Morgunblaðið - 25.01.2014, Qupperneq 38
38 MINNINGAR Messur á morgun
MORGUNBLAÐIÐ LAUGARDAGUR 25. JANÚAR 2014
ÁRBÆJARKIRKJA | Guðsþjónusta
kl. 11. Sr. Þór Hauksson þjónar fyrir
altari og prédikar. Messuþjónar
Katrín og Ragna. Kirkjukórinn leiðir
safnaðarsöng. Organisti og kórstjóri
Kristina Kalló Szklenár. Barnamessa
á sama tíma í safnaðarheimili kirkj-
unnar. Umsjón hafa Kjartan og Bryn-
dís Eva.
ÁSKIRKJA | Fjölskylduguðsþjón-
usta kl. 11 í umsjá Kristnýjar Rósar
Gústafsdóttur djákna og Magnúsar
Ragnarssonar organista. Sögur, leik-
ir, söngur og brúður. Tilvalin gæða-
stund afa og ömmu með barnabörn-
unum! Sjá www.askirkja.is.
ÁSTJARNARKIRKJA | Guðsþjón-
usta kl. 11. Kór Ástjarnarkirkju
syngur undir stjórn Matthíasar V.
Baldurssonar tónlistarstjóra. Prestur
er sr. Kjartan Jónsson og meðhjálp-
ari Sigurður Þórisson. Sunnudaga-
skóli á sama tíma undir stjórn
Hólmfríðar S. Jónsdóttur og Bryndís-
ar Svavarsdóttur. Hressing og sam-
félag.
BESSASTAÐAKIRKJA | Kvöld-
guðsþjónusta kl. 20. Hugleiðingu
flytja Karen Ösp Friðriksdóttir og
Arnrún Magnúsdóttir. Lærisveinar
HANS spila undir sönginn undir
stjórn Bjarts Loga organista. Ferm-
ingarbörn flytja bænir. Sr. Hans Guð-
berg leiðir stundina ásamt Margréti
djákna.
BESSASTAÐASÓKN | Sunnudaga-
skóli kl. 11 í Brekkuskógum 1. Um-
sjón með stundinni hafa Fjóla, Þór-
unn Ágústa og sr. Hans Guðberg.
BORGARNESKIRKJA | Messa kl.
11. Guðsþjónusta í Brákarhlíð kl.
13.45. Organisti Steinunn Árnadótt-
ir. Prestur Þorbjörn Hlynur Árnason.
BRAUTARHOLTSKIRKJA Kjal-
arnesi | Guðsþjónusta kl. 11. Sr.
Gunnar Kristjánsson prédikar og
þjónar fyrir altari, Páll Helgason leik-
ur á orgelið og stjórnar söng, fé-
lagar úr Karlakór Kjalnesinga
syngja.
BREIÐHOLTSKIRKJA | Fjölskyldu-
guðsþjónusta kl. 11, sr. Bryndís
Malla Elídóttir þjónar, Örn Magn-
ússon stjórnar söngnum. Öllum
börnum sem verða fimm ára á árinu
verður gefin falleg bók um Kötu og
Óla sem finnst gaman að fara í
kirkjuna sína. Boðið verður upp á
hressingu í safnaðarheimilinu í lok-
in. Tómasarmessa kl. 20. Sr. Bryn-
dís Malla Elídóttir prédikar og Þor-
valdur Halldórsson sér um
tónlistina. Boðið verður upp á fyr-
irbæn með smurningu og/eða
handayfirlagningu. Molasopi og te í
safnaðarheimili að messu lokinni.
BÚSTAÐAKIRKJA | Barnamessa
kl. 11. Í dag fáum við að heyra sög-
una um Bartímeus blinda sem hitti
Jesú og fékk sýn. Bára, Daníel og
sr. Árni Svanur leiða stundina og
Jónas Þórir leikur af fingrum fram á
flygilinn. Messa kl. 14. Sr. Árni
Svanur Daníelsson prédikar og þjón-
ar fyrir altari. Í prédikun dagsins
ætlar hann að ræða um brýnustu
verkefni kristins fólks og þar með
kirkjunnar í dag. Messuþjónar leiða
bænir og lesa lestra. Jónas Þórir
situr við orgelið og félagar úr Kór
Bústaðakirkju leiða sönginn.
DIGRANESKIRKJA | Messa og
sunnudagaskóli kl. 11. Prestur sr.
