Morgunblaðið - 18.11.2013, Blaðsíða 11
Morgunblaðið/Svanhildur Eirík
Lestrarstund Ingibjörg Bryndís Hilmarsdóttir, leikskólafulltrúi Reykjanesbæjar, kíkti í sögustund á Bókasafni
Reykjanesbæjar en þangað koma börn á hverjum virkum degi.
skriftir, fellur hún aldrei úr gildi.
Uppskriftin er svona:
1. Að lesa fyrir barnið strax frá
fæðingu (15 mínútur á dag nægja).
2. Að hafa bækur til taks fyrir
barnið til að handfjatla og jafnvel
bíta í. Pantið bækur fyrir barnið í af-
mælis- og jólagjafir. Fáið ykkur
bókasafnskort.
3. Að sýna gott fordæmi. Barn
sem venst því frá fæðingu að sjá
fjölskylduna lesa bækur er líklegra
til að gera slíkt hið sama.
Það getur samt sem áður vafist
fyrir fólki hvernig það á að hegða
sér í kringum lesturinn og þá er gott
að geta leitað ráða hjá fagfólki. Einn
þeirra rithöfunda og fræðimanna
sem hefur gert læsi með ungum
börnum að ævistarfi er hin ástralska
Mem Fox sem heldur úti heimasíð-
una, www.memfox.com. Auk þess
sem hægt er að hlusta á Mem lesa
deilir hún á vef sínum 10 hollráðum
til uppalenda:
Eyddu að minnsta kosti 10
hamingjuríkum mínútum á dag í að
lesa upphátt fyrir barnið.
Lestu minnst 3 sögur á dag
(stuttar), það má vera sú sama
þrisvar. Börn þurfa að heyra um
1.000 sögur áður en þau læra að
lesa.
Lestu með látbragði. Hlust-
aðu á þína eigin rödd og láttu hana
ekki vera flata né þreytandi. Vertu
afslappaður og vertu hávær,
skemmtu þér og hlæðu mikið.
Hafðu gaman af lestrinum
og láttu gleðina skína í gegn. Bæði
sá sem les og sá sem hlustar upp-
skera mikla ánægju fyrir vikið.
Lestu sögurnar sem barnið
hefur yndi af aftur og aftur og aftur.
Hafðu alltaf sömu áherslurnar í
sömu sögunum.
Notaðu tungumálið til hins
ýtrasta með því að tala við barnið
um efni bókarinnar eða syngdu fyrir
það, farðu með þulur eða hafið hátt
saman með ýmsum klappleikjum.
Leitaðu eftir rími, takti og
endurtekningu í bókum fyrir ung
börn og gangið úr skugga um að
bókin sé stutt.
Búðu til leiki í kringum það
sem þú og barnið sjáið á blaðsíðunni,
eins og af finna staf barnsins og þess
sem les. Hafið í huga að lestur er
aldrei vinna, heldur frábær leikur.
Ekki vera að kenna barninu
að lesa og ekki gera andrúmsloftið
þrúgandi.
Lestu upphátt fyrir barnið á
hverjum degi af því að þú nýtur
samvista við barnið, en ekki af því að
þú ættir að gera það.
Segull Er með góðum ráðum sem
gott er að hafa til að minna sig á.
Býður afslátt
» Í tilefni lestrarvikunnar
mun Eymundsson í Reykja-
nesbæ bjóða afslátt á barna-
bókum 20.-22. nóvember. Bók
er t.a.m. góð í jólapakkann.
» Börn að 18 ára aldri fá
ókeypis bókasafnsskírteini á
Bókasafni Reykjanesbæjar.
Auk þess er bókakoffort frá
safninu í 9 leikskólum í bæn-
um, svo aðgengi að bókum er
gott.
» Nytjamarkaðir eiga marg-
ir gott úrval af barnabókum og
það er um að gera að heima-
sækja þá og kíkja á úrvalið.
DAGLEGT LÍF 11
MORGUNBLAÐIÐ MÁNUDAGUR 18. NÓVEMBER 2013
HOLA, félag spænskumælandi á Ís-
landi, stendur í dag fyrir bók-
menntadagskrá á tungumálatorginu
Café Lingua í aðalsafni Borgar-
bókasafns, Tryggvagötu 15. Dag-
skráin hefst klukkan 17.30 er að-
gangur ókeypis. Að vanda verður
margt góðra gesta og má þar nefna
þá Elías Knörr, Juan Camilo Román
og Kristin R. Ólafsson
Allir eru þeir spænskumælandi og
búsettir á Íslandi. Þeir munu lesa úr
verkum sínum og fer dagskráin
bæði fram á íslensku og spænsku. Í
framhaldi af þessari dagskrá stend-
ur HOLA fyrir listaverkasýningu í
Bíó Paradís með verkum eftir
spænskumælandi listamenn sem
einnig eru búsettir á Íslandi.
Café Lingua er ætlað öllum þeim
sem hafa áhuga á tungumálum,
samskiptum og fjölbreyttri menn-
ingu. Þar gefst fólki tækifæri til að
spjalla á móðurmálinu eða spreyta
sig á öðrum málum.
HOLA og Café Lingua verða að
sjálfsögðu með heitt á könnunni
klukkan 17:30.
Kristinn R. Ólafsson fjallar um bókmenntir og listir
Spænskumælandi í
forgrunni á Café Lingua
Morgunblaðið/Þorkell
Café Lingua Mánudagar eru tungumáladagar á Borgarbókasafninu.
Þeir, sem langar að upplifa meiri
tilhlökkun og minni streitu við jóla-
undirbúninginn, geta nýtt sér eft-
irfarandi aðferðir.
Forgangsröðun verkefna getur
létt lund þegar þeim er raðað eftir
mikilvægi, getu og tíma sem og
hjálpað okkur að grisja út þau verk-
efni sem eru óþörf. Að deila verk-
efnum með öðrum í fjölskyldunni
minnkar álag á hvern og einn og þá
vinna allir saman að því að eiga
gleðileg jól.
Einnig er gott að temja sér að
ræða við sjálfan sig með orðunum
„ég vil“ og „mig langar“ að gera hitt
og þetta í stað þess að setja óþarfa
pressu með orðunum „ég verð“ og
„ég skal“.
Að lokum er gott að minna sig á,
að ef óttinn og áhyggjurnar fara að
gera vart við sig, þá er hægt að ná
aftur hugarró með því að tala við
sjálfan sig eins og við værum að
tala við okkar besta vin, á róandi og
hvetjandi máta.
Lausnamiðað hugarfar minnkar
streitu og áhyggjur og með aukinni
æfingu verður auðveldara að öðlast
hugarró.
Morgunblaðið/Skapti Hallgrímsson
Jólin Þessi árstími er ekki endilega
sá besti í huga allra. Forgangsröðun
gæti lagað jólastressið og hjálpað
fólki að njóta aðventunnar.
Heilsustöðin sálfræði- og ráðgjafarþjón-
usta,Skeifunni 11a, 108 Reykjavíkwww-
.heilsustodin.is
Nú geta allir fengið
iPad-áskrift
Skráðu þig í iPad-áskrift á
www.mbl.is/mogginn/ipad/