Morgunblaðið - 31.05.2014, Blaðsíða 21

FRÉTTIR 21Innlent
MORGUNBLAÐIÐ LAUGARDAGUR 31. MAÍ 2014
Bæjarhátíðir um allt land í sumar
Mikið er um að vera á landinu á sumrin. Úti á landi eru
fjölmargar bæjarhátíðir allt sumarið en þær eru gjarnan
tengdar merkum tímamótum í sögu byggðarlaganna,
menningarviðburðum eða ferðamennsku. Á því verður
engin breyting í ár en verið er að skipuleggja hátíðir í
öllum hornum landsins.
Sandgerðisdagar
Sandgerðisdagar ársins 2014
verða haldnir hátíðlegir um allan
Sandgerðisbæ dagana 27.-31.
ágúst.
Sveitasæla á Sauðárkróki
Laugardaginn 23. ágúst verður
Sveitasæla - landbúnaðarsýning
og bændahátíð haldin á
Sauðárkróki.
Bláberjadagar í Súðavík
Uppskeruhátíðmeð
bláberjahlaupi, bláberjabökuáti,
tónleikum, berjatínslu og
skemmtun fyrir alla fjölskylduna
er á dagskrá Bláberjadaga sem
haldnir eru í Súðavík helgina 22.-
24. ágúst.
Grenivíkurgleði
Grenivíkurgleði er
fjölskylduskemmtun semætluð
er íbúum Grýtubakkahrepps,
ættingjum, vinum og
vandamönnum. Hátíðin verður
dagana 15.-16. ágúst.
Fjölskyldudagar í Vogum
Fjölskyldudagar í Vogum verða
haldnir helgina 15. – 17. ágúst.
Dagskrá hátíðarinnar er að venju
fjölbreytt og fjöskylduvæn.
Djúpavíkurdagar
Hinir árlegu Djúpavíkurdagar verða
haldnir helgina 15.-17. ágúst. Að
venju verðurmargt í boði fyrir
alla fjölskylduna.
Tónlistarhátíðin Gæran
Tónlistarhátíðin Gæran verður
haldin helgina 15. og 16. ágúst í
húsakynnum Loðskinns. Gæran er
að sögn skipuleggjenda lítil hátíð
sem leggur áherslu á að bjóða upp
á vandaða og fjölbreytta tónlist.
Berjadagar í Ólafsfirði
Tónlistarhátíðin Berjadagar
er haldin árlega í Ólafsfirði um
miðjan ágúst. Á Berjadögum er
flutt aðgengileg kammertónlist,
auk þess sem gestir úr öðrum
listgreinum taka þátt. Hátíðin
verður dagana 14.-16. ágúst.
Aldamótahátíð á Eyrarbakka
Hestar, kindur, geitur og hænur,
menn, konur og börn bjóða
fólk velkomið á hina árlegu
þorpshátíð sem haldin verður á
Eyrarbakka þann 9. ágúst. Íbúar
og gestir klæða sig upp á í anda
aldamótanna 1900.
Fiskidagurinn mikli
Fjölskylduhátíðin Fiskidagurinn
mikli er haldin hátíðleg í
Dalvíkurbyggð helgina eftir
verslunarmannahelgi. Fjölbreytt
skemmtidagskrá prýðir hátíðina
ár hvert. Hátíðin verður dagana
7.-10. ágúst.
Sumar á Selfossi og
delludagur
Sumar á Selfossi er rótgróin
bæjar- og fjölskylduhátíð sem
hefur vaxið úr því að vera eins dags
hátíð í það að vera fjögurra daga
skemmtun þar sem íbúar taka
virkan þátt og skreyta sín hverfi
í ákveðinum litum. Hátíðin verður
dagana 7.-10. ágúst.
Act alone
EinleikjahátíðinAct alone verður
haldin í sjávarþorpinu Suðureyri
aðra helgina í ágúst dagana 6.-10.
ágúst. Þetta er í ellefta sinn sem
hátíðin er haldin. Frítt er inná alla
viðburði hátíðarinnar.
