Morgunblaðið - Sunnudagur - 06.07.2014, Blaðsíða 14

14 MORGUNBLAÐIÐ SUNNUDAGUR 6.7. 2014
Fjölskyldan
Vissir þú að lundar eru
stundum titlaðir trúðar
hafsins?
GERUM VEL VIÐ OKKUR HEIMAVIÐ ÞEGAR VOTVIÐRI TEKUR VÖLDIN
Holl sætindi í súldinni
Betra er að baka inni í hlýjunni í faðmi fjölskyldunnar en að ráfa um í roki og rigningu.
Morgunblaðið/Golli
VEÐURHORFUR NÆSTU DAGA OG JAFNVEL VIKUR ERU EKKI Í SAMRÆMI VIÐ HUG
OG HJARTA ÞEIRRA SEM ÞRÁ AÐ VAKNA VIÐ SÓLINA OG HAFA HANA SKÍNANDI
ALLAN DAGINN. RIGNING OG ROK ÞREYTIR LÍKAMA OG SÁL, SÉRSTAKLEGA ÞEGAR
LÆGÐIR LÆÐAST AÐ LANDI. TIL AÐ RÍFA UPP ANDANN Á SLÍKUM DÖGUM ER
GÓÐ HUGMYND AÐ FÁ FJÖLSKYLDUNA TIL ÞESS AÐ BAKA SÉR SÆTINDI SAMAN,
EKKI ER VERRA EF GÓÐGÆTIÐ ER Í HOLLARI KANTINUM. SIGRÚN ÞORSTEINS-
DÓTTIR HELDUR ÚTI VINSÆLA MATARBLOGGINU WWW.CAFESIGRUN.COM. ÞAR
ER AÐ FINNA ÓTAL VANDAÐAR UPPSKRIFTIR AÐ HVERS KYNS RÉTTUM ÞAR SEM
HOLLUSTA ER Í FYRIRRÚMI. HÉR GEFUR HÚN ÞRJÁR LJÚFFENGAR UPPSKRIFTIR SEM
HENTA VEL FYRIR FJÖLSKYLDUNA AÐ BAKA SAMAN.
Gunnþórunn Jónsdóttir gunnthorunn@mbl.is
Upplagðir bitar í sumarbústaðinn,
útileguna eða bara í sófann í rigning-
unni!
Gerir 25 bita
90 g mjúkar döðlur
75 g pistasíuhnetur (ósaltaðar)
20 g rúsínur
170 g dökkt, lífrænt framleitt súkku-
laði með hrásykri
170 g haframjöl
20 g kókosmjöl
Ég legg pistasíuhnetur alltaf í bleyti
og fjarlægi svo hýðið sem er utan á
þeim. Það geri ég einungis fyrir fal-
legri lit á hnetunum en það má alveg
sleppa þessu stigi.
Setjið döðlurnar í matvinnsluvél.
Látið vélina vinna í um 10 sekúndur
eða þar til döðlurnar eru vel mauk-
aðar. Setjið í stóra skál ásamt rús-
ínunum.
Bræðið súkkulaðið yfir vatns-
baði: Hitið vatn í potti
(bara botnfylli) á
vægum hita.
Setjið skál ofan í
sem situr á
brúnum pottsins
og brjótið súkku-
laðið ofan í. Fylgist
með því og hrærið öðru hvoru þangað
til nánast bráðnað, takið þá af hit-
anum. Gætið þess að súkkulaðið of-
hitni ekki og að ekki fari vatnsdropi
ofan í súkkulaðiskálina. Hellið
brædda súkkulaðinu út í stóru skálina
og hrærið vel.
Hrærið kókosmjöl, hnetur og
haframjöl út í stóru skálina. Hrærið
öllu mjög vel saman.
Setjið plastfilmu í ferkantað 20 cm
bökunarform. Þrýstið blöndunni ofan
í botninn á forminu þannig að hún sé
jöfn alls staðar (engar holur).
Kælið í um 30 mínútur. Skerið í
bita og berið fram kalt.
Nota má aprikósur í staðinn fyrir
rúsínur.
Súkkulaði- og
pistasíuhafrabitar
Gerir um 18 litla bita
Þessir bitar eru einstaklega góðir fyrir
gönguferðina hvort sem maður er á stutt-
buxum eða í regngalla.
40 g sesamfræ
40 g kínóafræ
3 msk hunang (úr heilsubúð)
Blandið fræjum og hunangi saman í skál.
Hrærið vel.
Setjið bökunarpappír á bökunarplötu.
Skiptið blöndunni í tvo helminga.
Þrýstið helmingunum mjög þétt niður (hafið
smábil á milli þeirra). Samtals ætti flöturinn að
vera um 18 x 18 cm. Þykktin ætti að vera um 1
mm.
