Morgunblaðið - 20.03.2014, Blaðsíða 22
22 UMRÆÐAN
MORGUNBLAÐIÐ FIMMTUDAGUR 20. MARS 2014
Nánari upplýsingar á www.heilsa.is
Fæst í apótekum og heilsuvöruverslunum
Oft er talað umMagnesíum sem„anti –stress“ steinefni
því það róar taugarnar og hjálpar okkur að slaka á.Magnesíum stjórnar og virkir um
300 ensím sem gegna mikilvægum hlutverkum í eðlilegri virkni líkamans. Það er
nauðsynlegt fyrir frumumyndun, efnaskipti og til að koma á jafnvægi á kalkmyndun
líkamans og fyrir heilbrigða hjartastarfsemi.Magnesíum er líka afar hjálplegt við
fótaóeirð út af vöðvaslakandi eiginleikum þess.Mjög gott er að taka magnesíum í
vökvaformi fyrir svefn til að ná góðri slökun og vakna úthvíldur.
Magnesium vökvi
• Til að auka gæði svefns
• Til slökunar og afstressunar
• Hröð upptaka í líkamanum
• Gott til að halda
vöðvunummjúkum
Virkar strax
Geislagötu 9, Akureyri, sími 462 1415
www.tonabudin.is
Síðumúla 20, Reykjavík, sími 591 5340
www.hljodfaerahusid.is
fjöldi gerða og lita
Það er ábyrgð
Reykjavíkur sem
stjórnvalds að standa
við sínar fyrri ákvarð-
anir sagði Páll Hjalta-
son, formaður skipu-
lagsráðs, í viðtali við
RÚV sunnudaginn 16.
mars síðastliðinn. Ég
sem íbúi í Úlfarsárdal,
nýjasta hverfi Reykja-
víkur, fagna þessari yf-
irlýsingu en furða mig jafnframt á því
hvers vegna þetta eigi ekki alltaf við.
Það er frábært að búa í suður-
hlíðum Úlfarsárdals, þar býr sérlega
skemmtilegt fólk auk þess sem frá-
bært skólastarf er unnið í Dalskóla
sem vantar þó sárlega framtíðar-
húsnæði. Ítrekað hefur Reykjavík-
urborg þó varpað skugga á gleði íbú-
anna með því að standa ekki við fyrri
ákvarðanir tengdar þessu nýjasta
hverfi borgarinnar. Lóðir voru seldar
háu verði, langt umfram gatnagerð-
argjald, eftir mikilfenglegar auglýs-
ingar. Hátt verð var meðal annars
réttlætt þar sem upp-
bygging hverfisins ætti
að vera séstaklega hröð,
meðal annars voru fyr-
irheit um að skóli ætti
að vera tilbúinn þegar
fyrstu íbúar flyttu í
hverfið.
Nú átta árum síðar
hefur varanlegt skóla-
húsnæði ekki verið
byggt, nýtt að-
alskipulag gerir ráð fyr-
ir gjörbreyttu umhverfi
miðað við þá útboðsskil-
mála sem fyrir lágu þegar ég keypti
lóð í dalnum. Ég valdi lóð meðal ann-
ars út frá staðsetningu grunnskólans
í samþykktu deiliskipulagi. Nú eru
uppi hugmyndir um að breyta því
skipulagi og flytja skólahúsnæðið
austur fyrir hverfið í andstöðu við
helstu hagsmunaaðila. Í því samhengi
má benda á að búið er að eyða fjár-
munum í að teikna skóla á þeim stað
sem núgildandi deiliskipulag gerir
ráð fyrir.
Ég velti því fyrir mér hvaða rétt ég
hef sem neytandi, ég fékk ekki þá
vöru sem ég borgaði fyrir. Það er
ljóst að borgin hefur ekki staðið við
fyrri ákvarðanir sínar tengdar upp-
byggingu í Úlfarsárdal, hvaða afleið-
ingar getur það haft fyrir Reykjavík-
urborg? Einhverjir íbúar íhuga
málsókn á hendur borginni þar sem
framkvæmdahraði og framtíðar-
skipulag hverfisins er engan veginn í
samræmi við það sem auglýst var.
Miðað við orð Páls Hjaltasonar, for-
manns skipulagsráðs, ber Reykjavík-
urborg ábyrgð á þessum vanefndum
gagnvart þeim sem keyptu bygging-
arrétt á fölskum forsendum.
Stendur Reykjavíkurborg
við fyrri ákvarðanir?
Eftir Magnús Kára
Bergmann » Það er ljóst að borg-
in hefur ekki staðið
við fyrri ákvarðanir sín-
ar tengdar uppbyggingu
í Úlfarsárdal, hvaða af-
leiðingar getur það haft
fyrir Reykjavíkurborg?
Magnús Kári Bergmann
Höfundur er frumbyggi í Úlfarsárdal
og stjórnarmaður í Íbúasamtökum
Úlfarsárdals.
