Morgunblaðið - 08.02.2012, Blaðsíða 24
24 MINNINGAR
MORGUNBLAÐIÐ MIÐVIKUDAGUR 8. FEBRÚAR 2012
✝ Gylfi Valtýssonfæddist í Kefla-
vík 16. desember
1937. Hann lést á
Heilbrigðisstofnun
Suðurnesja 27. jan-
úar 2012.
Foreldrar hans
voru hjónin Valtýr
Guðjónsson f. 8. maí
1910, d. 25. maí
1998 og Elín Þor-
kelsdóttir f. 18.
febrúar 1909, d. 6. apríl 1994.
Systkini Gylfa eru Emil f. 1936
og Guðrún f. 1948, hennar synir
eru Emil f. 1975 og Guðmundur
Valtýr f. 1977. Gylfi kvæntist 19.
ágúst 1961 Áslaugu Bergsteins-
dóttur f. 11. febrúar 1941, þau
skildu.
Börn Gylfa og Áslaugar eru
Elín f. 1960, hennar synir eru
Gylfi Freyr f. 1985, maki Ester
Harpa f. 1989, þeirra sonur Daní-
el Smári f. 2010, og Kristján f.
1988, maki Ása Lilja f. 1992,
þeirra dóttir Vaka f. 2011.
Ágústa Guðrún f. 1961, maki
Guðmundur Heinsson f. 1957,
þeirra börn eru
Jana María f. 1981,
Ingvi Rafn f. 1984,
maki Kristný Rós f.
1986, og Ari Steinn
f. 1996. Valtýr f.
1970, maki Erla
Jónsdóttir f. 1970,
þeirra synir eru
Elvar Örn f. 1998 og
Unnar Ernir f. 2000.
Á uppvaxtarárum
sínum dvaldi Gylfi á
sumrin í sveit hjá afa sínum Guð-
jóni Þórarinssyni og Maríu Guð-
mundsdóttur í Lækjarbug á Mýr-
um, einnig vann Gylfi í Kaup-
félagi Suðurnesja, Esso
Keflavíkurflugvelli og lærði síð-
an plötu- og ketilsmíði hjá Birni
Magnússyni í Keflavík. Eftir
námið vann hann á Vélaverk-
stæði Sverre Steingrimsen sem
hann eignaðist síðar. Síðustu ár
vann hann hjá Hjalta Guðmunds-
syni. Gylfi starfaði við iðn sína
allt til loka árs 2011.
Útför Gylfa fer fram í Kefla-
víkurkirkju í dag, 8. febrúar
2012 kl. 14.
Við sjáum að dýrð á djúpið slær,
þó degi sé tekið að halla.
Það er eins og festingin færist nær,
og faðmi jörðina alla.
Svo djúp er þögnin við þína sæng,
að þar heyrast englar tala,
og einn þeirra blakar bleikum væng,
svo brjóst þitt fái svala.
Nú strýkur hann barm þinn blítt og
hljótt,
svo blaktir síðasti loginn.
En svo kemur dagur og sumarnótt,
og svanur á bláan voginn.
(Davíð Stefánsson.)
Elsku pabbi, í dag kveðjum við
þig. Við hefðum viljað njóta sam-
veru þinnar miklu lengur.
Við þökkum allar góðu stund-
irnar sem við áttum með þér,
ógleymanlegu ferðirnar í sveitina,
bústaðinn og veiðiferðirnar, alltaf
varstu tilbúinn að leiðbeina okkur
og aðstoða. Barnabörnin eiga eft-
ir að sakna samverustundanna
með þér. Minningarnar hrannast
upp og eru margar og góðar og
eiga eftir að ylja okkur um ókom-
in ár.
Þakka þér fyrir allt sem þú
gafst af þér til okkar.
Guð geymi þig.
Elín, Valtýr og fjölskyldur.
Elsku besti pabbi minn.
Þú varst svo góður og svo fal-
legur.
Nú ertu farinn, við áttum ekki
von á að þú færir svo fljótt.
Fyrir mér varstu alltaf besti
pabbi í heimi.
