Fréttir - Eyjafréttir - 06.05.1999, Blaðsíða 27

Fimmtudagur 6. maí 1999
Fréttir
27
Knattspyrnan: 8 liða úrslit í Deildarbikarnum
ÍBV sisraði í fyrsta
Qrasleik ársins
Veðurguðirnir voru leikmönnum
ÍBV og ÍR ekki hliðhollir, þegar
liðin áttust við í 8-liða úrslitum
deildarbikarsins síðastliðið þriðju-
dagskvöld. Rigning og rok settu
svip sinn á þennan mikla marka-
leik, þar sem skoruð voru hvorki
fleiri né færri en 9 mörk og er langt
síðan að lið IBV hefur fengið á sig
fjögur mörk á heimavelli.
Leikurinn byrjaði með miklum
látum og strax á fyrstu mínútu leiks-
ins. skoraði Steingrímur Jóhannesson
fyrsta mark IBV með langskoti fyrir
utan teig. Eyjamenn gerðust heldur
værukærir eftir þetta og var refsað
fyrir, því gestimir svöruðu fyrir sig
með tveimur mörkum. Eftir þetta var
leikurinn í jámum, enda erfitt oft á
tíðum að hemja boltann við þessar
erfíðu aðstæður. Jóhann Möller náði
síðan að jafna fyrir Eyjamenn, 2-2,
eftir góða homspymu Baldurs Braga-
sonar. Jóhann Möller var síðan aftur á
ferðinni stuttu seinna, þegar hann fékk
sendingu innfyrir vöm IR og kláraði
hann færið sitt mjög vel. IR-ingar
voru ekki af baki dottnir og náðu að
jafna fyrir leikhlé, 3-3. Eyjamenn
sóttu grimml í síðari hálfleik, enda
með sterkan vind í bakið. Það var því
þvert gegn gangi leiksins að IR-ingar
komust yfír, 3-4. ÍBV hélt áfram að
sækja af krafti og náðu aðjafna, þegar
15 mínútur voru til leiksloka. Rútur
Snorrason tók þá aukaspymu og náði
markmaður ÍR ekki að halda knett-
inum og Jóhann Möller fylgdi vel á
eftir og fullkomnaði þrennu sína í
leiknum. Allt stefndi í framlengingu,
þegar Sindri Grétarsson, náði að
tryggja IBV sigurinn með marki á
lokamínútunum. Lokatölur leiksins,
5-4, og ÍBV því komið í undanúrslit
deildarbikarsins.
Lið ÍBV: Birkir - Páll, Hlynur, fvar
B.(Jóhann S.), Hjalti Jóh - Jóhann M.,
Guðni, Bjarni G.(Hjalti J.), Baldur,
Rútur(Sindri) - Steingrímur.
SINDRI skoraði sigurmarkið
þegar örfáar mínútur voru til
leiksloka.
Knattspyrna: Hásteinsvöllur á undanþágu sem fellur úr gildi 15. maí nk.
Óþolandi 03 lítillækkandi
■segir formaður knattspyrnudeildar ÍBV. Stúka ekki á fjárhagsáætlun þessa árs segir bæjarstjóri
Reglugerð um byggingu skipu-
lagðra áhorfendasvæða hjá liðum í
Landssímadeildinni í knattspyrn-
unni tekur gildi vorið 1999. Sam-
kvæmt reglugerð Mannvirkja-
nefndar, sem orðin er nokkurra
ára gömul og gaf félögum fímm ára
aðlögunartíma, skulu vera skipu-
lögð áhorfendasvæði hjá liðum í
Landssímadeild fyrir a.m.k. 500
manns fyrir keppnistímabilið 1999.
Á vinnufundi í Landssímadeildinni
um síðustu helgi var gerð grein fyrir
úttekt hjá heimavöllum félaga í Lands-
símadeild og þar reyndust ÍBV,
Leiftur og Grindavík standa langt að
baki öðmm liðum en þar vantar alveg
skipulögð áhorfendasvæði. f fram-
haldi af þessu hefur knattspymudeild
ÍBV sótt um undanþágu til KSÍ til
þess að fá að spila heimaleiki sína í
Landssímadeildinni á Hásteinsvelli í
sumar í ljósi reglugerðar KSÍ.
Bréf knattspymudeildar ÍBV til
Mannvirkjanefndar var þannig: „í
framhaldi af úttekt Mannvirkjanefndar
KSÍ á Hásteinsvelli fyrir sumarið 1999
og athugasemdir þar um, vill knatt-
spymudeild IBV taka eftirfarandi
fram: Knattspymudeild ÍBV sækir hér
með um undanþágu til Mann-
virkjanefndar KSI til að leika heima-
leiki sína á Hásteinsvelli sumarið
1999. Það em bæjaryfirvöld í Vest-
mannaeyjum sem þurfa að svara til
um hvort framkvæmdir við skipulögð
áhorfendasvæði o.fl. séu á döfínni."
