Morgunblaðið - 18.10.2014, Síða 29

29
MORGUNBLAÐIÐ LAUGARDAGUR 18. OKTÓBER 2014
Varasöm beygja lagfærð Verið er að lagfæra blindhorn á hjólastíg sem liggur undir Gullinbrú í Grafarvogi. Kröpp og þröng beygja á hjólreiðastígnum hefur valdið hættu á slysum.
Þórður
Kolbrún Bergþórs-
dóttir gerir að umfjöll-
unarefni sínu í nýleg-
um pistli þá skoðun
mína að ekki beri að
loka á vefsíður á borð
við Ríki íslams. Það er
tvennt sem hún virðist
ekki hafa meðtekið af
mínum skrifum frekar
en flestir aðrir. Annars
vegar það sem ég hóf
umræðu mína um efn-
ið á, og það er að ég tel sjálfsagt að
bola téðu ríki af .is-léninu af þeirri
einföldu ástæðu að lénið stendur
fyrir Ísland en ekki Islamic State.
Sömuleiðis hef ég margítrekað að
Advania hefur þann rétt og reyndar
skyldu að hafna viðskiptum við
þessa villimenn. Af einhverjum
ástæðum virðist sá punktur ekki
komast til skila í þessari umræðu
þótt ég hafi margítrekað hann frá
upphafi.
Það sem ég hef gagnrýnt, harka-
lega og ítrekað, er sú hugmynd að
það eigi að loka svona síðum al-
mennt á þeim forsendum að á þeim
finnist hatursáróður eins og upp-
runalega var gert. Hér
er hinn misskilningur
Kolbrúnar Bergþórs-
dóttur; það kemur
rétti meðlima Ríkis ísl-
ams nákvæmlega ekk-
ert við. Ég lít svo á að
við séum í stríði við
þessa menn (hvort sem
okkur líkar betur eða
verr) og ég hef engar
áhyggjur af réttindum
þeirra nema í sam-
hengi við stríðslög. Ég
kæri mig kollóttan um
rétt þeirra til tjáning-
arfrelsis, sem og reyndar þeir sjálf-
ir líka.
En tjáningarfrelsið snýr í báðar
áttir; það er ekki réttur þeirra til að
tjá sig sem ég hef áhyggjur af, held-
ur okkar eigin réttur til að heyra.
Það er fullkomin nauðsyn, fyrir
okkur sem rannsaka þung og erfið
málefni eins og stöðuna í Mið-
Austurlöndum, að við, fjölmiðlar og
Kolbrún Bergþórsdóttir sjálf hafi
færi á því að rannsaka, greina,
flytja fréttir af og staðreyna efni um
þessi hryllilegu samtök.
Kaldhæðnislegt er að í sama pistli
segir hún orðrétt: „Það er ekki eins
og fréttir af ógnarverkum íslamska
ríkisins séu ýkjur, þær eru skelfi-
legur raunveruleiki sem við erum
minnt á dag hvern.“
Ég spyr; hvað veit hún um það
hvort þetta séu ýkjur eða ekki? –
Svo það sé á hreinu er þetta dagsatt
hjá henni, en hvernig veit hún það?
Hvernig veit ég það? Jú, vegna þess
að sem betur fer hafa nógu margir
haft aðgang að þessu efni til þess að
staðfesta það. Ef svo væri ekki, þá
hefðum við engar forsendur til að
fullyrða svona lagað nema við leggj-
um það í vana okkar að trúa í
blindni því sem vestræn yfirvöld
segja. Pant ekki.
Nú þegar er komin upp mikil tor-
tryggni af hálfu góðviljaðs fólks í
garð umfjöllunar gegn þessum sam-
tökum, þar sem menn telja þetta
allt saman uppspuna – enda orðnir
vanir því að yfirvöld ljúgi. Með hlið-
sjón af mikilvægi þess að berjast
gegn þessum samtökum legg ég til
að það sé bráðnauðsynlegt að stað-
reyndir málsins séu aðgengilegar
öllum.
Eða á kannski að vera einhver út-
valinn hópur fréttamanna sem fær
séraðgang að efni um alvarlegustu
þróun í Mið-Austurlöndum í manna
minnum?
Svo vil ég nefna eitt sem flestum
virðist erfitt að ímynda sér, og það
er sá hópur fólks sem tekur beinan
þátt í að berjast gegn hugmynda-
fræði Ríkis íslams. Þeim hópi er
gerður gríðarlegur ógreiði með því
að hindra aðgang að þessu efni.
Fyrir okkur sem rannsökum, grein-
um og rökræðum þessi mál er nauð-
synlegt að hafa sama aðgang að
upplýsingum og þeir aðilar sem eru
raunverulega í áhættuhópi, þ.e.
heittrúaðir múslimar sem eru tor-
tryggnir gagnvart lýðræði og frelsi.
Við erum hins vegar fullkomlega
vanmáttug um að nýta upplýsta um-
ræðu í okkar baráttu ef okkur er
meinaður aðgangur að mikilvæg-
ustu staðreyndunum. Öfgafullir
múslimar munu alltaf hafa aðgengi
að þessu efni í næstu róttæku
mosku. Við hin, sem reynum að
berjast gegn þessum öflum með
beinum hætti, erum hindruð í bar-
áttu okkar þegar okkur er meinað
að heyra og sjá þann heim sem við
erum að reyna að skilja. Ég skil vel
að Kolbrúnu Bergþórsdóttur geng-
ur gott eitt til, en það gerir það
hvorki skynsamlegt né ábyrgt að
fela hrylling heimsins fyrir almenn-
ingi.
Kolbrún Bergþórsdóttir hefur
fullan rétt á því að loka augunum og
halda fyrir eyrun ef hún telur það
gagnast í baráttunni gegn Ríki ísl-
ams. En það er ekki sjálfsagður
réttur hennar, né nokkurs annars,
að loka augum og eyrum þeirra sem
taka beinan þátt í að berjast gegn
þeirri hugmyndafræði sem Ríki ísl-
ams stendur fyrir. Það er fullkomin
nauðsyn að áhugafólk, fræðimenn,
rannsakendur og blaðamenn hafi
aðgang að vefsíðu Ríkis íslams, þótt
auðvitað megi hýsa hana annars
staðar en hérlendis og hvað þá á .is-
léni.
En sjái maður mann höggva höf-
uð af öðrum eru verstu hugsanlegu
viðbrögðin þau að loka augunum og
halda fyrir eyrun.
Eftir Helga Hrafn
Gunnarsson »En tjáningarfrelsið
snýr í báðar áttir;
það er ekki réttur
þeirra til að tjá sig
sem ég hef áhyggjur
af, heldur okkar eigin
réttur til að heyra.
Helgi Hrafn
Gunnarsson
Höfundur er þingmaður Pírata.
Upplýsingin gegn illskunni