Morgunblaðið - 18.11.2013, Side 9

FRÉTTIR 9Fréttir
MORGUNBLAÐIÐ MÁNUDAGUR 18. NÓVEMBER 2013
GÆÐI – ÞEKKING – ÞJÓNUSTA
Frá okkur færðu
þvottinn
hreinan og
sléttan
Háaleitisbraut 58-60 • 108 Reykjavík www.bjorg.is • Sími 553 1380
ÞVOTTAHÚS
EFNALAUG
DÚKALEIGA
Hlíðasmára 11 · 201 Kópavogur · Sími: 534 9600 · heyrn.is
Heyrir þú illa í
margmenni?
Heyrðu umskiptin,
fáðu heyrnartæki
til reynslu.
Komdu í
greiningu hjá
faglærðum
heyrnar-
fræðingi
Erum með allar gerðir
af heyrnartækjum
Finndu okkur á facebook
Frí heyrnargreiningog ráðgjöfí nóvember
Vestur-Íslending-
urinn Walter Sopher,
fyrrverandi forseti
Íslenska þjóðræknis-
félagsins í Norður-
Ameríku og félagsins
Norðurljósa í Ed-
monton, lést í Ed-
monton í Kanada í
liðinni viku, áttræður
að aldri.
Fyrir um 40 árum
fluttu Walter og
Julie, eftirlifandi
eiginkona hans, til
Edmonton frá Mani-
toba, en Walter var
frá Riverton. Eftir að hann hætti í
launaðri vinnu, lengst af bygg-
ingarvinnu í norðurhluta Kanada,
stofnuðu hjónin netverslunina Ice-
landic Goods by Brendan árið
2000 og seldu íslenskar vörur um
alla Norður-Ameríku og víðar.
Þau sinntu jafnframt íslenska
samfélaginu í Vesturheimi og
þreyttist Walter aldrei á því að
efla það og styrkja. Norðurljós, ís-
lensk-kanadíska félagið í Edmon-
ton naut heldur betur krafta hans,
en hann reif félagið upp úr dvala
og meira en tvöfaldaði fjölda fé-
lagsmanna á fáum árum. Hann
safnaði bókum um íslensk-
kanadísk samfélög vestra, kynnti
sér hverjir voru af íslenskum ætt-
um, hringdi í eða
heimsótti fólk, jafn-
vel um langan veg,
og skráði það í sam-
félag Vestur-
Íslendinga. Hann
hafði áhyggjur af því
að samfélagið logn-
aðist út af ef ekkert
væri að gert og
brýndi stöðugt fyrir
öðrum að vera vel á
verði hvað þetta
varðaði.
Walter lét allt sem
íslenskt var sig
miklu varða. Þegar
hann var formaður Norðurljósa
fyrir tæpum áratug ákváðu Ís-
lendingafélögin í Calgary og Ed-
monton að greiða áskrift að
blaðinu Lögbergi-Heimskringlu
fyrir alla félagsmenn og lögðu
þannig sitt af mörkum til að
tryggja áframhaldandi útgáfu
blaðsins.
Á þjóðræknisþinginu í Calgary
2008 var Walter Sopher heiðraður
fyrir óeigingjarnt starf fyrir Þjóð-
ræknisfélagið í átta ár.
Walter Sopher lést 12. nóv-
ember sl. og minningarathöfn var
haldin í Edmonton sl. föstudag.
Hann lætur eftir sig eiginkonu,
átta börn og fjölda barnabarna og
barnabarnabarna.
Andlát
Walter Sopher
Elding sást á
himni í Reykja-
vík snemma
morguns í gær.
Starfsfólk Veð-
urstofunnar sá
eldinguna en hún
kom hins vegar
ekki fram á mæl-
um.
Eldingunni sló niður í loftnet
leigubílastöðvarinnar BSR sem er á
þaki Hótels Sögu, skemmdi sendinn
og raskaði talstöðvarsambandi.
Samkvæmt upplýsingum frá BSR
heyrðu bílstjórarnir í starfs-
mönnum skiptiborðsins á leigubíla-
stöðinni en gátu ekki svarað vegna
bilunarinnar. Viðgerðarmenn voru
kallaðir út og var varastöð tekin í
notkun.
Óli Þór Árnason, veðurfræðingur
á Veðustofu Íslands, segir að í
sjálfu sér sé ekki óvenjulegt að eld-
ingar verði í þeim veðurfarslegu
aðstæðum sem mynduðust.
