Morgunblaðið - 25.01.2014, Síða 16
16 FRÉTTIRInnlent
MORGUNBLAÐIÐ LAUGARDAGUR 25. JANÚAR 2014
H
a
u
ku
r
0
1
.1
4
MÁLMIÐNAÐUR Í
SJÁVARÚTVEGI
Viðskiptatækifæri á www.kontakt.is
TIL SÖLU
Stórt og rótgróið iðnfyrirtæki í málmiðnaði sem byggir bæði á sölu
innanlands og á útflutningi. Viðskiptavinir eru framleiðslufyrirtæki á
sjávarfangi. Bæði er þar um að ræða mikilvæga samninga við fasta
viðskiptavini um viðhald og varahluti sem og stök verkefni í vélalausnum.
Fyrirtækið hefur mikla sérstöðu og á auðvelt með að hasla sér völl
á fleiri mörkuðum erlendis
Við teljum að hér sé á ferðinni einstakt tækifæri fyrir fyrirtæki á svipuðu sviði
eða öfluga menn með þekkingu og áhuga á tækni,
markaðsmálum og útflutningi.
Gámur með tæpum tíu tonnum af
fatnaði frá Rauða krossinum á Ís-
landi hefur verið sendur til Hvíta-
Rússlands til dreifingar þar. Rauði
krossinn sendir að jafnaði út tvo
fatagáma á ári í samstarfi við syst-
urfélag sitt í Hvíta-Rússlandi sem
sér um að koma fatnaðinum til fá-
tækra barnafjölskyldna og annarra
skjólstæðinga þar í landi.
Um 450 sjálfboðaliðar Rauða
krossins vinna að verkefninu hér-
lendis, en það kallast Föt sem fram-
lag. Sjálfboðaliðarnir útbúa staðl-
aða ungbarna- og barnapakka með
hlýjum ullarflíkum, teppum og öðr-
um fatnaði. Um 26 prjóna- og
saumahópar eru að störfum um allt
land við að framleiða í pakkana.
Ánægja Sonja 9 ára varð afar glöð þegar
hún fékk húfu frá Rauða krossinum.
Tíu tonna fatagjöf
Laugardaginn 25. janúar verða stofnuð Hollvinasamtök Heilbrigðisstofn-
unar Vesturlands. Stofnfundurinn verður í starfsstöð HVE á Akranesi
(sjúkrahúsinu) og hefst kl. 12.00. Áður en dagskrá fundarins hefst verður
boðið upp á léttan hádegisverð.
Í tilkynningu segir að tilgangur stofnunar hollvinasamtakanna sé m.a.
standa vörð um öfluga heilbrigðisþjónustu á Vesturlandi, taka þátt í um-
ræðu um stöðu mála, þróun og mikilvægi þjónustunnar. Einnig að styðja
við starfsemi HVE með söfnun fjár til mikilvægra tækja, sem komi þeim
íbúum á Vesturlandi til góða, sem nýta þjónustu HVE.
Hollvinasamtök HVE stofnuð á Akranesi
Íslenska málfræðifélagið og Málvís-
indastofnun Háskóla Íslands boða
til 28. Rask-ráðstefnunnar um ís-
lenskt mál og almenna málfræði
laugardaginn 25. janúar 2014 kl.
9.30-16 í fyrirlestrasal Þjóðminja-
safnsins.
Erindin á ráðstefnunni eru fjöl-
breytileg að efni. m.a. um notkun
bókstafsins ð í skrifum almennings
á 19. öld, um mál leikskólabarna,
um mál tvítyngdra Vestur-
Íslendinga o.m.fl. Einnig verður
minnst málvísindamannsins Jóns R.
Gunnarssonar (1940-2013) en hann
var fyrsti fasti kennarinn í almenn-
um málvísindum í HÍ.
Málfræðiráðstefna
Kvenréttindafélag Íslands og Kven-
félagasamband Íslands bjóða upp á
súpu og spjall í hádeginu á Hall-
veigarstöðum mánudaginn 27. jan-
úar klukkan 12.
