Morgunblaðið - 18.11.2013, Blaðsíða 40
Viðar Guðjónsson
vidar@mbl.is
Hundrað ár eru síðan Fríkirkjan í Hafnarfirði var
byggð og af því tilefni hafa þrír safnaðarmeðlimir
gefið út bókina Loksins klukknahljómur þar sem
farið er yfir sögu Fríkirkjunnar á liðinni öld.
Söfnuðurinn nýtur nokkurrar sérstöðu fyrir þær
sakir að í honum eru bæði karla- og kvenfélag sem
samanlagt samanstanda af um 250 meðlimum.
Verkaskiptingin er skýr og sjá konurnar um að
safna og útdeila fjármagni en hlutverk karlanna er
að vinna þau verk sem þarf að inna af hendi, nær
allt í sjálfboðaliðastarfi. Jóhann Guðni Reynisson er
formaður safnaðarstjórnar og einn höfunda bók-
arinnar. Hann hefur ásamt æskuvini sínum, Erni
Arnarsyni, tónlistarstjóra kirkjunnar, verið lengi í
söfnuðinum. Eiginkona Arnar er söngdívan Erna
Blöndal sem syngur ásamt Fríkirkjukórnum inn á
geisladisk sem fylgir útgáfu bókarinnar. „Við sem
vinnum í starfinu hittumst alltaf í hádeginu á mið-
vikudögum og það er orðið ómissandi hluti af tilver-
unni,“ segir Jóhann Guðni.
Hann segir að karlafélagið, eða Bræðrafélagið,
sé nær einstakt í kirkjustarfi á Íslandi en kvenfélög
séu vel þekkt. Bræðrafélagið hafi verið endurvakið
árið 2011 eftir áratuga þyrnirósarsvefn. Í fyrstu
hafi ekki verið mikil bjartsýni á að áhugi væri fyrir
þátttöku en niðurstaðan hafi sýnt að það hafi verið
öðru nær og um 60 karlmenn séu virkir í félaginu.
Síðan árið 2011 hefur verið skipt um þak á kirkj-
unni, gólfin slípuð og kirkjubekkirnir yfirdekkaðir.
„Kvenfélagið er með allskonar fjáröflunarleiðir og
hefur staðið undir stærstum hluta kostnaðarins við
þessi verkefni,“ segir Jóhann.
Fólk tilbúið að leggja mikið á sig
Örn velur þá tónlist sem spiluð er í kirkjunni.
Erna eiginkona hans er Reykvíkingur en fann sig
strax vel í kirkjunni. Hún segir starfið sérstaklega
virkt og eftirtektarvert að hve miklu leyti það gefi
sig að sínu nærsamfélagi. Fyrir vikið sé fólk tilbúið
að leggja margt á sig fyrir starfið. Þannig er t.a.m.
einn félagi í kórnum búsettur í Kjósinni.
Tónlist skipar stóran sess í lífi Arnar og Ernu.
Hafa þau meðal annars staðið fyrir krílasálmum,
þar sem þau spila fyrir börn sem eru 0-2 ára.
„Við syngjum og börnin hjala með og þau eru
fljót að átta sig á hvað kemur næst,“ segir
Erna.
Konurnar sjá um peningana
MÁNUDAGUR 18. NÓVEMBER 322. DAGUR ÁRSINS 2013
Jórunn Sigurðardóttir, útvarps-
kona hjá Ríkisútvarpinu, hlýtur verð-
laun Jónasar Hallgrímssonar í ár.
Verðlaunin eru veitt ár hvert á degi
íslenskrar tungu.
Jórunn hlýtur verðlaunin fyrir
framúrskarandi umfjöllun um ís-
lenskar og erlendar bókmenntir í Rík-
isútvarpinu. Þar hefur hún um ára-
tugaskeið miðlað fregnum og
fróðleik af menningu og listum á
áheyrilegri, blæbrigðaríkri og kjarn-
yrtri íslensku.
Einnig voru veittar tvær viðurkenn-
ingar, en þær hlutu Máltæknisetur,
fyrir að stuðla að því að hægt sé að
nota íslensku í nútímasamskipta-
tækni og Ljóðaslamm Borgar-
bókasafnsins, fyrir að efla áhuga
ungs fólks á ljóða- og textagerð á ís-
lensku.
Verðlaunin voru afhent við hátíð-
lega athöfn í Þjóðmenningarhúsinu á
laugardag. Illugi Gunnarsson,
mennta- og menningarmálaráðherra,
flutti ávarp.
