Morgunblaðið - 10.08.2012, Blaðsíða 44
FÖSTUDAGUR 10. ÁGÚST 223. DAGUR ÁRSINS 2012
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 399 ÁSKRIFT 4390 HELGARÁSKRIFT 2750 PDF Á MBL.IS 2550
1. Varasamt að fjarlægja skapahárin
2. Mel B hellir olíu á eldinn
3. Telur hreinlegra að fjarlægja hárin
4. Fyrrverandi berst fyrir lífi sínu
»MEST LESIÐ Á mbl.is
FÓLK Í FRÉTTUM
Um helgina heldur Guðrún Gunn-
arsdóttir ásamt hljómsveit tónleika á
Vopnafirði, Húsavík og Dalvík. Fluttar
verða dægurlagaperlur Sigfúsar Hall-
dórssonar ásamt því að Guðrún segir
frá hinu ástsæla tónskáldi.
Morgunblaðið/Eggert
Syngur dægurlaga-
perlur Sigfúsar
Fiðluleikarinn
Páll Palomares og
gítarleikarinn Ög-
mundur Þór Jó-
hannesson halda
tónleika í Salnum
í Kópavogi í kvöld
sem bera yfir-
skriftina Suðræn-
ir dansar.
Á tónleikunum verða flutt ýmis
verk eftir Paganini, Bartok, De Falla,
Ravel og Piazzolla í suðrænum stíl og
hefst fjörið kl. 20.
Suðrænir dansar
í Salnum í kvöld
Hin vinsæla Hinsegin bókmennta-
ganga hefst á Ingólfstorgi í dag kl. 17.
Í ár mun Úlfhildur Dags-
dóttir bókmenntafræðingur
leiða gönguna og henni til
halds og trausts verður
leikarinn Darren Fore-
man.
Gengið verður um
miðborg
Reykjavíkur og
er leiðsögnin ein-
ungis á ensku í
þetta sinn.
Hinsegin bókmennta-
ganga í miðbænum
Á laugardag Sunnan 8-13 m/s og rigning eða súld sunnan- og
vestanlands, en annars heldur hægari og bjart með köflum. Hiti
víða 13 til 18 stig, en allt að 23 stigum norðaustanlands.
SPÁ KL. 12.00 Í DAG Sunnan 10-15 m/s og rigning eða súld
vestantil, en heldur hægara og bjartviðri eystra. Búast má við ryk-
mistri norðaustantil. Hiti víða 13-18 stig, en allt að 27 austast.
VEÐUR
Keflvíkingurinn reyndi, Jó-
hann Birnir Guðmundsson,
er leikmaður 14. umferðar
hjá Morgunblaðinu og segir
að það hafi aldrei verið eins
gaman að spila fótbolta og
með Keflavíkurliðinu í sum-
ar. Hann og fleiri eldri leik-
menn hafa stutt vel við bak-
ið á ungum og efnilegum
piltum í liðinu. „Þetta snýst
svolítið um að láta þessa
stráka vita hve góðir þeir
eru,“ segir Jóhann. »2-3
Aldrei eins gaman
að spila fótbolta
Usain Bolt varð í gærkvöld fyrsti
maðurinn í sögu Ólympíuleikanna til
að vinna bæði 100 og 200
metra hlaup karla á
tvennum leikum í röð.
Hann gerði það í
Peking fyrir fjór-
um árum og lék
sama leik í
London með
fjórða hrað-
asta hlaupi
sögunnar í
200 metr-
unum. »4
Bolt fyrstur að vinna
tvöfalt í annað sinn
Þór/KA styrkti heldur betur stöðu sína
í baráttunni um Íslandsmeistaratitil
kvenna í gærkvöld. Akureyrarliðið vann
stórsigur á FH, 6:0, á meðan skæðustu
keppinautarnir töpuðu stigum. Stjarn-
an lá heima gegn Val, 2:3, og Breiðablik
mátti sætta sig við jafntefli á Selfossi,
3:3. Þetta þýðir að nái Þór/KA 10 stig-
um í síðustu fimm leikjunum verður
liðið Íslandsmeistari í fyrsta skipti. »2
Þór/KA þarf tíu stig enn
til að verða meistari
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Gunnhildur Ásta Guðmundsdóttir
gunnhildur@mbl.is
„Upprunalega ætlaði ég bara að
stoppa hérna í sólarhring en sprung-
ið hafði á hjólinu mínu,“ segir Katr-
ina Cullen, leiðsögumaður frá ástr-
ölsku eyjunni Tasmaníu, aðspurð
hvernig hún endaði óvænt sem
starfsmaður á kaffihúsinu Simba-
höllinni á Þingeyri. „Ég velti síðan
fyrir mér hvort ég gæti ekki stoppað
hér aðeins lengur, skoðað náttúruna
betur og kynnst fólki, á sama tíma
og ég gerði eitthvað gagnlegt,“
bætir hún við.
