Morgunblaðið - 29.12.2011, Side 17

FRÉTTIR 17Erlent
MORGUNBLAÐIÐ FIMMTUDAGUR 29. DESEMBER 2011
Fimm metra langur krókódíll, Elv-
is, réðst í gær á Tim Faulkner,
starfsmann í skriðdýragarði í Sydn-
ey. Maðurinn varðist áhlaupinu
með sláttuvél en Elvis sigraði og
dró vélina með sér niður í vatnið.
Hann dundaði sér allan morg-
uninn við leikfangið en loks tókst
að lokka hann burt með keng-
úrukjöti. Þá kafaði Faulkner eftir
vélinni og fann einnig tvær sjö
sentimetra langar tennur sem Elvis
hafði misst í slagnum. Faulkner
sagði Elvis, sem er þekktur fyrir
slæma hegðun, greinilega ánægðan
með afrekið þótt vélin væri að vísu
farin.
Krókódíllinn Elvis í Sydney er þekktur fyrir óþekkt og skrítin uppátæki
Nú skaltu
ekki
sleppa!
Reuters
Kristján Jónsson
kjon@mbl.is
Írönsk stjórnvöld hóta að loka olíu-
flutningaleiðinni um Hormuz-sund
ef vesturveldin beita Írana enn frek-
ari refsiaðgerðum vegna kjarnorku-
áætlunar landsmanna. Um þriðjung-
ur allra olíuflutninga á sjó í
heiminum fer um sundið sem er við
suðurenda Persaflóa. Heimsmark-
aðsverð á olíu hefur hækkað að und-
anförnu, meðal annars vegna deiln-
anna við Írana.
Habibollah Sayari, aðmíráll og yf-
irmaður íranska flotans, álítur að
það yrði mjög auðvelt að loka sund-
inu, „eins og að drekka vatn“, hefur
Guardian eftir honum. Flotinn efndi
fyrir skömmu til heræfinga á aust-
anverðu sundinu.
Evrópusambandið fær tæp 6% af
allri olíu sem það notar frá Íran.
Sambandið er nú að skipuleggja
hertar refsiaðgerðir vegna kjarn-
orkutilrauna Írana og er búist við að
þær verði tilbúnar í lok janúar. Ekki
er þó einhugur um þær og má líta á
hótanir Írana sem tilraun til að hafa
áhrif á niðurstöðuna. Bandaríkja-
menn þrengja nú þegar að olíuút-
flutningi Írana, sem stendur undir
um helmingi allra tekna ríkisins. Er
beitt refsiaðgerðum gegn ríkjum og
fyrirtækjum sem eiga samskipti við
seðlabanka Írans en um hann renna
öll olíuviðskipti landsins.
Heimildarmenn segja að aðgerð-
irnar séu þegar farnar að valda efna-
hag landsins miklum vanda. Verði
skrúfað fyrir allan olíuútflutning Ír-
ana segjast Sádi-Arabar munu bæta
hann upp með auknum útflutningi.
En áhrifin gætu orðið hærra olíu-
verð og því ljóst að Vesturveldin
verða að íhuga vandlega hvert skref.
Íranskir ráða-
menn hóta að
loka Hormuz
 Þriðjungur siglinga með olíu í hættu
Reuters
Niður með Bandaríkin! Mótmæla-
spjald á útifundi í Íran í gær.
Kjarnavopnadeilan
» Í nýrri skýrslu Alþjóðakjarn-
orkumálastofnunarinnar, IAEA,
kom fram að vísbendingar
væru um að írönsk stjórnvöld
væru að reyna að smíða kjarn-
orkuvopn.
» Takist þeim það er talið aug-
ljóst að mikið vopnakapphlaup
hefjist á svæðinu.
» Sádi-Arabar, Tyrkir og
Egyptar myndu einnig reyna að
koma sér upp slíkum vopnum.
Tæplega 80%
Dana hafa mikið
álit á konungs-
fjölskyldunni og
vilja frekar búa í
konungsríki en í
lýðveldi, sam-
kvæmt könnun
sem Politiken
birti í gær.
„Þetta er mun
meiri stuðningur
en við aðrar krúnur,“ segir lektor
við Kaupmannahafnarháskóla,
Lars Hovbakke Sørensen. 77% að-
spurðra sögðust ánægð með
krúnuna og aðeins 16% vildu frekar
forseta. Sørensen segir vinsældir
dönsku konungsfjölskyldunnar
stafa af því að henni hafi tekist að
nútímavæðast á réttum hraða. Ólíkt
þeirri bresku sem sé of gamaldags
og þeirri norsku sem fari of hratt í
þeim efnum.
