Morgunblaðið - 25.01.2014, Blaðsíða 19

SVIÐSLJÓS
Guðni Einarsson
gudni@mbl.is
Hafnarfjarðarbær ætlar að leita
leiða til að leysa úr þeim vanda sem
er á húsnæðismarkaði. Kópavogs-
bær hefur breytt gjaldflokkum
vegna lóðaverðs.
Samtök atvinnulífsins (SA) hafa
reiknað út að byggingarkostnaður
fjölbýlishúsa sé 43% hærri nú en
fyrir rúmum áratug, eins og kom
fram í Morgunblaðinu í gær. SA tel-
ur að lækkun lóðaverðs sé ein for-
senda nauðsynlegrar uppbyggingar.
Leiguhúsnæði til framtíðar
Bæjarráð Hafnarfjarðarbæjar
samþykkti 16. janúar s.l. að „leitað
verði eftir samstarfshugmyndum frá
einkaaðilum og fjárfestum, frjálsum
félagasamtökum og öðrum sem hafa
það sem markmið að byggja upp
hagkvæmt og öruggt leiguhúsnæði
til framtíðar. Skipulags- og bygg-
ingaráði verði jafnframt falið að
leggja fram tillögur um lóðir sem
taldar eru henta sérstaklega til upp-
byggingar minni og hagkvæmari
leiguíbúða.“
Guðrún Ágústa Guðmundsdóttir,
bæjarstjóri, sagði að málið yrði rætt
áfram í bæjarráði. Hún sagði lóða-
verð hafa hækkað hlutfallslega þeg-
ar mikil eftirspurn var á húsnæðis-
markaði. „Við höfum farið í endur-
mat á okkar lóðaverði og teljum að
við séum í takti við sveitarfélög í ná-
grenninu,“ sagði Guðrún Ágústa.
Hún sagði að lóðaverð væri ekki
heilagt. Þegar ástand á húsnæðis-
markaði væri eins og það er nú yrði
að leysa þann hnút. „Að sjálfsögðu
leggjumst við yfir hvað við getum
gert til að koma til móts við íbúa
bæjarins,“ sagði Guðrún Ágústa.
Hún benti á að deiliskipulag hins
nýja Skarðshlíðarhverfis gerði ráð
fyrir sveigjanleika í íbúðastærð fjöl-
býlishúsa. Þar yrði ekki hagkvæm-
ara að byggja stórar íbúðir vegna
lóðaverðsins. Hún taldi að sveitar-
félögin væru ekki að græða á lóða-
sölu, því lóðaverðið ætti að standa
undir heildaruppbyggingu hverf-
anna.
Yfirtökugjöld vega þungt
Yfirtökugjöld vega þungt í lóða-
verði í Kópavogi, að sögn Ármanns
Kr. Ólafssonar, bæjarstjóra Kópa-
vogsbæjar. Hann sagði að Kópa-
vogsbær hefði þurft að kaupa allt
land sem úthlutað hefur verið fyrir
lóðir frá 1990 og þá voru yfirtöku-
gjöld tekin upp. Þau komu til vegna
landakaupa og kostnaðar við að gera
lóðirnar byggingarhæfar. Oft hefur
þurft að kaupa gömul hús og sumar-
bústaði sem hefur þurft að fjar-
lægja. Þá stuðlar það að hækkun
lóðaverðs að fjárfestar hafa verið í
samkeppni um byggingarland. Ár-
mann sagði að lóðaleiga ein og sér
stæði ekki undir slíkum útgjöldum.
Hann sagði að gatnagerðargjöld í
bænum hefðu hækkað úr 4% í 4,9%
árið 2007 miðað við verð vísitölu-
húss. „Gatnagerðargjaldið, eins og
það er í dag, stendur illa undir
kostnaðinum við nýtt hverfi og alls
ekki ef við bætast stofnbrautir sem
ríkið hefur verið að koma yfir á
sveitarfélögin,“ sagði Ármann. Hann
sagði að Kópavogur hefði aldrei haft
uppboð á lóðum. Ármann sagði það
að einhverju leyti rétt að lóðagjöld
hefðu fremur stuðlað að byggingu
stærri íbúða en þeirra minni.
