Morgunblaðið - 15.10.2014, Blaðsíða 31

MINNINGAR 31
MORGUNBLAÐIÐ MIÐVIKUDAGUR 15. OKTÓBER 2014
✝ Sigurður Valdi-mar Frið-
þjófsson fæddist 13.
október 1925 á
Bakka í Fnjóskadal.
Hann lést á hjúkr-
unarheimilinu Skjóli
5. október 2014.
Foreldrar Sig-
urðar voru Frið-
þjófur Guðlaugsson,
bóndi á Bakka og
síðar iðnverkamað-
ur á Akureyri, f. 13.6. 1896, d.
15.11. 1981, og kona hans Sigríð-
ur Sigurðardóttir húsfreyja, f.
29.10. 1884, d. 4.11. 1957. Bróðir
Sigurðar var Guðlaugur Frið-
þjófsson tæknifræðingur, f. 1.5.
1920, d. 2.8. 2000. Fóstursystir
þeirra var Margrét Jónsdóttir,
iðnverkakona á Akureyri, f. 2.3.
1916, d. 12.2. 2013.
Sigurður kvæntist 29.12. 1962
eftirlifandi konu sinni, Jennýju
Sólveigu Ólafsdóttur húsmóður,
f. 6.12. 1929 í Hvammi í Þist-
ilfirði. Jenný var dóttir hjónanna
Ólafs Einarssonar vélstjóra í
verði, f. 19.9. 1961. Börn þeirra
eru a) Jenný Birta nemi, f. 17.8.
1997, og b) Sigrún Harpa nemi, f.
6.9. 2000. Barn Þóris er Eva Kar-
en, f. 12.8. 1988. Dóttir Jennýjar
er Sigrún Jóns, f. 29.10. 1947.
Hún er gift Stefáni Jakobssyni, f.
18.10. 1954. Barn Sigrúnar er
Þórhallur Aðalsteinsson, f. 22.5.
1964.
Sigurður lauk stúdentsprófi
frá MA árið 1949 og cand. mag.-
prófi í íslenskum fræðum frá HÍ
árið 1957. Hann var blaðamaður
á Þjóðviljanum frá 1957-63 og
fréttastjóri sama blaðs frá 1963-
71. Sigurður var deildarfulltrúi
verkfræði- og raunvís-
indadeildar HÍ frá 1971-85 og
skrifstofustjóri sameiginlegrar
skrifstofu verkfræðideildar og
raunvísindadeildar frá 1985 og
þar til hann lét af störfum vegna
aldurs. Sigurður var virkur í fé-
lagsstörfum, hann var formaður
Mímis, félags stúdenta í íslensk-
um fræðum 1952-3, ritari Félags
róttækra stúdenta 1954-5 og sat í
stúdentaráði HÍ 1953-4. Hann
var formaður launamálanefndar
BÍ 1967-9, sat í stjórn Félags há-
skólakennara 1975-77 og 1989-91
og í stjórn Orlofssjóðs BHM.
Útför Sigurðar fer fram frá
Kópavogskirkju í dag, 15. októ-
ber 2014, kl. 13.
Hvammi, f. 8.9.
1896, d. 23.5. 1932,
og Sigrúnar Að-
alsteinsdóttur hús-
freyju, f. 6.3. 1906,
d. 29.6. 1942. Dætur
Sigurðar og Jennýj-
ar eru: 1) Sigríður,
f. 8.10. 1964, mats-
fræðingur, gift Jóni
Hörðdal Jónassyni
framkvæmdastjóra,
f. 5.3. 1971. Börn
Sigríðar af fyrra hjónabandi eru
a) Fannar Freyr Ívarsson lög-
maður, f. 15.2. 1987, sambýlis-
kona hans er Íris Cochran Lár-
usdóttir, f. 10.5. 1986, og b) Erna
Valdís Ívarsdóttir tölfræðingur,
f. 27.4. 1990, sambýlismaður
hennar er Egill Örn Gunnarsson,
f. 24.9. 1988. Börn Sigríðar og
Jóns eru c) Orri Guðlaugur nemi,
f. 28.7. 1996, og d) Sindri Sig-
urður nemi, f. 28.7. 1996. 2) Ólöf
Sigfríður hjúkrunarfræðingur, f.
