Sveitarstjórnarmál - 01.11.2003, Blaðsíða 16

Samgöngur á höfuðborgarsvæðinu
annars út á að samþætta almenningssamgöngur með þessum
hætti. Við trúum því að heildstæðar lausnir af þessum toga fái
fólk til þess að hugleiða þennan valkost í samgöngumálum. Með
því að tengja stofnbrautakerfið við aðrar almenningsamgöngur og
það kerfi síðan við stofnbrautirnar þá verður alltaf hægt að kom-
ast á leiðarenda án þess að verða strandaglópur þar sem eitt kerfi
tekur við þegar annað endar." Ásgeir segir að nú vinni umhverfis-
og tæknisvið Reykjavíkurborgar að því að útfæra lausn á þessum
tengingum í Vatnsmýrinni í tengslum við færslu Hringbrautarinn-
ar og að koma endastöð Strætó bs. fyrir í tengslum við aðra um-
ferð almenningsfarartækja.
Á sem skemmstum tíma
„Eitt það mikilvægasta til þess að styrkja samkeppnisstöðu okkar
er að geta boðið ferðamáta sem kemur fólki á milli staða á
skemmri tíma en það kemst í einkabílnum. Takist það höfum við
mun styrkari stöðu og erum í raun komnir ofan á ef svo má að
orði komast. Því er mjög mikið atriði að endurskoðunin á leiða-
kerfinu leiði til þess að við náum háum meðalferðahraða á stofn-
brautarleiðunum. Með því er ég ekki að segja að vagnarnir eigi
að aka of hratt eða brjóta umferðarlög, alls ekki. Heldur að stofn-
brautirnar verði skipulagðar með þeim hætti að um beinar og
greiðar leiðir verði að ræða. Af þessum ástæðum verða færri við-
komustöðvar á þessum leiðum sem augljóslega flýtir ferðum
vagnanna á milli endastöðva. Erlendar rannsóknir benda til þess
að fólk kjósi fremur að komast með skjótum hætti á leiðarenda
gegn því að þurfa að ganga aðeins lengra að viðkomustöð vagn-
anna. Annar mjög mikilvægur þáttur í þessu sambandi er skil-
greining forgangs í umferðinni og við erum að vinna að hug-
myndum um hvernig unnt verði að auka og efla samræmdan for-
gang í umferð innan alls þjónustusvæðis Strætó bs. Því má gera
ráð fyrir að strætisvagnarnir fái tiltekinn forgang á einhverjum
Hinir nýju vetnisknúnu strætisvagnar Strætó bs fyrir utan Ráöhús Reykjavíkur-
borgar. Vagnarnir hafa nú veriö í notkun í um það bil mánuö.
stöðum, einkum innan borgarmarka Reykjavíkurborgar. í því efni
er um nokkrar leiðir að ræða. Ein þeirra er forgangur sem stýrt
yrði af umferðaljósum en einnig er spurning um að leggja
ákveðnar akreinar og beygjur eingöngu undir akstur vagnanna."
Hjálpar mér að hafa ekið
Ásgeir hefur sjálfur ekið strætisvögnum, bæði hjá SVR, þar sem
segja má að hann hafi alist upp þar sem faðir hans, Efríkur Ás-
geirsson, var forstöðumaður í yfir 30 ár, og f Svíþjóð þar sem
hann ók strætisvögnum í sumarleyfum á námsárum sínum. Að-
spurður kveðst hann enn grípa í aksturinn enda hangir öku-
mannsjakki á herðatré í skrifstofu hans. „Ég tel mjög mikilvægt
fyrir mig í þessu starfi að hafa sjálfur ekið strætisvagni. Þannig
þekki ég starf ökumannsins af eigin raun og á auðveldara með að
setja mig f spor þeirra sem starfa úti á akbrautunum. Ég fylgist
einnig mun betur með starfseminni ef ég fer eina og eina ferð
sjálfur sem ökumaður. Ég hef brýnt fyrir starfsfólki okkar að veita
góða þjónustu og lagt mikla áherslu á mannlega þáttinn þegar
um samskipti við farþegana, viðskiptavini okkar, er að ræða og
einnig þá sem deila gatnakerfinu með strætisvögnunum. Góður
starfsandi hjálpar okkur að takast á við þau daglegu störf sem við
sinnum."
Nýir vetnisvagnar
á höfuðborgar-
svæðinu
Strætó bs. hefur tekið tvo nýja vetnisknúna strætisvagna í
notkun og sá þriðji er væntanlegur innan tíðar. Vetnisvagnarn-
ir eru hluti af sérstöku evrópsku rannsókna- og þróunarverk-
efni en einnig þáttur í áformum íslenskra stjórnvalda í um-
hverfsimálum.
Markmiðið með þessu verkefni er að prófa strætisvagna
sem nota vetni sem orku-
bera og eru knúnir efn-
arafölum. Vetnið er notað
til þess að framleiða raf-
orku sem síðan knýr
vagnana í stað þess að
koma þungum rafgeym-
um fyrir í þeim eins og
þekkt er í litlum rafknún-
um bílum. Útblástur frá
efnarafölum vagnanna er
eingögnu hrein vatnsgufa
og gefa þeir því enga
mengun frá sér. Hér er
um evrópskt samstarfs-
verkefni að ræða, skammstafað ECTOS, og stendur fyrir
„Ecological city transport system" eða vistfræðileg umferðar-
kerfi í borgum og er unnið af Islenskri nýorku fyrir tilstuðlan
Evrópusambandsins. Þáttur Strætó bs. í þessu verekefni er að
starfrækja þrjá vetnisknúna strætisvagna í tvö ár við venjuleg
aksturs- og umhverfisskilyrði á borð við mismunandi gatna-
kerfi og veðurfar og eru vagnarnir þegar farnir að aka eftir
leiðakerfum Strætó bs. á höfuðborgarsvæðinu.
16