirtækisins,
Haukur Leósson, spurður um laun
stjórnarmanna REI og fulltrúar
minnihlutans standa allir fastir á
því að hann hafi sagt þá hafa 350
þúsund krónur í laun fyrir vikulega
fundi. Til samanburðar hafa stjórn-
armenn móðurfélagsins, Orkuveitu
Reykjavíkur, 80 þúsund krónur í
laun. Síðar hefur verið keppst við
að draga þá tölu til baka og stjórn-
armennirnir enn sagðir hafa 120
þúsund krónur. Ef rétt reynist hef-
ur Bjarni stjórnarformaður nærri
sexföld laun hinna fulltrúa stjórn-
arinnar.
Svandís skilur ekki fullyrðingar
um lægri stjórnarlaun en þau sem
gefin voru upp nýverið á kynning-
arfundinum. Hún segir blasa við
að í öðru hvoru tilvikinu sé Haukur
Leósson, stjórnarformaður Orku-
veitu Reykjavíkur, að segja ósátt.
„Annað hvort var logið á fundinum
eða verið að ljúga eftir á því þetta
var okkur sagt. Ég sé enga ástæðu
fyrir því hvers vegna hann
hafi skrökvað á fundin-
um. Ef launin eru lægri
en okkur var sagt og
stjórnarformanninn
misminnti svona of-
boðslega hef ég enn
frekari áhyggjur af
öllum pakkanum,“
segir Svandís.
Aðspurð tekur
Sigrún Elsa undir og
segir Hauk þurfa að
skýra út hvers vegna
hann laug á kynningar-
fundinum
um laun
stjórnar-
manna.. „Ef menn halda að þeir geti
eftir á haldið öðru fram er með ólíkind-
um. Það sýnir best hverslags leynimakk
þetta er og hvað mennirnir halda að
þeir komist upp með. Þeir ætla greini-
lega í þann leiðangur að reyna að moka
yfir skítinn,“ segir Sigrún Elsa.
Óánægja hjá Framsókn
Björn Ingi hefur ekki unnið sér inn
miklar vinsældir innan Framsóknar-
flokksins með framferði sínu í málinu.
Formaður flokksins, Guðni Ágústs-
son, stefnir á að kalla saman alla sveit-
arstjórnarmenn flokksins sem komið
hafa að málinu og ákvörðunum þess
efnis. „Það ríkir ólga innan stjórnmála-
flokkanna og nánast hvar sem litið er
í samfélaginu. Málið er stórt og um-
deilt og hraði þess hefur verið of mik-
ill. Spurningin er fyrst og fremst um
vinnubrögðin sem viðhöfð voru og
traustið sem menn njóta eftir á. Málið
hefur alfarið verið á höndum borgar-
stjórnarflokks okkar og hugmyndirnar
höfðu ekki verið kynntar á neinum öðr-
um stöðum innan hans,“ segir Guðni.
„Þeir sem hafa farið með þetta mál
verða að skýra það út. Ég fagna því að
kaupréttarsamningarnir voru dregn-
ir til baka og maður er hættur að átta
sig á því af hvaða stærðargráðu málið
er. Það glittir í ofurlaun í þessari útrás
orkunnar og menn verða að svara því
hvort eðlilegt sé að þjónustufyrirtæki
í eigu almennings eigi að standa í út-
rásinni í áhættusömum rekstri.“
Vantraust liggur í loftinu
Borgarfulltrúum meirihluta og
minnihluta blöskrar framganga Björns
Inga og Vilhjálms og eru þeir verulegar
ósáttir yfir því að hafa engar upplýsing-
ar fengið í aðdraganda sameiningar-
innar. Aðspurð segir Svandís augljóst
að þeim verði ekki treyst aftur eftir
vinnubrögðin við sameininguna.
„Það er augljóst að þeir sem tek-
ið hafa allar tímamótaákvarðanir í
málinu eru ekki stoltari en svo að
þeir eru á hlaupum undan fjöl-
miðlum. Borgarstjórnarfulltrú-
ar Sjálfstæðisflokksins eru með
teppalímband fyrir munnin-
um í þeirri von að geta breitt fyrir
ágreininginn. Borgarstjóri er á bull-
andi flótta, það er alveg augljóst,“ seg-
ir Svandís.
„Í þessu máli blasir við tveggja
manna meirihluti borgar-
stjórnar þar sem Björn
Ingi og Vilhjálmur hafa
knúið það í gegn án
nokkurs samráðs.
