Morgunblaðið - 20.03.2014, Síða 34
AF LISTUM
Einar Falur Ingólfsson
efi@mbl.is
Það var átakanlegt að horfa aftur á
myndskeiðið fræga þar sem Guð-
mundur Páll Ólafason heitinn, nátt-
úrufræðingur og rithöfundur, reif út
úr meistaraverki sínu, Hálendinu,
hverja síðuna eftir aðra, þar sem
svæðin sem myndirnar sýndu höfðu
verið eyðilögð eða til stóð að fórna
þeim vegna virkjunarframkvæmda
og línulagna. Það var ekki eina slá-
andi myndefnið á baráttutónleik-
unum „Stopp – Gætum garðsins!“ í
Eldborg á þriðjudagskvöldið. Sýnd
var gömul og áður óþekkt kvikmynd
Eðvarðs Sigurgeirssonar um ferð í
Kringilsárrana, sem nú er farinn
undir Hálslón. Svo las Halldór Lax-
ness fyrir gesti úr frægri Morg-
unblaðsgrein, um hernaðinn gegn
landinu og eina manninn á fundi um
Þjórsárver í útlöndum sem taldi ekki
ástæðu til að vernda þau; fulltrúa Ís-
lands.
Baráttuhugur var í gestum sem
troðfylltu húsið og kröfðust þess að
miðhálendi landsins yrði verndað og
gert að þjóðgarði. „Það er engin rík-
isstjórn sem á þetta land, það er
fólkið sem á landið,“ sagði hin unga
söngkona Samaris, Jófríður Áka-
dóttir.
Sprakk út
Þetta var sannkölluð tónlistar-
veisla, í þrjá og hálfan tíma. Átta
hljómsveitir tróðu upp og lék hver
frá tveimur upp í fimm lög. Og byrj-
að var með hvelli, það sem ljósin
beindust að einum forsvarsmanni
viðburðarins, Björk sjálfri, og hún
hóf að syngja lag sitt „Joga“, vel
studd samstilltum stúlknakórnum
Graduale Nobili, og á bak við þær
var varpað á skjáinn myndbandinu
við lagið, þar sem íslensk náttúra
opnast sprelllifandi og skín niður í
kviku. Þar var tónninn listilega sleg-
inn. Eftir að Björk og kórinn höfðu
flutt tvö lög til, afar vel, var komið að
hljómsveit með heiti sem hæfði til-
efninu, Highlands, og síðan banda-
rísku söngkonunni Patti Smith.
Fyrri tvö lögin flutti hún við undir-
leik Eyþórs Gunnarssonar, í seinni
tveimur bættist Guðmundur Pét-
ursson í hópinn, og það verður að
segjast eins og er, og nota orð sem
ber að fara sparlega með, að þessir
menn eru snillingar. Flutningur
þeirra þriggja var stórkostlegur.
Fyrst söng Smith lag sitt „Pissing in
a River“ en kynnti síðan lag sem hún
flytti fyrir vin sinn, Lou Reed.
Skömmu áður en hann lést í fyrra
rifjaði hann upp með henni augna-
blik þegar hann var í Reykjavík á
menningarnótt og mannfjöldinn fór
að syngja lag hans „Perfect Day“ –
það hreyfði við honum. Að því sögðu
hófu þau Eyþór að flytja þetta fræga
lag, með slíkum tilfinningahita að sá
tónleikagestur sem ekki táraðist
hefur verið vandfundinn. Síðan
bættist Guðmundur í hópinn og ríf-
andi gítar hans kryddaði frægasta
lag Smith, „Because the Night“, og
loks „People Have the Power“.
Og áfram hélt fjörið: Of Monsters
and Men fluttu tvö af þekktustu lög-
um sínum, í hófstilltum útgáfum;
Mammút hreif marga; ungmennin í
Samaris stóðu sig vel í rafheimum;
og svo birtist hin vinsæla sænska
Lykke Li ásamt hljómsveit, öll
svartklædd og gáfu vinnu sína til
styrktar málefninu eins og hinir. Li
og félagar fluttu fimm lög og öll
áheyrileg, angurvær og seiðandi.
Retro Stefson var síðust á svið og
gleðin jókst með hoppi og uppljóm-
uðum farsímum um allan sal. Í loka-
laginu sprakk allt út, það var Beastie
Boys-lagið „Sabotage“; á tjaldinu
sást landinu umbylt við Kárahnjúka
og pákur voru barðar og listamenn-
irnir hoppuðu um sviðið eins og óðir,
með Björk, stúlknakórinn og leik-
stjórann Darren Aronofsky á öðrum
vængnum. Og 35 milljónir króna
söfnuðust fyrir náttúruverndar-
samtökin.
Sungið um fullkominn
dag og spellvirki
Tónlistarveisla ólíkra listamanna á baráttutónleikum
Tryllingur Kynnirinn Andri Snær Magnason, leikstjórinn Darren Aronofsky
og Björk Guðmundsdóttir dönsuðu ásamt öðrum flyjendum kvöldins villt við
flutning Retro Stefson á Beastie Boys-laginu Sabotage.
Angurvær Lengi hefur verið reynt að fá söngstjörnuna sænsku Lykke Li til
landsins, ásamt hljómsveit. Þegar hún loksins kom, þá hreif hún gesti.
34 MENNING
MORGUNBLAÐIÐ FIMMTUDAGUR 20. MARS 2014
Í kvöld, fimmtudagskvöld, klukkan
21 stundvíslega hefjast í menning-
arhúsinu Mengi, Óðinsgötu 2, tón-
leikar Steindórs Grétars Kristins-
sonar raftónlistarmanns, í sam-
starfi við listakonuna Lilju Birgis-
dóttur og sviðs- og búninga-
hönnuðinn Eleni Podara.
Listafólkið hyggst bjóða gestum í
forvitnilegt ferðalag „út á rúmsjó
þar sem hið óþekkta verður sam-
tvinnað hinu kunnuga í óendanlegu
rými, og óhlutbundin hljóð og óraf-
mögnuð ljóð sameinast í einni alls-
herjar tón- og myndupplifun“.
Steindór Grétar er raftónskáld
og meðlimur raftónlistarbandsins
Einóma. Í samstarfi hans við Lilju
og Eleni Podara blandast lifandi
raftónlist rödd og sjónrænum þátt-
um sem lauslega eru byggðir á
verkinu Vertical on Flow eftir
Steindór og Vessel orchestra eftir
Lilju. Margir minnast þess sem
setningaratriðis Listahátíðar í
Reykjavíkurhöfn í vor sem leið þar
sem skipsflautur ómuðu yfir mið-
borginni.
Lilja segir að þetta verði ekki
hefðbundnir tónleikar heldur „alls-
herjar tónlistarupplifun þar sem öll
skynjun verður virkjuð“.
Ljósmynd/Lilja Birgisdóttir
Tónlistarupplifun Listafólkið Steindór G. Kristinsson og Lilja Birgisdóttir.
Óhlutbundin hljóð og órafmögnuð ljóð
sameinast í tónlistaruppákomu í Mengi
www.norræna.is
Sími 570 8600
Skemmtisiglingar með Norwegian Cruise Line
Alaska 21. ágúst verð frá kr. 360.000
Barcelona og Miðjarðarhafið 29. ágúst verð frá 275.000
Feneyjar og Barcelona 13. september verð frá kr. 360.000
Panama og Los Angeles 31. október verð frá kr. 424.000
Karabískahafið og Orlando 14. nóvember verð frá kr. 288.000
Íslensk fararstjórn
www.norræna.is sími 570 8600
Valið besta skipafélag í Evrópu síðustu sex ár