Jóhannes Ólafsson, formaður knatt-
spymudeildar IBV, segir orðið óþol-
andi að hlusta á lítillækkanir Mann-
virkjanefndar í garð ÍBV vegna að-
stöðuleysis við Hásteinsvöll hvað eftir
annað. „Við þurfum að sitja undir
þessu hvað eftir annað, að á-
horfendaaðstaða sem hér er íyrir hendi
sé langt í frá að vera boðleg og
samrýmist ekki lögum. Evrópuleikir
munu ekki verða spilaðir á Hásteins-
velli. En eins og fótboltaáhugamenn
vita er mjög mikilvægt að þessir leikir
fari fram hér í Eyjum til að auka líkur
okkar að komast áfram og lenda í
ævintýmm eins og leikjunum við
Stuttgart. Knattspyman í Eyjum á
skilið að þessu verði kippt í liðinn.
Teikningar liggja fyrir en nú þarf
eitthvað að fara að gerast."
Að sögn Þorsteins Gunnarssonar,
framkvæmdastjóra knattspymudeildar
IBV, liggja fyrir teikningar að skipu-
lögðum áhorfendastæðum við Há-
steinsvöll en engin framkvæmda-
áætlun, sem er forsenda þess að fá
undanþágu fyrir heimaleiki á Há-
steinsvelli í sumar.
„Þetta er grafalvarlegt mál en þetta
ætti svo sem ekki að koma nokkmm á
óvart því þetta er búið að liggja fyrir í
nokkur ár. Get ég þar vitnað í fjöl-
margar bréfaskriftir og fundargerðir ef
á þarf að halda. Enn hefur ekkert gerst
en nú standa menn frammi fyrir því að
þurfa að taka ákvarðanir, þ.e. hvort
IBV spili heimaleiki sína t.d. í Njarð-
vík eins og gert var í gosinu, eða þá að
menn virði lög KSI og leggi fram
framkvæmdaáætlun um byggingu
skipulagðra áhorfendasvæða svo ÍBV
geti spilað áfram leiki sína á Há-
steinsvelli," sagði Þorsteinn.
Þegar leitað var álits Guðjóns
Hjörleifssonar bæjarstjóra á málinu
sagði hann að bygging stúku við
Hásteinsvöll væri ekki á fjárhags-
áætlun þessa árs. „Á síðasta ári var
byggð fullkomin búningsaðstaða við
völlinn en í ár einbeitum við okkur að
Iþróttamiðstöðinni sem svo sannarlega
þarfnast lagfæringa," sagði Guðjón.
Lúðvík Georgsson hjá Mannvirkja-
nefnd KSÍ segir að settar hafi verið
reglur um knattspymuvelli fyrir sex
ámm. „Þessar reglur tóku gildi ára-
mótin 92 - 93. Þar segir meðal annars
um áhorfendaaðstöðu að félög geti
fengið frest til 15. maí 1999 varðandi
endurbætur á þeirri aðstöðu sem fyrir
er. Vellir em fíokkaðir upp eftir
ákveðnu kerfi og heyra lið sem leika í
Landssímadeildinni til flokki B. Sam-
kvæmt þeim flokki á að vera aðstaða
fyrir 500 áhorfendur í skipulögðum
uppbyggðum stæðum eða sætum, auk
þess sem girðing verður að vera utan
um völlinn Þetta er ekki til staðar á
heimavelli IBV nú.“
Lúðvík segir að sækja þurfí sér-
staklega um undanþágu frá þessu ef
aðstaðan er ekki fyrir hendi. „Það er
þó ekki nóg að sækja bara um
undanþágu heldur verður að fylgja
staðfest framkvæmdaáætlun, sem
fellur undir byggingaskipulag, til þess
að fá undanþáguna, hún mun ekki
vera til að ég best veit.“
Lúvík vill þó ekki tjá sig nánar um
einstaka velli. „Það em þrír vellir liða
sem leika í Landsímadeildinni sem
ekki uppfylla þessar kröfur. Liðin
verða hins vegar að taka sig á í þessu
efni, hins vegar eru þetta ekki háar
kostnaðartölur til að uppfylla lág-
marks aðstöðu. Ég þykist hins vegar
vita það að ÍBV hugsar stórt í þessu
efni. Við munum skila skýrslu til
stjómar KSÍ um úttekt Mannvirkja-
nefndar á velli ÍBV, en stjóm KSI
mun taka endanlega afstöðu í málinu."
Knattspyrna: Minningarleikur um Lárus Jakobsson
IBV 03 Fram á Há-
stcinsvclli á laujardas
ÍBV og Fram mætast í æfingaleik á
laugardaginn á Helgafellsvelli kl.
14.00.
Leikurinn er til minningar um Láms
heitinn Jakobsson, fyrrverandi fram-
kvæmdastjóra knattspymudeildar
ÍBV. íslands- og bikarmeistarar IBV
fá væntanlega hörkukeppni frá hluta-
félaginu Fram á laugardaginn.
Framarar hafa fengið mikinn mann-
skap fyrir sumarið og verða án efa
mjög skeinuhættir í sumar. Með
Fram spila tveir fyrrverandi leikmenn
ÍBV, þeir Steinar Guðgeirsson og
Sigurvin Ólafsson.
Islands- og bikarmeistarar IBV
mæta með sitt öflugasta lið nema að
einhverjir leikmenn eiga við meiðsli
að stríða. Vonandi sjá flestir Vest-
mannaeyingar sér fært að mæta til að
heiðra minningu Lámsar og sjá hörku
leik. Allur ágóði af leiknum rennur í
Minningarsjóð um Láms Jakobsson.
Verð á leikinn er 500 kr. fyrir
fullorðna og 200 kr. iyrir böm.
ÍBV lagði Blikana
Islands-og bikarmeistarar ÍBV
sigruðu Breiðablik í 16-liða úr-
slitum deildarbikarsins, í síðustu
viku. Leikið var á litlum malarvelli
í Kópavogi, en eins og allir vita, þá
neituðu Breiðabliksmenn að koma
hingað til Eyja og spila á grasi.
Þetta var mikill baráttuleikur og
undir lok fyrri hálfleiks fengu
Eyjamenn dæmda á sig vítaspymu,
en Birkir Kristinsson gerði sér lítið
fyrir og varði spyrnuna. Staðan í
leikhléi var því, 0-0. í síðari hálf-
leik fengu Eyjamenn dæmda víta-
spymu, þegar Jóhann Möller var
felldur inní teig. Steingrímur Jó-
hannesson skoraði ömgglega úr
vítinu. Baldur Bragason kom ÍBV
síðan í 0 - 2, eftir góða sendingu frá
Inga Sigurðssyni. Breiðablik
minnkaði muninn þegar 15 mínútur
voru til leiksloka. Eyjamenn héldu
fengnum hlut og lokastaðan því,
1-2. Þess má geta að Ingi Sig-
urðsson fékk að líta rauða spjaldið
undir lok leiksins.
KemurZoran?
Allt er á huldu með það hvort Zoran
Mijlkovic spilar með ÍBV í sumar.
Eins og kunnugt er var Zoran
dæmdur í ársbann fyrr í vetui og
hann áfrýjaði dómnum. Síðan hefur
ekkert gerst þannig að htrns mál eru
ekki enn kornin á hreint.
ívar og Krístinn
meiddir
Ivar Bjarklind og Kristinn Haf-
liðason eiga við meiðsli að stríða.
Ivar lék aðeins í 5 mínútur gegn IR
í deildarbikamum á þriðjudaginn.
en hann var búinn að vera tæpur í
nára. Kristinn lognaði á liðbandi í
hné í deildarbikamum fyrir tveimur
vikum og hefur ekki enn náð sér.
Stelpurnar í 6. sæti
Á laugardaginn léku ÍBV-
stelpumar gegn KR í deildtirbikar
kvenna. Þetta var hörkuleikur og
var staðan í hálfíeik, 0 -0 . Bryndís
Jóhannesdóttir var rekin af leikvelli
um miðjan seinni hálfleik og
fljótlega eftir það náðu KR-ingar að
skora tvö mörk og endaði leikurinn
þvi með sigri KR, 2-0. Á
sunnudaginn léku stelpumar við ÍA
um 5. - ó.sætið og endaði leikurinn
með sigri ÍA, 2 - 1. Bryndís Jó-
hannesdóttir skoraði mark ÍBV.
Simmi í liói ársins
Lokaltóf HSÍ fór fram á Hótel Sögu
síðastliðið föstudagskvöld. Veitt
vom verðlaun fyrir framúrskarandi
árangur á liðnum vetri í karla og
kvennaflokki. Kvennalið ÍBV fékk
ein verðlaun á hófínu, sem prúðasta
lið deildarinnar. Valin vom karla-
og kvennalið ársins og var Sigmar
Þröstur Óskarsson í liði ársins hjá
körlunum og kom það engum á
óvart.
Hermann og félagar
upp um deild
í síðustu viku tryggðu Hermann og
félagar í Brentford sér sæti í ensku
c-deildinni. Siðastliðið þriðjudags-
kvöld lék Brentford á heimavelli
gegn Swansea og unnu þeir, 4-1.
Hermann skoraði þriðja mark
Brentford með glæsilegum skalla.
Brentford er nú efst í deildinni.