23.11. 1966. 3) Sigurbjörg stuðn-
ingsfulltrúi, f. 10.3. 1970. Sigur-
björg er gift Þóri Jónssyni toll-
Nú kveð ég kæran tengdaföður
minn, Sigurð V. Friðþjófsson. Ég
kynntist honum á efri árum hans,
þ.e. um og eftir að hann lét að
mestu af störfum en hefði svo
sannarlega viljað hafa þekkt hann
lengur. Sigurður var rólegheita-
maður, fór sér að engu óðslega en
með fasi sínu og framkomu öðl-
aðist hann strax virðingu allra í
kringum sig, enda bæði fróður, til-
litssamur, rétt- og víðsýnn. Þrátt
fyrir að nærri hálfrar aldrar mun-
ur væri á okkur í aldri þá áttum
við það sameiginlegt að hafa alist
upp í sveit og báðir gengið í
Menntaskólann á Akureyri og var
alltaf gaman að ræða við hann um
þann tíma.
Sigurður var einkar barnelskur
maður og þess nutu börnin okkar
vel. Í návist hans fundu þau ástúð,
fróðleik og mikla skemmtun
ásamt örlítilli stríðni enda var allt-
af stutt í skemmtilega og lúmska
kímnigáfu hans sem var til staðar
alveg fram á síðasta dag. Dætur
hans segja hann alltaf hafa gefið
sér mikinn tíma til þess að leika
við þær, lesa og syngja og því hélt
hann svo sannarlega áfram með
öllum barnabörnum sínum og
munu þau njóta þess alla ævi enda
hafði hann mikil áhrif á þau.
Minningin um Sigurð mun lifa í
huga mínum svo lengi sem ég lifi,
menn eins og hann gera heiminn
og tilveru okkar betri. Hvíl í friði.
Jón Hörðdal Jónasson.
Elsku afi okkar, við trúum því
ekki að þú sért farinn en við vitum
að þú ert kominn á betri stað. Þú
varst besti afi sem hægt var að
eiga. Það var alltaf svo gaman að
koma í heimsókn til þín og ömmu í
Laufvanginn. Þú labbaðir oft með
okkur út í búð og keyptir smá dót
fyrir okkur og svo lastu fyrir okk-
ur margar sögur. Alltaf varstu í
góðu skapi, bara yndislegur og
frábær afi. Við söknum þín. Þínar
afastelpur,
Jenný Birta og Sigrún Harpa.
Í dag kveðjum við systkinin afa
okkar, hann afa Sigga eins og við
kölluðum hann alltaf. Við söknum
hans mikið enda var hann okkur
öllum ávallt afskaplega góður og
yndislegur afi.
Við vorum alltaf velkomin í
heimsókn til afa Sigga og ömmu
Jennýjar í Lyngbrekkuna, og
seinna á Laufvanginn og í Skipa-
lónið. Flest okkar, og þá sérstak-
lega við sem eldri erum, vorum oft
í pössun hjá þeim. Þar var alltaf
gaman að vera og mikið brallað;
farið í göngutúra, blaðað í bókum
eða horft á sjónvarp. Afi spilaði
mikið við okkur og tókumst við öll
á við hann í spilum eins og löngu-
vitleysu, veiðimanni og samstæðu-
spili. Alltaf stóðst það þegar kom-
ið var í heimsókn að gera mátti ráð
fyrir því að fá að spila við afa.
