Fréttir - Eyjafréttir - 06.05.1999, Blaðsíða 2

2
Fréttir
Fimmtudagur 6. maí 1999
SúrefnisvörurKarin
Herzogkynntarí
Apótekinu
Föstudaginn 7. maí verður staddur í
Apóteki Vestnrannaeyja fulltrúi frá
dreifiaðila Súrefnisvara, Karin
Herzog, sem mun veita ráðgjöf og
kynna þessar umtöluðu vörur.
Súrefnisvörur Karin Herzog
byggja á uppfinningum svissneska
læknisins og vísindamannsins dr.
Paul Herzog sem m.a. fann upp
öndunarvélina á sínum tfma og var
heiðraður af Nóbelsstofnuninni,
m.a. fyrir það afrek.
Honum tókst svo fyrstum allra
að beisla súrefni í krem og láta það
þrýstast á mátulegan hátt niður í
húðina þegar það er borið á hana.
Þetta hefur margvíslegan ávinning í
för með sér, t.d. vinna vörurnar á
öldrunareinkennum, brúnum blett-
um, unglingabólum og appelsínu-
húð, auka úthald í íþróttum, svo fátt
eitt sé nefnt.
Fréttatilkynning.
Gistiheimilum
fjölgar
Aukinn ferðamannafjöldi kallar á
aukið gistihúsnæði. Svokölluðum
gistiheimilum í Vestmannaeyjum
fjölgar stöðugt. Fyrir u.þ.b. þremur
árum voru þau fjögur eða fimm
(hótelin ekki meðtalin) en nú hefur
sú tala þrefaldast. Á síðasta fundi
umhverfis- og heilbrigðisnefndar
voru samþykkt starfsleyfi fyrir tvö
ný gistiheinhli. að Kirkjubæjai'braut
5 og Kirkjubæjarbraut 15.
lfikan í meðaltali -
helginofanöess
í dagbók lögreglu í síðustu viku
voru færslur alls 163 eða nálægt því
sem er alla jafna í hverri viku. En
sjálf helgin var fremur erilsöm þvf
að frá föstudagskvöldi fram á
sunnudagsmorgun voru 49 færslur
í dagbók og er það mun meira en á
undanfömum vikum.
Barist í Míðunni en
áverkarminniháttar
Þrjár líkamsárásir voru kærðar í
vikunni til lögreglu um helgina. í
öllum tilvikum var um að ræða
minniháttar áverka. Og góðviðrið
urn helgina virðist hafa haft sín
áhrif því að allar áttu þessar lík-
amsárásir það sameiginlegt að þær
áttu sér stað utan dyra.
Peningumog
reiðhjóli stolið
Tveir þjófnaðir voru kærðir til
lögreglu í vikunni. í öðru tilvikinu
var stolið reiðhjóli og er það
óupplýst. í hinu tilvikinu vttr farið
inn á heimili og þaðan stolið 22
þúsund krónum. Það mál er hins
vegar upplýst.
ÞORKELL fékk nokkra sjómenn í lið með sér við lagfæringarnar. F.v. Þorkell, Valdimar Guðmundsson,
Hjörleifur Friðriksson og Haukur Hauksson.
Þorkell Húnbogason eigandi Veit-
ingaskálans við Friðarhöfn hefur
keypt Gistiheimilið Heimi við
Heiðarveg. Er unnið að endur-
bótum af fullum krafti og ráðgerir
hann að opna um miðjan þennan
mánuð.
Gistiheimilið Heimir var í eigu
Islandsbanka og keypti Þorkell heim-
ilið af honum fyrir um 10 milljónir
króna. Heimilið stendur við Heiðarveg
og þar hefur verið rekið gistiheimili til
margra ára. Herbergin em 18, misstór,
flest með klósetti og nokkur með
klósetti og sturtu. Auk þess er þarna
morgunverðarsalur.
Þegar Fréttir litu við í Heimi var
Þorkell ásamt þremur vöskum aðstoð-
armönnum á fullu við að hreinsa til og
lagfæra. „Húsnæðið er í betra ástandi
en það sýndist fyrst og vonast ég til að
okkur takist að gera klárt fyrir 15. maí
en þann dag stefni ég á að opna. En í
framtíðinni þarf að klæða húsið, skipta
um glugga og taka til hendinni innan
dyra. Þær framkvæmdir hafa verið
settar á þriggja til fimm ára áætlun-
ina,“ segir Þorkell.
Þorkell, sem hefur rekið Veitinga-
skálann við Friðarhöfn í mörg ár, segir
að hann ætli ekki að bæta við sig,
þvert á móti. „Það er kominn tími til
að breyta til og svo vil ég fara að
minnka við mig. Hjá þeim sem standa
í móttöku ferðamanna er mest að gera
á sumrin en það er rólegra á veturna
en í veitingaskálanum ertu að vinna
360 daga á ári.“
FRAMSÓKNARMENN opnuðu kosningaskrifstofu sína að Skólavegi 6 fyrir nokkru. Þar voru mættir
þingmennirnir Guðni Ágústsson og ísólfur Gylfi Pálmason sem höfðu nýtt daginn til að fara á vinnustaði
og heilsa upp á sitt fólk. Okkar menn á listanum, Ármann Höskuldsson og Lára Skæringsdóttir voru
þarna einnig ásamt nokkrum hópi dyggra framsóknarmanna sem tilbúnir eru að leggja nótt við dag til
að tryggja flokknum gott gengi í kosningunum þann 8. maí nk.
llill lengja lllugagötuna
Margir vilja byggja í dag. Valur
Andersen, flugmaður, sem stendur
í húsbyggingu í Brekkuhúsi, hefur
sótt um lóðir nr. 64 og 66 við
Illugagötu og ætlar að byggja þar
einbýlishús. Þá sækir Valur einnig
um að lengja Illugagötu til austurs
og vill byggja þar lleiri hús.
