Morgunblaðið - 21.01.2013, Síða 9

FRÉTTIR 9Innlent
MORGUNBLAÐIÐ MÁNUDAGUR 21. JANÚAR 2013
Veitingastaður / verslun
Nethylur 2 • 110 Reykjavík • Sími: 587 2882 • galleryfiskur.is
Full búð af spriklandi
nýjum fiski
alla virka daga
Hestháls 6-8, 110 Reykjavík, www.frumherji.is
Söluskoðun
fasteigna
Tímapantanir í síma 570 9360
Ertu að kaupa eða
selja fasteign?
Viltu minnka áhættu
í fasteignakaupunum?
Hlutlaus söluskoðun og vönduð skýrsla
yfir almennt ástand eignarinnar
getur borgað sig margfalt.
Láttu skoðunarmenn fasteigna
hjá Frumherja fara yfir eignina áður
en gengið er frá viðskiptum.
Snæfríður Baldvins-
dóttir, M.Sc. (econ.),
fv. lektor við Háskól-
ann á Bifröst, lést
laugardaginn 19. jan-
úar sl. á heimili sínu,
Víðimel 27 í Reykja-
vík.
Snæfríður fæddist í
Reykjavík 18. maí
1968, en ólst upp á
Ísafirði til tólf ára ald-
urs. Hún stundaði
tónlistarnám við Tón-
listarskóla Ragnars
H. Ragnar á Ísafirði
frá barnsaldri, með fiðluleik sem
aðalgrein. Snæfríður lauk stúdents-
prófi frá MR 1988, en las að mestu ut-
anskóla til prófs, þar sem hún stund-
aði fyrirsætustörf frá 17 ára aldri
með aðsetur í París og Róm. Snæfríð-
ur var búsett í Róm í rúman áratug
(1990-2000) og í Mexíkóborg (2001-
03), þar sem hún var aðstoðar-
framkvæmdastjóri Ítalska versl-
unarráðsins. Á Rómarárunum tók
hún B.Sc.-próf í hagfræði og alþjóða-
samskiptum frá John Cabot Univers-
ity (1995) og MS-próf í
fjármálahagfræði og
stærðfræði frá St. John’s
University (2000). Árið
2011 lauk hún meistara-
prófi frá Háskóla Íslands
í þjóðhagfræði og hag-
mælingum (ekonomet-
riu).
Heimkomin árið 2003
gerðist Snæfríður að-
júnkt og síðar lektor í
hagfræði við Háskólann
á Bifröst. Á sl. hausti var
hún ráðin til starfa sem
sérfræðingur hjá Fjár-
málaeftirlitinu. Frá árinu 2010 sat
hún í stjórn Neytendasamtakanna og
í framkvæmdastjórn frá hausti 2012.
Fyrri sambýlismaður Snæfríðar
var Marco Brancaccia. Saman eiga
þau dótturina Mörtu Brancaccia
Snæfríðardóttur framhaldsskóla-
nema. Seinni sambýlismaður Snæ-
fríðar var Gunnar Gylfason fram-
kvæmdastjóri. Foreldrar Snæfríðar
eru þau Bryndís Schram og Jón
Baldvin Hannibalsson, fv. formaður
Alþýðuflokksins.
Andlát
Snæfríður
Baldvinsdóttir
Laxamýri | „Það er alltaf eitthvað til
að hlakka til þegar maður er með
kindur og mér finnst mjög gaman að
hafa eitthvað að gera,“ segir Jón B.
Gunnarsson, tómstundabóndi í
Heiðarbót í Reykjahverfi. Hann er
nú kominn á eftirlaunaaldur en
hjálpar sonum sínum tveimur sem
búa í Heiðarbót við búskapinn og
keyrir daglega frá Húsavík þar sem
hann býr til þess að sinna skepn-
unum. Jón hefur mjög gaman af því
að klappa kindunum og ekki er verra
þegar hann kemur með brauð til
þess að færa þeim. Það þykir ánum
sælgæti og þá verður ys og þys í
krónni því allar vilja þær hitta Jón. Í
Heiðarbót eru einnig aliendur sem
verpa oftast á hverjum morgni þeg-
ar daginn tekur að lengja. Þó vet-
urinn hafi verið harður hafa þær far-
ið út daglega undanfarið enda sakar
ekki að fá sér bað í bæjarlæknum
þegar vel viðrar.
Morgunblaðið/Atli Vigfússon
Andasmölun Jón B. Gunnarsson smalar hér öndunum saman á bænum Heiðarbót í Reykjahverfi.
Brauðkindur og aliendur
 Kindurnar í Heiðarbót eru sólgnar í brauð  Aliend-
urnar á bænum verpa daglega þegar dag tekur að lengja
Brauðmeti Jón gefur hér kindunum brauðmola, sem þær hafa reynst sólgn-
ar í, eins og sjá má. Hann ekur daglega frá Húsavík í Reykjahverfi.