Morgunblaðið - 20.03.2014, Page 4

4 FRÉTTIRInnlent
MORGUNBLAÐIÐ FIMMTUDAGUR 20. MARS 2014
Kjartan Kjartansson
kjartan@mbl.is
Á annað hundrað fulltrúa fyrirtækja í
verslunar- og veitingarekstri, þar á
meðal á annan tug erlendra fyr-
irtækja, mættu á fund í Hörpu í gær
þar sem Isavia kynnti forval vegna
aðstöðu til verslunar- og veit-
ingareksturs á Keflavíkurflugvelli.
Samningar rekstraraðila í brott-
fararsal flugstöðvarinnar rennur út í
lok þessa árs en samhliða forvalinu á
að ráðast í breytingar á salnum.
Áætlað er að þeim breytingum ljúki
vorið 2015.
Stórir á sínu sviði
Að sögn Hlyns Sigurðssonar,
framkvæmdastjóra Flugstöðvar
Leifs Eiríkssonar, eru þeir erlendu
aðilar sem skoða rekstur í flustöðinni
stórir í sérverslunar- og veitinga-
rekstri. „Það er mikill áhugi erlendis
frá, sérstaklega vegna þess að það
eru fáir flugvellir með svona mikla
fjölgun farþega eins og Keflavík-
urflugvöllur. Ísland er inn og menn
vilja bæta því við í safnið,“ segir
Hlynur.
Alls lögðu 2,8 milljónir farþega leið
sína um Keflavíkurflugvöll í fyrra og
spáð er að þeim muni enn fjölga um
18% á þessu ári. Fjöldinn verði kom-
inn upp í fimm milljónir árið 2020.
Ekki stendur til að stækka flug-
vallarbygginguna sjálfa að sögn
Hlyns heldur á að endurskipuleggja
flæðið svo að svæðið nýtist betur. All-
ir farþegar ganga í gegnum Fríhafn-
arverslunina og þaðan í gegnum
brottfararsalinn. „Við getum í raun-
inni fengið stærra verslunar- og veit-
ingasvæði með því að endur-
skipuleggja það,“ segir hann.
Þannig verði hægt að stækka hvort
tveggja verslunar- og veitingasvæðið
um fimmtug hvort fyrir sig. Áætlanir
um það liggi þó ekki endanlega fyrir
enda ráðist það af því hvaða rekstr-
araðilar verða fyrir valinu í forvalinu.
Áhugasamir aðilar fengu gögn um
forvalið í hendur í gær og geta þeir
nú boðið í rekstur í flugstöðinni. Í maí
og júní gefst þeim kostur á að senda
inn nákvæmari viðskiptaáætlanir og í
framhaldinu hefjast viðræður við þá
sem verða fyrir valinu í sumar og
haust. Hlynur segir að framkvæmdir
í brottafarsalnum hefjist þá í vetur
svo að allt verði til reiðu fyrir sum-
arið 2015.
Forvalið nær eingöngu til sérversl-
ana og veitingastaða en ekki til þeirra
fjögurra vöruflokka sem Fríhöfnin,
dótturfélag Isavia, hefur haft umboð
fyrir. Það er tollfrjáls varningur á
borð við áfengi, tóbak, sælgæti og
ilm- og snyrtivörur.
Áhugasamir um
rekstur í flugstöðinni
 Isavia kynnti forval á verslunar- og veitingarekstri
Tölvumynd/Isavia
Breytingar Tölvuteikning af einni af frumhugmyndum um breytingar á
brottfararsvæði flugvallarins sem kynnt var á fundinum í gær.
Allsherjar- og menntamálanefnd
Alþingis styður að það verði skoðað
að lækka refsimörk vegna ölvunar-
aksturs úr 0,5 prómillum í 0,2 pró-
mill. Þingsályktunartillaga sex
þingmanna Framsóknarflokks um
hert viðurlög við ölvunar- og vímu-
efnaakstri var lögð fram á Alþingi
19. nóvember 2013. Fyrri umræðu
lauk 28. nóvember og var málið
sent allsherjar- og mennta-
málanefnd.
Í greinargerð með tillögunni
kom m.a. fram að markmiðið væri
að fækka þeim tilfellum þegar öku-
menn ækju undir áhrifum áfengis
og/eða vímuefna. „Það er mat
flutningsmanna að til að svo megi
verða sé nauðsynlegt að gera breyt-
ingar á viðurlögum er snúa að ölv-
unar- og vímuefnaakstri.“
Þar er einnig bent á að ölvunar-
og lyfjaakstur sé orsök þriðjungs
banaslysa í umferðinni og margra
annarra alvarlegra umferðarslysa,
samkvæmt gögnum Samgöngu-
stofu og rannsóknarnefndar sam-
gönguslysa. Einnig að Svíar og
Norðmenn hafi nú þegar lækkað
refsimörk vegna ölvunaraksturs úr
0,5 prómillum í 0,2 prómill.
