Morgunblaðið - Sunnudagur - 06.07.2014, Blaðsíða 51

6.7. 2014 MORGUNBLAÐIÐ SUNNUDAGUR 51
Höfundur bókarinnar Stúlkan
frá Púertó Ríkó er Esmeralda
Santiago, sem deilir merkilegari
þroskasögu sinni. Esmeralda er
frá Púertó Ríkó og býr í litlu
þorpi ásamt foreldrum og sjö
systkinum. Hún lærir að lifa af í
hörðum heimi þar sem er mikil
fátækt og óblíð náttúra á til að
minna á sig. Átök eru síðan á
heimili hennar. Skyndilega
breytist líf hennar og hún flyst
ásamt móður sinni til Banda-
ríkjanna og þarf þrettán ára
gömul að fóta sig í nýrri menn-
ingu, læra nýtt tungumál og
finna sjálfa sig.
Þetta er fyrsta bók höfundar,
sem hefur síðan sent frá sér
fleiri sögur sem hafa fengið lof
gagnrýnenda.
Merkileg
þroskasaga
Allt sem J.K. Rowling snertir verður að
gulli og nýjasta skáldsaga hennar, The Silk-
worm, er að slá í gegn. Í fyrra sendi hún frá
sér sakamálasöguna The Cuckoo’s Call-
ing undir dulnefninu Robert Galbraith þar
sem aðalsögupersónan er Cormoran
Strike sem slasaðist illa í sprengjuárás í Afg-
anistan en rannsakar dularfull mál. Í The Silk-
worm leitar eiginkona rithöfundar til Strikes
en eiginmaður hennar er horfinn. Í ljós kem-
ur að rithöfundurinn hafði nýlokið við hand-
rit þar sem persónur byggjast greinilega á
raunverulegum persónum og þeim er ekki
lýst fallega. Útgáfa handritsins myndi leggja líf
þó nokkurra í rúst. Ýmsir vildu því örugglega
gjarnan þagga niður í höfundinum.
Bókin fær afar góða dóma í Sunday Times
og ýmislegt í henni er sagt minna á Agöthu
Christie og Ruth Rendell. Gagnrýnandinn
segir ekki hægt að leggja bókina frá sér, hún
sé ómótstæðileg sumarlesning. Þess má geta
að bókin er væntanleg í Eymundsson innan
skamms.
The Silkworm er að slá í gegn og er sögð ómót-
stæðileg sumarlesning.
NÝ GLÆPASAGA
FRÁ ROWLING
Sunday Times birti nýlega lista yfir
bestu sumarlesningu ársins, eða eins
og blaðið segir 100 bestu bæk-
urnar til að hafa með sér á
ströndina. Íslendingar eiga sinn full-
trúa á listanum því blaðið mælir með
spennutrylli Yrsu Sigurðardóttur,
Brakinu. Sunday Times hefur reynd-
ar nokkurt dálæti á bókum Yrsu en
þeim eru iðulega gerð góð skil í
blaðinu. Yrsa er sannarlega í fyrirtaks
félagsskap á sumarlistanum því meðal
annarra bóka sem blaðið mælir með
eru nýjustu bækur Stephens Kings
og J.K. Rowling sem fóru í efstu sæti
metsölulista í Bandaríkjunum og
Bretlandi við útkomu. Á listanum er einnig Burial Rides eftir hina áströlsku Hönnu Kent,
en bókin fjallar um Agnesi Magnúsdóttur og síðustu aftökuna á Íslandi. Meðal annarra
bóka má svo nefna A Officer and a Spy eftir Robert Harris, sem er afar góð spennusaga
um Dreyfus-málið. Einnig er þar að finna þýska skáldsögu sem hefur vakið mikla athygli og
nefnist í enskri þýðingu Look Who’s Back eftir Timur Vermes, en í þeirri bók snýr Hitl-
er aftur árið 2011 og reynir að láta til sín taka. Á listanum er einnig skáldsaga sem hefur feng-
ið afar góða dóma, Elizabeth is Missing eftir Emmu Healey. Bókin er frumraun höfundar
og fjallar um konu sem þjáist af heilabilun og rannsakar hvarf vinkonu sinnar.