Í yfirstandandi
viku, nánar tiltekið
frá 18. til 24. mars,
kjósa sjóðfélagar í
Lífeyrissjóði verk-
fræðinga, Lífsverki,
tvo fulltrúa í stjórn
sjóðsins með rafræn-
um hætti. Um er að
ræða fyrstu kosningu
stjórnarmanna sam-
kvæmt nýju fyrir-
komulagi sem sam-
þykkt var á aðalfundi sjóðsins í
fyrra. Tilgangur þess að innleiða
rafræna kosningu var fyrst og
fremst að gera sjóðfélögum auð-
veldara að nýta kosningarétt sinn
og auka þannig þátttöku í
stjórnarkjörinu. Flest bendir til
þess að þetta hafi tekist því þegar
á fyrstu dögum virðist þátttakan í
stjórnarkjörinu vera orðin meiri en
hún hefur verið mörg undanfarin
ár. Engu að síður vil ég hvetja alla
þá sem ennþá eiga eftir að nýta
kosningarétt sinn til að greiða at-
kvæði og sýna þannig í verki að
rekstur lífeyrissjóðsins skipti þá
máli. Þegar öllu er á botninn hvolft
skiptir staða sjóðsins öllu máli að
aflokinni starfsævinni þegar að
töku lífeyris kemur. Til að greiða
atkvæði geta sjóðfélagar annað-
hvort farið í gegnum vefsíðu sjóðs-
ins www.lifsverk.is og sjóðfélaga-
gátt viðkomandi eða mætt á
skrifstofu sjóðsins á afgreiðslutíma
þar sem einnig er hægt að greiða
atkvæði.
Sérstaða Lífeyris-
sjóðs verkfræðinga
Lífeyrissjóður verkfræðinga,
sem er líka opinn mjög mörgum
öðrum langskólagengnum Íslend-
ingum, hefur allt frá stofnun haft
þá sérstöðu meðal íslenskra lífeyr-
issjóða að sjóðfélagar hafa kosið
stjórnarmenn í beinni kosningu
þar sem allir sjóðfélagar hafa jafn-
an atkvæðisrétt. Stjórnina skipa
fimm stjórnarmenn sem kosnir eru
til þriggja ára í senn á þann hátt
að tvö ár í röð eru kosnir tveir
menn og síðan er kosinn einn á
þriðja ári. Með þessu fyrirkomu-
lagi eru tryggð tækifæri til breyt-
inga en líka ákveðin samfella í
stjórninni. Í ár skal kosin ein kona
og einn karl í stjórnina og eru
frambjóðendur kynntir á vef sjóðs-
ins.
Fyrir utan þá stað-
reynd að sjóðfélögum
er treyst fyrir því að
kjósa sína stjórn í
beinu kjöri má nefna
nokkur önnur atriði
sem skapað hafa
sjóðnum athyglisverða
sérstöðu á meðal líf-
eyrissjóða. Þannig er
t.d. gert ráð fyrir að
tvö prósentustig af
skyldugreiðslum sam-
tryggingar renni í erf-
anlegan séreignarsjóð
á meðan hin prósentustigin tíu
renna til samtryggingardeildar þar
sem réttindaávinningur er með því
hæsta sem gerist hjá íslenskum
sjóðum.
Annað atriði sem lengi hefur
verið við lýði í sjóðnum eru hag-
stæð lánakjör en greiðandi sjóð-
félögum standa til boða langtíma-
lán allt að 45 milljónum króna á
hagstæðum frumlánsvöxtum. Um
árabil hafa þessi lán borið lægri
vexti en flest þau lán sem íslenskir
lífeyrissjóðir hafa boðið upp á.
Lýðræði virkar
Á síðustu árum hefur Lífsverk
gengið í gegnum umtalsverðar
breytingar og má því segja að
sjóðfélagar hafi sýnt fram á að lýð-
ræðið virkar í raun. Frá 2009 hef-
ur verið skipt alveg um stjórn og
stjórnendur í sjóðnum auk þess
sem mótuð hefur verið skýr stefna
sem miðar að stöðugleika í rekstri
og afkomu. Nú þegar allar for-
sendur eru til staðar til þess að
það geti tekist ráðumst við í nýjar
og spennandi breytingar til þess
að gera sjóðfélögum enn auðveld-
ara fyrir að hafa áhrif á sjóðinn
sinn. Skref fyrir skref ætlum við
að gera góðan sjóð enn betri. Ég
vil aftur hvetja sjóðfélaga til að
nýta atkvæðisrétt sinn og býð nýja
sjóðfélaga velkomna til Lífsverks.
Sjóðfélagar kjósa
stjórn lífeyrissjóðs
Eftir Val
Hreggviðsson
Valur
Hreggviðsson
» Lífeyrissjóður Verk-
fræðinga hefur þá
sérstöðu að sjóðfélagar
hafa kosið stjórnarmenn
í beinni kosningu þar
sem allir hafa jafnan
atkvæðisrétt.
Höfundur er formaður stjórnar
Lífeyrissjóðs verkfræðinga.