Morgunblaðið - 29.12.2011, Síða 14

14 FRÉTTIRInnlent
MORGUNBLAÐIÐ FIMMTUDAGUR 29. DESEMBER 2011
VIÐ ÞÖKKUM KÆRLEGA FYRIR
VIÐSKIPTIN Á ÁRINU SEM ER AÐ
LÍÐA OG ÓSKUM YKKUR
FARSÆLDAR Á NÝJU ÁRI
HLÖKKUM TIL AÐ VINNA
FYRIR YKKUR ÁRIÐ 2012
  




 


  
  
 
   !




 "
Náttúruverndarsamtök Suð-
vesturlands fagna nýlegri
ákvörðun um stofnun jarð-
minjagarðs (Geopark) á
Reykjanesi en sveitarfélögin
á Suðurnesjum hafa nú
ákveðið að ganga til sam-
starfs um stofnun slíks garðs.
„Er það mikið fagnaðarefni
þar sem slík ráðstöfun er vel
til þess fallin að auka al-
menna vitund um mikilvægi
náttúruverndar á svæðinu.
Huga þarf vandlega að þeim
málaflokki, t.d. með tilliti til virkj-
ana og þeirra mannvirkja sem þeim
fylgja. Einnig þarf að gera ráðstaf-
anir til að koma í veg fyrir ut-
anvegaakstur, sem verið hefur mik-
ið vandamál á Reykjanesskaga,“
segir í ályktun samtakanna.
Þá minna samtökin á að 83%
þeirra erlendu ferðamanna sem
sækja landið heim eru hingað kom-
in í þeim tilgangi að upplifa
ósnortna náttúru. Þeir séu ekki
komnir hingað til að skoða stöðv-
arhús, borstæði, háspennulínur,
línuvegi, hitaveiturör og önnur slík
mannvirki.
Segja ferðamenn ekki koma til að skoða
stöðvarhús, borstæði og háspennulínur
Ljósmynd/elg
Reykjanes Göngufólk á Sveifluhálsi í Krýsuvík.
Grunnskólanemum með lögheimili á höfuðborg-
arsvæðinu gefst nú kostur á að kaupa nemakort
Strætó bs. en hingað til hafa þau einungis verið í
boði fyrir nema á framhalds- og háskólastigi. Nema-
kortið verður persónukort, sem nemar á aldrinum
6-18 ára fá keypt með staðfestingu á aldri sam-
kvæmt þjóðskrá. Nemar 18 ára og eldri geta líkt og
fyrr keypt sín kort samkvæmt staðfestingu á skóla-
vist frá viðkomandi skóla.
Sala á nemakortunum hófst 27. desember á
www.stræto.is. Þau taka gildi 1. janúar 2012 og
gilda til 31. maí. Aðeins verður hægt að greiða fyrir kortið með kred-
itkorti. Nemakortið kostar 15.000 kr. fyrir önnina og verður sent heim til
þeirra sem það kaupa.
Það eru sveitarfélögin sjö á höfuðborgarsvæðinu, Reykjavík, Hafn-
arfjörður, Kópavogur, Garðabær, Mosfellsbær, Seltjarnarnes og Álftanes,
sem bjóða nemendum úr sveitarfélögunum þessi sérkjör.
Grunnskólanemar geta keypt nemakort
N1 og Olís drógu í gær til baka
hækkanir á bensíni sem komu til
framkvæmda í fyrradag. Var það
gert í kjölfar þess að önnur olíufé-
lög fylgdu ekki í kjölfarið og héldu
bensínverðinu óbreyttu.
N1 og Olís hækkuðu bæði verðið í
fyrradag. Bensínlítrinn hjá N1 fór í
231,4 kr. í sjálfsafgreiðslu en 231,9
kr. hjá Olís. Hækkunin nam 3,5 kr.
hjá N1 og 4 kr. hjá Olís. Hækkunin
var rökstudd m.a. með veikara
gengi krónu gagnvart dollar og
hækkun á heimsmarkaði.
Morgunblaðið/Sverrir
Árið 2006 Í þá gömu góðu daga þegar
bensínlítrinn kostaði 122 krónur.
Drógu til baka
hækkun á bensíni
Hér á landi er
staddur norskur
vísindamaður að
nafni Harald
Harung, dósent
við Oslo Univers-
ity College í Nor-
egi. Hann heldur
fyrirlestur á veg-
um Íslenska
íhugunarfélags-
ins um rannsóknir sem hann, ásamt
öðrum, hefur gert á heilastarfsemi
afreksfólks á ýmsum sviðum.
Niðurstöður þessara rannsókna
benda til að heilastarfsemi afreks-
fólks sé sláandi lík þeirri heila-
starfsemi sem þróast við reglu-
bundna iðkun innhverfrar
íhugunar.
Fyrirlesturinn verður haldinn í
húsnæði Íslenska íhugunarfélags-
ins í Skúlatúni 2, fimmtudaginn 29.
desember kl. 16.
Fyrirlesturinn er fluttur á ensku
og er aðgangur ókeypis.
Heilastarfsemi af-
reksfólks rædd
Harald Harung
STUTT
ÚR BÆJARLÍFINU
Skapti Hallgrímsson
Akureyri
Samherji, eitt umsvifamesta sjáv-
arútvegsfyrirtæki landsins, afhenti í
gær 75 milljónir króna í styrki til
ýmissa samfélagsverkefna í Eyja-
firði, eins og raunar kemur fram á
bls. 2 í blaðinu í dag.
  