Þú vildir alltaf allt fyrir okkur
gera. Þú varst sterkur, með stóra
og flotta lófa, með eindæmum
duglegur og sívinnandi.
Hæverskur, yfirlætislaus og
jafningi okkar allra.
Ég á svo margar yndislegar
minningar um þig. Ég minnist
með gleði
er við vorum að vaxa úr grasi,
allar veiðiferðirnar vestur á Mýr-
ar í Langá og nutum við þess að
vera saman fjölskyldan. Þetta var
og er alltaf sveitin okkar.
Alltaf máttum við systkinin
vera í kringum þig á verkstæðinu
og sýsla eitthvað. Alla tíð hafðir
þú endalausa þolinmæði. Þið Valli
bróðir unnuð alla tíð saman og
voruð góðir vinir. Þér þótti vænt
um það.
Þið nutuð þess að fara saman í
veiðitúra með Neville besta vini
þínum og fleiri góðum vinum.
Þetta var þitt yndi, einnig að
hlusta á djass og fylgjast með Liv-
erpool spila.
Barnabörnin voru þér hugleik-
in, enda gastu leikið endalaust við
þau, svo barngóður sem þú varst.
Þú varst æðrulaus varðandi
veikindin þín og barst þig ávallt
svo vel og kvartaðir aldrei.
Ég geymi í hjarta mínu allar
minningarnar sem við eigum sam-
an, elsku besti pabbi minn.
Megi englarnir umvefja þig.
Hvíl þú í friði.
Þín
Ágústa.
Elsku hjartans fallegi afi minn.
Nú hefur þú kvatt í hinsta sinn,
allt of snemma. Skarðið sem þú
skilur eftir þig er feiknastórt, svo
stórt að ég á aldrei eftir að trúa
því fyllilega að þú sért farinn.
Djassinn, glettnin og allar ótal
fögru minningarnar hjálpa mér að
muna þig eins og þú varst.
Ég var hjá þér þegar englarnir
komu og sóttu þig. Birtan og yl-
urinn sem umlukti þig var und-
urfagur, enda sæmir ekkert
minna manni eins og þér. Síðast
þegar við töluðum saman varstu
glaður í bragði og augun ljómuðu
– rétt eins og alltaf.
Ein af fyrstu minningum mín-
um var þegar þú hélst fótum okk-
ar í lófa þínum, nautsterkur, sagð-
ir okkur að vera teinrétt og sterk
á meðan þú lyftir okkur hátt upp í
loft. Skrækirnir og tístið í okkur
fékk þig til að hlæja en þarna
kenndir þú okkur að sýna kjark.
Bara með afa fékk maður að sjá
veröldina öðrum augum.
Þinn besti staður var inni í her-
bergi að hlusta á djass. Þegar þú
varst úti í bæ að útrétta laumaðist
ég stundum inn í herbergi og setti
Gling gló á fóninn og hermdi eftir
Björk syngja lagið Bella síma-
mær með álíka tilþrifum. Seinna
uppgötvaði ég sameiginlega
ástríðu okkar fyrir djassinum því
þú áttir tónlist Ellu Fitzgerald,
Louis Prima og Oscars Petersons
uppi í bústað, mér til mikillar
ánægju.
Sumarbústaðurinn er og verð-
ur alltaf táknmynd um þig og
vinnusemi þína. Borgarfjörðurinn
minnir mig á þig, landið þitt, ferð-
irnar gegnum Hvalfjörðinn, veiði-
túrana, hvað þú varst duglegur að
mála og dytta að húsinu. Ég man
þegar uppstoppaðir fuglar voru
stolt þitt og prýði. Sem fyrr var
ekkert mál að fá bústaðinn lán-
aðan en með því skilyrði að ég
leyfði ekki fuglunum að fljúga út
úr húsinu – sagðir þú og glottir við
tönn. Ég gleymi þessu aldrei,
prakkarinn sem þú ert!