BRAKIÐ EIN AF SUMARBÓKUM ÁRSINS
Spennusagnahöfundurinn Yrsa Sigurðardóttir á eina af
sumarbókum ársins að mati Sunday Times, Brakið.
Ljóðabækur Vésteins Lúðvíks-
sonar hafa síðustu árin vakið
athygli en á árum áður var
hann þekktastur fyrir skáldsög-
ur sínar, smásögur og leikrit.
Nú er komin út ný ljóðabók
eftir hann sem nefnist Kisan
Leonardó og önnur ljóð.
Ljóðaunnendur hljóta að taka
henni fagnandi. Undanfarnar
vikur og mánuði hafa ljóða-
bækur streymt á markað þann-
ig að ekki verður kvartað und-
an skorti á nýjum ljóðum.
Ný ljóðabók
frá Vésteini
Þroski, dular-
fullt þorp og
ljóð Vésteins
NÝJAR BÆKUR
VÉSTEINN LÚÐVÍKSSON SENDIR FRÁ SÉR LJÓÐA-
BÓK. GOSBRUNNURINN ER NÝ ÍSLENSK SKÁLD-
SAGA EFTIR GUÐMUND S. BRYNJÓLFSSON.
ÞROSKASAGA STÚLKU FRÁ PÚERTÓ RÍKÓ ER
KOMIN ÚT. BÓK UM HEKL HLÝTUR SVO AÐ
HEILLA ÞÁ SEM UNUN HAFA AF SKEMMTILEGUM
HANNYRÐUM.
Gosbrunnurinn – sönn saga af stríði
er eftir Guðmund S. Brynjólfsson.
Aðkomumaður sem hefur auðgast
af blekkingaleik hefur hreiðrað um
sig í þorpi þar sem mannlífið er afar
sérkennilegt og ekkert er eins og
það sýnist. Eitt er samt augljóst og
það er að gamli gosbrunnurinn á
torginu skal endurbyggður.
Höfundurinn hefur hlotið ýmis
verðlaun fyrir verk sín.
Mannlíf í
dulargervi
Í bókinni Hekl, skraut og fylgihlutir eftir Ros Badger er
boðið upp á 20 auðveld verkefni. Þar á meðal er falleg
blómakeðja, heklaður lampaskermur og stjörnuborði.
Áhugasömum er hjálpað skref fyrir skref með ýmiss
konar skemmtileg handverk og myndir fylgja að sjálf-
sögðu.
Höfundurinn Ros Badger er hekl- og prjónahönn-
uður með yfir 25 ára reynslu og er höfundur margra
handverksbóka.
Blómakeðja og stjörnuborði
* Gott dagblað, geri ég ráð fyrir, er þjóðað tala við sjálfa sig. Arthur Miller BÓKSALA 25. JÚNÍ - 1. JÚLÍ
Allar bækur
Listinn er tekinn saman af Eymundsson
1 Amma biður að heilsaFredrik Backman
2 Vegahandbókin 2014Steindór Steindórsson
3 Iceland small World - lítilSigurgeir Sigurjónsson
4 Iceland small World- stórSigurgeir Sigurjónsson
5 PiparkökuhúsiðCarin Gerhardsen
6 Bragð af ástDorothy Koomson
7 I was hereKristján Ingi Einarsson
8 NicelandKristján Ingi Einarsson
9 Af jörðu - íslensk torfhúsHjörleifur Stefánsson
10 Skrifað í stjörnurnarJohn Green
Kiljur
1 Amma biður að heilsaFredrik Backman
2 PiparkökuhúsiðCarin Gerhardsen
3 Bragð af ástDorothy Koomson
4 Síðasta orðsending elskhugansJojo Moyes
5 Beðið fyrir brottnumdumJennifer Clement
6 Sannleikurinn um mál Harrys QJoël Dicker
7 HHhHLaurent Binet
8 Maður sem heitir OveFredrik Backman
9 LífsmörkAri Jóhannesson
10 Eða deyja ellaLee Child
MÁLSHÁTTUR VIKUNNAR
Allt er gott sem endar vel.