Morgunblaðið - 18.04.2013, Síða 2

2 FRÉTTIRInnlent
MORGUNBLAÐIÐ FIMMTUDAGUR 18. APRÍL 2013
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
bakaðar kjúklingabringur
Prófaðu bökuðu kjúklingabringurnar, fylltar með
ferskum kryddjurtum og rjómaosti. Gottimatinn.is
Jens Matthíasson hjá Vegagerðinni lagfærði í gær
skilti á Þingvallavegi við gatnamót Vesturlandsvegar.
Þótt auðvitað þurfi alltaf að gæta að því að merkingar
og skilti í umferðinni séu í lagi er það sérstaklega
mikilvægt rétt fyrir sumarið áður en fólk flykkist úr
höfuðborginni og á vit ævintýranna á landsbyggðinni.
Viðhald á vegum og skiltum
Morgunblaðið/Kristinn
Vorverkin hafin hjá Vegagerðinni
Baldur Arnarson
baldura@mbl.is
„Ég sagði í byrjun þessa árs að mál-
inu yrði vísað til sérstaks saksóknara
um miðjan apríl. Ég tel að Seðlabank-
inn hafi verið í vandræðum með málið
og hafi viljað losa sig við það á þennan
hátt. Ég læt aðra um að túlka tíma-
setninguna,“ sagði Þorsteinn Már
Baldvinsson, forstjóri Samherja, í til-
efni af því að Seðlabankinn vísaði
rannsókn á fyrirtækinu til sérstaks
saksóknara.
Málið varðar meint brot Samherja
á gjaldeyrislögum í viðskiptum með
karfa til dótturfélags síns, Icefresh, í
Þýskalandi. Gerðu starfsmenn Seðla-
bankans og embættis tollstjóra hús-
leit í starfsstöðvum Samherja í
Reykjavík og á Akureyri vegna máls-
ins hinn 27. mars í fyrra. Þorsteinn
Már gagnrýndi þá aðgerð harðlega.
Húsleitarheimildin væri byggð á
röngum forsendum sem dómstólar
hafi síðan staðfest.
Telur bankann hafa brotið á sér
„Það að Seðlabankinn hafi komið
þessu til fjölmiðla í dag [í gær] kemur
ekkert á óvart. Það er ljóst að við Már
Guðmundsson seðlabankastjóri eig-
um það sameiginlegt að telja að
Seðlabankinn hafi brotið af sér,“ segir
Þorsteinn Már og vísar þar til kjara-
deilu Más við Seðlabankann.
Spurður hver viðbrögð Samherja
verði segir Þorsteinn Már það vissan
létti að málið skuli vera komið í þenn-
an farveg, enda geti fyrirtækið nú
sýnt fram á sakleysi sitt í málinu.
„Við trúum því að nú getum við
komist að því hvað við eigum að hafa
gert. Það er ljóst að það er stofnað til
málsins með rangfærslum. Það er líka
ljóst að rannsóknin er búin að hafa
skaðleg áhrif á Samherja. Á meðan
þetta hvílir yfir okkur mun það áfram
hafa áhrif.“
Þorsteinn Már nefnir svo hvernig
Samherji hafi í síðustu viku fengið af-
hent gögn sem Seðlabanki Íslands
lagði fram í Hæstarétti í maí í fyrra en
hafi haldið leyndum fyrir Samherja,
sem sé fáheyrt milli málsaðila fyrir
Hæstarétti. Í þessum gögnum séu
settir fram nýir útreikningar og full-
yrðingar sem séu jafn rangar og það
sem var lagt fram í mars í fyrra.
Á þeim 13 mánuðum sem rannsókn-
in hafi staðið yfir hafi enginn verið yf-
irheyrður hjá Samherja né verið leit-
að skýringa á gögnum sem málið
varðar. Því sé furðulegt að Seðlabank-
inn vísi málinu til annars embættis.
Varðar fleiri þætti
Rannsókn Seðlabankans laut að
meintum brotum Samherja á gjald-
eyrislögum. Samkvæmt heimildum
blaðsins varðar kæruefnið fleiri þætti
en viðskipti Samherja með karfa til
dótturfélagsins Icefresh í Þýskalandi.
Sérstakur saksóknari tekur nú málið
til meðferðar og ákveður hvort tilefni
sé til ákæru að lokinni sjálfstæðri
rannsókn.
Tímasetningin ekki tilviljun
 Forstjóri Samherja sakar Seðlabankann um ámælisverð vinnubrögð í rannsókn
 SÍ vísar meintum brotum Samherja á gjaldeyrislögum til sérstaks saksóknara
„Ég læt aðra
um að túlka
tímasetninguna“
Þorsteinn Már
Baldvinsson
Baldur Arnarson
Gunnar Dofri Ólafsson
„Þetta eru gríðarlegir hagsmunir.
Þetta eru hvorki meira né minna en
92 milljarðar. Þó að fullyrt sé að það
sé ekki ríkisábyrgð á skuldabréfinu
er þetta ríkisbanki og skattgreiðend-
ur bera með einum eða öðrum hætti
ábyrgð á honum,“ segir Guðlaugur
Þór Þórðarson, þingmaður Sjálf-
stæðisflokksins og einn fulltrúa
minnihlutans í efnahags- og við-
skiptanefnd, í tilefni af því að 92
milljarða skuldabréf færðist frá
gamla Landsbankanum yfir til hins
nýja eftir endanlegt uppgjör í gær.
Ríkið á 98% hlut í nýja bankanum
en starfsmenn bankans afganginn.