Gunnar Sigurjónsson. Organisti
Bjartur Logi Guðnason. Söngur
Söngvinir, kór aldraðra í Kópavogi.
Súpa í safnaðarsal eftir messu.
Helgistund kl. 15. Prestur sr. Gunn-
ar Sigurjónsson. Vitnisburður Dagný
Björk Pétursdóttir. Tónlist Kántrí-
bandið Digra.
DÓMKIRKJAN | Messa kl. 11. Sr.
Karl Sigurbjörnsson biskup prédikar
og þjónar fyrir altari. Kór Átthaga-
félags Strandamanna syngur, stjórn-
andi Ágota Joé og organisti Kári Þor-
mar. Barnastarfið á kirkjuloftinu á
sama tíma undir stjórn Ólafs Jóns
og Sigurðar Jóns.
FELLA- og Hólakirkja | Guðsþjón-
usta kl. 11. Prestur séra Svavar
Stefánsson. Kór Fella- og Hólakirkju
syngur, organisti Guðný Einarsdóttir.
Sunnudagaskóli á sama tíma í
umsjá Hreins Pálssonar og Péturs
Ragnhildarsonar en þeir verða með
myndlistardag. Meðhjálpari og
kirkjuvörður er Kristín Ingólfsdóttir.
FRÍKIRKJAN Hafnarfirði | Barna-
og fjölskylduguðsþjónusta kl. 11.
Hljómsveit kirkjunnar leiðir sönginn
undir stjórn Arnar Arnarsonar.
FRÍKIRKJAN Kefas | Sunnudaga-
skóli kl. 11. Góð fræðsla, mikill
söngur og hressing í lokin.
FRÍKIRKJAN Reykjavík | DJASS-
MESSA, sunnudagskvöld kl. 20.
Hugljúf kvöldstund með ljúfum
djasstónum við kertaljós og hugleið-
ingar séra Hjartar Magna. Kvöld-
messurnar í Fríkirkjunni eru með
léttu yfirbragði þar sem tónlistin
leikur stórt hlutverk. Sönghópur Frí-
kirkjunnar leiðir sönginn. Valinkunnir
tónlistarmenn sjá um tónlistarflutn-
ing undir forystu Gunnars Gunn-
arssonar píanóleikara. Stundin er í
umsjón sr. Hjartar Magna Jóhanns-
sonar.
GLERÁRKIRKJA | Messa kl. 11.
Prestur sr. Gunnlaugur Garðarsson.
Organisti Petra Pálsdóttir. Kór Gler-
árkirkju leiðir söng.
GRAFARVOGSKIRKJA | Guðsþjón-
usta kl. 11. Séra Guðrún Karls
Helgudóttir prédikar og þjónar fyrir
altari. Kór kirkjunnar syngur. Org-
anisti Hákon Leifsson. Sunnudaga-
skóli á neðri hæðinni kl. 11. Séra
Vigfús Þór Árnason. Umsjón hefur
Þóra Björg Sigurðardóttir. Undirleik-
ari Stefán Birkisson.
GRENSÁSKIRKJA | Morgunverður
kl. 10, bænastund kl. 10.15.
Messa kl. 11. Barnastarf í umsjón
Lellu o.fl. Altarisganga. Samskot til
Hjálparstarfs kirkjunnar. Messuhóp-
ur þjónar. Félagar úr kirkjukór Grens-
áskirkju syngja. Organisti er Ásta
Haraldsdóttir. Prestur sr. Ólafur Jó-
hannsson. Molasopi eftir messu.
Hversdagsmessa með Þorvaldi Hall-
dórssyni á fimmtudag kl. 18.10.
GUÐRÍÐARKIRKJA í Grafarholti |
Guðsþjónusta og barnastarf í Guð-
ríðarkirkju kl. 11. Prestur sr. Sigríð-
ur Guðmarsdóttir, organisti Ester
Ólafsdóttir og kór Guðríðarkirkju
syngur. Barnastarf í umsjá Aldísar
R. Gísladóttur og Ruth Rúnars-
dóttur. Meðhjálpari Aðalstein D.Ok-
tósson. Kirkjuvörður Lovísa Guð-
mundsdóttir. Kaffisopi eftir messu.
HAFNARFJARÐARKIRKJA |
Messa og sunnudagskóli kl. 11.