Á fundinum verður rætt um
stöðu kvenna í stjórnmálum á
landsbyggðinni. Gestir fundarins
eru Arna Lára Jónsdóttir, bæjar-
fulltrúi á Ísafirði, Arnbjörg Sveins-
dóttir, forseti bæjarstjórnar á Seyð-
isfirði, og Ásgerður K. Gylfadóttir,
bæjarstjóri Hornafjarðar.
Aðgangur og veitingar eru
ókeypis.
Ræða stöðu kvenna
STUTT
BAKSVIÐ
Ingveldur Geirsdóttir
ingveldur@mbl.is
Fjölgun lögreglumanna um 44 á
þessu ári er skref í rétta átt en alls
ekki nóg svo löggæslan geti talist
ásættanleg. Innanríkisráðherra sam-
þykkti nýverið tillögur þverpólitískar
nefndar um skiptingu 500 milljóna
fjárveitingar til eflingar löggæslunni,
en í þeim felst m.a. að lögreglumönn-
um verður fjölgað um 44 á árinu.
Að auki verður fjölgað sérstaklega
um átta lögreglumenn til að rannsaka
skipulagða glæpi og kynferðisbrot.
Haraldur Johannessen ríkislög-
reglustjóri segir það ánægjulega þró-
un að fjölgað sé í lögregluliðinu og
löggæslan í landinu efld, en enn vanti
nokkuð upp á. Hann vill að löggæslan
komist á þann stað sem hún var á fyr-
ir hrun og helst lengra.
Færist nær markmiðinu
„Það var okkar mat hjá ríkislög-
reglustjóra á árunum fyrir hrun að
það þyrfti að fjölga lögreglumönnum,
sem þá voru í kringum 720, upp í um
900 á árinu 2013 en síðan þá hefur
þeim fækkað um hundrað. Það eru nú
á bilinu 600 til 620 lögreglumenn
starfandi á landinu. Með þessari 500
milljóna króna föstu fjárveitingu inn í
rekstrargrunn lögreglunnar á næstu
árum erum við að horfa á viðsnúning
niðurskurðaráranna. Þessi aukning
færir okkur nær því markmiði að
fjölga lögreglumönnum og styrkja
lögregluna en það verður líka að horfa
til fyrirhugaðra skipulagsbreytinga á
lögregluliðunum; fækkunar lögreglu-
umdæma og stækkunar lögreglulið-
anna eins og frumvarp innanríkisráð-
herra gerir ráð fyrir. Við höfum þá
trú að sú skipulagsbreyting muni efla
löggæsluna í landinu enn frekar,“
segir Haraldur.
Tillögur þingmannanefndarinnar
miða fyrst og fremst að því að efla lög-
regluliðin á landsbyggðinni, auka
sýnilega löggæslu og efla rannsókn-
arstarf lögreglu. Formaður nefndar-
innar er Vilhjálmur Árnason, þing-
maður Sjálfstæðisflokksins. Hann
segir að stöðugildin 44 sem fjölgað
verður um muni hafa mikil áhrif en
þau séu aðeins fyrsta skrefið af mörg-
um, enn vanti tölverðan fjölda lög-
reglumanna.
„Nú er verið að vinna að löggæslu-
áætlun, m.a. til að sjá hvað þarf að
gera mikið til þess að við getum verið
sátt með ástandið. Samkvæmt drög-
um að löggæsluáætlun vantar enn um
þrjá milljarða í málaflokkinn fram til
ársins 2017. Sem dæmi eru fleiri sér-
hæfðari störf að myndast innan lög-
reglunnar sem kosta mikla vinnu, t.d.
varðandi netöryggismál og kynferð-
isbrot. En með skiptingu þessara 500
milljóna vorum við meira að einblína á
viðbragðsgetu og almenna löggæslu,“
segir Vilhjálmur. Hópurinn mun
starfa áfram og fylgjast með því að til-
lögurnar gangi eftir.