Tilfærslan á skuldabréfinu var
samþykkt samhliða aðalfundi í
Landsbankanum í gær og kallaði
Guðlaugur Þór eftir fundi í þing-
nefndinni af því tilefni.
„Það væri full þörf á því að fara vel
yfir forsendur þessa máls, m.a.
vegna þeirrar gagnrýni sem komið
hefur fram hjá greiningaraðilum.
M.a. hefur hagfræðideild Lands-
bankans lýst yfir áhyggjum af því
hversu skuldsett íslensk fyrirtæki
eru eftir endurskipulagningu. Ef það
er rétt þá hlýtur það að gefa til
kynna ofmat á útlánasafni Lands-
bankans og þar af leiðandi ofmat á
virði skuldabréfsins. Ekkert í samn-
ingunum ver skattgreiðendur fyrir
röngu eignamati en ofmat mun hafa
afleiðingar í för með sér.“
Samtals ríflega 300 milljarðar
Kveðið er á um það í samningum
við tilfærslu skuldabréfsins að það
verði endurgreitt á árunum 2014 til
2018. Samhliða því þarf nýi Lands-
bankinn að greiða annað skuldabréf
að upphæð 220 milljarðar króna á
árunum 2015 til 2018.
„Það kom fram á fundi nefndar-
innar [í gær] að við getum ekki greitt
þessi skuldabréf. Seðlabankastjóri
og margir fleiri hafa bent á að bank-
inn hafi ekki gjaldeyrisforða til þess
og því þurfi að endurfjármagna lán-
in,“ segir Guðlaugur Þór sem segir
aðspurður að ef lánasafn bankans í
fyrirtækjalánum sé ofmetið, með til-
heyrandi afskriftarþörf síðar meir,
komi það niður á afkomu bankans.
Það geti aftur kallað á aukið fram-
lag frá ríkinu síðar á þessum áratug í
formi aukinnar skattheimtu.
Gerðu varúðarráðstafanir
Helgi Hjörvar, þingmaður Sam-
fylkingar og formaður efnahags- og
viðskiptanefndar, segir nefndina
hafa fengið greinargott yfirlit frá
bankastjóra Landsbankans um upp-
gjör þessara mála og þær varúðar-
ráðstafanir sem gerðar hafi verið.
Þegar endursamið verði um lengd
á skuldabréfunum verði það hluti af
samræðum stjórnvalda við kröfuhafa
og slitastjórnir. Það verði hluti af
heildarlausn sem þurfi að nást í þeim
málum. Hinn 12. mars sl. hafi meiri-
hluti efnahags- og viðskiptanefndar
flutt lagafrumvarp sem taki eignir
þrotabúanna og þar með kröfuhafa
inn undir gjaldeyrishöftin.
Að sögn Helga kom fram á fundi
nefndarinnar í gær að afborganir af
þessum bréfum væru undir höftun-
um og færu þess vegna ekki úr landi
nema til þess væru veittar sérstakar
heimildir. Það hafi komið fram hjá
seðlabankastjóra opinberlega og
fjölmörgum öðrum aðilum um
margra missera skeið að best væri að
endursemja um bréfin, enda sé „ekki
hægt að fullyrða að Landsbankinn
gæti endurfjármagnað sig innan
þessara tímamarka … Það væri best
fyrir alla aðila að endursemja um
greiðslur bréfanna. Slitastjórninni er
fullkunnugt um það … og er alveg
jafn vel upplýst og aðrir um þessa
stöðu. Það er ekkert nýtt í þessu.“
Ofmetið eigna-
safn geti kallað
á ríkisframlag
 Þingmaður Sjálfstæðisflokksins telur
hættumerki í rekstri Landsbankans
Helgi
Hjörvar
Guðlaugur Þór
Þórðarson
Skipulagsnefnd
Rangárþings
ytra hefur boðað
til íbúafundar í
kvöld um upp-
setningu tveggja
vindmylla á
skipulögðu iðn-
aðarsvæði norð-
ur af kartöflu-
verksmiðjunni í Þykkvabæ. Með
hverfilsspaða í mestri hæð verður
hæðin 74 metrar.
Áformin kalla á breytingu á
aðalskipulagi sveitarfélagsins en
Skipulagsstofnun hefur ákveðið að
framkvæmdin sé ekki háð lögum
um umhverfismat. Haraldur Birgir
Haraldsson, skipulags- og bygg-
ingarfulltrúi Rangárþings ytra,
segir að íbúum muni gefast tæki-
færi til að gera athugsemdir við
fyrirætlanirnar þegar tillaga að
breyttu aðalskipulagi verður
auglýst.
Efnt til íbúafundar
um vindmyllur í
Rangárþingi ytra
Landsvirkjun hefur lagt fram til-
lögu að matsáætlun vegna virkjana
á veituleið Blönduvirkjunar. Fyrir-
tækið áformar frekari nýtingu falls
á núverandi veituleið og felur fram-
kvæmdin í sér að byggja þrjár
virkjanir á leiðinni. Heildarafl
verður allt að 30 MW. Stefnt er að
því að ljúka verkhönnun á í ár.
Mat vegna þriggja
minni virkjana
Fjórum starfsmönnum var í gær
sagt upp á skrifstofu sálfræði-
þjónustu og félagsráðgjafar á
geðsviði Landspítalans. Páll Matt-
híasson, framkvæmdastjóri geð-
sviðsins, staðfestir þetta. Ástæða
uppsagnanna er endurskipulagning
á skrifstofum geðsviðsins, að sögn
Páls. Segist hann eiga von á því að
fólkið fái ný störf innan spítalans ef
það óskar þess.
Sagt upp á geðsviði
Landspítalans