Morgunblaðið - 23.05.2014, Blaðsíða 41

Þ
að er merkilegt hvað heimsins frægustu hús-
gagnahönnuðir virðast hafa lítið gert af því að hanna
mublur fyrir garðinn. Raunar virðist það varla hafa
gerst fyrr en í seinni tíð að hægt hefur verið að
kaupa garðhúsgögn sem með réttu má kalla hönn-
unarvöru.
Kannski er ástæðan sú að hönnunarvara er yf-
irleitt dýr og garðhúsgögn geymd við þannig að-
stæður að mikið getur mætt á þeim. Af hverju að
eyða stórum fjárhæðum í garðstól sem endist
kannski innan við helminginn af þeim tíma sem jafn-
dýrt innanhúss-húsgagn myndi endast?
Þessi kenning er studd með þeirri staðreynd að mörg
þau garðhúsgögn sem frægustu hönnuðir samtímans hafa
skapað eru gerð úr plastefnum, og hefði varla verið hægt að
framleiða þau nema bara með allranýjustu
framleiðsluaðferðum.
Starck er kóngurinn
Þegar skrifað er um heimsklassa-hönnun fyrir
garðinn verður að byrja á hinum óviðjafnanlega
Philippe Starck. Hann á heiðurinn af Bubble Club
hægindastólunum og sófunum sem lesendur ættu
t.d. að kannast við úr gamanþáttunum Boston Legal.
Bubble Club-línan er innblásin af útlínum hefðbund-
inna hægindastóla, með mjög klassíska ásýnd en um
leið ákaflega nútímaleg húsgögn enda gerð úr plasti
með matta áferð og fáanleg í alls kyns litum.
Stólarnir þykja ekki bara þægilegir heldur gera
garðinn eða veröndina í senn glæsilega og nýtísku-
lega.
Annar þekktur útistóll eftir Starck er Lord Yo Cha-
ir. Aftur er stóllinn innblásinn af hefðinni, í þetta
skipti af Lloyd Loom baststólnum. Hægt er að festa
áklæði á stólana sem bæði mýkir sessuna en það þýð-
ir líka að þeir geta þessvegna alveg hentað sem inni-
stólar.
Svipaða sögu má segja um Dr No stólinn eftir
Stark. Stíhreinn og nettur stóll sem gæti alveg
sómt sér við borðstofuborðið rétt eins og úti í garði.
Hollenski hönnuðurinn Marcel Wanders á heið-
urinn af garðstólnum Chubby. Þessi bráðskemmtilegi
stóll fæst með fótaskemli og er auðvelt að ímynda sér
hversu gott er að liggja í stólnum á góðviðrisdögum og baða sig í
sólinni. Stærð og lögun minnir á steinvölu og ætti t.d. vel heima
við sundlaugina eða á garðlóð sem visar út að hafinu.
ai@mbl.is
Hvað með smá hönnun í garðinn?
Rúnaður Chubby eftir
Marcel Wanders minnir
á steinvölu.
Djarfur Lord
Yo Chair er
ekki amaleg
mubla.
Sígildur Bubble Club minnir marga á Denny Crane.
Einfaldur Dr
No stóllinn er
staflanlegur
og nettur.
MORGUNBLAÐIÐ | 41