„Nú höfum við skipt lóðagjöldum
af fjölbýlishúsum í þrjá flokka og
einnig lækkað lóðaverð einbýlishúsa
ef húsbyggjendur minnka bygging-
armagnið,“ sagði Ármann. Ef bygg-
ingarmagn á einbýlishúsalóð er ekki
fullnýtt, eftir ákveðnum reglum,
lækkar lóðarverð frá grunnverði.
Lóðagjöld fjölbýlishúsaíbúða eru
flokkuð í þrjá flokka eftir skipulögðu
flatarmáli íbúðanna, þ.e. með sam-
eign og öllu. Flokkamörkin voru
færð til þannig að íbúðir allt að 100
m2 bæru lægstu gjöldin. Við það
lækkaði lóðargjald slíkrar íbúðar um
700.000 kr. Í lægsta flokki eru íbúðir
með skipulagt flatarmál allt að 120
m2 sem er vinsælasti flokkur fjöl-
býlishúsaíbúða. Í 2. flokki eru 121-
160 m2 íbúðir og í 3. flokki og þeim
hæsta eru íbúðir stærri en 160 m2.
Sveitarfélög liðka fyrir byggingum
 Hafnarfjarðarbær leitar hugmynda að uppbyggingu hagkvæms leiguhúsnæðis  Kópavogsbær
hefur breytt mörkum gjaldflokka sinna fyrir fjölbýlishúsalóðir og lækkað gjöld á minni íbúðir
Guðrún Ágústa
Guðmundsdóttir
Ármann Kr.
Ólafsson
Morgunblaðið/Árni Sæberg
Byggingarframkvæmdir Byggingarkostnaður hefur hækkað verulega.
FRÉTTIR 19Innlent
MORGUNBLAÐIÐ LAUGARDAGUR 25. JANÚAR 2014
Álagningarseðlar fasteignagjalda í Reykjavík
2014 verða sendir til íbúa á næstu dögum.
Fasteignagjöldin verða innheimt í gegnum
heimabanka þar sem jafnframt er hægt að
prenta út greiðsluseðil. Greiðsluseðlar verða
ekki sendir út en hægt er að óska eftir heim-
sendum greiðsluseðlum í gegnum þjónustu-
ver Reykjavíkurborgar í síma 411 1111.
Fjármálaskrifstofa Reykjavíkurborgar annast álagningu og innheimtu á
fasteignaskatti, lóðaleigu og sorphirðugjaldi.
Þeir sem fengu lækkun á fasteignaskatti og fráveitugjaldi á liðnu ári, fá
einnig lækkun á árinu 2014. Við álagningu fasteignagjalda nú í janúar
verður afsláttur elli- og örorkulífeyrisþega til bráðabirgða miðaður við
tekjur ársins 2012. Þegar álagning vegna tekna ársins 2013 liggur fyrir
næsta haust, verður afslátturinn endanlega ákvarðaður og verða þá allar
breytingar tilkynntar bréflega.
Fjármálaskrifstofa Reykjavíkurborgar framkvæmir breytingar á fasteigna-
skatti og fráveitugjaldi elli- og örorkulífeyrisþega og þarf því ekki að sækja
sérstaklega um lækkun eða niðurfellingu þessara gjalda.
Skilyrði lækkunar eru að viðkomandi elli- eða örorkulífeyrisþegi eigi lögheimili í
Reykjavík og sé þinglýstur eigandi viðkomandi fasteignar og/eða geti átt rétt á
vaxtabótum vegna hennar skv. B-lið 68. gr. laga nr. 90/2003 um tekjuskatt og
eignaskatt.
Einungis er veitt lækkun vegna íbúðarhúsnæðis til eigin nota.
Borgarráð hefur ákveðið að tekjumörk elli- og örorkulífeyrisþega vegna niður-
fellingar/lækkunar fasteignaskatts á árinu 2014 verði eftirfarandi:
100% lækkun: Einstaklingar með tekjur allt að 2.650.000 kr.