Athyglisvert var að forstjóri
fyrirtækisins, Þorsteinn Már Bald-
vinsson, sagði við þetta tækifæri að
ekki væri sjálfgefið að alþjóðlegt
sjávarútvegsfyrirtæki hefði höf-
uðstöðvar sínar á Íslandi og stýrði
markaðsstarfinu þaðan. Stjórnendur
þess kysu þó að haga málum þannig.
Ræturnar væru í Eyjafirði.
  
Kristján Vilhjálmsson, fram-
kvæmdastjóri útgerðarsviðs Sam-
herja, rifjaði upp í ávarpi í gær að
Samherji hefði fengið Útflutnings-
verðlaun forseta Íslands árið 2003.
  
Þorsteinn Már sagði að heims-
myndin í fisksölu væri allt önnur nú
en árið 2003. „Nýir markaðir hafa
komið til sögunnar, aðrir markaðir
hafa eflst. Í því sambandi vil ég sér-
staklega nefna að mikilvægi mark-
aða hefur flust frá Vestur-Evrópu til
landa á borð við Kína, Nígeríu,
Úkraínu og Pólland svo dæmi séu
nefnd,“ sagði forstjórinn.
  
Þorsteinn Már varpaði fram
þeirri spurningu í ávarpi sínu í gær,
hvort einhver í salnum vissi hve
margir þyrftu að borða fisk frá Sam-
herja einu sinni í mánuði til að neyta
þess magns afurða sem félagið fram-
leiðir og selur mánaðarlega.
  
Spurningunni svaraði forstjór-
inn sjálfur: „Það er ótrúlegt en satt
að svarið er: 150 milljónir manna
þurfa að jafnaði að borða fisk frá
Samherja einu sinni í mánuði til að
neyta þess magns afurða sem félagið
framleiðir og selur.“
„150 milljónir manna í hinum
ýmsu heimshornum, meðal annars í
Japan, Kína, Nígeríu, Rússlandi og
Vestur-Evrópu,“ sagði forstjórinn.
  
Þorsteinn Már sagði því að
sölu- og markaðsdeild fyrirtækisins
þjáðist seint af verkefnaskorti, því
eins og ávallt byggðist sölu- og
markaðsstarfið á því að hitta við-
skiptavininn og uppfylla óskir hans.
  
„Ef við lítum okkur aðeins nær
þá vil ég nefna að það þurfti á fjórðu
milljón Frakka til að borða það
magn af fullunnum ferskum þorsk-
hnökkum sem starfsstöðvarnar á
Akureyri og Dalvík sendu frá sér í
nóvember. Þetta er mögulegt með
nákvæmu samspili veiða, vinnslu,
flutninga og markaðsstarfs,“ sagði
Þorsteinn Már sem gagnrýndi í
ávarpi sínu fyrirhugaðar breytingar
í stjórnun fiskveiða.
  
