SunnudagsMogginn - 19.02.2012, Side 8

8 19. febrúar 2012
In the Land of Blood and Honey hermir af Danijel
(Goran Kostic), hermanni sem berst fyrir Bosníu-
Serba, og múslímsku listakonunni Ajlu (Zana Mar-
janovic), sem kemur í fangabúðir sem hann hefur
umsjón með. Svo vill til að fyrir stríð höfðu þau rugl-
að saman reytum. Ajlu bíður það hlutverk að verða
kynlífsambátt serbneskra hermanna ásamt fleiri
konum í búðunum og Danijel er vandi á höndum.
Ástin blossar upp á ný en eru hinar yfirþyrmandi að-
stæður unga fólkinu um megn?
Í Banja Luka, stærstu borg Bosníu & Hersegó-
vínu þar sem Serbar eru í meirihluta, verður In the
Land of Blood and Honey ekki sýnd. „Ég vildi að ég
ætti kvikmyndahús í Sarajevo til að geta grætt á
myndinni. Það get ég ekki hér. Þessi mynd er ein-
faldlega ekki boðleg í Banja Luka,“ segir kvik-
myndahúsaeigandinn Vladimir Ljevar. Í Pale kveðst
laganeminn Zeljko Stanković ekki geta hugsað sér
að sjá myndina. „Það yrði mjög óþægileg tilfinning.
Hvernig myndi Bandaríkjamönnum líða ef þeir
horfðu á mynd þar sem landar þeirra vinna slík
voðaverk?“
Gamla ástkonan
gerð að kynlífsambátt
Angelina Jolie ásamt aðalleikurum nýju kvikmyndar-
innar, Zana Marjanović og Goran Kostić.
Reuters
Frumraun bandarísku leikkonunnar ogmannréttindafrömuðarins Angelinu Jolieá leikstjórastóli, In the Land of Blood andHoney, hefur valdið titringi í vikunni en
hún var frumsýnd á kvikmyndahátíðinni í Berlín
síðastliðinn mánudag og í Sarajevo, höfuðborg
Bosníu & Hersegóvínu, degi síðar. Um er að ræða
dramatíska ástarsögu en sögusviðið er stríðið í
Bosníu fyrir um tveimur áratugum. Þykir myndin
bersögul og hvergi dregið af við lýsingar á fjölda-
morðum og nauðgunum Bosníu-Serba á konum í
Sarajevo. Gömul sár eru ýfð upp við misjafnar
undirtektir heimamanna enda ástandið ennþá
eldfimt á Balkanskaganum eftir bræðravígin sem
þar voru framin. Rök Jolie fyrir því að gera mynd-
ina eru á hinn bóginn einföld – að halda verði sög-
unni til haga. Hún sé víti til varnaðar.
Jolie upplýsti í samtali við breska dagblaðið The
Guardian í vikunni að sér og nokkrum serbnesk-
um leikurum myndarinnar hefðu borist hótanir í
kjölfar frumsýningarinnar í Sarajevo sem hún var
sjálf viðstödd ásamt bónda sínum, leikaranum
Brad Pitt. „Ég hef fengið sendingar og orð hafa
verið látin falla í netheimum. Leikararnir hafa
aldrei kvartað undan þessum hótunum við mig en
ég hef heyrt annars staðar frá að þær hafi átt sér
stað. Bílrúða var brotin hjá einum þeirra og aðrir
lentu í því að brotist var inn í símana þeirra og
tölvupóstur sendur í þeirra nafni þess efnis að þeir
hefðu orðið fyrir skaða. Það er hrollvekjandi til
þess að vita að fólk hugsi svona.“
Óttast ekki líkamsmeiðingar
Jolie segir leikurunum hafa staðið til boða að yf-
irgefa svæðið en enginn þeirra þegið það. Á hinn
bóginn hætti hún við að vera viðstödd frumsýn-
ingu myndarinnar í Belgrað, höfuðborg Serbíu.
Það mun þó ekki hafa verið af öryggisástæðum.
„Hótanir um líkamsmeiðingar trufla mig ekki
mest í þessu sambandi enda hef ég komið til fjöl-
margra landa þar sem bandarískum konum eins
og mér, sem tala enga tæpitungu, er hótað með
ýmsum hættti, Afganistans og fleiri landa.“
Fjarvera Jolie í Belgrað er þvert á móti yfirlýsing
af hálfu leikstjórans. „Mér hugnast ekki að kvik-
mynd sem þessi sé notuð sem tæki, allra síst á
kosningaári, og að fólk skelli á hana merkimiða,
án þess að hafa séð hana. Hvað þá reyni að hvetja
til óhæfuverka og ofbeldis.“
Aðalleikari In the Land of Blood and Honey,
Goran Kostić, er í flókinni stöðu en hann er sjálfur
Bosníu-Serbi frá Sarajevo og faðir hans var yf-
irmaður í hernum meðan á stríðinu stóð án þess
þó að fremja glæpi, að sögn Kostić. „Það eru
örugglega einhverjir tilbúnir að láta mig hafa það
óþvegið,“ sagði hann við The Guardian en Kostić
bjó sjálfur í Lundúnum meðan á stríðinu stóð og
nú í Frakklandi. „Serbar töldu stríðið eiga rétt á
sér og faðir minn stóð í þeirri meiningu að hann
væri að vinna þjóð sinni gagn. Síðan fór allt úr
böndunum. Faðir minn er ósáttur við margt sem
átti sér stað í þessu stríði.“
Kostić segir fjölskyldu sína styðja heilshugar við
bakið á sér og láta ásakanir um svik sem vind um
eyru þjóta. Faðir hans á eftir að sjá myndina.
Angelina Jolie kynnir mynd sína, In the Land of Blood and Honey.
AP
Jolie skekur
Balkanskagann
Fyrsta kvikmyndin sem leik-
konan leikstýrir veldur titringi
Vikuspegill
Orri Páll Ormarsson orri@mbl.is
Jolie í Sarajevo ásamt manni sínum, Brad Pitt.
AP
Áætlað er að 100.000 manns
hafi fallið í stríðinu í Bosníu &
Hersegóvínu, þar af 8.000
múslímskir menn og drengir í
Srebrenica árið 1995. Stríðs-
dómstóllinn í Haag hefur lýst
það þjóðarmorð. Talið er að
allt að 50.000 konum hafi
verið nauðgað, einkum músl-
ímum, meðan á stríðinu stóð. Reuters
100.000 féllu,
50.000 nauðgað
– fyrst og fre
mst
ódýr!
33%afslátturDÚ
NDUR-
VERÐ
998kr.kg
Verð áður 1498 kr. kg
Grísakótilettur