Morgunblaðið - 01.10.2013, Qupperneq 15

Morgunblaðið/ÞÖK
Sóknarfæri Grímseyingar hafa ekki farið varhluta af fjölgun erlendra ferðamanna hér á landi. Huga þarf að því
hvernig hægt sé að taka sem best á móti þeim og kynna eyjuna betur sem náttúruparadís, að mati Garðars.
sú tala staðið í stað undanfarin þrjú
ár.
„Það mætti vera meira um að
fólk settist að hérna í Grímsey. Við
myndum gjarnan vilja það, þetta
hefur staðið svolítið í stað hérna
undanfarin ár. Við erum gott sam-
félag, við höfum alltaf tekið vel á
móti fólki og ég held að við séum
frekar góð heim að sækja. Aldrei
hef ég heyrt nokkurn mann segja að
það hafi verið tekið illa á móti hon-
um í Grímsey. En það hefur margt
breyst hér í eynni og meira ferðalag
á fólki en var. Samgöngurnar eru
orðnar svo góðar. Áður var það
þannig að þegar einhver fór í land,
þá var spurt: Hvað er að honum?
Menn höfðu fátt í land að sækja. En
þessi spurning heyrist ekki lengur.“
Spurður að því hvað sé fram-
undan hjá Grímseyingum segir
Garðar að þar sé alltaf eitthvað að
gerast, til dæmis þurfi eyjar-
skeggjar nú að huga að þeim tæki-
færum sem fylgja fjölgun erlendra
ferðamanna til Íslands. „Það er al-
veg klárt mál að við þurfum að fara
að huga betur að ferðamennskunni,
hún hefur setið svolítið á hakanum
hjá okkur, við höfum einblínt á fisk-
veiðarnar. En núna koma svo marg-
ir hingað, við þurfum að finna út úr
því hvernig við ætlum að taka sem
best á móti þessu fólki. Við þurfum
að kynna okkur betur sem nátt-
úruparadís.“
Engar reglur um nafnbótina
Garðar er fæddur og uppalinn í
Grímsey og hefur móðurætt hans
búið í eyjunni í margar kynslóðir.
„Ég veit eiginlega ekki hversu langt
það nær aftur,“ segir hann.
Þarf maður að hafa búið í eyj-
unni í áratugi, jafnvel geta rakið
ættir sínar þangað í nokkrar kyn-
slóðir til að mega kalla sig Gríms-
eying? „Nei, alls ekki. Það eru eng-
ar reglur um það. Fólk þarf þó
kannski að hafa verið hérna lengur
en nokkra daga til að nefna sig
þessu sæmdarheiti.“
Morgunblaðið/ÞÖK
Frá Grímsey Þar búa tæplega 80 manns og hefur íbúum fækkað nokkuð frá
því um 1990, þá voru þeir um 120 sem er mesti fjöldi sem þar hefur búið.
Grímsey er um 40 kílómetra norður af Íslandi, þar er nyrsta byggð
landsins og norðurheimskautsbaugurinn liggur í gegnum hana
norðanverða. Eyjan er 5,3 ferkílómetrar að stærð og helstu
atvinnuvegir eru fiskveiðar, fiskþurrkun og ferðaþjónusta.
Í Grímsey búa á milli 70 og 80 manns.
Útvörðurinn
í norðri
Ljósmynd/MatsWibe Lund
tekið þátt í félagsstarfi tengdu
Grímsey.
„Gaman er að mynda fuglalífið í
Grímsey. Þarna er t.d. lundi,
langvía, æðarfugl og ryta sem eyj-
arskeggjar kalla raunar skeglu.