Danir hæstánægðir
með kóngafólkið og
vilja ekki lýðveldi
Margrét Þórhildur
Danadrottning
Sýrlensk stjórnvöld slepptu í gær
755 manns sem voru fangelsaðir
vegna þátttöku í mótmælum gegn
Bashar al-Assad forseta og mönn-
um hans. Eftirlitsmenn frá Araba-
bandalaginu heimsóttu í fyrradag
borgina Homs, þar sem mótmælin
hafa verið áköfust en leiðtogar and-
ófsins benda á að ráðamenn í Da-
maskus beiti mennina blekkingum
og takmarki ferðafrelsi þeirra.
Frakkar tóku undir gagnrýnina í
gær og sögðu heimsóknina hafa
verið allt of stutta. Engar hindranir
mætti leggja á störf eftirlitshóps-
ins. Íbúar Baba Amro í Homs neit-
uðu í gær að hleypa eftirlits-
mönnum inn í hverfið vegna þess að
liðsforingjar úr sýrlenska hernum
voru í fylgd með þeim. Skriðdrekar
hersins hafa nú hörfað frá götum
Homs en óljóst hvort aðeins er um
hlé að ræða til að reyna að friða
Arababandalagið. kjon@mbl.is
Föngum sleppt
 Assad sagður beita blekkingum
Kristján Jónsson
kjon@mbl.is
Tugþúsundir Norður-Kóreumanna
voru við götuna í höfuðstaðnum
Pjongjang þegar Kim Jong-Il, fyrr-
verandi leiðtogi landsins, var kvadd-
ur í gærmorgun. Margir grétu ákaft
og stöppuðu fótum í jörðina til að
sýna hryggð sína en vafalaust líka
vegna kuldans. Sonur hins látna og
arftaki, Kim Jong-un, gekk við hlið
kistu föður síns.
Stjórnmálaskýrendur segja flest
benda til þess að reynt verði að
tryggja að valdaskiptin valdi sem
minnstu umróti í landinu. En of
snemmt sé þó að fullyrða að Kim
yngri verði raunverulegur leiðtogi.
„Snjórinn fellur endalaust eins og
tár,“ sagði hermaður í viðtali við n-
kóreska sjónvarpið. „Hvernig getur
himinninn annað en grátið þegar við
höfum misst hershöfðingjann okkar
sem var mikilmenni af himnum?“
Enn meiri hermennskubragur og
tilheyrandi gæsagangur einkenndu
athöfnina en þegar faðir hins látna
leiðtoga, Kim Il-Sung, lést 1994.
Tugir þúsunda hermanna lutu höfði
þegar líkfylgdin fór frá Kumsusan-
minningarhöllinni en þar hafði lík
leiðtogans fyrrverandi verið til sýnis
í glerkistu, búist er við að það verði
nú smurt og lagt til hinstu hvílu í
grafhvelfingu. Fyrsti hluti athafnar-
innar fór fram í höllinni og voru þar
aðeins viðstaddir æðstu ráðamenn
kommúnistaflokksins og hersins.
Fremst fór bíll með risastóra and-
litsmynd af Kim heitnum, skælbros-
andi, og fleiri farartæki. Því næst
kom aldraður glæsivagn af Lincoln
Continental-gerð sem flutti lík-
kistuna, hjúpaða rauðum fána. Hvít-
um blómum var raðað umhverfis
kistuna á þaki bílsins.
Lesið í niðurröðun
„Hinn mikli arftaki“, Kim Jong-
un, var klæddur síðum, dökkum
frakka en berhöfðaður og hanska-
laus, þrátt fyrir kuldann, við hlið lík-
vagnsins og með honum önnur fyr-
irmenni. Niðurröðunin gæti gefið
vísbendingar um valdastigann.
Heimildarmenn álíta samt að í
reynd sé Kim Hyong-hui, 65 ára
gamall hershöfðingi og systir hin
látna leiðtoga, líkleg til að verða
valdameiri en hinn óreyndi arftaki.
En eiginmaður hennar, Jang Song-
Thaek, er út á við mun öflugri og var
talinn ganga næstur Kim Jong-Il að
völdum. Jang er nú varaformaður
landvarnaráðs N-Kóreu.
Reuters
Kveðja Líkvagni með kistu Kim Jong-Ils ekið um snævi þaktar götur höfuðborgarinnar Pjongjang í N-Kóreu gær.
„Hvernig getur himinn-
inn annað en grátið?“
 Mikill hermennskubragur á útför Kim Jong-Ils í N-Kóreu
Einlægni? Liðsforingjar sýna sorg
sína við útförina í Pjongjang.