Risastórar sterkar hendur þín-
ar, mótaðar af margra ára járn-
smíði og erfiðisvinnu, líða mér
aldrei úr minni. Þær gátu bókstaf-
lega allt. Í faðmi þínum var maður
öruggur fyrir hverju sem bjátaði
á og þú varst alltaf tilbúinn að
hlusta.
Ég man hve allt var spennandi
inni á skrifstofunni þinni heima:
reiknivél, pennar, stimplar og
allskyns pappírar. Leikurinn
kárnaði þó fljótt þegar þú áttaðir
þig á að því að ég hefði komist í
númeruðu reikningana í skúff-
unni. Með jafnaðargeði leiddirðu
mig fram og gafst mér möndlu-
köku og mjólkurglas. Það mættu
fleiri vera eins og þú.
Þú varst alltaf sérlega mynd-
arlegur maður og miklum kostum
gæddur. Hávaxinn, sterkbyggður
og fallegur. Skemmtilegur, stríð-
inn en góðhjartaður. Yfirvegaður,
verklaginn og laus við allt yfirlæti.
Sem barn óskaði ég þess að eign-
ast mann eins og þig og þó þú sért
farinn, elsku afi minn, þá ert þú
enn fyrirmyndin.
Það mættu sannarlega fleiri
vera eins og þú. Minningarnar
eru ótalmargar og ég er ljónhepp-
in að eiga þær allar með þér. Ég
hlakka til að hitta þig hinum meg-
in, ég bið englana mína fyrir þér.
Þeir skrýðast sínum fínustu stór-
sveitarfötum og blása bláa tóna í
alla heimsins lúðra þér til heiðurs,
með ástarkveðju frá mér og gæta
þín fyrir mig.
Elska þig að eilífu.
Þín
Jana María.
Mig langaði með nokkrum orð-
um að kveðja Gylfa móðurbróður
minn. Erfitt að sjá á eftir svona
manni sem var án efa fyrirmynd
margra í sinni fjölskyldu og vina-
hóp enda maður sem allt gerði
fyrir alla og allt var sjálfsagt.
Minnist alltaf tímans á Suðurgöt-
unni þar sem Gylfi og Áslaug
bjuggu við hliðina á mömmu hans
og pabba (ömmu og afa), var mað-
ur með annan fótinn þar og ávallt
velkominn, góðir tímar þar sem
maturinn var líka alltaf góður,
fyrst borðaði maður þar og svo yf-
ir til ömmu og afa í matinn hjá
þeim eða öfugt. Sama sagan var í
Heiðarbólinu þar sem alltaf var
gaman að vera, spilandi bobb í bíl-
skúrnum, Boulder Dash í
Commador 64 eða bara snúandi
sér í hringi í skrifstofustólnum
hans, andrúmsloftið hjá frænda
var alltaf afslappandi. Sumarbú-
staðaferðirnar voru líka mjög
skemmtilegar, mikið leikið og allt-
af fékk maður athygli frá frænda,
nóg af sælgæti og gosi og best var
þegar ég fékk að sitja á pallinum á
pikkanum hans um allar trissur í
sveitinni.
Magnaður karakter og tala nú
ekki um dugnaðinn, ég hitti Gylfa
á verkstæðinu sem hann átti í
mörg ár núna rétt fyrir jól og að
sjá þennan mann eftir öll hans ár
og tala nú ekki um veikindin
standa þar í báða fæturna berj-
andi og beygjandi stál allan dag-
inn var ótrúleg sjón, er alveg viss
um að hann hefur étið góðan
slatta af stálinu gegnum tíðina
miðað við úr hverju hann var
gerður, og gaman líka að sjá að
það smitaðist vel í Valla frænda,
en þeir feðgar eiga það sameig-
inlegt að vilja allt fyrir alla gera
og allt miklu meira en sjálfsagt.
Gylfi Valtýsson
✝ Geirlaug Jóns-dóttir fæddist að
Suðurgötu 24, Siglu-
firði, 19. september
1930. Hún lést á
Hrafnistu, Boða-
þingi, Kópavogi, 31.
janúar 2012.