Páls Kr. Pálsson fyrrverandi org-
anista minnst í tilefni 100 ára
vígsluafmælis kirkjunnar. Vox fem-
ine syngur undir stjórn Magrétar
Pálmadóttur. Guðmundur Sigurðs-
son organisti leikur orgelverk sem
tileinkað er Páli Kr. Prestur sr. Jón
Helgi Þórarinsson. Sunnudagskólinn
byrjar í kirkjunni en síðan fara börn-
in í safnaðarheimilið með Arnóri og
Önnu Elísu. Kaffisopi eftir stundina.
HALLGRÍMSKIRKJA | Messa og
barnastarf kl. 11. Sr. Jón Dalbú Hró-
bjartsson prédikar og þjónar fyrir alt-
ari. Hópur messuþjóna aðstoðar.
Drengjakór Reykjavíkur í Hallgríms-
kirkju syngur undir stjórn Friðriks S.
Kristinssonar. Organisti er Björn
Steinar Sólbergsson. Umsjón barna-
starfs Inga Harðardóttir. Ensk
messa kl. 14 í umsjá sr. Bjarna
Þórs Bjarnasonar.
HÁTEIGSKIRKJA | Fjölskylduguðs-
þjónusta kl. 11. Börn úr Kamm-
erklúbbnum leika á hljóðfæri sín
undir stjórn Ewu Tosik. Organisti
Kári Allansson. Prestur sr. Helga
Soffía Konráðsdóttir.
HJALLAKIRKJA Kópavogi |
Messa kl. 11. Sr. Halldór Reynisson
þjónar. Félagar úr Kór Hjallakirkju
syngja undir stjórn Jóns Ólafs Sig-
urðssonar organista. Sunnudaga-
skóli kl. 13.
HRAFNISTA | Hafnarfirði. Guðs-
þjónusta kl. 11 í Menningarsal. Lilja
Hallgrímsdóttir prédikar. Organisti
Böðvar Magnússon. Ritningarlestra
lesa Bergljót Sveinsdóttir og Gerda
Hammer. Sr. Svanhildur Blöndal
þjónar fyrir altari.
HVÍTASUNNUKIRKJAN Fíladelfía
| Samkoma kl. 11. Ester Karin Ja-
cobsen prédikar. Kaffi og samfélag
eftir samkomuna. Samkoma á
ensku hjá Alþjóðakirkjunni kl. 14.
Helgi Guðnason prédikar. English
speaking service. Kvöldsamkoma kl.
18. Helgi Guðnason prédikar.
www.filadelfia.is
ÍSLENSKA KIRKJAN í Svíþjóð |
Gautaborg. Íslensk guðsþjónusta
verður í Västra Frölundakirkju kl. 14.
Íslenski kórinn í Gautaborg syngur.
Orgel og kórstjórn Kristinn og Tuula
Jóhannesson. Barnastund með
Birnu og smábarnahorn í hlið-
arherbergi í kirkjunni. Kirkjukaffi eft-
ir guðsþjónustu ásamt aðalfundi
safnaðarins. Prestur sr. Ágúst Ein-
arsson.
ÍSLENSKA Kristskirkjan | Sam-
koma með lofgjörð og fyrirbæn kl.
13.30. Ólafur H. Knútsson predikar.
Barnastarf á sama tíma. Áríðandi
safnaðarfundur eftir samkomuna.
KAÞÓLSKA kirkjan |
Dómkirkja Krists konungs,
Landakoti | Messa kl. 10.30, kl.
13 á pólsku og kl. 18 á ensku.
Virka daga kl. 18, og má. mi. og fö.
kl. 8, lau. kl. 16 á spænsku og kl.
18 er sunnudagsmessa.
Maríukirkja við Raufarsel,
Reykjavík | Messa kl. 11, kl.
12.15 barnamessa. Virka daga
messa kl. 18.30, lau. á ensku kl.
18.30.
Jósefskirkja, Hafnarfirði | Messa
Orð dagsins:
Jesús gekk ofan af
fjallinu.
(Matt. 8)
✝ SveinbjörgSigurðardóttir
fæddist í Reykjavík
þann 23. mars
1938, og lést þann
27. desember 2013.
Hún var dóttir
hjónanna Sigurðar
Sveinbjörnssonar,
forstjóra, f. 13.11.