Úr varð að Kat hefur dvalið í
Dýrafirðinum í á þriðju viku þar sem
hún gengur í ýmis störf bæði á kaffi-
húsinu sem og hestaleigu í eigu
sömu aðila, auk þess að aðstoða við
barnapössun og fleira. Dvelur hún
hér á landi til loka ágústmánaðar en
snýr þá heim til Tasmaníu þar sem
sumarið fer í hönd.
Hjólað fyrir Tasmaníudjöfulinn
Kat er mikil útivistarkona og hafði
að eigin sögn alltaf dreymt um að
sækja Ísland heim. Einkum var það
óspillt náttúran sem heillaði, en hún
er menntaður grasafræðingur, auk
þess sem hún þekkti til íslenska
hestsins.
Ferð hennar til Íslands nú er hluti
af fjáröflun til styrktar verndun og
rannsóknum á Tasmaníudjöflinum
ástralska. Hefur sérstakt krabba-
mein, sem bundið er við dýrastofn-
inn, fellt um 80% hans á fáum árum.
Að sögn Kat er heimamönnum mjög
umhugað um að koma í veg fyrir að
eins fari fyrir djöflinum og
Tasmaníu-tígrinum, öðru einkennis-
tákni eyjarinnar, og hann deyi út án
þess að nokkuð sé að gert.
Hefur Kat verið á hjólaferðalagi í
tæplega þrjá mánuði þar sem hún
fór um bæði Svíþjóð og Noreg áður
en hún kom til Íslands. Auk þess að
hjóla hér tekur hún þátt í Reykja-
víkurmaraþoninu hinn 18. ágúst nk.
þar sem hún reynir við sitt fyrsta
maraþon.
Starfar á gamalli fangaeyju
Í heimalandinu starfar Kat sem
leiðsögumaður á sumrin. Fylgir hún
þar hópum ungra sem aldinna í
margskonar útivistarferðir, þar sem
m.a. er gengið, hjólað, klifrað eða
ferðast um á hestum. Hún býr í
höfuðborginni Hobart en ferðast
víða vegna vinnunnar. Hún dvelst til
dæmis mikið á eyjunni Maria Island.
Eyjan er þekkt fyrir fagran þjóð-
garð en á nýlendutímanum voru
fangar vistaðir á henni. Í dag er hún
þekkt sem mikil náttúruperla og
stendur m.a. til að reyna að koma
þar upp ósýktum stofni Tasmaníu-
djöfla, í von um að þeir fái þar
þrifist.
Frá Tasmaníu í Simbahöllina
Tasmaníudjöfl-
ar drógu Kat Cull-
en til Dýrafjarðar
Ljósmynd/Martino Madelli
Langt að komin Ævintýrakonan Kat Cullen við vöfflujárnið í Simbahöllinni. Langt er á milli Dýrafjarðar og heima-
slóða hennar á Tasmaníu. Kann hún afar vel við sig á Þingeyri og hugsar sér jafnvel að snúa aftur að ári.
Kaffihúsið Simbahöllin á Þingeyri
hefur notið mikilla vinsælda jafnt
meðal ferðamanna sem heima-
manna allt frá opnun árið 2009.
Dregur kaffihúsið nafn sitt af
Sigmundi Jónssyni kaupmanni,
sem reisti hina reisulegu bygg-
ingu, sem hýsir starfsemina, árið
1915 og rak þar verslun til fjölda
ára.
Janne Kristensen og Wouter
Van Hoeymissen hafa rekið kaffi-
hús í höllinni sem er opin á
sumrin og um páska. Eru belg-
ískar vöfflur sem þar fást m.a.
orðnar vel þekktar auk annarra
veitinga.
Að sögn Janne er töluvert um
að erlendir ferðamenn hafi sam-
band og óski eftir að fá að taka
til hendinni á kaffihúsinu eða
hesta- og hjólaleigu þeirra hjóna
yfir sumartímann. Hafa þau reynt
að verða við þessum óskum eftir
megni og gert fólki þannig kleift
að kynnast lífinu í Dýrafirðinum.
Eftirsótt að taka til hendinni
SIMBAHÖLLIN Á ÞINGEYRI VINSÆL