Foreldrar hennar
voru hjónin Sigríður
Jónsdóttir og Jón
Kristjánsson. Systk-
ini: Jóhann Friðrik,
f. 1926, d, 1927; Sigurlaug Jóna,
f. 1927; Kristinn Jón, f. 1929.
Geirlaug giftist 31. desember
1958 Sigurði Guðmundssyni,
kaupmanni frá Ísafirði, f. 30. maí
1928, d. 26 desember 2006. Synir
þeirra: Gunnar Bachmann, f. 11.
ágúst 1959, d. 14. september
2001; Birgir Sigurðsson, f. 10.
október 1962, kvæntur Sólveigu
Bjarnþórsdóttur, f. 1.2. 1959.
Fósturdóttir: Nanna Lára Sig-
urjónsdóttir, f. 4. júlí 1990.
Geirlaug ólst upp á Siglufirði.
Þar var hún virkur félagi í skáta-
hreyfingunni. Hún var í fim-
leikaflokki íþróttakennarans
Helga Sveinssonar.
Þessi flokkur ferð-
aðist um landið
sumarið 1947 og
sýndi listir sínar.
Hún var gagn-
fræðingur frá
Gagnfræðaskóla
Siglufjarðar. Lauk
námi við Hús-
mæðraskólann
Ósk, Ísafirði, 1953.
Hún fluttist til
Reykjavíkur 1955 er hún gerðist
starfsmaður nýrrar verslunar
Sambandsins í Austurstræti. Á
Siglufirði hafði hún unnið í verls-
un Gests Fanndal um árabil. Eft-
ir að hún giftist vann hún með
manni sínum í verslun þeirra,
Matvali á Þinghólsbraut í Kópa-
vogi. Síðar vann hún um tíma í
Sunnuhlíð og naut seinna að-
hlynningar þar. Um árabil hafði
hún þjáðst af lungnaþembu og
var lungnasjúklingur um langan
tíma.
Útför Geirlaugar fer fram frá
Digraneskirkju í dag, 8. febrúar
2012, kl. 13.
Geirlaug var íbúi í Sambýlinu
Gullsmára, hún varð yngsta
heimiliskonan er hún flutti inn.
Það vafðist ekki fyrir henni að
skipta um herbergi við Siglfirð-
inginn Bíbí sem fannst her-
bergið heldur mikil bora, en í
þessari vistarveru leið Geir-
laugu vel og hún hafði vakandi
auga með því sem fór fram fyr-
ir utan gluggann. Ósjaldan
vinkaði ég til hennar er ég
mætti til vinnu. Nú er það
hennar að vinka mér og okkur
öllum úr himnaríki. Birgi og
öðrum ástvinum Geirlaugar
sendi ég samúðarkveðju með
eftirfarandi ljóði.
Fallin er hjartans fögur rós
og föl er kalda bráin.
Hún sem var mitt lífsins ljós
ljúfust allra er dáin.
Drjúpa hjóðlát tregatárin
og tómið fyllir allt.
Ekkert sefar hjartasárin
í sálu andar kalt.
Þögul sorg í sál mér næðir,
sár og vonar myrk
en Drottinn ætíð af gæsku græðir
og gefur trúarstyrk.
Hnípinn vinur harmi sleginn,
hugann lætur reika.
Kannski er hún hinumegin
í heilögum veruleika.
Þú ert laus frá lífsins þrautum
og liðin jarðarganga.
En áfram lifir á andans brautum
ævidaga langa.
Heimur bjartur bíður þar
og bráðum kem ég líka.
Þá verður allt sem áður var
er veröld finnum slíka.
Drottinn verndar dag og nótt
á dularvegi nýjum.
Aftur færðu aukinn þrótt
í eilífð ofar skýjum.
Þú alltaf verður einstök rós,
elsku vinan góða.
Í krafti trúar kveiki ljós
og kveðju sendi hljóða.
(Jóna Rúna Kvaran)
Blessuð sé minning Geirlaug-
ar Jónsdóttur.
Jóhanna B. Magnúsdóttir.