Franskir dagar á
Fáskrúðsfirði
Á Fáskrúðsfirði hafa Franskir dagar
verið haldnir árlega síðan 1996 og
eru þeir iðulega haldnir helgina
fyrir verslunarmannahelgi. Þessa
helgi er haldið á lofti minningunni
um veru Frakka á Fáskrúðsfirði og
tengsl þeirra við staðinn. Hátíðin
verður dagana 25.-27. júlí.
Á góðri stund í Grundarfirði
Hátíðin er hugsuð fyrir
Grundfirðinga, innfædda,
aðflutta og brottflutta, vini þeirra
og vandamenn, og aðra gesti
sem eiga leið þangað þá helgi.
Skipuleggjendur lýsa hátíðinni sem
vinalegri fjölskylduhátíðmeð
þægilegu ívafi. Hátíðin verður
dagana 25.-27. júlí.
Eldur í Húnaþingi vestra
Eldur í Húnaþingi er bæjarhátíð
í Húnaþingi vestra sem var fyrst
haldin árið 2003 og hefur síðan þá
verið árlegur viðburður. Í ár verður
hátíðin haldin dagana 23.-27. júlí.
Bryggjuhátíð á Stokkseyri
Bryggjuhátíðin „Brú til
brottfluttra“ verður haldin á
Stokkseyri dagana 18.-20. júlí.
Varðeldur og bryggjusöngur
verður í boði fyrir gesti og
gangandi ásamt fjölbreyttri
fjölskyldudagskrá.
Hlaupahátíðin á Vestfjörðum
Hlaupahátíðin fer fram dagana
18.-20. júlí og verður dagskráin
með svipuðu sniði og undanfarin
ár. Í ár verður í fyrsta skipti keppt í
tveimur flokkum í sjósundinu en
þá geta keppendur valið að vera í
galla eða í sundfötum.
Húnavaka á Blönduósi
FjölskylduhátíðinHúnavaka
verður haldin á Blönduósi dagana
17.-20. júlí. Dagskrá verður fyrir
alla fjölskylduna þar sem gestir
skemmta sér saman og njóta
menningarviðburða sem í boði eru.
Heim í Búðardal
Bæjarhátíðin Heim í Búðadal
verður haldin helgina 11.-13. júlí.
Hátíðin verður með svipuðu sniði
og undanfarin ár.
Eistnaflug
Eistnaflug er árleg tónlistarhátíð
sem haldin er í Neskaupstað aðra
helgina í júlí. Í ár eru það dagarnir
10.-12. júlí.
Dýrafjarðardagar
Dýrafjarðardagar, bæjarhátíð á
Þingeyri, eru árleg bæjarhátíð
Dýrfirðinga og eru alltaf haldnir
fyrstu helgina í júlí. Í ár eru það
dagarnir 4.-6. júlí. Sumarið 2014
verður í þrettánda sinn sem hátíðin
fer fram.
Markaðshelgin í Bolungarvík
Markaðshelgin er blanda af öflugu
markaðstorgi, yfirgripsmikilli
tónlistar- og fjölskylduskemmtun,
auk fjölbreyttra leiktækja fyrir
krakka á öllum aldri. Atburðurinn
verður haldinn 4.-5. júlí.
Þjóðlagahátíðin á Siglufirði
Þjóðlagahátíðin er alhliða
tónlistarhátíðmeð rót sína í
þjóðlagaarfinum. Þjóðlagahátíðin
stendur frá 2.-6. júlí.
Humarhátíð á Hornafirði
Upphaf Humarhátíðar á
Hornafirði má rekja til frumkvæðis
einstaklinga og fyrirtækja sem
vildu að haldin yrði árleg útihátíð
á Hornafirði fyrir Hornfirðinga,
brottflutta Hornfirðinga og gesti.
Hátíðin verður haldin dagana 27.-
29. júní.