Hjón með tekjur allt að 3.700.000 kr.
80% lækkun: Einstaklingar með tekjur á bilinu 2.650.000 til 3.040.000 kr.
Hjón með tekjur á bilinu 3.700.000 til 4.120.000 kr.
50% lækkun: Einstaklingar með tekjur á bilinu 3.040.000 til 3.540.000 kr.
Hjón með tekjur á bilinu 4.120.000 til 4.920.000 kr.
Umhverfis- og skipulagssvið Reykjavíkurborgar, Borgartúni 12-14, veitir
allar upplýsingar varðandi álagningu og breytingar á gjaldi fyrir meðhöndlun
úrgangs í síma 411 1111. Einnig má leita upplýsinga með tölvupósti á netfangið
sorphirda@reykjavik.is.
Orkuveita Reykjavíkur, Bæjarhálsi 1, annast álagningu og innheimtu vatnsgjalds
og fráveitugjalds og veitir upplýsingar í síma 516 6000. Einnig má leita
upplýsinga með tölvupósti á netfangið or@or.is.
Fjármálaskrifstofa Reykjavíkurborgar, Höfðatorg, Borgartúni 12-14, veitir
upplýsingar varðandi álagningu fasteignaskatts og lóðarleigu og breytingar á
þeim í síma 411 1111. Einnig má leita upplýsinga með tölvupósti á netfangið
fasteignagjold@reykjavik.is.
Hægt er að leita upplýsinga um ofangreind atriði á heimasíðu Reykjavíkurborgar: www.reykjavik.is
Fasteignagjöld 2014
Borgarstjórinn í Reykjavík, 25. janúar 2014.
www.reykjavik.is
Stjórnmálaflokkarnir munu á næst-
unni velja frambjóðendur á lista
fyrir komandi sveitarstjórnarkosn-
ingar. Morgunblaðið mun birta
fréttir af þeim sem gefa kost á sér.
Prófkjör árið 2014
Bryndís Haralds-
dóttir bæjar-
fulltrúi gefur kost
á sér í 2. sæti í
prófkjöri sjálf-
stæðismanna í
Mosfellsbæ sem
fram fer 8. febrúar
n.k. Bryndís hefur verið bæjar-
fulltrúi í Mosfellsbæ frá árinu 2010
og er m.a. formaður bæjarráðs
Mosfellsbæjar og formaður skipu-
lagsnefndar. Áður var hún vara-
bæjarfulltrúi og varaþingmaður.
Bryndís er viðskiptafræðingur að
mennt og stundar nú meistaranám í
opinberri stjórnsýslu. Hún er gift
Örnólfi Örnólfssyni rafvirkjameist-
ara og eiga þau þrjú börn. Bryndís
hefur mikla reynslu úr atvinnulíf-
inu. Hún er í eigin atvinnurekstri
og starfaði lengi að nýsköpunar- og
frumkvöðlamálum hjá Ný-
sköpunarmiðstöð Íslands.
Sækist eftir 2. sæti
Sævar Sævarsson
gefur kost á sér í
3.-4. sæti á valfundi
Vinstri grænna í
Reykjavík sem
fram fer 15. febr-
úar n.k. Sævar hef-
ur ekki tekið þátt í
stjórnmálastarfi VG áður, en segir í
tilkynningu að hann telji brýnt að
ákveðin nýliðun eigi sér stað í
flokknum og vill hann verða hluti af
þeim breytingum.
Sævar er í sambúð með Hildi Mar-
íu Magnúsdóttur, unnustu sinni, og
eiga þau tvö börn. Hann lauk meist-
aranámi (ML) frá lagadeild Háskól-
ans í Reykjavík sumarið 2010 og hef-
ur starfað sem lögfræðingur hjá
Tollstjóra síðastliðinn þrjú ár. Hans
helstu áhugamál eru íþróttir, ferða-
lög og innihaldsríkar sam-
verustundir með fjölskyldu og vin-
um, segir í tilkynningu.
Framboð í 3.-4. sæti