SunnudagsMogginn - 26.02.2012, Page 32

32 26. febrúar 2012
MMaður fyllist óhjákvæmilega mikilli aðdáuná þessu örsnauða fólki sem gengur fram ívongleði og af krafti og er staðráðið í aðbæta líf sitt og sjá sér og sínum farborða.
Vandamálin eru gríðarleg samanborið við það sem við Ís-
lendingar eigum að venjast.“
Þetta segir herra Karl Sigurbjörnsson biskup sem heim-
sótti Afríkuríkið Malaví fyrr í þessum mánuði.
Honum þykir þátttaka okkar Íslendinga í hjálpar- og
þróunarstarfi á þessum slóðum í heiminum nauðsynleg.
„Við þurfum að muna að fyrir hundrað árum vorum við
meðal fátækustu þjóða heims og nutum margvíslegrar
aðstoðar annarra þjóða við að byggja upp nútíma-
samfélag. Okkur ber því skylda til að hjálpa öðrum þjóð-
um enda erum við, þrátt fyrir allt, sannarlega aflögufær,“
segir Karl og bætir við að heldur megi herða róðurinn
frekar en hitt.
Frjósamt en fátækt land
Malaví er eitt fátækasta ríki Afríku með um fimmtán
milljónir íbúa. Vandamálin eru margvísleg og yfirþyrm-
andi. Landið er frjósamt en gegndarlaust hefur verið
gengið á skógana með alvarlegum afleiðingum. Útflutn-
ingur þjóðarinnar byggist að mestu á tóbaksrækt sem er
að dragast saman. Reykingar eru á undanhaldi í heim-
inum og á sama tíma hafa mannréttindasamtök skorið
upp herör gegn barnaþrælkun en löng hefð er fyrir því í
Malaví að heilu fjölskyldurnar vinni saman við fram-
leiðsluna. Tóbakið hefur lengi staðið undir efnahag Malaví
sem er fyrir vikið rústir einar. Afleiðing af því er meðal
annars olíu- og lyfjaskortur en að sögn Karls er ekki óal-
gengt að fólk þurfi að bíða í þrjá sólarhringa eftir bensíni á
bílinn. Þá eru fólksfjölda- og heilsufarsvandamál óvíða
meiri en í Malaví.
Á sama tíma og þetta ástand ríkir segir Karl Kínverja
hafa gefið þjóðinni nýtt og glæsilegt þinghús, enn glæsi-
legra ráðstefnuhús og fimm stjörnu hótel. Mulið sé undir
valdastéttina. Það er gömul saga og ný.
Karl fór til Malaví ásamt tveimur starfsmönnum Hjálp-
arstarfs kirkjunnar, Jónasi Þórissyni framkvæmdastjóra
og Önnu M.Þ. Ólafsdóttur, verkefnastjóra erlendra verk-
efna, en þjóðkirkjan hefur unnið að þróunarverkefni í
landinu undanfarin sex ár í samstarfi við lútersku kirkj-
una í Malaví.
Karl segir kristna trú vaxa hratt í Afríku og þúsundir
taki skírn á degi hverjum, Malaví sé þar engin und-
antekning. Lúterska kirkjan sem var agnarsmá fyrir
tveimur áratugum telur nú hundruð þúsunda. Þessum
vexti fylgja margvísleg vandamál, svo sem hvað varðar
menntun presta og fræðara.
Hjálparstarf kirkjunnar hefur í samvinnu við Þróun-
arstofnun lútersku kirkjunnar Í Malaví haft aðkomu að
ýmsum verkefnum í um fjörutíu þorpum í Malaví. Nefnir
Karl fyrst verkefni sem snýr að vatnsöflun, borun eftir
vatni, gerð brunna og útvegun og uppsetningu á dælum,
og í framhaldi nýtingu affallsvatns til ræktunar, svo sem á
grænmeti í matjurtargörðum. Þá hafa tré verið gróðursett
kringum vatnsbólin til kælingar. „Þetta verkefni er ekki
bara tæknilegt, heldur líka samfélagslegt. Fólkinu er
kennt að bera ábyrgð á vatnsbólunum og annast viðhald á
þeim. Það var merkilegt að koma í þorp þar sem verið var
að þjálfa konurnar í að sinna viðhaldi dælunnar,“ segir
Karl og bætir við að áveituverkefni komi til með að
Þessu
lýkur
aldrei!
Biskupinn yfir Íslandi, herra
Karl Sigurbjörnsson, er nýkom-
inn heim frá Afríkuríkjunum
Malaví og Kenía, þar sem hann
kynnti sér hjálpar- og þróun-
arstarf. Hann segir margt vera
vel gert og augljósan árangur
hafa náðst með starfinu en
„betur má ef duga skal“.
Orri Páll Ormarsson orri@mbl.is
Karl Sigurbjörnsson biskup við einn brunnanna sem Íslendingar hafa tekið þátt í að setja upp í Malaví.
Glatt á hjalla í einu þorpanna sem biskup sótti heim í Malaví.