Ég sé ekki betur
en að allir full-
trúar meirihlut-
ans, utan þeirra
tveggja, séu
ósáttir. Í loftinu
liggur vantraust
á Vilhjálm. Hvers
vegna í ósköpunum
flokkurinn kýs að fela
óánægjuna skil
ég ekki
enda
um mjög merkilegan kúltúr að
ræða. Í þessu tilviki er um að ræða
sex fulltrúa á móti einum en samt
er hætta á að sest verði ofan á hina
óánægðu.“
Með Vilhjálm í vasanum
Sigrún Elsa er mjög hissa á því
að fulltrúar minnihlutans hafi þurft
að kreista út upplýsingar. Hún
undrast þátt borgarstjórans í mál-
inu. „Það átti ekkert að segja okkur
frá þessum kaupréttarsamningum
og ofurlaunum stjórnarmanna, við
þráspurðum bara þar til við feng-
um svör. Hvað vitum við um hverju
öðru er leynt í málinu? Að lokn-
um fundinum vorum við yfir okk-
ur bit og hneyksluð. Hið sama á við
um alla borgarfulltrúa Sjálfstæðis-
flokksins og fólk í flokki borgarstjór-
ans. Þeir eru brjálaðir út í sinn eig-
in borgarstjóra og framferði Björns
Inga,“ segir Sigrún Elsa.
„Ég veit eiginlega ekki hvað ég á
að halda um Vilhjálm borgarstjóra.
Hann virðist ekki hafa haft neinar
áhyggjur af siðleysi málsins og ég
veit ekki hvort það sé vegna þess
að hann sé orðinn svo þreyttur að
hann setti sig ekki inn í málið og
lufsaðist bara með. Ég get ekki úti-
lokað að það sé málið.“
Eiga að víkja
Magnús Þór Hafsteinsson, fyrr-
verandi þing-
maður
Frjáls-
lynda flokksins, er verulega
óánægður með framferði tvímenn-
inganna og annarra stjórnarmanna
Orkuveitu Reykjavíkur. Hann seg-
ir það rugl að blanda Orkuveitu
Reykjavíkur í brask og hygla útvöld-
um einstaklingum. „Ég veit ekki
til þess að Bjarni Ármannsson viti
eitthvað mikið meira um orkumál
heldur en til dæmis ég. Af hverju
fæ ég ekki svona kaupréttardíl eins
og hann? Við viljum ekki taka þátt
í svona rugli. Framferði Björns
Inga og Vilhjálms er einkennilegt.
Vinnubrögð þeirra eru mjög ámæl-
isverð og fyrir vikið stórefast ég um
að þeim sé áfram stætt. Björn Ingi
er búinn að stórskaða sinn pólitíska
feril og Bjarni Ármannsson hlotið
álitshnekki,“ segir Magnús Þór.
Aðspurð er Svandís sammála
því að þeir sem beri ábyrgð á upp-
lýsingaskorti til borgarfulltrúa geti
ekki með góðu móti setið áfram.
„Mér finnst ótækt að Björn Ingi og
Vilhjálmur sitji áfram því þeir eru
búnir að fyrirgera öllum rétti sín-
um með siðlausum vinnubrögð-
um. Ég veit ekki til þess að nokkur
vilji þannig stjórnvöld sem leyni
upplýsingum, haldi ekki fundi,
virði ekki fresti og taki ákvarðanir í
skjóli nætur. Þegar slíkt kemst síðan
upp fara mennirnir bara á flótta og
neita að veita nokkur svör. Af þess-
um sökum eiga þessir karlar bara
að fara,“ segir Svandís.
Þrátt fyrir ítrekaðar til-
raunir fengust eng-
in svör hjá borg-
arfulltrúum
Sjálfstæð-
isflokks-
ins við
vinnslu
frétta-
rinnar.
Vilhjálmur Þ. Vilhjálmsson Samstarfsmenn
borgarstjóra eru slegnir yfir vinnubrögðum hans í
sameiningarferlinu. óljóst er enn hvort það eigi eftir að
hafa áhrif á meirihlutasamstarfið í borgarstjórn.
Svandís Svavarsdóttir borgarfulltrúi vinstri grænna
segir vantraust á björn Inga og Vilhjálm blasa við. Hún
skilur illa hvers vegna borgarfulltrúar sjálfstæðismanna
fela óánægju sína.