Sveitarstjórnarmál - 01.11.2003, Blaðsíða 12

Vilja aukinn stuðning
við virkjun jarðhita
Samtök sveitarfélaga á köldum svæðum skora á iðnaðar- og við-
skiptaráðherra að auka stuðning við virkjun jarðhita til húshitunar.
á meðal Iokun urðunarstaða og eftirlit
með þeim í kjölfar lokunar. Björn segir að
rekstraraðilum sé skylt að taka gjald fyrir
förgun og að sveitarfélögum sé síðan
heimilt að innheimta gjald fyrir alla með-
höndlun úrgangs og tengda starfsemi er
samræmist heildarmarkmiðum laga. í því
efni megi nefna gjöld til þess að standa
undir kostnaði við þróun nýrrar tækni við
meðhöndlun úrgangs og einnig til
fræðslu- og kynningarmála. Hann segir að
um tryggingu fyrir starfsleyfi gildi þær
reglur að hún skuli gilda í allt að þrjá ára-
tugi eftir að urðunarstað er lokað og skuli
fjárhæð tryggingarinnar samræmast kostn-
aði við lokunina og einnig nauðsynlega
vöktun og sýnatöku sem Umhverfisstofn-
un telur nauðsynlega á 30 ára tímabili.
Brennslustöð fyrir 8 til 10
milljarða
í erindinu velti Björn fyrir sér hver yrði
ávinningurinn af stóraukinni vinnslu á líf-
rænum úrgangi. Hann kvaðst draga slíkan
árangur í efa í Ijósi þess að sjúkdómafár
og smithætta hafi þegar dregið úr mögu-
leikum á nýtingu slíkra afurða auk þess
sem nýjar kröfur hækki allan kostnað um-
talsvert. Reynist enginn markaður fyrir af-
urðir slíkrar vinnslu sé verið að kasta fjár-
munum á glæ. Hann segir að önnur
Evróputilskipun, nr.1771 frá 2002, muni
valda verulegum kostnaðarauka við alla
lífræna vinnslu og einnig draga úr mögu-
leikum til afsetningar á afurðum unnum úr
lífrænum úrgangi.
Á ársfundinum, sem haldinn var í tengsl-
um við fjármálaráðstefnu sveitarfélaganna,
voru meðal annars flutt erindi um niður-
greiðslu húshitunarkostnaðar, jarðhitaleit-
arátak Orkustofnunar og húshitunarkostn-
að sem ekki nýtur niðurgreiðslu. í einni af
ályktunum fundarins er skorað á iðnaðar-
og viðskiptaráðherra að auka stuðning við
virkjun jarðhita til húshitunar með þvf að
lengja viðmiðunartímabil stuðnings við
nýjar hitaveitur.
Jarðhitaleitarátakið verði
varanlegt verkefni
Jafnframt var skorað á ráðherra að beita
sér fyrir því að svokölluðu jarðhitaleitar-
átaki verði breytt í varanlegt verkefni sem
hafi það markmið að skilgreina sem best
hvar á landinu megi finna nýtanlegan
jarðvarma. Fundurinn leggur áherslu á að
forsendur verkefnisins verði að hluta til
teknar til endurskoðunar þar sem meðal
annars verði lögð áhersla á að kanna ein-
stök svæði markvissar en áður, að rann-
sóknum á hverju svæði þar sem Ijóst er að
hitaveitur geti orðið hagkvæmar verði lokið
sem mest í einni lotu og að verkefnið verði
tvískipt í annarsvegar frumrannsóknir með
gerð grunnra könnunarborhola og hinsveg-
ar vinnslu á dýpri rannsókarborholum.
Bent er á að heppilegt sé að fela útibúi
Orkustofnunar á Akureyri að hafa umsýslu
með verkefninu og lögð áhersla á að tengsl
verkefnisins við Orkusjóð verði efld.
Óhagræði sveitarfélaga á köldum
svæðum við að hita upp skólahúsnæði og
aðrar opinberar byggingar var einnig til-
efni til ályktunar á ársfundinum. Skorað er
á félagsmálaráðherra að beita sér fyrir því
að við útreikning útgjaldajöfnunar Jöfnun-
arsjóðs sveitarfélaga sé tekið tillit til þess.
Þá er skorað á fjármálaráðherra að breyta
reglum um skráningu virðisaukaskatt-
skyldra aðila svo nýstofnaðar hitaveitur
geti fengið virðisaukaskattsskráningu þótt
jafnvægi jafnvægi á innskatti og útskatti
virðisaukaskatts veitunnar náist ekki innan
10 ára tímabils.
Ný stjórn
Ný stjórn fyrir samtökin var kjörin á árs-
fundinum en hana skipa Magnús B. Jóns-
son, sveitarstjóri Höfðahrepps, sem er for-
maður, Kristinn Jónasson, bæjarstjóri Snæ-
fellsbæjar, og Þorsteinn Steinsson, sveitar-
stjóri Vopnafjarðarhrepps.
Nýja þorpið
stækkar ört
Bygging Laugaráss, hins nýja þorps við Kárahnjúka, er komin vel
á veg og gert er ráð fyrir að alls muni um 750 manns koma til
með að búa þar þegar flest verður. Auk bústaða starfsmanna er
verið að koma upp aðstöðu fyrir félagsþjónustu og íþróttaiðkun
og einnig hafa komið fram hugmyndir um að byggja sundlaug á
svæðinu. Þá er grunnskóli að taka til starfa í Laugarási en nokkur
börn eru nú þegar búsett við Kárahnjúka.
Alls eru um 900 manns starfandi á hálendinu vegna bygging-
ar Kárahnjúkavirkjunar. Flestir eru að störfum hjá ítalska verk-
takafyrirtækinu Impregilo eða um 850 manns og hátt í 50 manns
eru um þessar mundir að störfum á vegum Fosskrafts í Fljótsdald
en það fyrirtæki byggir stöðvarhús virkjunarinnar um 800 metra
inni íValþjófsstaðarfjalli.
Cert er ráð fyrir að hluti starfsmannanna muni eiga lögheimili
á Kárahnjúkasvæðinu á meðan þeir eru þar að störfum. Kára-
Steypustöð frá BM Vallá á Teigsbjargi á Valþjófsstaðarfjalli framleiðir steypu í
stöðvarhús Kárahnjúkavirkjunar, sem Fosskraft á Fljótsdalshéraði byggir um
800 metra inni í fjallinu.
hnjúkar tilheyra Norður-Héraði og gert er ráð fyrir að íbúafjöldi
sveitarfélagsins geti allt að tvöfaldast þegar hluti starfsmanna hef-
ur skráð heimili sín þar en sveitarfélagið telur nú um 300 íbúa.
12