Morgunblaðið - 21.09.2013, Blaðsíða 23

sagði Jóhannes en dætur hans og
barnabörn voru þar á meðal.
Annað merkisafmæli var í lífi Jó-
hannesar þetta árið en hann varð
sextugur í vor. Af því tilefni und-
irbjuggu börn hans vísnaveislu án
hans vitundar í félagsheimilinu á
Þórshöfn. Þar var opið hús, allir vel-
komnir og nóg af kaffi og kleinum.
Kunnir hagyrðingar mættu til leiks
og gáfu Jóhannesarbörn þeim skot-
leyfi á afmælisbarnið, sem fékk þó
tækifæri til að svara fyrir sig annað
slagið í bundnu máli. Hagyrðing-
arnir fóru á kostum og var þeim ekk-
ert heilagt þetta kvöld og skutu fast
á afmælisbarnið, sem varðist þó fim-
lega og skemmtu viðstaddir sér kon-
unglega á kostnað heiðursgestsins,
sem kvaddi gesti með þessari vísu:
Lán og gengi lífið mér
löngum vildi bjóða.
En dýrmætast af öllu er
að eiga vini góða.
Öskunorðanhríð
„Eflir bara okkar vilja öskunorð-
anhríð,“ segir Jóhannes í Þistilfjarð-
arkvæði sínu en hann hefur upplifað
alls konar veðráttu í göngunum í
gegnum tíðina, bæði norðanbyl og svo
mikla rjómablíðu að fé var bágrækt
vegna hita. Veðravíti var hjá gangna-
mönnum árin 1979 og 1980 en þá
fennti fé í kaf og langan tíma tók að
brjótast til byggða. En þó slíkt sé eft-
irminnilegt er það góður félagsskapur
og bjartir dagar sem upp úr standa í
minningunni eftir þessi fimmtíu ár.
Alltaf finnst mér óskastund
og enginn vegur þröngur.
Þegar ég með hest og hund
held af stað í göngur
sagði bóndinn Jóhannes Sigfússon
á Gunnarsstöðum að lokum, sáttur
við lífið og tilveruna.
Við Þistilfjörð
(Lag: Komdu inn í kofann minn)
Hér við okkar fagra fjörð
í friðsæld búum við
og hvergi fann ég frjórri mold
né fiskisælli mið.
Í fjarska stendur forn og traustur
fjallahringur vörð.
Við unnarsteina aldan hjalar,
angar gróin jörð.
Stundum líka byltist brim
við brúnaþunga strönd.
Fara undir fönn og klaka
fögur heiðalönd.
Eflir bara okkar vilja
öskunorðanhríð
því alltaf kemur aftur vor
og aftur betri tíð.
Svo er kemur sumarnóttin
seiðandi og hlý
er svo gott að vaka og vera
vinur þinn á ný.
Örar þá við ást og gleði
ungu hjörtun slá
þvi öllum vonum vængi gefur
vorsins bjarta þrá.
Við bláan sæ og bjartar nætur
best ég uni mér.
Allir mínir æskudraumar
eiga rætur hér.
Vættir góðar verndi og leiði
vora ættarjörð
og breiði sína blessun yfir
byggð við Þistilfjörð.Morgunblaðið/Líney Sigurðardóttir
Jóhannes kominn úr
smölun með dætrum
og barnabörnum.
» Fyrstu árin voru gangnakofarnir torfkofar,sem voru samt ótrúlega hlýir þegar kolavélin
hafði verið kynt. „Fruggulyktin í kofanum er þó
enn minnisstæð,“ segir Jóhannes.
FRÉTTIR 23Innlent
MORGUNBLAÐIÐ LAUGARDAGUR 21. SEPTEMBER 2013
Landey ehf. er dótturfélag Arion banka og fer með eignarhald bankans á nýbyggingum og fasteignaþróunarverkefnum.
Hátúni 2b | 105 Reykjavík | Sími 594 4200 | Fax 594 4201 | www.landey.is
Seltjarnarnesi
Landey býður til sölu eignir sínar við Bygggarða og Sefgarða
á Seltjarnarnesi. Um er að ræða alls um 4.850 m2 húsnæðis
og 22.700 m2 af lóðum.
Nánari upplýsingar eru veittar á skrifstofu félagsins
Hátúni 2b í síma 594 4210, netfang: landey@landey.is
ÍS
LE
N
SK
A
/S
IA
.I
S/
L
A
E
65
72
1
09
/1
3
Landey býður til sölu eignir á: