Fréttir - Eyjafréttir - 10.08.2000, Blaðsíða 12

lt
Fréttir
Fimmtudagur 10. ágúst 2000
Vel heppnuð þjóðhátíð 2000:
Gestir til fyrirmyndar
Þjóðhátíðarinnar 2000 verður
sennilega minnst sem einnar af
stærstu þjóðhátíðum sem haldnar
hafa verið og sjaldan eða aldrei
hafa fleiri tekið þátt í brekku-
söngnum en að þessu sinni. Hátíðin
hófst í blautu en stilltu veðri á
föstudaginn en eftir það fór veður
batnandi og var komið logn og
blíða síðdegis á sunnudagskvöldið.
Hápunktarnir þrír, brennan,
flugeldasýningin og
brekkusöngurinn brugðust ekki og
er alltaf að koma betur og betur í
Ijós hvað þessir viðburðir hafa
mikið aðdráttaratl.
Þjóðhátíðargestir voru flestir sér
og öðrum til sóma og var lítið um
pústra og skemmdarverk og engin
nauðgun var kærð en þrátt fyrir
gæslu læddist fylgikvilli
nútímasamfélags, líkniefnin, inn á
hátíðina og hafði þeim málum
fjölgað nokkuð frá í fyrra.
Strax í byrjun síðustu viku var
Ijóst að stefndi í mikla aðsókn og á
mánudaginn fór að sjást hér fólk
sem greinilega var mætt á
þjóðhátíð. Þriðjudag, miðvikudag,
fimmtudag og föstudag var allt
uppbókað og enn hélt fólk áfram
að tínast til Eyja fram á sunnudag.
Hefur þróunin verið sú undanfarin
ár að fjöldi fólks kemur hingað á
sunnudeginum og tckur síðasta
kvöldið, brekkusöng Arna
Johnsen, sem í huga margra er
hápunktur hátíðarinnar.
Þjóðhátíð Vestmannaeyja hefur
fest sig í sessi sem stærsta útihátíð
landsins. Alltaf öðru hvoru skjóta
upp kollinum hátíðir sem róa á
sömu mið en allt stendur
þjóðhátíðin af sér. Síðasta dæmið
er Halló Akureyri sem dró til sín
unglinga í þúsundatali.
Akureyringar höfðu af þessu
ágætis pening en þeim blöskraði
fylliríið og ákváðu að skera upp
herör gegn unglingunum sem létu
ekki sjá sig en eftir sitja
þjónustuaðilar með sárt ennið.
En unglingarnir sem ekki mættu
á Akureyri létu ekki sjá sig í
Vestmannaeyjum enda hafa þeir
lítið sótt þjóðhátíðina undanfarið
ár, er það meira fólk milli tvítugs
og þrítugs sem hingað kemur auk
brottfluttra sem mæta með
fjölskyldur sínar. Það er mat
lögreglu og aðstandenda
þjóðhátíðar að flest sé þetta fólk til
mikillar fyrirmyndar og mjög vel
útbúið til að mæta íslenskri
veðráttu sem á þremur
sólarhringum getur boðið upp á
hin ólíkustu tilbrigði. Það er líka
athyglisvert að allir gestir sem rætt
er við eru yfir sig ánægðir. Margir
eru að koma í þriðja, fjórða,
fimmta eða sjötta skiptið og segja
að ekki vilji þeir missa af þjóðhátíð
fyrir nokkurn pening, þetta sé
skemmtilegasta helgi ársins og
skilyrðið er að vera í Herjólfsdal.
En hvað er það sem gerir
þjóðhátíð svona einstaka? Þessari
spurningu er hægt að svara á
margan hátt og þar koma
brennan, flugeldasýningin og
brekkusöngurinn fyrst en fleira
kemur til. Þar má nefna
Herjólfsdal sem skapar einstaka
umgjörð um hátíðina og eins má
nefna hvítu tjöldin og að ógleymdu
fólkinu, Eyjafólkinu, sem er
kjölfestan í þjóðhátíðinni. A það
bæði við kraftinn sem fram kemur
í undirbúningnum og það viðmót
sem mætir gestum sem hingað
koma. Vestmannaeyingum er annt
um að gestir fái jákvæða mynd af
því mannlífi sem hér þrífst og það
kemur sjaldan betur fram en á
þjóðhátíð. Auðvitað er það ÍBV-
íþróttafélag sem dregur vagninn en
það afl sem fram kemur í
bæjarfélaginu þegar
þjóðhátíðarnefnd kallar er hreint
ótrúlegur. Hafi einhverjir efast um
að félagið væri þess megnugt að
taka upp merki forveranna, Týs og
Þórs, sem skiptust á um að halda
þjóhátíð, þá hefur tekist að afsanna
það í eitt skipti fyrir öll. Auðvitað
eru vinnubrögðin önnur og nú
meira um að ákveðnir hópar sjái
hver um sitt verkefni. Gott dæmi
um að það eru vitinn, myllan og
brúin þar sem myllan ber af eins
og gull af eiri. Er gaman að sjá
þann listræna metnað sem kemur
fram í hönnun hennar og öllu
handverki þeirra myllubænda.
Þessi atriði öllsömul gera
þjóðhátíðina að því sem hún er í
dag, fjölskylduskemmtun þar sem
allir eiga að geta fundið eitthvað til
að hrífast af og með. Auðvitað er
drukkið brennivín á þjóðhátíð eins
og alltaf gerist þar sem fólk kemur
saman til skemmtanahalds. Sama
gildir um tíkniefni, því þar sem
saman eru komnir 100 eða fleiri
má alltaf gera ráð fyrir a.m.k. einn
noti ólögleg fíkniefni og
unglingadrykkja er staðreynd sem
ekki er hægt að horfa framhjá og
misjafn er sauður í mörgu fé.
Auðvitað setur þetta blett á
þjóðhátíð en þetta er allt hluti af
þeim veruleika sem við búum við í
dag. Þegar litið er til heildarinnar
hverfa þessi atriði fyrir því sem vel
er gert Vestmannaeyingar leggja
mikið undir á þjóðhátíð því þeir
vilja að hún gefi sem jákvæðasta
mynd af þeim sjálfum og bænum.
Misjafnlega hefur tekist til í
gegnum árin og þar hefur veðrið
stundum verið í stóru hlutverki.
Þegar þjóðhátíðin 2000 verður
gerð upp geta Vestmannaeyingar
litið til hennar með stolti því hún
fór vel fram og er gestum og
aðstandendum til mikils sóma.
Ó.G.
í góða veðrinu á laugardaginn voru húsgögn dregin út úr tjöldunum og boðið upp á kafíl og kökur.
BROSAÐ blítt. Það er líka athyglisvert að allir gestir sem rætt er við
eru yfir sig ánægðir. Margir eru að koma í þriðja, fjórða, fímmta eða
sjötta skiptið og segja að ekki vilji þeir missa af þjóðhátíð fyrir nokkurn
pening, þetta sé skemmtilegasta helgi ársins og skilyrðið er að vera í
Herjólfsdal.