Afi Siggi var hlédrægur og
óframfærinn, og notaði ekki fleiri
orð en þörf var á. Þau sem hann
notaði voru hins vegar alltaf vel
valin og rétt var að leggja vel við
hlustir þegar hann talaði. Áhugi
afa á íslenskri tungu, bókmennt-
um og bóklestri fór ekki fram hjá
neinum og smitaðist hann yfir á
sum okkar. Alltaf mátti læra eitt-
hvað af afa og ekki brást það held-
ur að mjög stutt var í hláturinn í
samræðum við hann. Afi hafði ein-
staka kímnigáfu og henni fengum
við öll að kynnast. Átti hann til að
vera nokkuð stríðinn og glettinn
við okkur á sinn góðlátlega og sér-
staka hátt.
Fyrst og fremst var afi okkar
góðmennskan uppmáluð og alltaf
til staðar, hvort sem okkur langaði
einungis að líta í heimsókn okkur
til dægrastyttingar eða veita
þurfti alvarlegri málefnum at-
hygli. Til hans gátum við alltaf
leitað og aldrei var þar komið að
tómum kofunum.
Það er við hæfi að afa Sigga sé
minnst með línum skáldsins
Stephans G. Stephanssonar, en á
honum hafði afi mikið dálæti.
Hvíldu í friði, elsku afi.
Er sólskins hlíðar sveipast aftanskugga
um sumarkvöld
og máninn hengir hátt í greinar trjánna
sinn hálfa skjöld,
er kveldkul andsvalt aftur kæla tekur
mitt enni sveitt
og eftir dagsverk friðnum nætur
fagnar
hvert fjörmagn þreytt
Því hjarta mitt er fullt af hvíld og
fögnuð,
af frið mín sál.
Þá finnst mér aðeins yndi, blíða,
fegurð
sé alheims mál,
að allir hlutir biðji bænum mínum
og blessi mig,
við nætur gæskuhjartað jörð og himinn
að hvíli sig.
En þegar hinst er allur dagur úti
og uppgerð skil,
og hvað sem kaupið veröld kann að
virða,
sem vann ég til:
í slíkri ró ég kysi mér að kveða
eins klökkan brag
og rétta heimi að síðstu sáttarhendi
um sólarlag.
(Stephan G. Stephansson)
Fannar, Erna, Orri og Sindri.
Mér þótti eðlilegt að það vant-
aði hjálparkokk á skrifstofu verk-
fræði- og raunvísindadeilda þegar
ég kom þangað í atvinnuviðtal fyr-
ir næstum 30 árum og hitti fyrir
skrifstofustjórann, Sigurð V.
Friðþjófsson. Mér fannst hann
roskinn en tók þó eftir að hann var
kvikur í hreyfingum og glettnis-
glampi í augunum.
Aldursfordómarnir hurfu þeg-
ar samstarf okkar hófst. Sigurður
var hinn besti félagi og lærdóms-
ríkt og skemmtilegt að starfa með
honum. Hann var sívakandi,
atorkusamur og skipulagður,
reglufastur með viðeigandi hóf-
semd, braut málin til mergjar en
gat alltaf séð spaugilegar hliðar á
þeim og ef svo bar undir fæddist
lítil vísa eða bragur sem stundum
var hengdur upp frammi í kaffi-
stofu deildanna. Sigurður og Lilja
Þorleifsdóttir voru einu starfs-
mennirnir á skrifstofu v&r þegar
ég hóf þar störf og höfðu skapað
sérstaklega létt og gott andrúms-
loft og viðmót við nemendur og
kennara sem þangað leituðu og
voru oft kvaddir með spaugsyrð-
um. Þó er ekki svo að skilja að allir
hafi gengið brosandi af fundi sín-
um með Sigurði.
Einstaka sinnum komu til hans
stúdentar sem hafði gengið illa í
prófum og ætluðu með kröfugerð
og heimtufrekju að bæta úr fyrir
sér, þvert á reglur. Í ein tvö skipti
heyrði ég hvernig Sigurður svar-
aði ofstopamönnum, sem héldu að
þeir ættu alls kostar við hann, há-
vaðalaust en svo skýrt og skil-
merkilega að þeir glúpnuðu.