Gott er að vera með plasthanska eða dýfa
plastsleikju í vatn og ýta ofan á (svo fræin
klessist ekki við). Þrýstið þannig að engar mis-
fellur séu og ekki má sjást í bökunarpappírinn.
Bakið við 180°C í 18-20 mínútur eða þangað
til gullbrúnt.
Slökkvið á ofninum og látið nammið standa í
honum í 10 mínútur. Ekki snerta það strax því
fræin eru laus og verða að ná að harðna.
Takið nammið úr ofninum (lokið honum
strax) og snúið helmingunum varlega við (gott
er að nota pönnukökuspaða). Það verður svo-
lítið seigt viðkomu en mun harðna. Gætið þess
að nammið gæti verið svolítið klístrað við bök-
unarpappírinn svo passið að brjóta það ekki
þegar þið snúið því við.
Þá má skera nammið í bita (notið mjög beitt-
an hníf) en þið getið einnig brotið þá með
fingr-
unum þegar
þeir eru orðnir
harðir (eiginlega bara
skemmtilegra). Endarnir
gætu brotnað svolítið við skurðinn
ef þeir eru orðnir stökkir því þeir bakast fyrst.
Setjið nú bökunarplötuna aftur inn í ofninn,
lokið honum og látið bíða þar í
um 15 mínútur. Nú ætti nammið
að vera orðið nokkuð
hart.
Best er að geyma það
í grunnu íláti því það er
ekki gott að stafla bit-
unum þar sem þeir gætu
klístrast saman.
Ef nammið verður mjúkt
(eða er ekki nægilega vel bakað) er
gott að henda því inn í ofn í nokkrar
mínútur þannig að það harðni.
Ef nammið brotnar illa eruð þið með frá-
bæra afsökun fyrir því að baka það aftur og
nota mulninginn út á ís!
Kínóa- og sesamnammi
Gerir eina böku sem er 22 cm í þver-
mál
Þessi baka er ekki dísæt en
stendur þó vel ein og sér en er
algjörlega ómótstæðileg
með ís.
Innihald – fyllingin
340 g rabarbari, sneiddur
340 g epli, skræld og söxuð
smátt
40 g rapadura-hrásykur (eða
annar hrásykur)
60 g döðlur, saxaðar smátt
½ tsk kanill
¼ tsk múskat (e. nutmeg)
Innihald – toppurinn
40 g spelt
40 g byggmjöl
30 g kókosolía, mjúk (ekki fljótandi)
20 g heslihnetur, saxaðar smátt
50 g rapadura-hrásykur (eða annar
hrásykur)
5 msk appelsínusafi
½ tsk kanill
Byrjið á fyllingunni:
Skolið rabarbarann og saxið í
frekar smáar sneiðar (um 1,5 cm).
Saxið döðlur og epli smátt.
Setjið rabarbara, döðlur og epli í
stóra skál. Bætið 50 g af hrásykr-
inum út í ásamt múskati og ½ tsk af
kanil. Hrærið allt vel saman og setj-
ið til hliðar.
Í annarri skál skuluð þið setja
saman hráefnið fyrir toppinn:
Mýkið fyrst kókosolíuna aðeins
yfir volgu vatnsbaði, olían á að vera
mjúk en ekki fljótandi.
Bætið út í skálina spelti, bygg-
mjöli, afganginum af hrásykrinum
og afganginum af kanilnum. Hrærið
vel. Bútið eða klípið kókosolíuna út í
deigið og blandið vel saman þannig
að úr verði svolítið kekkjótt blanda.
Bætið appelsínusafa út í, skeið fyrir
skeið, og hrærið í deiginu þannig að
það verði enn kekkjóttara. Saxið
heslihneturnar frekar smátt og
blandið þeim út í deigið.
Smyrjið 22 cm eldfast mót með
smávegis af kókosolíu (setjið nokkra
dropa af kókosolíu í eldhúspappír og
strjúkið formið að innan). Hellið fyll-
ingunni út í mótið. Athugið að fyll-
ingin virkar mjög mikil en hún á eft-
ir að síga aðeins þegar hún bakast.
Hellið deiginu ofan á og passið að
það dreifist jafnt yfir fyllinguna.
Bakið við 190°C í 35-40 mínútur
eða þangað til berjablandan er farin
að sjóða (bubbla) og toppurinn er
orðinn gullinn. Takið út úr ofninum
og látið kólna í 10 mínútur.
Berið bökuna fram volga með t.d.
ís.
Bakan geymist í ísskáp í nokkra
daga og má hita hana upp í ofninum í
um 15 mínútur við 180°C. Þannig
verður hún eins og nýbökuð.
Rabarbara- og eplabaka (crumble)