Sumarhúsogkírkja
Og enn af byggingamálum. Skipu-
lagsnefnd afgreiddi á síðasta fundi
sínum umsóknir frá Valgeiri Jónas-
syni urn byggingu fleiri sumarhúsa
í Ofanleitislandi. Og að sjálfsögðu
er stafkirkjan inni á borði skipu-
lagsnefndar. Nú liggja fyrir teikn-
ingar af fyrirhugaðri kirkjubygg-
ingu á svæðinu austan við Skans-
inn. Skipulagsnefnd er hlynnt er-
indinu en vill fá frekara skipulag af
svæðinu og óskar eftir l'undi með
bygginganefnd kirkjunnar og
landslagsarkitekt sem fyrst.
Stefán uill hringtorg
ámótumHeiðarvegs
ogKirkjuvegs
Einn af nefndarmönnum í skipu-
lagsnefnd, Stefán Jónasson, lagði á
síðasta fundi nefndarinnar fram
fyrirspum er varðar gatnamót Heið-
ttrvegar og Kirkjuvegar. Slysatíðni
hefur verið há á þessum gatna-
mótum og vill Stefán kanna mögu-
leika á að koma þar upp hringtorgi
til að draga úr slysahættu.
Gninnskólanemar
styrktir
Á fundi menningarmálanefndar í
síðustu viku lá fyrir beiðni um
ferðastyrk. Nemendur Bamaskóla
Vestmannaeyja hafa í vetur unnið
að svonefndu Comeniusarverkefni
og munu í sumar fara til Svíþjóðar
vegna þess. Nefndin sámþykkti að
styrkja nemenduma með 70 þúsund
krónum.
EndaðiáZMiolu
Flaggakeppni GV var haldin sl.
laugardag í blíðuveðri. Flagga-
keppnin er forgjafarkeppni þar sem
keppendur spila þangað til forgjöf
þeirra er búin og stinga þá niður
flaggi þar sem þeir enda. Ekki ná
alltaf allir að ljúka við 18 holumar
en þeir bestu byrja nýjan hring og
að þessu sinni voru þeir nokkrir
sem komust vel á veg þar. Þessir
þrír urðu efstir:
1. Jón V. Gústafsson
2. Hörður O. Grettisson
3. Brynjar Unnarsson
Brynjar kláraði 19. holuna, Hörður
Orri kláraði þá 20. og Jón Valgarð
gerði sér lítið fyrir og endaði leik á
flötinni á 21. holu. Þeir þre-
menningar eru allir í hópi yngra
spilara og mun forgjöfin þeirra
væntanlega lækka nokkuð eftir
þessa góðu frammistöðu.
Á laugardag verður Firmakeppni
GV á dagskrá. Keppnin hefst kl.
11.00 og verða spilaðar 18 holur
með og án forgjafar. Kylfmgar em
hvattir til að mæta og spila fyrir þau
fyrirtæki sem styðja við bakið á
klúbbnum.
Þorkell í Veitingaskálanum við Friðarhöfn:
Keypti Gistíheimilið
Heimi og opnar 15. maí
FRETTIR
Útgefandi: Eyjaprent ehf. Vestmannaeyjum. Ritstjóri: Ómar Garðarsson. Blaðamenn: Benedikt Gestsson & Sigurgeir jónsson.
íþróttir: Rútur Snorrason. Ábyrgðarmenn: Ómar Garðarsson & Gísli Valtýsson.
Prentvinnæ Eyjaprent ehf. Vestmannaeyjum. Aðsetur ritstjórnar: Strandvegi 47II. hæð. Sími: 481 -3310. Myndriti: 481 -1293.
Netfang/rafpóstur frettir@eyjar.is. Veffang: http//www.eyjar.is/~frettir.
FRÉTTIR koma út alla fimmtudaga. Blaðið er selt I áskrift og einnig í lausasölu í Turninum, Kletti, Veitingaskálnum Friðarhöfn, Tvistinum, Amigo, Kránni, Vöruval, Herjólfi,
Flugvallarversluninni, Tanganum, Söluskálanum Friðarhöfn. í Reykjavík: hjá Esso Stóragerði og í Flugteríunni á Reykjavíkurflugvelli. FRÉTTIR eru prentaðar í 2000 eintökum.
FRETTIR eru aðilar að Samtökum bæjar- og héraðsfréttablaða. Eftirprentun, hljóðritun, notkun Ijósmynda og annað er óheimilt nema heimilda sé getið.