Geirlaug
Jónsdóttir
✝
Ástkær eiginmaður minn, faðir okkar og afi,
EINAR GÍSLI GUNNARSSON,
Logafold 29,
Reykjavík,
fórst með Hallgrími SI-77 miðvikudaginn
25. janúar.
Minningarathöfn fer fram í Grafarvogskirkju
föstudaginn 10. febrúar kl. 13.00.
Þeim sem vilja minnast hans er bent á að láta Slysavarnaskóla
sjómanna njóta þess.
Ásrún Sólveig Leifsdóttir,
Gyða Hrönn Einarsdóttir, Áslaug Rán Einarsdóttir,
Sóley Unnur Einarsdóttir, Dýrleif Bára Einarsdóttir,
Guðbjörg Rún Torfadóttir.
✝
Okkar ástkæra móðir, tengdamóðir, amma
og langamma,
MARGRÉT GUÐMUNDSDÓTTIR
frá Fífuhvammi,
Digranesheiði 14,
Kópavogi,
lést í Sunnuhlíð laugardaginn 4. febrúar.
Útför hennar fer fram frá Digraneskirkju föstudaginn 10. febrúar
kl. 13.00.
Sigurjón Antonsson,
Hrafn Antonsson, Iða Brá Þórhallsdóttir,
Hilmar Antonsson, Þóra S. Guðmundsdóttir,
Rúnar Antonsson, Birna H. Ragnarsdóttir,
Guðmundur Antonsson, Auður Gunnarsdóttir,
barnabörn og barnabarnabörn.
✝
Elsku móðir okkar, tengdamóðir, amma og
langamma,
INGVELDUR JÓNÍNA ÞÓRÐARDÓTTIR,
Inga Þórðardóttir,
frá Sandfelli Vestmannaeyjum,
síðast til heimilis á hjúkrunar- og
dvalarheimili Holtsbúð, Vífilsstöðum,
Garðabæ,
lést á heimili sínu fimmtudaginn 2. febrúar.
Útförin fer fram frá Laugarneskirkju þriðjudaginn 14. febrúar
kl. 13.00.
Þeim sem vilja minnast hennar er bent á Minningarsjóð
Holtsbúðar, s. 535 2200.
Snorri Þ. Rútsson, Hrefna Baldvinsdóttir,
Jónína Rútsdóttir, Jón Pétur Jónsson,
Gylfi Þ. Rútsson, Ágústa Kristjánsdóttir,
barnabörn og barnabarnabörn.
✝
Ástkær eiginkona mín, móðir okkar, tengda-
móðir, amma og langamma,
MARGRÉT SIGHVATSDÓTTIR,
Víðigerði 8,
Grindavík,
lést í faðmi fjölskyldunnar á hjúkrunar-
heimilinu Víðihlíð í Grindavík föstudaginn
3. febrúar.
Útförin verður gerð frá Grindavíkurkirkju föstudaginn
10. febrúar kl. 14.00.
Páll Hreinn Pálsson,
Margrét Pálsdóttir, Ársæll Másson,
Páll Jóhann Pálsson, Guðmunda Kristjánsdóttir,
Pétur Hafsteinn Pálsson, Ágústa Óskarsdóttir,
Kristín Elísabet Pálsdóttir, Ágúst Þór Ingólfsson,
Svanhvít Daðey Pálsdóttir, Albert Sigurjónsson,
Sólný Ingibjörg Pálsdóttir, Sveinn Ari Guðjónsson,
ömmu- og langömmubörn.
✝
Ástkær eiginmaður minn, faðir okkar og afi,
STEFÁN BJARNASON
flugvélstjóri,
lést í faðmi fjölskyldunnar á Landspítalanum
við Hringbraut sunnudaginn 22. janúar.
Útförin fer fram frá Víðistaðakirkju föstu-
daginn 10. febrúar kl. 13.00.
Eygló Gunnarsdóttir,
Ómar Stefánsson,
Sara Stefánsdóttir,
Rakel Stefánsdóttir,
Stefán Þór Stefánsson
og barnabörn.