Yfirmenn lögregluumdæmanna á
landsbyggðinni sem blaðamaður
ræddi við eru sammála um að með
fjölgun lögreglumanna komist staðan
í viðunandi horf, nú verði hægt að
veita lágmarks-löggæslu.
Betra eftirlit og öflugri vaktir
Óskar Bjartmarz, yfirlögreglu-
þjónn á Seyðisfirði, segir að í hans
umdæmi starfi nú sex lögreglumenn.
Þeim mun fjölga um þrjá. Ásættan-
legast væri að hafa þá ellefu. Óskar
segir að fyrirhuguð fjölgun muni hafa
þau áhrif að menn geti þá unnið í
lengri tíma tveir saman á vakt sem
gerir vaktirnar öflugri.
Á Vestfjörðum mun lögreglumönn-
unum fjölga um tvo, fara úr 18 í 20.
Samkvæmt skýrslu sem var gefin út í
byrjun síðasta árs um framtíðarlög-
gæslu á Íslandi ættu lögreglumenn á
svæðinu að vera 27 talsins. Hlynur
Hafberg Snorrason, yfirlögreglu-
þjónn á Vestfjörðum, segir lögregl-
una búna að vera að berjast í bökkum
síðan 2009 og því gott að sjá fram á
bjartari tíma. Með tveimur mönnum í
viðbót og aukafjármagni til aksturs
lögreglubíla verði hægt að sinna bet-
ur eftirliti á svæðum sem eru fjarri
starfsstöðvunum, en það hafi verið
erfitt síðustu ár.
Verða 23 en ættu að vera 36
Hjá lögreglunni á Selfossi fjölgar
lögreglumönnum um fjóra og verða
þá 23 talsins, einn er þegar kominn til
starfa. „Árið 2007 var talið að lög-
gæsluþörf í Árnessýslu væri 34 til 36
menn og við erum enn langt frá þeirri
tölu,“ segir Oddur Árnason, yfirlög-
regluþjónn á Selfossi. Fyrirhuguð
fjölgun lögreglumanna á árinu létti á
álaginu en sé ekki nóg. „Ég fagna því
að menn séu snúnir til lands í þessum
niðurskurði en það er langt í land að
menn séu komnir til þess horfs sem
var áður en niðurskurðurinn byrjaði.“
Víðfeðmasta lögregluumdæmið er
umdæmi lögreglunnar á Húsavík. Þar
hafa starfað sex lögreglumenn auk yf-
irlögregluþjóns, þeim mun fjölga um
þrjá á árinu. Strax eftir áramót kom
einn þeirra til starfa á Þórshöfn og
auglýst hefur verið eftir öðrum til
starfa á Húsavík. „Við höfum að
mestu þurft að einskorða löggæsluna
við útköll og bráðatilvik en með þessu
gefst aukið svigrúm til þess að sinna
sýnilegri löggæslu og þeim svæðum
sem hafa verið afskipt,“ segir Svavar
Pálsson, lögreglustjóri á Húsavík.
Skref í rétta átt en ekki nóg
Fjölga á lögreglumönnum á landinu um 44 á árinu Lögreglumenn verða þá 657 talsins en ættu
að vera nær 900 Viðsnúningur niðurskurðaráranna segir ríkislögreglustjóri Léttir á álaginu
Fjöldi lögreglumanna 1. janúar 2014 og fyrirhuguð fjölgun
Grunnkort/Loftmyndir ehf.*Sérstakur saksóknari er ekki inn í þessum tölum
Ríkislögreglustjórinn
73 +2
611: Lögreglumenn 1. janúar 2014
+44: Fyrirhuguð fjölgun
Höfuðborgarsvæðið
301 +8
Suðurnes
84 +2
Selfoss
19 +4
Hvolsvöllur
7 +2
Vestmannaeyjar
8 +3
Eskifjörður
14 +3
Seyðisfjörður
6 +3
Akureyri
31 +4
Sauðárkrókur
7 +2
Blönduós
6 +1
Akranes
9 +2
Borgarnes
7 +2
Snæfellsnes
7 +1
Vestfirðir
18 +2
Lögregluskólinn
7
Húsavík
7 +3