Svona gæti ég haldið áfram. Og svo
er líka áhugavert að fara með körl-
unum í róður og taka myndir þar –
eða láta skutla sér út að einhverjum
bátnum og mynda frá því sjón-
arhorni. Annars er það svo að í
hverri einustu Grímseyjarferð sér
maður alltaf eitthvað nýtt og þar
munar auðvitað um að þekkja til
fólksins og starfa þess,“ segir Frið-
þjófur. Bætir við að oft hafi komið
sér vel að eiga myndir á fælnum úr
Grímsey, til dæmis fyrir erlend
blöð, enda sýni þær sérstaka at-
vinnuhætti og skemmtilegt mannlíf.
Þótt Friðþjófur og hans fólk eigi
sínar rætur í Grímsey hefur að
nokkru leyti fennt í sporin. „Allt
mitt fólk er löngu flutt í land og
nokkrir búa á Dalvík þangað sem
Grímseyingar hafa raunar alltaf
sótt talsvert með þjónustu, til dæmis
skóla, presturinn þar þjónar Gríms-
ey og þaðan siglir ferjan Sæfari. Og
er ekki nema um tvo tíma að sigla út
í eyju – svo þetta er allt mjög þægi-
legt,“ segir Friðþjófur. Hann bætir
við að líklegt sé að í náinni framtíð
sendi hann frá sér sitthvað fleira um
eyjuna á baugnum – sem á sterk
ítök í fjölda fólks. sbs@mbl.is
Þorskur Grímseyingar sækja stíft á sjóinn og útgerð er undirstaða byggð-
arinnar. Hér sést Gylfi Gunnarsson greiða úr netunum með gulan þorsk.
Sólarlag Hvergi er skin miðnætursólarinnar fallegra en við Grímsey, þar
sem sjá má sunnu setjast við sjóndeildarhring á björtum nóttum.
Ljósmyndir/Friðþjófur Helgason
Flug Áætlunarflugvélin kemur inn
til lendingar og árásagjarnar kríur
búast til gagnsóknar.
„Já, ég býð ferðamönnum oft í
kvöldmat, sérstaklega yfir vetr-
artímann. Þá býð ég fólki af
gistiheimilinu heim til að borða
með fjölskyldunni. Það er miklu
skemmtilegra en að borða á veit-
ingastaðnum,“ segir Ragnhildur
Hjaltadóttir, einn eigenda gisti-
heimilisins Bása í Grímsey.
Hún segir þetta athæfi sitt
ekkert einsdæmi meðal eyjar-
skeggja, þeir séu með endemum
gestrisnir og víli ekki fyrir sér að
bjóða bláókunnugum Íslend-
ingum eða útlendingum til borðs.
„Þetta er reyndar hluti af verk-
efninu Visit Iceland, en við þurf-
um ekkert sérstakt verkefni til
að taka vel á móti fólki sem kem-
ur hingað til okkar, við höfum
alltaf verið svona og ætlum að
halda því áfram.“
Ragnhildur segir fólk víða að
úr heiminum sækja Grímsey
heim, Ástralir séu þar margir og
einnig Bandaríkja- og Kan-
adamenn. Náttúran, umhverfið
og heimskautabaugurinn laði að
og fjölskrúðugt fuglalíf heilli
marga.
Hvað bjóða Grímseyingar
ferðamönnum upp á? „Fyrst og
fremst Grímseyjarmat. Fugl og
fisk og helst nýveitt.“
annalilja@mbl.is
Gestrisni Grímseyinga er mikil
Morgunblaðið/Helga Mattína
Gestrisnar Ragnhildur ásamt tveimur öðrum eigendum Bása, þeim
Rannveigu Vilhjálmsdóttur og Áslaugu Helgu Alfreðsdóttur.
Bjóða ferðamönn-
um heim í kvöldmat
 Mývatn og Reykjahlíð eru
næstu viðkomustaðir 100
daga hringferðar Morg-
unblaðsins.
Á morgun
MORGUNBLAÐIÐ ÞRIÐJUDAGUR 1. OKTÓBER 2013
Sigurbjörn ehf
fiskverkun
Við erum stolt fyrirtæki í
Grímsey