Morgunblaðið - 29.09.2012, Side 37

UMRÆÐAN 37
MORGUNBLAÐIÐ LAUGARDAGUR 29. SEPTEMBER 2012
Þegar rætt er um
áhrif af breytingum
ríkisstjórnarinnar á
skattkerfið er ekki
óeðlilegt að tekist sé
á um það hvort þær
séu til góðs eða ills
fyrir fólk og fyr-
irtæki. Það sýna
dæmin að sitt kann
mönnum að sýnast
eftir því hvaða hug-
myndafræði þeir fylgja.
Hitt er verra þegar ekki er hægt
að ræða um breytingar sem gerðar
hafa verið út frá fyrirliggjandi
staðreyndum.
Í grein í Morgunblaðinu í gær
sakar fjármálaráðherrann mig um
rangan prósentureikning, en mis-
skilningur ráðherrans, Oddnýjar
Harðardóttur, liggur í því að hún
hefur ekki kynnt sér forsendurnar.
Þegar ráðherrann hefur bætt úr
því getum við ef til vill farið að
ræða það sem öllu skiptir: hvort
það hefði komið betur út fyrir
launþega í dag að búa við óbreytt
skattkerfi frá árinu 2007, þ.m.t.
verðtryggðan persónuafslátt, eða
hið nýja skattkerfi ríkisstjórn-
arinnar?
Byrðin hefur þyngst
Upphaf málsins er að nýlega
óskaði ég eftir því að Alþingi léti
taka saman hvernig skattbyrðin
væri ef við byggjum við tekju-
skattskerfið eins og það var árið
2007 og uppfyllt hefðu verið loforð
um hækkun persónuafsláttar til
samræmis við verðlag fram til
dagsins í dag. Þetta er svo borið
saman við skattkerfið eins og það
hefur þróast undir núverandi rík-
isstjórn. Að beiðni Alþingis gerði
ríkisskattstjóri þessa útreikninga.
Eins og útreikningarnir sýna,
hefði það komið betur út fyrir alla
launahópa ef kerfið hefði verið
óbreytt og staðið hefði verið við
loforð um verðtryggingu persónu-
afsláttar.
Aðkoma stjórnvalda að gerð
kjarasamninga á árunum 2006 og
2008 fólst m.a. í því að tryggja til-
tekna hækkun persónuafsláttar
umfram verðlag. Yfirlýsingar fjár-
málaráðuneytisins frá 7. febrúar
2008 og 22. júní 2006 sýna svo ekki
verður um villst að samið hafði
verið um verðtryggingu persónu-
afsláttar á árunum fram til 2012.
Að auki skyldi hann hækka um
7.000 kr. í ákveðnum skrefum.
Það var ákvörðun ríkisstjórnar
Jóhönnu Sigurðardóttur, en hún
sat einmitt í ríkisstjórninni sem
gaf út yfirlýsinguna 2008, að virða
að vettugi þegar gefin loforð við
launþega í landinu og taka upp
annað kerfi. Leggja þannig meiri
áherslu á lægsta skattþrepið en
verðtryggingu persónuafsláttar.
Útreikningarnir sem ég hef kynnt
gera ekki annað en að draga fram
áhrifin af þessari ákvörðun.
Réttast væri af fjármálaráðherr-
anum, í stað þess að væna menn
um reiknivillur, að tefla fram rök-
um fyrir ákvörðun ríkisstjórn-
arinnar. Hingað til hefur því verið
haldið fram að leið ríkisstjórn-
arinnar kæmi betur út fyrir lægstu
tekjuhópana, en það er staðreynd
að leið ríkisstjórnarinnar kemur
verr út fyrir alla.
Nú kann að vera að ríkisstjórnin
hafi ekki treyst sér til að standa
við gefin fyrirheit og talið aðrar
leiðir skynsamlegri. Ef svo er þá er
um að gera að láta það koma fram.
Hitt eru blekkingar, að halda því
að fólki að aðgerðirnar hafi
gagnast láglaunafólki.
Svik við launþega
Sé því haldið fram að hér hafi
engin svik átt sér stað er rétt að
rifja upp ummæli forystumanna
launþegahreyfingarinnar þegar
svikin urðu ljós seint á árinu 2009.
Gylfi Arnbjörnsson, forseti ASÍ:
„Að mínu viti er hér um grófa
rangfærslu að ræða við
kynningu á stefnu rík-
isstjórnarinnar – það
hefði aldeilis verið tal-
ið frétt til næsta bæjar
ef oddvitar ríkisstjórn-
arinnar hefðu komið
hreint fram og upplýst
þjóðina að það væri
stefna hennar í skatta-
málum að afnema
verðtryggingu per-
sónuafsláttar og
standa ekki við gerða
samninga.“
Stjórn AFLs starfsgreinafélags:
„Stjórn AFLs Starfsgreinafélags
krefst þess að umsamin hækkun
persónuafsláttar komi til fram-
kvæmda um áramót. Einnig krefst
stjórnin þess að áður umsamin
verðtrygging á persónuafslátt
haldi. Hlífa verður þeim sem
lægstar hafa ráðstöfunartekjurnar
við frekari álögum eins og kostur
er.“
Verkalýðsfélag Vestfirðinga var
á sömu nótum: „Það er ljóst að fátt
virðist halda í loforðum og samn-
ingum við stjórnvöld. Þetta sést
best á tekjulagafrumvarpi rík-
isstjórnarinnar sem nú er til um-
fjöllunar á Alþingi. En samkvæmt
endanlegum útfærslum sem þar
liggja fyrir þá hefur verið ákveðið
að standa ekki við 3.000 kr. um-
samda hækkun persónuafsláttar í
byrjun árs 2011. Ekki nóg með
það, einnig á að afnema þau ákvæði
tekjuskattslaganna að persónu-
afsláttur fylgi verðlagi.“
Réttast væri fyrir sitjandi rík-
isstjórn að kannast við verk sín og
reyna að verja þau með rökum en
ekki haldlausum yfirlýsingum um
að engin svik hafi átt sér stað og að
nýja skattkerfið komi betur út fyr-
ir lægstu laun.
Að kannast við verk sín
Eftir Bjarna Bene-
diktsson » Það hefði komið bet-
ur út fyrir alla
launahópa ef skattkerfið
hefði verið óbreytt og
staðið hefði verið við lof-
orð um verðtryggingu
persónuafsláttar.
Bjarni Benediktsson
Höfundur er formaður
Sjálfstæðisflokksins.
Nýja kraftaverkið
Vertu velkomin í Sigurbogann og upplifðu nýja
Moisturizing Soft kremið frá La Mer.
Án þess að þurfa að hita kremið milli handanna
framkallar það áhrif sem eru kraftaverki líkust.
Sérfræðingur frá La Mer verður í versluninni
mánudaginn 1. og þriðjudaginn 2. október.