Morgunblaðið - 10.08.2012, Blaðsíða 12
12 FRÉTTIRInnlent
MORGUNBLAÐIÐ FÖSTUDAGUR 10. ÁGÚST 2012
Síðumúla 16 ~ 108 Reykjavík ~ Sími: 580 3900 ~ fastus.is
Fastus til framtíðar
Bjóðum öflugar og endingargóðar
vélar frá Electrolux og Primus.
Hafðu samband við söluráðgjafa
okkar og við aðstoðum þig við að
finna hagkvæmustu lausnina.
ÞVOTTAVÉLAR, ÞURRKARAR,
STRAU- OG BROTVÉLAR
Kristján H. Johannessen
khj@mbl.is
Grafin var rás í landið á Hrafna-
björgum í Laugardal við Ísafjarð-
ardjúp í gærkvöldi þar sem sinueld-
ar hafa logað síðan á föstudag.
Rásin á að koma í veg fyrir að eld-
urinn geti breiðst frekar út.
Þegar eldurinn kom fyrst upp var
hann afmarkaður í svokölluðum
Hrossatanga en að undanförnu hef-
ur hann breiðst hratt út og talið er
að um fimm hektarar lands hafi
þegar brunnið. Engin mannvirki
eru sögð í hættu.
Slökkviliðsmenn frá Ísafirði, Bol-
ungarvík og Súðavík hafa við erf-
iðar aðstæður barist við gróðureld-
ana og hafa þeir m.a. notið liðsinnis
björgunarsveita og þyrlusveitar
Landhelgisgæslunnar. Að auki hef-
ur verið notast við haugsugu sem
dælt hefur miklu magni af vatni yfir
brunasvæðið en vegna bilunar var
ekki von á annarri slíkri til að-
stoðar.
„Við erum ekki vanir þessu“
Um 20 slökkviliðsmenn stóðu
vaktina í gær en mjög erfiðlega hef-
ur gengið að ráða niðurlögum elds-
ins sem ítrekað hefur blossað upp
aftur.
„Ég er að reyna að finna skipti-
mannskap þannig að þeir fái hvíld,
því þetta er miklu meira en erf-
iðisvinna,“ segir Þorbjörn Jóhann,
slökkviliðsstjóri á Ísafirði, og bætir
við að hópurinn sé, þrátt fyrir mjög
krefjandi aðstæður, brattur og
gangi einbeittur til verks.
Mannskapurinn er ekki mjög
vanur því að takast á við gróð-
urbruna af þessari stærðargráðu og
því má segja að aðgerðin sé að vissu
leyti spiluð af fingrum fram. „Við
höfum náttúrlega ráðfært okkur við
þá sem hafa lent mikið í þessu en
við erum ekki vanir þessu hér fyrir
vestan. Það er mjög sjaldgæft að fá
svona jarðvegsbruna,“ segir Þor-
björn Jóhann en meðal þess sem
torveldar slökkvistörf eru sterkir
vindar á svæðinu og hversu vel glóð
hefur náð að læsa sig í mó og mosa.
„Það er glóð alls staðar undir og
eldurinn blæs bara upp við vind.“
Veðurspá næstu daga er fremur
óhagstæð en spáð er nokkuð hvöss-
um vindi og má því allt eins búast
við að slökkvistörf dragist eitthvað
á langinn.
Í gær barst kærkominn liðsauki
frá Hólmavík en þrátt fyrir aukinn
mannskap segir Þorbjörn Jóhann
nokkuð ljóst að kalla verði eftir enn
frekari aðstoð takist ekki að
slökkva eldinn á næstunni. „Ætli
maður endi ekki hjá stóra bróður,“
segir hann spurður hvort leitað
verði á náðir Slökkviliðsins á höf-
uðborgarsvæðinu og bætir við: „Ef
það er útlit fyrir að við séum að
missa þetta, þá hikum við ekkert
við það.“
Geta sent tugi manna á svæðið
Jón Viðar Matthíasson, slökkvi-
liðsstjóri á höfuðborgarsvæðinu,
segir það sjálfsagt að senda bæði
mannskap og búnað vestur til að-
stoðar verði þess óskað. „Þetta eru
mjög mannkrefjandi aðgerðir og
erfitt slökkvistarf því þegar glóðin
og eldurinn eru komin í ræturnar er
mjög erfitt að eiga við þetta,“ segir
Jón Viðar en að auki segir hann
slökkviliðsmenn þurfa að beita sér-
stakri aðferð þegar tekist er á við
gróðurelda af þessari stærðargráðu.
Í því samhengi bendir hann m.a.
á að mikilvægt sé að setja upp
ákveðnar varnarlínur og kalla fljótt
út mikinn mannskap. „Þannig kom-
umst við aðeins fram fyrir vandann
en ef fáir menn berjast við svona
eld þurfa þeir dálítið að elta vand-
ann.“
Berist slökkviliðinu á höfuðborg-
arsvæðinu beiðni um aðstoð segist
Jón Viðar geta sent nokkra tugi
slökkviliðsmanna ásamt öflugum
tækjabúnaði á svæðið. „Það er best
að senda menn í flugi en svo er líka
hægt að aka búnaði vestur. Við er-
um með slöngugám á gámabíl sem
er með nokkur hundruð metra af
slöngum og svo erum við með laus-
ar dælur sem við myndum senni-
lega senda líka,“ segir Jón Viðar en
segir mikilvægast af öllu að fá fleiri
hendur til að vinna verkið.
