Morgunblaðið - 12.06.2014, Blaðsíða 36

36 MENNING
MORGUNBLAÐIÐ FIMMTUDAGUR 12. JÚNÍ 2014
0 kr. útborgun
Langtímaleiga
Langtímaleiga AVIS er þægilegur, sveigjanlegur og umfram
allt skynsamlegur kostur þegar kemur að rekstri bifreiða.
Í langtímaleigu fæst nýr eða nýlegur bíll, engin útborgun,
tryggingar innifaldar, engin endursöluáhætta og ekkert
vesen við dekkjaskipti, olíuskipti eða smáviðhald.
Losnaðu við vesenið með langtímaleigu
Kynntu þér málið í síma 591-4000
Á
R
N
A
S
Y
N
IR
Skútuvogi 6 - Sími 568 6755
Teppi á stigaganginn
nú er tækifærið !
Komum á staðinn með prufur og mælum,
ykkur að kostnaðarlausu
Eitt verð niðurkomið
kr. 5.980 m2
Hljómsveitin Brother Grass sem
flytur alþýðutónlist og þá oftast í
ætt við „bluegrass“ og „Americ-
ana“, heldur í stutta tónleikaferð
um landið á morgun en áður en hún
leggur af stað heldur hún tónleika á
Café Rosenberg í kvöld kl. 21. Á
morgun treður hún upp á Hótel
Reynihlíð við Mývatn og 14. júní í
Skjálftasetrinu á Kópaskeri kl.
20.30. Komið er að Dalvík 15. júní
og leikur hljómsveitin þá í leikhúsi
bæjarins kl. 21. Ferðinni lýkur svo
á Græna hattinum á Akureyri 16.
júní þar sem tónleikar hefjast kl.
21. Í Brother Grass eru fjórar söng-
konur sem leika á ýmis hljóðfæri,
m.a. þvottabretti og harmoniku og
einn karlkyns gítarleikari sem
syngur einnig. Þar sem hljómsveit-
armeðlimir eru sjaldan á landinu á
sama tíma spilar hljómsveitin nær
eingöngu á sumrin og um jólin.
Alþýðusveit Brother Grass.
Brother Grass
heldur í ferðalag
Ljósmynd/Nína Salvarar
Karlakór Kaffibarsins, Bartónar,
heldur í kvöld kl. 20 sumartónleika
í Tjarnarbíói og mun aðgangseyrir
renna til styrktar Stígamótum. Sér-
stakir vinir Bartóna koma einnig
fram á tónleikunum: Emmsjé Gauti
mun flytja nútímakveðskap og
Original Melody, sem sagðir eru
mögulega fallegustu menn rapp-
senunnar í tilkynningu, flytja
hressa tóna. Þá mun Mike Lindsay,
liðsmaður Tunng með meiru, leika
á gítar og syngja. Kórinn var stofn-
aður fyrir fimm árum og stýrir hon-
um söngvarinn Jón Svavar Jósefs-
son. Í upphafi voru Bartónar átta
manna skemmtiatriði en eru nú
fjögurra radda 35 manna kór.
„Fyrst um sinn voru aðalmarkmið
kórsins að dressa sig upp og taka
þetta á kúlinu en nú hafa raddgæði
og fágun náð jafnvægi við skemmti-
lega framkomu,“ segir í tilkynn-
ingu.
Fágaðir Bartónar syngja til styrktar Stígamótum í Tjarnarbíói í kvöld.
Bartónar og vinir á sumartónleikum
Danski leikarinn Kim Bodnia mun
ekki leika í þriðju þáttaröðinni af
Brúnni, sjónvarpsseríunni vinsælu.
Bodnia fór með hlutverk rannsókn-
arlögreglumannsins Martins Rohde,
sem var aðalsamstarfsmaður Sögu
Norén sem Sofia Helin leikur.
