Morgunblaðið - 18.10.2014, Page 14

VIÐTAL
Björn Jóhann Björnsson
bjb@mbl.is
„Það var mjög tæpt að síðasti leikur,
hjá U21-liðinu gegn Dönum, hefði
getað farið fram. Það var frost að
morgni og hefði ekki komið sól í hálf-
tíma um tvöleytið hefði leikurinn ekki
getað farið fram. Lánið hefur oft leik-
ið við okkur í þessum leikjum á
haustin,“ segir Jóhann G. Krist-
insson, vallarstjóri Laugardalsvallar
til fjölda ára, en í landsleikjum Ís-
lands í vikunni var hann mjög stress-
aður yfir því að þeir gætu yfirhöfuð
farið fram vegna kulda.
Treysta á veðurguðina
Laugardalsvöllur er óupphitaður
og þegar komið er fram í október og
nóvember þarf að treysta á að veður-
guðirnir séu hliðhollir. Jóhann og fé-
lagar hafa notið aðstoðar sérfræð-
inga við að halda vellinum góðum,
m.a. frá Bjarna Hannessyni, vall-
arstjóra hjá Golfklúbbnum Keili í
Hafnarfirði.
„Vandamálið í þessu er að við höf-
um aldrei getað verið öruggir með að
hlutirnir lukkist og völlurinn sé í
standi þegar leikdagur rennur upp,“
segir Jóhann og bendir á að hefði
leikurinn gegn Dönum sl. þriðjudag
verið settur á um kvöldið, á sama
tíma og Hollandsleikurinn á mánu-
deginum, þá hefði hann ekki getað
farið fram vegna frosts í grassverð-
inum. Leiktíminn, kl. 16.15, var löngu
ákveðinn af UEFA til að honum yrði
lokið áður en landsleikir hæfust um
kvöldið hjá A-landsliðunum í und-
ankeppni EM. „Þessi leikur hefði í
raun ekki mátt fara fram miklu
seinna því í seinni hálfleik voru strák-
arnir farnir að renna til á vellinum,“
segir Jóhann.
Það þarf ekki landsleiki til að veð-
urskilyrði séu tæp. Rifjar Jóhann
upp að eitt sinn hafi snjóað á bikarúr-
slitaleik og þá stóð tæpt að íslenska
kvennalandsliðið næði að leika í um-
spili gegn Írum í lok október 2008,
þegar stelpurnar tryggðu sæti sitt á
lokakeppni EM.
Í nóvember í fyrra, þegar leikið var
gegn Króatíu í umspili fyrir HM, var
sömuleiðis orðið ansi kuldalegt um að
litast á landinu. Til að halda vellinum
heitum var leigður dúkur erlendis frá
til að breiða yfir dagana fyrir leik
sem fram fór 15. nóvember. Þetta
kostaði KSÍ um 15 milljónir króna
sem samsvarar tekjum af miðasöl-
unni á leiknum.
„Þarna vorum við líka heppnir með
veðrið. Það byrjaði að snjóa hálftíma
eftir leik og ekki hægt að leika hér
fótbolta í marga mánuði á eftir. Veð-
urspáin fyrir leikinn var hins vegar
eins og pöntuð og enn lék lánið við
okkur. En það getur ekki gert það
endalaust.“
Lag næsta haust
Jóhann telur afar brýnt að Laug-
ardalsvöllur verði upphitaður. Nauð-
synlegt sé að gera hann frostfrían og
skapa þannig meira öryggi fyrir leik-
menn, upp á meiðsli og annað. KSÍ
hefur vilyrði frá UEFA um styrk til
þess að skipta um gras og hita völlinn
upp. Jóhann segir lag til fram-
kvæmda strax eftir næstu undan-
keppni, þannig að völlurinn verði þá
orðinn klár á nýjan leik sumarið 2016.
Að morgni Svona leit Laugardalsvöllur út að morgni mánu-
dags, áður en leikið var gegn Hollendingum, grasið frosið.
Eftir hádegi Sólin lét sjá sig og hægt var að snyrta grasið á
vellinum. Daginn eftir skein sólin aðeins í hálftíma.
Ljósmyndir/KSÍ
Landsleikur Leikur Íslands og Hollendinga hófst á slaginu kl.
18.45 og vallarstarfsmenn búnir að gera allt klárt.
Ekkert leikið hefði sólin ekki komið
 Jóhann G. Kristinsson, vallarstjóri Laugardalsvallar, segir litlu hafa mátt muna að U21 leikurinn
gegn Dönum yrði blásinn af vegna kulda  Lánið leikur við okkur  Brýn þörf fyrir upphitaðan völl
Morgunblaðið/Brynjar Gauti
Snjór Jóhann G. Kristinsson á vell-
inum fyrir leik Íra í október 2008.
14 FRÉTTIRInnlent
MORGUNBLAÐIÐ LAUGARDAGUR 18. OKTÓBER 2014
Verslun H. Júlíussonar á
Sauðárkróki 95 ára!
Höfum þjónað Skagfirðingum
og ferðafólki í nærri heila öld!
