Morgunblaðið - 12.06.2014, Síða 17

FRÉTTIR 17Innlent
MORGUNBLAÐIÐ FIMMTUDAGUR 12. JÚNÍ 2014
Gylfaflöt 16-18 •112 Reykjavik • Sími 553 5200 • solo.is
Gotti
Staflanlegur fjölnota stóll
með eða án arma
Fáanlegur í mörgum litum
Verð frá kr. 28.500
Gerum tilboð í stærri verk
www.facebook.com/solohusgogn
Íslensk hönnun og framleiðsla
Ný hönnun frá
Sturlu Má Jónssyni
Ingileif Friðriksdóttir
if@mbl.is
Í gær fór fram hádegisverðarfundur um nýj-
ungar í samfélagsmiðlum og loftlagsbreyt-
ingar á vegum íslensku félagssamtakanna Vox
Naturae, Veðurstofunnar, Landgræðslunnar
og Rannsóknarseturs Háskóla Íslands um
norðurslóðir á Hilton Reykjavík Nordica. Á
fundinum komu fram leiðandi sérfræðingar
frá Microsoft og alþjóðlegum vísindastofn-
unum til að kynna hvernig ný tækni í upplýs-
inga- og samfélagsmiðlum verður notuð til að
koma á hnattrænu samstarfi um loftslags-
breytingar.
Þessar aðferðir verða notaðar af alþjóð-
legum samráðsvettvangi, the Ice Circle, sem
unnið er því að stofna á Íslandi. The Ice Circle
mun beita sér sérstaklega gagnvart áskor-
unum sem fylgja því að jöklar, snjór og ís hopa
ört um allan heim.
Vitundarvakning mikilvæg
Fyrirlesarar á fundinum voru Páll A. Dav-
íðsson, stofnandi og framkvæmdarstjóri Vox
Naturae, Bob Sandford, formaður Canadian
Partnership Initiative í tengslum við Water for
Life Decade á vegum Sameinuðu þjóðanna,
Christopher Gideon frá Microsoft, dr. Bob
Raleigh, forstjóri Rockefeller Consulting og
forstöðumaður hjá Institute of Scientific
Interchange, ásamt Árna Snorrasyni, for-
stjóra Veðurstofu Íslands.
Bráðnun jökla er stórt vandamál í heiminum
í dag, en hugmyndin að samráðsverkefninu
varð einmitt til á ráðstefnu í Himalaya-fjöll-
unum sem Sameinuðu þjóðirnar skipulögðu og
fjallaði um þetta tiltekna málefni. Ráðstefnan
snerist um það hvað flóð frá bráðnandi jöklum
valda gríðarlega miklum skaða, hvort sem um
ræðir náttúru, mannvirki eða líf. Þrátt fyrir að
þetta gerist um allan heim vanti möguleikann
fyrir fólk til að koma saman og taka á þessum
áskorunum, að sögn Páls.
Ná til fólks með greiningum
Á fundinum kynnti Bob Raleigh tækni sem
hægt er að nota til að greina fólk í þeim til-
gangi að ná betur til þess. The Ice Circle mun
koma til með að vinna með greiningar sem
þessar, til þess að koma þessum mikilvægu
skilaboðum áleiðis.
Nú þegar hafa stjórnvöld stofnað samráðs-
nefnd svo það er allt til staðar svo hægt sé að
taka næstu skref, og er hugmyndin sú að gera
Ísland að miðpunkti fyrir alþjóðlegt samstarf
um jökla, ís og snjó. Þetta telur Páll geta haft
jákvæðar afleiðingar í för með sér, svo sem vit-
undarvakningu og aukið flæði fólks til landsins
sem sæki ráðstefnur.
Ísland miðpunktur alþjóðasamstarfs
 Alþjóðlegi samráðsvettvangurinn The Ice
Circle kynntur  Alþjóðlegt samstarf um jökla
Morgunblaðið/RAX.
Samstarf Fjöldi aðila kemur að verkefninu sem snýr að alþjóðlegu samstarfi um jökla, ís og
vatn. Notast er við samfélagsmiðla og greiningar til að ná til fólks varðandi málefnið.
Bob Raleigh sagði það tilvalið að
Ísland yrði gert að miðpunkti sam-
ráðsvettvangsins. Hann telur
nándina við jökla, sjó og vatn gera
það að verkum að landið sé hinn
fullkomni vettvangur. Með hjálp
greininga og samfélagsmiðla sé
svo hægt að upplýsa fólk um allan
heim um mikilvægi málefnisins.
„Ég er að koma í fyrsta skipti til
Íslands og mér finnst frábært að
sjá í hversu miklu samhengi landið
er við verkefnið,“ sagði hann, „svo
er landið bara svo rosalega fal-
legt“.
Páll A. Davíðsson, frumkvöðull
verkefnisins segir málefnið áríð-
andi. „Ef við tækjum allan ís sem
er í jöklum á landi og breyttum
honum í vatn þá myndi yfirborð
sjávar hækka; heilu vistkerfin eru
háð snjó og ís, heilir menningar-
heimar eru háðir snjó og ís, til að
mynda inúítar og að sjálfsögðu
fólk sem hefur gaman af því að
skíða. Einnig eru veðrakerfi og haf-
straumar tengdir þeim eiginleikum
sem snjór og ís hafa fram að
færa,“ segir hann. „Snjór er undir-
staða svo margs.
Sem dæmi má nefna að hver og
ein vínflaska sem er framleidd í
Suður-Ameríku fær sitt vatn frá
snjó, sem hefur þennan einstaka
eiginleika að
geyma vatn og
deila út á lengri
tíma.“
Hvað varðar
greininguna telur
Páll algjörlega
nýja nálgun eiga
sér stað. „Við
fórum á fullt með
Microsoft og Int-
ernational Scientific Interchange í
það hvernig hægt er að greina fólk
og senda því skilaboð sem snertir
það. Það er hægt að senda skila-
boð á ákveðna hópa og fá í kjölfar-
ið mun áhrifaríkari niðurstöður.
Það er mun áhrifameira en að
segja við alla að nú sé fyrir hönd-
um vandamál sem við þurfum að
leysa,“ segir Páll og telur persónu-
legri nálgun mun áhrifameiri.
„Einhverjir hafa áhuga á um-
hverfismálum og þá er hægt að
sýna fram á hvaða áhrif þetta hef-
ur fyrir umhverfið. Svo eru aðrir
sem gæti ekki verið meira sama
um umhverfið en er annt um börn-
in sín og þá er hægt að sýna fram
á það hver áhrifin væru fyrir börn-
in. Í þriðja lagi er hægt að ná til
viðskiptafólks með því að sýna
fram á að það er ekkert fyrirtæki í
dag sem ekki notast við vatn.“
Ísland hinn fullkomni
vettvangur samstarfsins
SPENNTIR FYRIR FRAMTÍÐARMÖGULEIKUM
Páll A.
Davíðsson