Sveitarstjórnarmál - 01.11.2003, Side 11

Reglugerðir og aftur reglugerðir
í upphafi erindis síns ræddi Björn nokkuð um þann lagalega bak-
grunn sem meðferð úrgangs byggist á en það eru einkum sveitar-
stjórnarlögin, lög um hollustuhætti og mengunarvarnir og síðan
reglugerð um úrgang, reglugerð um brennslu úrgangs, reglugerð
um brennslu spilliefna og reglugerð um starfsleyfi fyrir atvinnu-
rekstur er getur haft mengun í för með sér. Nýleg lög um úr-
vinnslugjald og ný lög um meðferð úrgangs taka nú einnig til
þessa málaflokks. Á grundvelli þeirra laga voru síðan settar þrjár
nýjar reglugerðir; reglugerð um meðhöndlun úrgangs, reglugerð
um urðun úrgangs og reglugerð um brennslu úrgangs. Þessar
reglugerðir eru til komnar vegna Evróputilskipunar um urðun úr-
gangs nr. 31 frá 1999 og Evróputilskipunar um brennslu úrgangs.
Timburúrgangur í móttökustöð Sorpu í Gufunesi.
Trygging í 30 ár eftir lokun urðunarstaðar
Markmið setningar laga um meðhöndlun úrgangs er vissulega sú
að stuðla að því að úrgangur valdi sem minnstum óæskilegum
áhrifum á umhverfið og mengi hvorki vatn, jarðveg né andrúms-
loft og einnig að draga úr þeirri hættu sem förgun getur haft á
heilsu manna og dýra. Markmiðið er að draga skipulega úr
myndun úrgangsefna eftir því sem unnt er og að endurnýtanleg-
um úrgangi verði komið í endurnýtingu og endurnotkun. Á þann
hátt verði dregið úr nauðsynlegri förgun og einnig unnið að því
að förgunin verði í meiri sátt við umhverfið á sem skemmstum
tíma. Björn segir að í landsáætlun sem Umhverfisstofnun undir-
býr skuli meðal annars setja fram markmið stjórnvalda í úrgangs-
málum. Síðan þurfa sveitarfélög, ein sér eða með öðrum, að gera
svæðisáætlanir um meðferð úrgangs til 12 ára í senn og skal
svæðisáætlun taka mið af markmiðum landsáætlunar. Skilyrði fyr-
ir veitingu leyfis til urðunar er meðal annars að rekstraraðili hafi
lagt fram fullnægjandi fjárhagslega tryggingu eða ábyrgð fyrir því
að allar þær skyldur, sem fylgja starfsleyfinu verði uppfylltar, þar
Fyrrum var í Fjarðarseli
J SAGA TÆKNI OG MANNLÍFS ' 19 13 - 2003
Þáttaskil í raforkusögu landsins
Fjarðarselsvirkjun í Seyðisfirði er elsta starfandi
virkjun Iandsins; gangsett 18. október 1913.
Virkjunin markaði þáttaskil í raforkusögu
landsins:
• Hún var fyrsta riðstraumsvirkjunin hér á landi
• Hún var aflstöð fyrstu bæjarveitunnar
• Frá henni lögð fyrsta háspennulínan á Islandi
RARIK keypti Fjarðarselsvirkjun af Seyðis-
fjarðarbæ árið 1957 og starfrækir hana enn, lítið
breytta. Við óskum Seyðfirðingum og öðrum
landsmönnum til hamingju með afmæli þessarar
merku virkjunar.
L: RARIK
11