Lummudagar í Skagafirði
Lummudagar í Skagafirði eru hátíð
sem haldin verður í Skagafirði
dagana 26.-29 júní. Dagskráin
er enn í mótun en lummur,
götuskreytingar, götumarkaður
og götugrill verða á sínum stað.
Sólseturshátíðin á
Garðskaga
Sólseturshátíð var haldin í fyrsta
skipti árið 2005 og er nú árlegur
viðburður í Garði. Hátíðin er
fjölskylduhátíðmeð fjölbreyttri
dagskrá en þar má nefna stuttar
gönguferðir,menningar- og
sögutengda fræðslu fyrir börn og
fullorðna, fjöruferð fyrir börnin,
leiki og leiktæki, tónlistaratriði,
kveiktur varðeldur ogmálverka-
sýningar dagana 23.-29. júní.
Kótelettan
Kótelettan er bæjar-, fjölskyldu-
og tónlistarhátíð sem haldin
verður af EB kerfum á Selfossi í
fimmta sinn dagana 13.-15. júní.
Selfoss tekur á móti gestum
og sýnir framleiðslu bænda
á Íslandi ásamt fjölbreyttri
skemmtidagskrá.
Bjórhátíðin á Hólum
Bjórhátíðin á Hólum er nú haldin
fjórða árið í röð. Eins og áður
munu framleiðendur á bjór fyrir
íslenskan markað mæta og
kynna sínar vörur, nýjungar á
bjórmarkaðnum og svo vonandi
hvað er væntanlegt. Hátíðin hefst
kl. 15 á laugardeginum 7. júní og
stendur til kl. 19.
Rauðasandur Festival
Tónlistarhátíðin Rauðasandur
Festival verður haldin í fjórða
sinn á Rauðasandi í Vesturbyggð
dagana 3.-6. júlí. Lögð er áhersla
á popp, kántrý, blús, reggae og
folk tónlist.
Hálandaleikar á Selfossi
Hálandaleikar verða haldnir
í Sigtúnsgarðinum á Selfossi
sunnudaginn 1. júní.Aflrauna-
menn frá fjölmörgum löndum
etja kappi í ekta skoskum
hálandaleikum.
Krakkadagar í Súðavík
1. júní er Krakkadagur í Súðavík
þar sem krakkarnir skemmta
sér við veiðar í höfninni, leiki
á Raggagarði og við söng
með Sædol söngvakeppni í
samkomuhúsi bæjarins.
Fjör í Flóa
Fjör í Flóa er fjölskyldu- og
menningarhátíð haldin í
Flóahreppi árlega, helgina fyrir
hvítasunnuhelgi. Dagkráin hefst á
föstudegi 30.maí og stendur til
sunnudags.Alla dagana er boðið
upp á fjölbreytta og skemmtilega
dagskrá að hætti Flóamanna þar
sem flestir geta fundið eitthvað við
sitt hæfi.
Sjóarinn síkáti
Sjómanna- og fjölskylduhátíðin
Sjóarinn síkáti í Grindavík hefur
fest sig í sessi og er haldin um
sjómannadagshelgina, 30. maí -
1. júní til heiðurs íslenska sjómann-
inum og fjölskyldu hans. Að sögn
skipuleggjenda er mikið lagt
upp úr vandaðri fjölskyldu- og
barnadagskrá.
Hafnardagar í Þorlákshöfn
Fyrsta bæjarhátíð sumarsins mun
eiga sér stað í Þorlákshöfn þann
29. maí og ber heitið Hafnardagar.
Atburðurinn er auglýstur sem
fjölskylduhátíð en hátíðin hefst
ámálverkasýningu Hafdísar
Hallgrímsdóttur í Kiwanishúsinu.
Götugrill í hverfum, skrúðganga,
kvöldvaka og dansleikur verða svo
m.a. í boði svo fátt eitt sé nefnt.
Ormsteiti
Héraðshátíðin Ormsteiti er
menningarviðburður sem stendur
yfir í tíu daga á Austurlandi. Hátíðin
verður dagana 7.-17. ágúst.