1908, d. 25.1. 1999,
og Ingibjargar
Ingimundardóttur,
húsmóður, f. 16.2. 1908, d.
26.11. 1989. Bræður Svein-
bjargar eru Karl, f. 28.2. 1930,
d. 13.9. 1947 og Guðmundur
Már, f. 27.4. 1951, kvæntur Mílu
Sigurðsson f. 1955. Fyrri eig-
inmaður Sveinbjargar var
Frank Styduhar, f. 1931, sonur
þeirra er Karl Frank, f. 28.11.
1955, kona hans er Svala B.
Jónsdóttir f. 1954. Synir þeirra
eru Róbert Arnar, f. 1977, í
sambúð með Agnés Davy, f.
1985, Sigurður Reynir, f. 1993,
og Þórður Ágúst, f. 1995.
Síðari eiginmaður hennar
var Gunnar Þormar, f. 1932,
þau skildu. Börn þeirra eru 1)
Kristín, f. 7.7. 1962. Maður
hennar var Einar H. Reynis, f.
1958, þau skildu. Börn þeirra
eru Bryndís Inga, f. 1994, og
Jósef Andri, f.
1996. Áður eign-
aðist Kristín Þór-
eyju, f. 1981, mað-
ur hennar er
Jóhann Sveinsson
f. 1975, dætur
þeirra eru Rakel
Emma, f. 2009, og
Ísey Gunnur, f.
2013. 2) Andrea, f.
22.4. 1964. Maður
hennar er Atli Már
Jósafatsson, f. 1953, börn þeirra
eru Elísabet, f. 1994, Thelma
Rós, f. 1996 og Gunnar Már, f.
1998. 3) Ólafur, f. 6.4. 1967. 4)
Sveinbjörn, f. 12.5. 1968. Eig-
inkona hans er Kristín Þórs-
dóttir, f. 1971 og börn þeirra
eru Þór, f. 1991, Gunnar, f.
1996, Guðbjörg, f. 2002 og
Brynjar, f. 2004. Sveinbjörg
stundaði verslunar- og skrif-
stofustörf mestan hluta ævi
sinnar. Hún tók virkan þátt í lífi
barna sinna og barnabarna, og
hafði yndi af tónlist, lestri,
ferðalögum og ljósmyndun, en
síðasta árið átti hún við erfið
veikindi að glíma.
Sveinbjörg var jarðsungin
frá Fossvogskapellu þann 8.
janúar 2014 í kyrrþey að ósk
hinnar látnu.
Sveinbjörg Sigurðardóttir
var amma mín og betri ömmu
hefði ég ekki getað hugsað
mér. Samband okkar byrjaði
strax við fæðingu þegar hún
tók á móti mér í heiminn. Mér
fannst sú upplifun alltaf gera
okkur einstaklega nánar. Ég
veit að þú ert farin frá þessum
heimi og ég veit að þú ert kom-
in á betri stað og það huggar
mig að vita að okkar órjúfan-
legu bönd eiga sér engin mörk
og þau munu haldast þangað til
við erum sameinaðar á ný.
Sökum aðstæðna þurfti
amma mikið að hugsa um mig
fyrstu árin og því má segja að
hún hafi verið mér allt í senn,
uppalandi, amma og síðast en
ekki síst yndisleg vinkona og
ráðgjafi.
Hún var alltaf til staðar fyrir
mig og mér þótti afskaplega
gott að leita til hennar með öll
mín mál. Hún var ekki síður til
staðar á gleðilegum stundum
og þykir mér sérstaklega vænt
um mynd sem var tekin af okk-
ur ömmu og mömmu með ný-
fædda dóttur mína. Fjórir ætt-
liðirnir og hún var svo stolt og
svo hamingjusöm fyrir mína
hönd. Ég syrgi að dætur mínar
muni ekki fá að alast upp með
henni.
Stundum kemur yfir mig til-
finning þar sem mér líður eins
og ég sé komin heim og það er
alltaf á þeirri stundu sem ég
hugsa um Silfurteiginn þar sem
ég ólst upp með ömmu og
mömmu. Þar leið mér vel og
þar var ég örugg og umvafin
ást.
