Morgunblaðið - 18.04.2013, Side 21

21
MORGUNBLAÐIÐ FIMMTUDAGUR 18. APRÍL 2013
VIÐTAL
Heimir Snær Guðmundsson
heimirs@mbl.is
„Eitt af okkar stóru málum er and-
staðan við ESB-umsóknina. Það er
ekki bara að við teljum að Íslandi
sé betur borgið utan ESB heldur
teljum við líka að þessar svokölluðu
viðræður séu eins og þær ganga
fyrir sig mjög varasamar og það
beri að hætta þeim þegar í stað,“
segir Bjarni Harðarson, efsti maður
á lista Regnbogans í Suður-
kjördæmi. Regnboginn er ný
regnhlífarsamtök sem bjóða fram
undir merkjum sjálfstæðis og full-
veldis, sjálfbærrar þróunar, jafn-
réttis, bættra lífskjara almennings,
mannréttinda og félagshyggju.
Aðspurður hvað sé varasamt við
viðræður við ESB vísar Bjarni í
heimasíðu stækkunardeildar ESB.
„Þar stendur skýrum stöfum að það
sé misskilningur að tala um við-
ræður. „Misleading“ er orðalagið í
ensku útgáfunni. Ég hef ekki séð ís-
lenskan texta frá ESB um þetta
mál og utanríkisráðuneytið er ekki
að þýða þennan texta. Þar segir að
um sé að ræða aðlögun og aðlög-
unin er algerlega á forsendum
ESB. Þetta er algerlega ólýðræð-
islegt ferli, það er í rauninni verið
að blekkja þjóðina, það var aldrei
lagt upp með það hér að menn væru
sammála um að aðlagast ESB. Það
var lagt upp með að menn væru
sammála um að kíkja í einhvern
pakka sem er mjög villandi mynd af
raunveruleikanum,“ segir Bjarni.
Framtíðarskipan
í þjóðaratkvæði
Þá tekur Bjarni fram að meðal
flokksmanna séu miklir talsmenn
þjóðaratkvæðagreiðslna. „Við erum
mörg í þessu framboði sem börð-
umst fyrir því á sínum tíma að
EES-samningurinn færi í þjóð-
aratkvæðagreiðslu. Við börðumst
fyrir því að það yrði efnt til þjóð-
aratkvæðagreiðslu um hvort hefja
ætti viðræður við ESB, því var
hafnað. Ég tel að þegar þessum við-
ræðum hefur verið slitið sé mjög
þarft að setja framtíðarfyr-
irkomulag viðskipta okkar og aðild-
armála gagnvart ESB í þjóð-
aratkvæði, þar sem ekkert er
undanskilið. Þar tækjum við inn
EES-samninginn, Schengen-
samstarfið og auðvitað hugmyndina
um aðild að ESB,“ segir Bjarni.
Það er því kristaltært að Bjarni
og félagar hans í Regnboganum
hafna þeirri framtíðarsýn sem
byggist á inngöngu í ESB en hvern-
ig sjá samtökin Ísland fyrir sér í
samfélagi þjóðanna í framtíðinni?
„Utanríkisviðskipti eru Íslend-
ingum afar mikilvæg og við þurfum
að eiga opin viðskipti sem víðast.
Ég held að við séum ekki á flæði-
skeri stödd þar, þær vörur sem við
höfum að bjóða og sú hnattræna
staða okkar gerir það að verkum að
við erum eftirsóknarverður og
ákjósanlegur viðskiptaaðili þó að lít-
ill sé. Fríverslunarsamningur við
Kína er framtak sem ég tel gott og
fagna. Ég held að það leiði ekki á
neinn hátt til einangrunar að við
séum ekki aðilar að ESB, þvert á
móti þá opnar það heiminn,“ segir
Bjarni og bætir við að hann telji
það leiða til einangrunar að vera
inni í tollabandalagi.
Þrátt fyrir að fjöldi framboða hafi
aldrei verið meiri fyrir komandi al-
þingiskosningar og fjöldi nýrra
framboða hafi litið dagsins ljós er
Bjarni þeirrar skoðunar að Regn-
boginn hafi ákveðna sérstöðu. Í því
sambandi nefnir Bjarni að á öllum
félagshyggjuvæng stjórnmálanna
séu flokkar sem séu með einum eða
öðrum hætti ESB-sinnaðir. „Af-
staða Framsóknarflokksins og
Sjálfstæðisflokksins í þessum mál-
um er óljós, þeir hafa slegið úr og í
varðandi hvaða afstöðu þeir munu
taka gagnvart aðildarviðræðunum.
Við teljum, án þess að gera á nokk-
urn hátt lítið úr öðrum málum að
þetta sé mjög stórt hagsmunamál
fyrir þjóðina og það þurfi rödd sem
tali með mjög skýrum og ákveðnum
hætti,“ segir Bjarni.