Allsherjar- og menntamálanefnd
hefur nú sent frá sér nefndarálit
með breytingartillögu við þings-
ályktunartillöguna. Þar er lagt til
að Alþingi álykti að fela innanrík-
isráðherra að láta yfirfara viðurlög
við ölvunar- og vímuefnaakstri við
heildarendurskoðun umferðarlaga
með það að markmiði að fækka
slíkum tilvikum. Sérstaklega verði
skoðuð nokkur atriði í því sam-
bandi. Þau eru að lækka refsimörk
ölvunaraksturs úr 0,5 prómillum í
0,2 prómill og samsvarandi mæling
öndunarsýnis. Námskeið um alvar-
leika ölvunar- og vímuefnaaksturs.
Hækkun sektargreiðslna vegna ölv-
unar- og vímuefnaaksturs og að
hluti þeirra renni í forvarnasjóð.
Ný úrræði í viðurlögum við ölv-
unar- og vímuefnaakstri.
gudni@mbl.is
Refsimörk vegna
ölvunaraksturs
verði lækkuð
 Lagt er til að lækka refsimörkin
úr 0,5 prómillum í 0,2 prómill
Morgunblaðið/Júlíus
Eftirlit Lögreglan fylgist vel með
því hvort ökumenn séu allsgáðir.
Viðar Guðjónsson
vidar@mbl.is
Rannsókn Matís og samstarfsaðila á
erfðasýnum úr makríl í íslenskri,
evrópskri, og norðuramerískri lög-
sögu þykir gefa vísbendingu um að
makrílgöngur í fiskveiðilögsögu Ís-
lendinga séu að hluta til af norður-
amerískum uppruna að sögn Sveins
Margeirssonar, forstjóra Matís.
„Ég tek ekki svo sterkt til orða að
fullyrða að svo sé á þessari stundu,“
segir Sveinn og bendir á að ekki sé
búið að vinna endanlegar niðurstöð-
ur. Hann segir þó að rannsóknin hafi
verið kynnt á ráðstefnun Alþjóðahaf-
rannsóknaráðsins, ICES. „Þar
sögðu vísindamennirnir frá því að
hluti þess makríls sem veiðist hér við
land er með mjög sambærilegan
erfðaprófíl og sá makríll sem er við
strendur Norður-Ameríku,“ segir
Sveinn.
Hann segir að næstu skref séu að
skrifa vísindagrein um rannsóknina
og fá hana ritrýnda í fræðitímariti.
„Ekki er hægt að segja að þetta séu
viðurkenndar niðurstöður fyrr en
búið er að ritrýna slíka grein,“ segir
Sveinn. Hann segir að fyrstu niður-
stöður verði kynntar formlega innan
nokkurra mánaða. Í framhaldinu
verði greinin ritrýnd.
Hann segir að svo virðist vera sem
stærri hluti makríls við Íslands-
strendur líkist evrópskum stofnum
en minnihluti líkist meira norðuram-
erískum stofnum. Ekki sé þó hægt
að fullyrða um hlutföll með nákvæm-
um hætti að svo stöddu.
Hluti makríls norðuramerískur
 Rannsókn á erfðasýnum makríls gefur vísbendingu um erfðablöndun hans við Ísland  Stærri hluti
makrílsins evrópskur  Hefur verið kynnt á ráðstefnun ICES en ekki hægt að fullyrða um niðurstöður
„Við teljum að ekki sé tímabært að tala um málið með þessum hætti þar
sem enn eru ekki komnar endanlegar niðurstöður í rannsóknina og hún
er ennþá í gangi,“ segir Jóhann Sigurjónsson forstjóri Hafrannsókna-
stofnunarinnar sem kom að rannsókninni. „Það er verið að þróa aðferðir
við mælingu og áður en þessu verkefni er lokið finnst okkur engan veginn
grundvöllur til að túlka niðurstöðurnar um skyldleika makríls í Norður-
Atlantshafi.“
Ekki tímabært að túlka
FORSTJÓRI HAFRÓ
Gámaskipið Dettifoss hélt frá Reykjavík í gær. Fyrsti
viðkomustaður er Grundartangi á leið til Rotterdam.
Eimskip gerir út Dettifoss. Skipið er 165,6 metrar á
lengd og er smíðað árið 1995.
Gámaskip í Sundahöfn
Morgunblaðið/Árni Sæberg
Dettifoss snýr sér í Sundahöfn