Kristján Vilhelmsson hældi
starfsmönnum fyrirtækisins; ávarp-
aði þá með þeim orðum að þeir hefðu
unnið afburðavel, verið samvisku-
samir, sýnt frumkvæði og dugnað.
„Því miður hafið þið notið lítillar
uppskeru í umræðu hversdagsins,
því umræðan um atvinnugreinina
hefur verið á fremur neikvæðum
nótum og ekki í neinu samræmi við
þá verðmætasköpun og gjaldeyris-
öflun sem handverk ykkar hefur
skapað,“ sagði Kristján. „Ég vil því
hérna, í votta viðurvist, segja við
ykkur, ágæta starfsfólk, að þið eruð í
úrvalsdeild hvað sjósókn varðar,
hvað úrvinnslu aflans varðar og allt
til þess að koma vörunni í hendur er-
lendra kaupenda og fá allan gjald-
eyrinn greiddan heim.“
  
Styrkir Samherja, sem tilkynnt
var um í gær, voru til ýmissa félaga,
nema einn til afreksíþróttamanns.
Sundkonan Bryndís Rut Hansen úr
Óðni varð fyrir valinu að þessu sinni,
en hún hefur verið áberandi síðustu
misseri bæði hér heima og erlendis
og er hársbreidd frá því að tryggja
sér keppnisrétt á Ólympíuleikunum í
London næsta sumar.
  
Snorri Ásmundsson listamaður
býður upp á gjörning í Flóru í kvöld
og síðan mun hann spjalla við gesti
um list sína. Samkoman hefst kl. 20
og stendur til kl. 22.
  
Árleg úthlutun úr Afreks- og
styrktarsjóði Akureyrar fór fram í
vikunni. Þar kom fram að Akureyr-
ingar áttu á árinu 96 landsliðsmenn
frá níu félögum í 25 greinum.
Samherji mettar marga
Morgunblaðið/Skapti Hallgrímsson
Afreksstyrkur Bryndís Rut Hansen sundkona fékk afreksstyrk Samherja.
Ólafur Ragnar Grímsson forseti afhenti henni viðurkenningarskjal.
Ágúst Ingi Jónsson
aij@mbl.is
Ekki hefur reynst unnt að greina or-
sök dauða síldar sem fundist hefur á
fjörum í grennd við Stykkishólm.
Sýni sem starfsmenn Fiskistofu tóku
á svæðinu voru rotnuð og illa farin og
nýttust Hafrannsóknastofnun ekki
til rannsókna. Þær upplýsingar
fengust hjá Fiskistofu að eftirlits-
menn hefðu verið um borð í tveimur
skipum sem stunduðu síldveiðar á
svæðinu um miðjan og síðari hluta
nóvember. Á þeim tíma hefði ekki
verið tilefni til athugasemda. Sýking
hefur herjað á stofninn síðustu ár.
Talsvert hefur fundist af dauðri
síld á fjörum undanfarið og segir í
upplýsingum frá Fiskistofu að ekki
liggi fyrir hver hin raunverulega
ástæða sé eða hvort jafnvel liggi
fleiri en ein ástæða að baki. „Fiski-
stofa fylgist náið með framvindu
mála en ekki er hægt að svara því á
þessu stigi hvort fyrirhugaðar séu
breytingar fyrir næstu síldarvertíð,“
segir í svari Fiskistofu við fyrirspurn
blaðsins.
Nánara samstarf á næstu vertíð
Á heimasíðu LÍÚ er fjallað um
málið og þar segir að útgerðir síldar-
skipa hafi fundað og farið yfir þær
upplýsingar sem fyrir liggja. Haft er
eftir Friðriki J. Arngrímssyni, fram-
kvæmdastjóra LÍÚ, að fram hafi
komið að á vissum stöðum séu að-
stæður til veiðanna erfiðar, þar sem
þær séu stundaðar á mjög grunnu
vatni. Botnlag sé misjafnt og
straumar sterkir sem hafi óhjá-
kvæmilega leitt til þess að nætur hafi
rifnað og síld sloppið út jafnvel þó að
ýtrustu varúðar hafi verið gætt.
Friðrik segir að útgerðir síldar-
skipa leggi áherslu á að umgengni
um síldarmiðin verði eins góð og best
verður á kosið. Í því skyni hafi verið
ákveðið að samstarf útgerðanna um
veiðarnar verði enn nánara á næstu
vertíð en verið hefur við að miðla afla
á milli skipa og til að draga úr hætt-
unni á að óhöpp verði við veiðarnar.
„Útgerðirnar taka fréttir af dauðri
síld á Breiðafirði mjög alvarlega og
munu leggja sig allar fram um að
áhrif veiðanna verði eins lítil og
mögulegt er,“ er haft eftir Friðriki.
Ekki hægt að rannsaka
sýni vegna rotnunar
 Samstarf útgerða við síldveiðar enn nánara á næstu vertíð
Morgunblaðið/Gunnlaugur Árnason
Veiðar Mikið fékkst af síld skammt frá Stykkishólmi í haust og oft við erfið-
ar aðstæður. Dauð síld hefur fundist á fjörum, en óljóst er með dánarorsök.