Morgunblaðið/Árni Sæberg
Jórunn hlýtur
verðlaun Jónasar
Sigríður Ósk Kristjánsdóttir
messósópran heldur tónleika í
Norðurljósasal Hörpu á morgun,
þriðjudag, klukkan
12.15. Píanóleikari
er Antonia Hevesi.
Á dagskránni eru
óperuaríur eftir
Henry Purcell og
Gioachino Antonio
Rossini og kantatan
Arianna a Naxos eftir
Franz Joseph
Haydn.
Sigríður Ósk heldur
hádegistónleika
ÍBV vann ÍR, 27:26, í hörku-
spennandi leik í úrvalsdeild
karla í handbolta um
helgina en með leiknum
lauk 8. umferðinni. Eyja-
menn komust í þriðja sætið
með sigrinum en ÍR-ingar
drógust aðeins aftur úr með
tapinu.
Róbert Aron Hostert var
ekki með ÍBV í leiknum og
verður líklega ekki með
fyrr en í febrúar eftir EM
í Danmörku. »6
ÍBV í þriðja sætið
eftir sigur á ÍR
Þormóður Árni Jónsson vann allar
sínar glímur þegar Júdófélag Reykja-
víkur sigraði í sveitakeppni Júdó-
sambands Íslands um helgina. Sveit-
in hlaut fjóra vinninga, einum meira
en A-sveit Ár-
manns sem
varð í öðru
sæti. » 7
Júdófélag Reykjavíkur
vann sveitakeppnina
KFÍ frá Ísafirði vann sinn fyrsta sigur
í úrvalsdeild karla í körfubolta í gær-
kvöldi þegar liðið lagði ÍR í Breiðholti
með tíu stiga mun, 86:76. Þjálfari
liðsins sagði menn hafa fagnað eins
og um titil væri að ræða enda tapaði
liðið fyrstu sex leikjum tímabilsins.
Áfram halda íslensku strákarnir að
slá í gegn en ÍR-ingurinn Matthías
Orri Sigurðarson náði þrennu. » 4
KFÍ komið á blað eftir
sigur í Breiðholti
Að sögn Jóhanns hefur söfnuðurinn vaxið hratt
á undanförnum árum en í honum eru nú um
6.500 manns. Hefur fjölgunin numið um 200
manns á ári undanfarin ár. Hann segir að það
megi þakka metnaðarfullu starfi safnaðarins.
„Þetta er allt á mjög mannlegum nótum og það
er ekki töluð himneska,“ segir Jóhann. ,,Prest-
arnir eru mjög gagnorðir og það hjálpar alltaf
til,“ segir Örn og hlær við. Fríkirkjan er sjálf-
stætt trúfélag og sú hefð hefur
alltaf verið fyrir hendi að
kvenfélagið leggi til fjármuni í
starfið. „Einhvern tímann lán-
aði kvenfélagið söfnuðinum
peninga fyrir einhverju verki á
4% vöxtum,“ segir Örn. Jóhann
bætir því kíminn við að kon-
urnar séu hættar að innheimta
vexti nú.
Fjölgar um 200 á ári
6.500 MANNA SÖFNUÐUR
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. „Ég hélt það myndi bara reddast“
2. Dómaratríóið fékk tiltal
3. Flugvél snúið við vegna bilunar
4. Æskuvinkonur berjast um völdin
»MEST LESIÐ Á mbl.is
FÓLK Í FRÉTTUM
Á þriðjudag Vestan 5-13 m/s. Slydda eða rigning suðvestantil,
snjókoma nyrðra. Norðvestlægari síðdegis og él en léttir til suð-
austanlands. Hiti 0-4 stig syðra og vestra, annars frost 0-5 stig.
SPÁ KL. 12.00 Í DAG Norðvestlæg átt, 2-10 m/s. Víða él norðan-
og vestantil. Suðvestan 8-13 m/s og snjómugga vestast í kvöld en
hægari vestanátt og bjartviðri austanlands. Frost 0 til 10 stig.
VEÐURÍÞRÓTTIR | 8 SÍÐUR
Skannaðu
kóðann með
símanum þínum
og fylgstu með
veðrinu á
100 ár frá stofnun Fríkirkjunnar í Hafnarfirði
Morgunblaðið/Eggert
Æskuvinir Jóhann Guðni Reynisson og
Örn Arnarson eru æskuvinir. Örn heldur
á Sigríði Ellu, dóttur hans og Ernu Blöndal.