Ein tölva var á skrifstofunni
þegar ég hóf þar störf en von
bráðar fjölgaði þeim. Sigurður var
furðulega fljótur að setja upp töfl-
ur og skýrslur af öllu tagi með
blýanti eða ritvél: Um fjölda stúd-
enta eða kandídata, kennara,
námsframboð eða húsnæðisþörf
og nú lærði hann fyrirhafnarlítið
að nota Excel, Word og nýjan
heimasmíðaðan gagnagrunn deild-
arinnar til að afla sér upplýsinga
og setja þær fram.
Ég kveð minn gamla starfs-
bróður og vin með miklu þakklæti
fyrir mannkosti hans og gott og
gefandi samstarf í níu ár.
Pálmi Jóhannesson.
Það mun hafa verið um haustið
1946 sem fundum okkar Sigurðar
V. Friðþjófssonar bar fyrst saman,
svo munað verði. Þann vetur vor-
um við nemendur í þriðja bekk
MA og gagnfræðingar um vorið.
Áfram hélt starfið við námið gegn-
um fjórða og fimmta bekk og svo
þann sjötta, þar til hlé var gert á
því í ársbyrjun 1949 er mænuveik-
in stakk sér niður á Akureyri og
nærsveitum, með miklum truflun-
um á skólastarfi, m.a. vegna veik-
inda nemenda og urðu allmargir
úr heimavist MA illa úti í þeirri
baráttu. Það voru því nokkur for-
réttindi að búa utan heimavistar
og vorum við Siggi þar á meðal,
hann í heimahúsi en ég í nágrenni
hans úti í bæ. Var samgangur ná-
inn á þeim tíma en námið lítið
stundað. Þess í stað hófum við fjór-
ir bekkjarbræður að æfa bridge og
stofnuðum þá bridgeklúbbinn
„Fjarkann“, sem enn starfar, þó
með nýjum þátttakendum sem að
líkum lætur. Þrátt fyrir þessa
slæmu uppákomu í skólastarfinu
hófst námið að nýju og um vorið
útskrifuðust 55 nemendur sem
stúdentar frá MA. Þá var að huga
að framhaldinu en hópurinn tvístr-
aðist og fóru menn hver í sína átt-
ina við áframhaldandi nám. Ég
hafði ekki gætt þess að útvega mér
húsnæði á Garði og kom því í Há-
skólann vegalaus, en úr því rættist
farsællega þegar ég fékk inni hjá
Sigga vetrarlangt í kjallaranum á
Nýja Garði.
Áfram hélt samvera okkar og
samstarf, er við hausið 1953 vorum
báðir kosnir í Stúdentaráð. Var
það ný og krefjandi lífsreynsla að
standa að samstarfi fjögurra
flokka á vinstri væng stjórnmál-
anna gegn öflugri andstöðu Vöku-
manna. En samstarfið entist kjör-
tímabilið á enda þó oft stæði tæpt.
Sigurður var hógvær maður og óá-
reitinn. Hann kom sér alla tíð vel
meðal skólafélaga sinna, var meðal
annars skáld gott, enda fékk hann
þá auknefnið skáld „poeta“. Loddi
það við hann ævilangt og var oftast
auðkenndur frá öðrum með því
sæmdarheiti. Af hópnum frá árinu
1949 eru nú er þetta er ritað 33
látnir og 22 á lífi. Veit ég að ég
mæli fyrir munn þeirra er enn
standa ofar fjörs á línu, óskir um
fararheill á vegum hins óræða.
Björn Hermannsson.
Sigurður V.
Friðþjófsson
✝
Ástkær móðir, tengdamóðir, amma og
langamma,
GUÐRÚN ÞORLEIFSDÓTTIR
(Stella),
frá Felli í Breiðdal,
lést á Hrafnistu í Hafnarfirði
miðvikudaginn 8. október.
Útför verður frá Heydalakirkju í Breiðdal
laugardaginn 18. október kl. 14.00.