Í frétt danska dagblaðsins Politik-
en um málið er haft eftir Anders
Landstrøm, einum framleiðendanna,
að Bodnia hafi verið ósáttur við þró-
un persónu sinnar. Í nóvember sl. lét
handritshöfundurinn Hans Rosen-
feldt hafa eftir sér í viðtali að sjón-
varpsáhorfendur mættu búast við að
sjá meira til Rohde og fjölskyldu
hans í nýju þáttaröðinni en nú er
ljóst að það gengur ekki eftir. Í stað-
inn er ætlunin að skrifa inn í þættina
norskan rannsóknarlögreglumann,
sem enn er óljóst hver muni leika.
Hins vegar er staðfest að Helin fer
áfram með hlutverk Norén.
Teymi Helin og Bodnia í hlut-
verkum sínum. Margir munu eflaust
sakna hans úr þáttunum um Brúna.
Bodnia vill ekki lengur
vera með í Brúnni
Vorhefti Sögu 2014 er komið út.
Þar er m.a. að finna greinar eftir
Jóhönnu Þ. Guðmundsdóttur um
þróun garðræktar á Íslandi á síðari
hluta 18. aldar og Sverri Jakobsson
um leiguhirðstjórn sem tekin var
upp á Íslandi um miðja 14. öld.
Guðmundur Hálfdanarson veltir
fyrir sér hvort Íslands hafi verið
nýlenda og Helga Kress bregst við
nýlegri grein Eggerts Þórs Bern-
harðssonar um sögulegar heimildir
er varða morðið á Natani Ketils-
syni. Þá fjallar þeir Loftur Gutt-
ormsson og Helgi Skúli Kjartans-
son um rannsóknir á sögu siða-
skiptanna á íslandi, en Óðinn
Melsteð skrifar
um umhverfis-
sagnfræði.
Að venju birtir
Saga andmæli við
doktorsvörn í
sagnfræði og
fjölda ritdóma
um nýlegar bæk-
ur, þar á meðal
einn ítardóm um sögur þriggja
stjórnmálamanna sem komu út fyr-
ir síðustu jól, þeirra Jóhönnu
Sigurðardóttur, Steingríms J.
Sigfússonar og Össurar Skarp-
héðinssonar.
Ritstjóri er Sigrún Pálsdóttir.
Vorhefti Sögu 2014 komið út
Breska leikskáldið Alan Ayckbourn
hefur áhyggjur af því að beinar út-
sendingar af leiksviðum stóru
bresku leikhúsanna í kvikmynda-
húsum hafi neikvæð áhrif á
leiklistarstarf minni leikhúsa þar í
landi. „Mögulega er ótti minn
ástæðulaus en ég hef áhyggjur af því
að beinar útsendingar frá úrvals-
leikhúsum landsins muni hafa letj-
andi áhrif á starfsemi minni leikhús-
anna,“ segir Ayckbourn í samtali við
breska ríkisútvarpið, BBC, en með
minni leikhúsum vísar hann m.a. til
Stephen Joseph-leikhússins í Scar-
borough sem hann sjálfur stýrði um
37 ára skeið. Frá
árinu 2009 hafa
um 30 sviðsupp-
færslur Breska
þjóðleikhússins
(NT) verið send-
ar út í beinni út-
sendingu í kvik-
myndahúsum
víðs vegar um
heiminn, þeirra á
meðal rómuð
uppfærsla á Furðulagi háttalagi
hunds um nótt. Seint á síðasta ári fór
Royal Shakespeare Company (RSC)
síðan að dæmi NT þegar send var út
uppfærsla á Ríkharði öðrum með
David Tennant í titilhlutverkinu.
David Sabel, yfirmaður stafrænn-
ar deildar NT, segir beinu útsend-
ingarnar hugsaðar sem viðbót við
leikhúsferðir en ekki ætlað að koma
í stað þeirra. Segist hann sann-
færður um að fyrirhuguð úttekt á
leikhúsaðsókn landsmanna muni
staðfesta þetta.
Segist hann gera sér vonir um að
Ayckbourn verði sáttur við hvernig
til takist í dag þegar uppfærsla NT á
leikritinu A Small Family Business
eftir Ayckbourn verði send út í
beinni.
Óttast neikvæð áhrif beinna útsendinga
Alan
Ayckbourn