Morgunblaðið - 05.04.2014, Blaðsíða 24

ÚR BÆJARLÍFINU
Atli Vigfússon
Þingeyjarsýsla
Sólin hefur skinið glatt á Þing-
eyinga undanfarna daga og svellin
hafa látið mikið undan í sólbráðinni.
Bændum er það mikill léttir og vona
að vorið verði gott með mikilli spret-
tutíð. Langt er í land að allur snjór
bráðni og vonandi fer að sjást í girð-
ingar sem hurfu í haust suður í döl-
um. Dæmi er um að þurft hafi að
girða tvisvar til þrisvar ofan á girð-
ingar sem voru í kafi til þess að
halda hestum í hólfum sem þeim var
ætlað að vera í. Sumir hafa sagt að
þeir hafi ekki séð svona snjó í fjöru-
tíu ár.
  
Svanirnir voru fljótir að svífa
milli bæja þegar veðrið batnaði og
athuga hvort ekki fyndist nýrækt
sem væri að koma undan svellunum.
Þeir eru snemma á ferðinni þetta
vorið og fleiri en venja er til. Fjöru-
tíu svanir í einni nýrækt þurfa heil-
mikið í svanginn og þeir eru ánægðir
þegar þeir sulla í ræktarlöndum
bænda og háma í sig góðgætið, leifar
af vallarfoxgrasi og rætur með.
Margir tala um þetta sem vandamál,
en því er ekki að neita að þeir eru
tignarlegir á túnunum þegar þeir
teygja úr hálsinum og hefja sig til
himins.
  
Kýr eru margar í fjósum, því all-
ir reyna að framleiða mjólk eins og
þeir geta. Kelfdar kvígur liggja ekki
á lausu, auk þess sem þær hafa
hækkað í verði. Mjólkurflutningar
gengu brösuglega á dögunum í ótíð-
inni og margir bíða þess með til-
hlökkun þegar göng gegnum Vaðla-
heiði verða tekin í notkun. Þeir sem
mestu mjólkina hafa voru orðnir
áhyggjufullir í stórhríðinni um að
þurfa að hella niður vegna pláss-
leysis.
  
Hestamennska er vaxandi
áhugamál í héraðinu og með tilkomu
Bústólpahallarinnar sunnan Húsa-
víkur hafa opnast möguleikar í þeirri
grein sem ekki voru áður. Nám-
skeiðahald fyrir unga sem aldna,
tamningar og fleira sem tengist bú-
greininni fer fram í því húsnæði og
fólk er ekki lengur háð veðri og vind-
um að öllu leyti ef það vill fara á
hestbak. Þá hafa risið ný hesthús við
höllina og reiknað er með að þau
verði fleiri er fram líða stundir.
  