Matvara, fatnaður, hreinlætisvörur
og olíuvörur í miklu úrvali!
Alltaf rétta verðið!
Þökkum öll gömlu árin!
Verslun H. Júlíussonar, Aðalgötu 22, Sauðárkróki
sími 453 5124, fax 453 5136 Umboð frá 1930
Enginn fer tómhentur frá Bjarna Har!
„Hugmyndir forystumanna KSÍ um
stækkaðan Laugardalsvöll eru
spennandi og það eru færð ágæt
rök fyrir mikilvægi þess að bæta
aðstöðuna þannig að völlurinn nýt-
ist betur yfir árið. En staða ríkis-
fjármála er þannig á næstu árum
að það gæti reynst erfitt að ríkis-
sjóður verji umtalsverðum fjár-
munum til slíkra framkvæmda,“
segir Illugi Gunnarsson mennta-
og menningarmálaráðherra um
hugmyndir KS að stærri Laugar-
dalsvelli, sem greint var frá í
Morgunblaðinu sl. fimmtudag.
Illugi segir málið hafa verið
skoðað og hann fengið kynningu á
þessum hugmyndum, einnig varð-
andi þjóðarleikvang fyrir frjálsar
íþróttir. „Áður en hlaupabraut
verður tekin af Laugardalsvelli
þarf að huga að aðstöðu fyrir
frjálsar íþróttir. Það er ekki hlaup-
ið að því að finna fjármagn til
þess,“ segir Illugi.
Formaður KSÍ hefur nefnt
möguleika á að
fá áhugasama
fjárfesta að verk-
efninu og ráð-
herra segir sjálf-
sagt að skoða
það. „En það yrði
óábyrgt af minni
hálfu að gefa ein-
hverjar vonir eða
væntingar annað en að við vonum
að hagur ríkissjóðs fari batnandi.
Mér líst alls ekkert illa á einka-
framkvæmd en það skiptir máli
hvernig sú aðkoma er hugsuð.“
Illugi segist skilja vel sjónar-
miðin sem liggi að baki kröfu um
stækkun Laugardalsvallar. Glæsi-
leg frammistaða karlalandsliðsins
að undanförnu hafi vakið athygli
en önnur landslið hafi einnig stað-
ið sig mjög vel og knattspyrnu-
húsin hafi án efa haft þar mikið að
segja. Stjórnvöld hafi metnað til
að halda þeirri uppbyggingu
áfram. bjb@mbl.is
Ólíklegt að fé komi úr ríkissjóði
RÁÐHERRA SEGIR HUGMYNDIR KSÍ SPENNANDI
Illugi Gunnarsson
Gunnlaugur Árnason
Stykkishólmi
Menningarhátíðin Norðurljósin er
haldin um helgina í Stykkishólmi.
Hátíðin er haldin annað hvert ár
og fer nú fram nú í þriðja sinn.
Fjölbreytt dagskrá er frá fimmtu-
degi og stendur til sunnudags. Það
verður sungið og spilað á mörgum
stöðum í bænum, félagasamtök
eru með skemmtidagskrá, söfn
verða opin, myndasýningar og fyr-
irlestrar.
Dagskráin hófst á fimmtudags-
kvöld með tónleikum í Stykk-
ishólmskirkju sem tónlistarfólk í
Hólminum flutti að mestu leyti.
Það hefur skapast sú venja á
Norðurljósum að heiðra val-
inkunna Hólmara sem hafa sett
svip sinn á menningarlífið í bæn-
um og þakka þeim fyrir óeig-
ingjarnt starf. Á þessu ári er þess
minnst að Lúðrasveit Stykk-
ishólms hefur starfað í 70 ár og
Tónlistarskólinn á 40 ára starfs-
afmæli.
Því þótti bæjarstjórn Stykk-
ishólms viðeigandi að heiðra þá
bræður Jón Svan og Lárus Péturs-
syni fyrir starf þeirra á svo mörg-
um sviðum menningar og lista.
Jón Svanur hefur frá unga aldri
leikið á hljóðfæri, stjórnað leiksýn-
ingum hjá leikfélaginu Grímni og
séð um leiksviðsgerð. Lárus hefur
einnig leikið á hljóðfæri frá unga
aldri. Hann hefur starfað sem
kennari í Tónlistarskólanum í yfir
30 ár. Þá eru þeir bræður lagnir í
höndunum og hafa víða komið við
að endurbyggja gömul hús í
Stykkishólmi. Á tónleikunum tóku
þeir við viðurkenningunni frá bæj-
arstjórn og tónlistargestir sýndu
hug sinn með miklu lófaklappi.
Undirbúningsnefnd hátíðarinnar
hvetur bæjarbúa og gesti til að
vera með og taka þátt í dag-
skránni, því maður er manns gam-
an.
Músíkalskir bræður heiðraðir
 Það verður sungið
og spilað á mörgum
stöðum í Stykkis-
hólmi um helgina
Morgunblaðið/Gunnlaugur Árnason
Þakklæti Bæjarstjórnin heiðraði þá bræður Jón Svan og Lárus Péturssyni
fyrir starf þeirra á mörgum sviðum menningar og lista.