Þegar fráfall verður snögg-
lega sitja allt í einu eftir marg-
ar blendnar tilfinningar og því
miður situr maður uppi með til-
finninguna að maður hafi
brugðist þér og ekki verið til
staðar þegar þú mest þurftir á
að halda eftir þetta skelfilega
heilablóðfall. En sannleikurinn
er sá að það var auðveldara að
halda sig að einhverju leyti frá
því það var of sárt og erfitt að
sætta sig við að ein af mik-
ilvægustu manneskjunum í lífi
mínu væri orðin svona mikið
breytt. Ég var líka hrædd um
að veikindi þín myndu skyggja
á fortíð okkar, ræna mig ein-
hverju sem við áttum saman.
En núna ertu dáin og það er
svo skrítið að það er eins og
síðastliðið ár hafi aldrei átt sér
stað og eftir sitja allar þessar
dásamlegu og fallegu minning-
ar um þig og okkur. Ég sakna
að finna ekki ömmulykt og ég
sakna þess að fá ekki ömmu-
knús.
Þú baðst mig reglulega um
knús og sagðist eingöngu fá
svoleiðis frá mér og Óla. Ég
veit að það var ekki rétt en mér
þótti alltaf vænt um að heyra
það að ég skipaði sérstakan
sess í hjarta þínu eins og þú
hefur alla tíð gert í mínu. En
mest af öllu sakna ég hlátursins
þíns og stundum þarf ég bara
að sjá þig fyrir mér hlæjandi
og hjarta mitt fyllist einlægri
ást og hlýju en líka ofboðslega
mikilli sorg.
Ég vildi að mín hinstu orð
hefðu verið að ég elska þig af
öllu hjarta. En ég veit að þú ert
á stað þar sem þú veist það og
þar veit ég að hlátur þinn
hljómar og ég er glöð, elsku
amma mín, að þú ert komin á
friðsælan stað.
Hvíldu í friði elsku besta
amma mín,
Þórey Þormar.
Sveinbjörg
Sigurðardóttir
✝ Margrét Jóns-dóttir fæddist
í Ártúni, Vest-
mannaeyjum, 9.
október 1931. Hún
lést á Dvalarheim-
ili aldraðra í Vest-
mannaeyjum
föstudaginn 17.
janúar síðastlið-
inn. Foreldrar
Margrétar voru
Jón Sigurðsson,
fæddur í Mikla-
holti, Hnapp., 12. febrúar
1900, látinn 24. janúar 1980
og Karólína Sigurðardóttir,
fædd í Vallarhjáleigu, Breiða-
bólsstaðarsókn, Rang., 9. októ-
ber 1899, látin 10. ágúst 1989.
Systkini Margrétar voru Geir-
laug Jónsdóttir, f. 20.6. 1923,
d. 31.5. 1995, Kristín Jóns-
dóttir, f. 9.1. 1926, d. 9.8. 2004
og Sigurður Jóns-
son, f. 24.7. 1940,
d. 25.7. 2011. Mar-
grét giftist eig-
inmanni sínum,
Harry Pedersen, f.
7.2. 1936, d. 21.4.
2008, þann 9.10.
1961. Þau eign-
uðust 3 börn; Stef-
án Jóhann Ped-
ersen, f. 5.3. 1958,
Andvana fætt
barn, 31.05. 1963
og Karólínu Pedersen, f. 12.
11. 1964. Margrét vann um
tíma á Siglufirði á síld-
arvertíðinni, bjó svo með
Harry eiginmanni sínum í
Reykjavík og Garðabæ og
fluttu þau til Vestmannaeyja
1971. Margrét bjó í Vest-
mannaeyjum fram að dán-
ardegi sínum.
Í dag er kær móðursystir
mín, Margrét Jónsdóttir, til
moldar borin frá Landakirkju í
Vestmannaeyjum. Hún var bú-
in að eiga við vanheilsu að
stríða undanfarin ár og dvaldi
nú síðast í Hraunbúðum þar
sem vel fór um hana. Hún var
alltaf fasti punkturinn í Eyjum
þegar við sóttum eyjarnar heim
hvort sem við komum um
þjóðhátíð eða fjölmenntum á
lundapysjuveiðar og var þá oft-
ast tjaldað í garði við hús henn-
ar og Harry’s eiginmanns
hennar, sem lést árið 2008 og
var öllum harmdauði.
Hann var henni allt í öllu og
bar hana á höndum sér þar sem
hún var sjúklingur en hann var
alltaf frískur eins og unglingur
og bjóst því enginn við sviplegu
fráfalli hans.