Leikdeild Eflingar í Reykjadal
er með þrjár sýningar um helgina á
leikritinu Í beinni eftir Hörð Þór
Benónýsson. Þetta er samtímaverk
og gamandrama þar sem fjallað er
um fréttamat nútímans og skyggnst
í fjölskyldulíf nokkurra persóna.
Tónlistina samdi Jaan Alavere og
leikstjóri er Jenný Lára Arnórs-
dóttir. Í ár er 110 ára afmæli Efl-
ingar og þótti því tilefni til að halda
upp á það með góðri sýningu. Reyk-
dælir hafa sýnt og sannað að þeir
eru góðir leikarar og með þátttöku
nemenda í Framhaldsskólanum á
Laugum hefur leiklistin dafnað á
undanförnum árum sem aldrei fyrr.
Morgunblaðið/Atli Vigfússon
Hestamennska Nýtt hesthúsahverfi er að rísa sunnan Húsavíkur. Það býður upp á mikla möguleika.
Svellin hafa látið mikið und-
an í sólbráðinni undanfarið
24 FRÉTTIRInnlent
MORGUNBLAÐIÐ LAUGARDAGUR 5. APRÍL 2014
Rauði krossinn
er með sérstakt
skósöfnunarátak
nú fyrir páska.
Fólk er hvatt til
að taka til í
hirslum og
geymslum og
koma gömlum
skófatnaði í endurvinnslu hjá Rauða
krossinum. Ekki þarf að gera sér
sérstaka ferð því tekið er á móti
skónum í öllum fatagámum félags-
ins um allt land, á enduvinnslu-
stöðvum Sorpu og grennd-
arstöðvum á höfuðborgarsvæðinu.
„Rauði krossinn ítrekar að hægt
er að gefa fatnað og skó allan ársins
hring í söfnunargáma Rauða kross-
ins. Ekki eru undanskilin hand-
klæði, rúmföt, gluggatjöld né held-
ur stöku sokkarnir því mikil
verðmæti eru fólgin í allri vefnaðar-
vöru,“ segir í tilkynningu.
Að sögn Rauða krossins eru ár-
lega um þúsund tonn af fötum og
klæði urðuð hérlendis. Þessu öllu
væri hægt að koma í endurvinnslu
og skapa um leið tekjur fyrir verk-
efni samtakanna. „Með því að gefa
fatnað leggur fólk Rauða krossinum
lið og styrkir neyðaraðstoð bæði
hér á landi og erlendis. Fatnaði er
úthlutað til berskjaldaðra um allt
land og til aðila erlendis, og hann er
til sölu í Rauðakrossbúðunum. Það
sem ekki nýtist beint sem fatnaður
er selt til endurvinnslu.“
Rauði krossinn þigg-
ur skó með þökkum
Laugardaginn 5. apríl mun fatlað
fólk koma saman og halda leiðar-
þing.
Þingið er ætlað fólki með þroska-
hömlun þar sem það mun ræða
nokkur mikilvæg málefni sem snúa
að því og álykta um þau. Rætt verð-
ur um atvinnumál, viðhorf til fatl-
aðs fólks og aðgengi.
Leiðarþingið er haldið að Háa-
leitisbraut 13 á 4. hæð. Komið verð-
ur saman kl. 11.00, þing sett og síð-
an hefjast umræður í hópum þar
sem fjallað verður um hvert mál-
efni fyrir sig.
Þetta er í fyrsta skipti sem leiðar-
þing er haldið með þessum hætti
þar sem fólk með þroskahömlun
kemur að öllum þáttum.
Málefni fatlaðs fólks
rædd á leiðarþingi
Í dag, laugardaginn 5. apríl, verð-
ur haldinn flóamarkaður á Eið-
istorgi á Seltjarnarnesi milli kl. 11
og 17. Markaðurinn hefur verið
haldinn fyrsta laugardag í hverj-
um mánuði í nokkurn tíma og nýt-
ur aukinna vinsælda, segir í til-
kynningu. Markaðurinn er að
skandinavískri fyrirmynd þar sem
fólk kemur með kompudót, hand-
verk, listmuni, föt, skartgripi, bús-
áhöld, borðbúnað, lampa, mynd-
aramma, leikföng, bækur, húsgögn
og fleira.
Flóamarkaður á Sel-
tjarnarnesi í dag
STUTT
Guðni Einarsson
gudni@mbl.is
Fimm sveitarfélög af átta í Árnes-
sýslu hafa ákveðið að kanna hug íbúa
til mögulegrar sameiningar sveitarfé-
laga. Það verður gert við sveitar-
stjórnarkosningar í vor. Þau eru Ár-
borg, Hrunamannahreppur, Hvera-
gerðisbær, Flóahreppur og Skeiða-
og Gnúpverjahreppur.
Bæjarstjórn Hveragerðisbæjar
samþykkti 13. mars sl. að samhliða
sveitarstjórnarkosningunum í vor
færi fram skoðanakönnun á meðal
bæjarbúa um afstöðu þeirra til sam-
einingar við önnur sveitarfélög. Ætl-
unin er að þeir sem eru hlynntir sam-
einingu geti einnig valið um þrjá til
fjóra sameiningarkosti. Skoðana-
könnunin á að vera ráðgefandi fyrir
næstu bæjarstjórn. Bæjarstjórn
Hveragerðisbæjar ákvað einnig að
kynna öðrum sveitarfélögum í Árnes-
sýslu þessi áform svo þau gætu einnig
efnt til slíkra skoðanakannana um
hug íbúanna til sameiningar sveitar-
félaga.
„Við viljum kanna hug bæjarbúa
með þessari skoðanakönnun,“ sagði
Aldís Hafsteinsdóttir, bæjarstjóri
Hveragerðis. „Ég hef lengi verið
þeirrar skoðunar að það yrði til mjög
kraftmikið sveitarfélag með samein-
ingu sveitarfélaga hér í Árnessýslu.
Hvort sem það yrði Árnessýsla utan
Árborgar eða Árnessýsla öll.“
Aldís sagði að Hveragerðisbær
gæti vel verið sjálfstætt sveitarfélag
áfram en ýmsir möguleikar myndu
fylgja sameiningu sveitarfélaga. Hún
lagði áherslu á að skoðanakönnunin
yrði fyrst og fremst ráðgefandi.
Kæmi fram sameiningartillaga yrði
kosið um hana sérstaklega þegar þar
að kæmi.
Gott samstarf er á milli sveitarfé-
laga í Árnessýslu, að sögn Aldísar.
Hveragerði og Ölfus reka t.d. saman
grunnskóla í Hveragerði. Uppsveit-
irnar eru með sameiginlegan bygg-
ingarfulltrúa. Samstarf sveitarfélaga
í Árnesþingi, utan Árborgar, hefur
aukist mikið á kjörtímabilinu. Búið er
að sameina velferðarþjónustu sveitar-
félaganna og eins sérfræðiþjónustu
skólanna. Öll sveitarfélög sýslunnar
starfa saman í gegnum byggðasam-
lög og að verkefnum eins og héraðs-
skjalasafni, byggðasafni og listasafni.
Brunavarnir, eldvarnaeftirlit og al-
mannavarnir eru einnig sameiginleg
verkefni.
Kanna hug til
sameiningar
 Íbúar í fimm sveitarfélögum Árnessýslu
spurðir um sameiningu sveitarfélaga
Morgunblaðið/Golli
Árnessýsla Kanna hug fólks til
sameiningar sveitarfélaga.
Árnessýsla
» Stærsta sveitarfélag Árnes-
sýslu er Sveitarfélagið Árborg.
Þar búa um 7.900 manns en í
sýslunni allri um 15.400 íbúar.
» Önnur sveitarfélög í sýsl-
unni eru Skeiða- og Gnúpverja-
hreppur, Hrunamannahreppur,
Bláskógabyggð, Grímsnes- og
Grafningshreppur, Sveitarfé-
lagið Ölfus, Flóahreppur og
Hveragerðisbær.