Í stefnuyfirlýsingu Regnbogans
segir að endurskoðun verðtrygg-
ingar, lækkun verðbólgu og vaxta-
kostnaðar sé forgangsverkefni
næsta kjörtímabils. Bjarni fagnar
umræðu um skuldamál heimilanna
og segir að með henni aukist mögu-
leikar á að hraustlega verði tekið til
hendinni í kjölfarið. Segir Bjarni að
fráfarandi ríkisstjórn hafi haft gríð-
arlega möguleika í þeim málaflokki
en hafi látið það hjá líða, ekki síst
vegna þeirrar „þráhyggju“ að beina
stjórnkerfinu öllu í þá átt að troða
Íslandi inn í ESB.
Kafa þarf í stöðu hvers og eins
Bjarni segir að innan Regnbog-
ans sé ekki unnið frá ákveðnum töl-
um eða hlutföllum varðandi niður-
færslur lána. „Við höfum mörg í
okkar hópi lagt áherslu á að auk
þess að mæta þeim heimilum sem
eru skuldsett þá þurfi líka að mæta
þeim misgengishópi sem er í lægstu
þrepum meðal launþega og lífeyr-
isþega.“ Bjarni segir að sá hópur
hafi fyrir hrun verið í þeirri stöðu
að rétt komast af en sé nú í þeirri
stöðu að eiga ekki fyrir framfærslu,
m.a. þurfi að mæta þörfum þessa
hóps. Bjarni segir að skuldavanda
heimilanna verði ekki mætt nema
með því að kafa ofan í mál hvers og
eins. Flatar, almennar leiðir einar
og sér dugi ekki.
Í ljósi þess að Regnboginn kynnir
sig m.a. sem samtök félagshyggju,
er ekki úr vegi að spyrja um mögu-
leika á að rétta við stöðu velferð-
arkerfisins. Bjarni segir að gríðar-
legir möguleikar séu á því sviði,
forgangsröðun á yfirstandandi kjör-
tímabili hafi verið röng. Bendir
hann á að ef fjármunir sem fóru í
ESB-umsókn og í „tilgangslausa“
endurreisn tryggingafélaga hefðu
fengið að halda sér í velferð-
arkerfinu væri staðan mun betri.
„Við þurfum að skila til baka þar og
í rauninni endurreisa heilbrigð-
iskerfið, bæði á höfuðborgarsvæð-
inu og ekki síður úti á landsbyggð-
inni þar sem mjög hart hefur verið
gengið fram í niðurskurði,“ ítrekar
Bjarni.
Áhersla á fullveldi og andstöðu við ESB
 Segir þjóðina blekkta í ólýðræðislegu ferli  Regnboginn býður fram undir merkjum sjálfstæðis
og fullveldis  Ísland „eftirsóknarverður“ viðskiptaaðili  Fagna umræðum um skuldamál
Ljósmynd/Guðmundur Karl
Á móti Bjarni Harðarson er eindreginn andstæðingur aðildar Íslands að Evrópusambandinu. Bjarni tilheyrir regn-
hlífarsamtökunum Regnboganum sem leggur út frá sjálfstæði og fullveldi íslensku þjóðarinnar í stefnu sinni.
Sjálfstæðisflokkurinn eykur fylgi
sitt um helming á meðan Fram-
sókn missir fjórðung fylgis síns frá
fyrri könnun, samkvæmt nýrri
könnun Stöðvar 2 og Fréttablaðs-
ins. Ríkisstjórnarflokkarnir bæta
einnig við sig á meðan fylgi Bjartr-
ar framtíðar dalar en Píratar
standa í stað.
Sjálfstæðisflokkurinn mældist
með 17,8% fylgi í síðustu könnun
Stöðvar 2 og Fréttablaðsins en
mælist nú með 26,9% fylgi. Fram-
sóknarflokkurinn, sem mældist
með 40% fylgi í síðustu könnun,
fengi 30,3% atkvæða nú, sam-
kvæmt könnuninni sem birt var í
gær.
Samfylkingin bætir talsverðu við
sig, fer úr 9,5% í 13,7%, og fylgi
Vinstri grænna eykst úr 5,6% í
7,9%. Björt framtíð, sem mældist
með 8,3% fylgi í könnuninni frá 5.
apríl, fengi nú 6,5% atkvæða en Pí-
ratar standa í stað með 5,6% fylgi.
Fylgi annarra flokka nær ekki
fimm prósentum. Dögun mælist
með 3% fylgi, Flokkur heimilanna
með 2,4%, Lýðræðisvaktin fengi
1,7% atkvæða, Hægri grænir 0,8%
en fylgi við Regnbogann og Húm-
anistaflokkinn mælist ekki.
Morgunblaðið/Ómar
Alþingi Sjálfstæðisflokkurinn og ríkisstjórnarflokkarnir bæta við sig fylgi.
Sjálfstæðisflokkurinn
bætir við sig fylgi
 Framsókn úr fjörutíu í þrjátíu prósent
Vandaðir og vottaðir ofnar
Ofnlokasett í
úrvali
NJÓTTU ÞESS AÐ GERA
BAÐHERBERGIÐ AÐ VERULEIKA
FINGERS 70x120 cm
• Ryðfrítt stál
KROM 53x80 cm
• Aluminum / Ál
COMB 50x120 cm
• Ryðfrítt stál
Handklæðaofnar í miklu úrvali þar sem
gæði ráða ríkjum á góðu verði.
Vagnhöfða 11 - 110 Reykjavík - 577 5177 - www.ofnasmidja.is