Árni Einarsson,
Guðleif Sigurjóna Einarsdóttir,
Þórdís Sigríður Einarsdóttir,
Þorleifur Ingi Einarsson
og fjölskyldur.
✝
Faðir okkar, tengdafaðir, afi og langafi,
ÁSTÞÓR JÓN TRYGGVASON
bóndi,
Rauðafelli 1,
Austur-Eyjafjöllum,
lést á Heilbrigðisstofnun Suðurlands
mánudaginn 13. október.
Jarðarförin verður auglýst síðar.
Bergþóra Ástþórsdóttir, Ólafur Steinar Björnsson,
Kristín Ástþórsdóttir, Gísli Valdimarsson,
Eiríkur Tryggvi Ástþórsson, Ragnheiður Högnadóttir,
Sigurþór Ástþórsson
og fjölskyldur.
✝
Við þökkum auðsýnda samúð vegna fráfalls
ástkærrar eiginkonu minnar, móður,
tengdamóður, systur, ömmu og langömmu,
HREFNU LÁRUSDÓTTUR KVARAN.
Fyrir hönd aðstandenda,
Ragnar G. Kvaran,
Anna Ragnhildur Kvaran.
✝
Elsku pabbi okkar, tengdapabbi, afi og
langafi,
EINAR JÓNSSON,
Nestúni 2,
Hvammstanga,
lést á Heilbrigðisstofnuninni á Hvammstanga
laugardaginn 11. október.
Útför hans fer fram frá Hvammstangakirkju
föstudaginn 17. október kl. 15.00.
Jón Rúnar Einarsson, Kristín Valborg Sævarsdóttir,
Anna Einarsdóttir,
Herdís Einarsdóttir, Indriði Karlsson,
Aðalheiður Sv. Einarsdóttir, Jón Ingi Björgvinsson,
Hlynur Einarsson,
barnabörn og barnabarnabörn.
✝
Innilegar þakkir til allra þeirra sem sýndu
okkur hlýhug, samúð og vináttu við andlát og
útför elsku föður okkar, tengdaföður, sonar,
bróður og afa,
HALLDÓRS GUNNARS ÓLAFSSONAR.
Ólafur Á. Sigurðsson, Kristín Guðjónsdóttir,
Ásgeir Halldórsson, Ragnhildur Dóra Elíasdóttir,
Arndís Halldórsdóttir, Bergþóra Gná Hannesdóttir,
Sigurður Halldórsson, Kristrún Björg Nikulásdóttir,
Karítas Alda Ásgeirsdóttir,
Björg og Þröstur,
Sigurður Ásgeir, Óli og Anna.
✝
Þökkum sýndan vinarhug vegna andláts
systur okkar og mágkonu,
SIGRÍÐAR JÓNASDÓTTUR,
Dalalandi 12,
Reykjavík.
Sérstakar þakkir til starfsfólks Múlabæjar og
Grundar.
Haraldur Jónasson,
Marta María Jónasdóttir,
Böðvar Jónasson, Erna Aradóttir
og fjölskyldur.
✝
Ástkær faðir okkar, tengdafaðir, afi og langafi,
GUÐMUNDUR ALBERTSSON
Heggsstöðum,
Kolbeinsstaðahreppi,
sem lést fimmtudaginn 9. október,
verður jarðsunginn frá Kolbeinsstaðakirkju
laugardaginn 18. október kl. 14.00.
Blóm og kransar vinsamlegast afþakkaðir en þeim
sem vilja minnast hans er bent á minningarsjóð
dvalarheimilisins Brákarhlíðar.
Börn, tengdabörn, barnabörn og barnabarnabörn.
✝
Ástkær móðir okkar,
ÓLÖF EMMA KRISTJÁNSDÓTTIR
frá Ísafirði,
lést laugardaginn 11. október.
Hún verður jarðsungin frá Dómkirkjunni
föstudaginn 17. október kl. 13.00.
Ingvar Grétar Ingvarsson, Helgi Pálmason,
Margrét Jóhanna Pálmadóttir og
Kristján Pétur Hjálmarsson.