Börnin þeirra eru tvö og eru
bæði búsett í Noregi ásamt
fjölskyldum sínum og hafa þau
verið dugleg að koma til Ís-
lands og dvelja hjá henni í sum-
arfríum og um jól og páska.
Þau seldu húsið sem þau áttu
og keyptu Vestmannabraut 73
af dánarbúi Sigurðar Jónssonar
móðurbróður okkar sem lést
árið 2011 og var líka æsku-
heimili hennar.
Húsið var í mikilli niður-
níðslu og af miklum dugnaði og
elju hafa þau á mettíma gert
húsið eins og nýtt og var gam-
an að sjá hvað Magga hafði
gaman af að koma þangað og
dvelja með börnum sínum og
barnabörnum í húsinu. Ég
hugsa að það hafi verið hennar
sælustu stundir. Það er þakk-
arvert að hún náði að upplifa
það.
Alltaf var líka gaman að
koma til þeirra um þjóðhátíð og
tjalda í garðinum og voru þau
alltaf með okkur og vildu allt
fyrir okkur gera. Um síðustu
þjóðhátíð náðu börnin hennar í
hana og fóru með hana í hjóla-
stólnum í yndislegu veðri og
dvaldi hún góða stund í Eyja-
tjaldinu og hafði gaman af.
Magga er sú síðasta af ætt-
ingjum okkar í Eyjum sem
kveður og verður skrýtið að
koma til Eyja og hafa engan
náinn ættingja þar lengur. Það
er með sorg í hjarta sem ég
kveð þig, Magga mín, og ég
veit að góður Guð geymir þig.
Ég sendi börnum hennar og
barnabörnum og langömmu-
barni innilegar samúðarkveðj-
ur.
Berglind og fjölskylda.
Margrét Jónsdóttir
Nauðungarsala
Uppboð
Einnig birt á www.naudungarsolur.is.
Framhald uppboðs á eftirfarandi eignum verður háð á
þeim sjálfum, sem hér segir:
Hringbraut 74, 200-2542, Reykjavík, þingl. eig. Þórunn Hjartardóttir,
gerðarbeiðendur Reykjavíkurborg og Sjóvá-Almennar tryggingar hf.,
miðvikudaginn 29. janúar 2014 kl. 10:00.
Skipasund 69, 202-0485, Reykjavík, þingl. eig. Rakel Jónasdóttir,
gerðarbeiðendur Orkuveita Reykjavíkur-vatns sf., Reykjavíkurborg og
Sýslumaðurinn á Blönduósi, miðvikudaginn 29. janúar 2014 kl. 13:30.
Sýslumaðurinn í Reykjavík,
24. janúar 2014.
Raðauglýsingar
✝
Innilegar þakkir sendum við öllum þeim sem
sýndu okkur samúð og hlýhug vegna andláts
og útfarar eiginmanns míns, föður, tengda-
föður, afa og langafa,
ÓLA GUNNARSSONAR,
Skógum,
Kópaskeri.
Þórunn Guðrún Pálsdóttir,
Hugrún Óladóttir, Guðmundur Bárðarson,
Gunnar Páll Ólason, Anna Lára Jónsdóttir,
Jón Kristján Ólason, Þorbjörg Dóra Gunnarsdóttir,
Lovísa Óladóttir, Kári Halldórsson,
Kristveig Óladóttir, Dagbjartur Gunnar Halldórsson,
Hildur Óladóttir, Sigþór Heimisson,
Halla Óladóttir, Friðrik Már Jónsson,
Gunnlaug Óladóttir,
barnabörn og barnabarnabörn.
✝
Hjartans þakkir fyrir auðsýnda samúð, vináttu
og hlýhug vegna andláts og jarðarfarar elsku-
legs eiginmanns, föður, tengdaföður, afa og
langafa,
HJARTAR EINARSSONAR,
Neðri-Hundadal,
Dalasýslu.
Sendum starfsfólki Silfurtúns í Búðardal þakkir fyrir hlýju og
góða umönnun.
Lilja Sveinsdóttir,
Sigríður Hjartardóttir, Helgi Reynisson,
Sigursteinn Hjartarson, María Guðmundsdóttir,
Kristín Lára Hjartardóttir, Jóhann Hreggviðsson,
Signý Harpa Hjartardóttir, Axel Gíslason,
barnabörn og barnabarnabörn.