Gróðureldar hafa logað í viku
Barátta Vika er nú liðin frá því að eldur kviknaði í Laugardal við Ísafjarðardjúp og nutu slökkviliðsmenn um stund
liðsinnis þyrlu Landhelgisgæslunnar. Beltagrafa bjó til rof í gróðurþekju til að hefta frekari útbreiðslu eldsins.
Um tuttugu slökkviliðsmenn börðust við eldinn í gær Slökkviliðsstjórinn á Ísafirði útilokar ekki að
kalla eftir aðstoð af höfuðborgarsvæðinu Haugsugur, beltagrafa og þyrla Gæslunnar notuð við verkið
Eldur í Laugardal
Sk
öt
uf
jö
rð
ur
M
jó
ifj
ör
ðu
r
Lóndjúp
Hrafnabjörg
BirnustaðirLaugaból
Laugabólsvatn
La
ug
ard
alu
r
Loftmyndir ehf.
Veiðihús
Eldsupptök Ætlunin var að flytja 20 tonna haugsugu frá Flúðum
í Hrunamannahreppi vestur í Djúp, en bilun kom
upp svo það brást. Málið verður skoðað í dag ef við-
gerðir takast, en haugsugan sem um ræðir hefur
verið nýtt við slökkvistarf sinuelda á Suðurlandi við
góða raun.
Ástandið er að sögn viðstaddra mjög erfitt við-
ureignar, mikið er um eldsmat og lítið þurfi til að
eldur blossi upp á nýjan leik. Ómar Már Jónsson,
sveitarstjóri í Súðavík, segir þyrlu Landhelgisgæsl-
unnar hafa skipt sköpum við að ná tökum á ástand-
inu en á ekki von á að hún verði notuð meira. „Á meðan við getum
komið í veg fyrir að eldurinn breiðist frekar út teljum við að það sé
frekar þessara tækja að slökkva glóð og staka elda sem koma upp.“
Þyrlan verður þó í viðbragðsstöðu ef á þarf að halda.
Þyrlan veitti mikilvæga aðstoð
GRÓÐURELDAR Á VESTFJÖRÐUM
Ómar Már
Jónsson
Sr. Þorvaldur Víðisson hefur verið
ráðinn biskupsritari úr hópi 30 um-
sækjenda, 15 karla og 15 kvenna.
Var hann talinn best til þess fallinn
að gegna starfinu og hefur hann
störf með haustinu, segir í frétt á
vef þjóðkirkjunnar. Hagvangur
annaðist umsóknarferlið.
Sr. Þorvaldur er 39 ára að aldri.
Hann útskrifaðist frá Háskóla Ís-
lands með kandídatspróf í guð-
fræði árið 2001. Hann vígðist til
prests árið 2002 og tók við prests-
starfi í Vestmannaeyjum það ár og
starfaði þar til ársins 2006. Hann
var síðan miðborgarprestur á ár-
unum 2006 til
2010 og síðan
prestur í Nes-
kirkju til apríl
2011. Frá apríl
2011 hefur hann
gegnt sóknar-
prestsstöðu í
Niðaróssbisk-
upsdæmi í Nor-
egi.
Séra Þorvald-
ur Karl Helgason hefur gegnt
starfi biskupsritara undanfarin ár
en hann sagði starfinu lausu.
sisi@mbl.is
Þorvaldur Víðisson ráðinn biskupsritari
Þorvaldur
Víðisson
Valnefnd Langholtsprestakalls
ákvað á fundi sínum 1. ágúst sl.
að leggja til við biskup Íslands að
sr. Guðbjörg Jóhannesdóttir yrði
skipuð í embætti sóknarprests í
Langholtsprestakalli frá 1. októ-
ber nk. Umsóknarfrestur um
embættið rann út hinn 18. júlí sl.
Valnefnd skipa níu manns úr
prestakallinu auk prófasts
Reykjavíkurprófastsdæmis vestra.
Biskup skipar þann umsækjanda í
embættið sem valnefnd hefur náð
samstöðu um, enda telji hann
niðurstöðu valnefndar reista á
lögmætum sjónarmiðum.
Umsækjendur auk séra Guð-
bjargar voru: Séra Jón Ragn-
arsson, séra Kristín Þórunn
Tómasdóttir, Sveinbjörn
Dagnýjarson guðfræðingur, séra
Þórhildur Ólafs, séra Þórir Jökull
Þorsteinsson og
séra Þorvaldur
Víðisson.
Séra Jón
Helgi Þór-
arinsson hefur
gegnt embætti
sóknarprests við
Langholts-
kirkju.
Séra Guð-
björg er 43 ára gömul og starfar
nú sem prestur við Hafnarfjarð-
arkirkju. Hún hefur verið prestur
í þjóðkirkjunni frá 1998. Hún var
lengi sóknarprestur á Sauð-
árkróki en hefur einnig gegnt
prestsþjónustu í Reykjavík og á
Selfossi. Hún er jafnframt for-
maður Prestafélags Íslands.
sisi@mbl.is
Séra Guðbjörg í Langholtsprestakall
Guðbjörg
Jóhannesdóttir