Eldingu sló niður í
loftnet BSR og
raskaði sambandi
Helgi Bjarnason
helgi@mbl.is
Stærsta mál kirkjuþings sem nú
situr er frumvarp til nýrra þjóð-
kirkjulaga. Samkvæmt því verður
vald kirkjuþings aukið. Miklar um-
ræður hafa orðið um málið og
tengd mál.
„Þetta mál hefur fengið jákvæða
umsögn hér á þinginu. Kirkju-
þingsmenn eru að átta sig á því að
þetta eru rammalög. Kirkjuþing er
að fá aukin völd, sérstaklega til að
setja ítarlegri starfsreglur um fjár-
mál sókna, um kirkjuþingið sjálft
og um það hvernig kirkjuráðið er
skipað. Þá er fjárstjórnarvaldið
fært til kirkjuþings,“ segir Ásbjörn
Jónsson kirkjuráðsmaður, formað-
ur milliþinganefndar sem útbjó
frumvarpið.
Með lögum sem samþykkt voru
árið 1997 fékk þjóðkirkjan aukið
sjálfstæði til að ráða eigin málum.
Unnið hefur verið að endurskoðun
laganna síðan með það að markmiði
að auka enn frekar sjálfstæði kirkj-
unnar undir stjórn kirkjuþings.
Í athugasemdum með frumvarp-
inu sem nú liggur fyrir kirkjuþingi
og gekk til nefndar í gær eftir um-
ræður kemur fram að ekki er
stefnt að umbyltingu á stjórnkerfi
þjóðkirkjunnar og starfsemi henn-
ar. Hins vegar sé kveðið á um ýmis
nýmæli sem leiða til breytinga á
starfsháttum og ákvörðunum.
Lagt er til að kveðið verði á um
það í lögum að hin evangeliska lút-
erska kirkja skuli vera þjóðkirkja á
Íslandi. Auk fjárstjórnarvaldsins er
kveðið á um að kirkjuþing skuli
setja kirkjunni starfsreglur, meðal
annars um starfssvið biskups Ís-
lands.
Spurningar um vígslubiskupa
Ásbjörn býst ekki við að frum-
varp til nýrra þjóðkirkjulaga verði
samþykkt fyrr en á framhaldsfundi
kirkjuþings. Hins vegar er stefnt
að því að afgreiða frumvarp þar
sem kveðið er á um breytingar á
nokkrum greinum núverandi laga
sem talin er þörf á að breyta fyrr.
Veigamesta atriðið er að fjárstjórn-
arvaldið færist frá kirkjuráði til
kirkjuþings. Einnig er lagt til að
brott verði felld ákvæði um úr-
skurðarnefnd og áfrýjunarnefnd
þjóðkirkjunnar. Það er gert í
sparnaðarskyni og til einföldunar.
Lagt er til að þau mál sem ekki er
hægt að leysa innan kirkjunnar fari
fyrir almenna dómstóla. Á kirkju-
þingi í gær var mikið spurt um
þriðja atriðið sem er að fella niður
ákvæði um aðsetur vígslubiskupa
og um biskupafund. Ásbjörn segir
að í þessum tillögum felist ekki
ákvörðun um að færa aðsetur
vígslubiskupanna frá Hólum og
Skálholti heldur þyki rétt að kirkj-
an sjálf ákveði slík atriði, frekar en
Alþingi.
Kirkjuþing annist fjárstjórn
 Völd kirkjuþings aukin, samkvæmt frumvarpi til nýrra þjóðkirkjulaga sem
rædd eru á kirkjuþingi þessa dagana  Liður í að auka sjálfstæði kirkjunnar
Setning Kirkjuþing var sett sl. laug-
ardag. Agnes Sigurðardóttir biskup.
Katrín Ásgrímsdóttir kirkju-
ráðsfulltrúi mælir í dag fyrir
frumvarpi um skipan prests-
þjónustunnar. Það er samið af
nefnd sem kosin var á síðasta
kirkjuþingi.
Í tillögunum er lagt til að
komið verði á svonefndum
samstarfssvæðum um allt land
þar sem prestum verði gert að
vinna saman að prestsþjónustu
undir forystu prófasts.
Einnig eru settar viðmið-
unarreglur um þjónustuna og
prestsembættum endurraðað.
Það og fækkun prestsembætta
vegna samdráttar í tekjum
kirkjunnar hefur í för með sér
að prestum fækkar víða um
land, frá hálfu stöðugildi til
eins og hálfs en fjölgar í
stórum sóknum í mesta þétt-
býlinu.
Samstarf
um allt land
TILLAGA Á KIRKJUÞINGI