Fréttir - Eyjafréttir - 07.12.2000, Page 8

8
Fréttir
Fimmtudagur 7. desember 2000
Einar Sigurðsson og Jóhann Pétur Andersen hjá ísfélaginu:
Töpuðum tíma í sam-
einingarviðræðunum
-og urðum að laga til í fyrirtækinu núna. Ef beðið hefði verið t.d. í
eitt ár hefði það kostað stærri aðgerðir og sársaukafyllri
Á ársfundi ísfélags Vestmannaeyja,
sem haldinn var sl. fostudag, kom
fram að tap á síðasta starfsári
félagsins nam 155 milljónum króna.
Stjóm félagsins telur þessa rekstrar-
niðurstöðu algjörlega óviðunandi og
hefur því verið gripið til aðgerða til að
koma í veg fyrir áframhaldandi
taprekstur. Meðal þeirra ráðstafana
eru uppsagnir á 17 starfsmönnum, tíu
iðnaðarmönnum og sjö verkamönn-
um.
I fréttatilkynningu frá félaginu segir
að gert verði ráð fyrir auknu aðhaldi á
öllum sviðum í rekstri. Félagið á
nýlegt frystihús og fiskimjölsverk-
snriðjur sem eru í góðu ástandi og er
stefnt að miklum spamaði í viðhaldi
og öðmm rekstrarkostnaði. Ákveðið
hefur verið að leggja niður vélaverk-
stæði félagsins og trésmíðaverkstæði.
Auk þess verður lítils háttar fækkun á
störfum í öðmm deildum. Eftir þessar
aðgerðir verða starfsmenn álika
margir og þeir vom á síðastliðnu
hausti, segir í frétt frá félaginu.
í sömu tilkynningu segir að stjómin
hafi l'ulla trú á landfrystingu bolfisks
og muni áfram beina þeim bolfisk-
kvóta, sem félagið hefur umráð yfir, í
frystihús sitt í Vestmannaeyjum.
„Ennfremur verður lögð enn meiri
áhersla á vinnslu uppsjávarfisks til
manneldis. Félagið mun auk þess
landa eins miklu af bræðslufiski skipa
sinna og nokkur kostur er í fiskmjöls-
verksmiðjum þess,“ segir í tilkynn-
ingunni.
Einar Sigurðsson, sem unnið hefur
að málefnum ísfélagsins undanfarið,
segir að ákveðið hafi verið að skera
niður með handafli í viðhaldi og þar
með sýnt að ekki væm verkefni til
staðar fyrir þessar viðhaldsdeildir, þ.e.
vélaverkstæðið og trésmíðaverkstæðið
sem séð hefur um viðhald fasteigna.
„Þessi störf hverfa að sjálfsögðu ekki
alveg en þau verða keypt af öðmm og
útboðsleiðin farin," segir Einar. Þá er
sjö verkamönnum sagt upp störfum en
Einar segir að þar sé að hluta um að
ræða ungt fólk á skólaaldri sem býr í
foreldrahúsum. Við vonurn að sem
flestir fái vinnu annars staðar og ef við
getum aðstoðað við það, þá munum
við gera það. Auðvitað er leiðinlegt
að þurfa að segja upp fólki en því
miður varð ekki hjá því komist,“ segir
Einar Sigurðsson.
Sami starfsmannafjöldi og
síðasta haust
En nú hafa ársreikningar Isfélagsins
áður sýnt neikvœða niðurstöðu án
þess að farið hafi verið í jafn viða-
miklar uppsagnir. Er þarna um að
rœða nýja stefiui hjá félaginu?
„Ekki myndi ég nú segja það,“ segir
Einar. „Fjöldi starfsmanna hjá fyrir-
tækinu er eftir þetta sá sami og var á
síðasta hausti. Eins og flestir vita var
stefnt að sameiningu Isfélagsins og
Vinnslustöðvarinnar á þessu ári en
upp úr þeim viðræðum slitnaði, því
miður. Ætlunin með þeirri samein-
ingu var að búa til ný sóknarfæri og
skjóta sterkari stoðum undir atvinnu-
lífið í Vestmannaeyjum. Því miður
slitnaði upp úr því og var það aðallega
vegna andstöðu nokkurra heima-
manna. Hvaða hagsmunir og sjónar-
mið réðu þar ferðinni get ég ekki sagt
til um. Útkoman varð sú að við töp-
uðum tíma og stóðum frammi fyrir
því að verða að laga til í fyrirtækinu.
Eg tel að ekki hafi verið um annað að
ræða en að gera það núna. Ef beðið
hefði verið t.d. í eitt ár hefði það
kostað stærri aðgerðir og sársauka-
fyllri.“
Aðspurður um hvort ísfélagið sé
mjög illa statt segir Einar: „Nei svo er
ekki, við höfum ljárfest mikið á
síðustu fimm árum og emm eitt tækni-
væddasta fyrirtæki á landinu, sér-
staklega í uppsjávarfiski. Við búum
yfir mikilli þekkingu og ísfélagið
hefur gott starfsfólk sem er griðarlega
mikilvægt. Ef allir leggjast á eitt er
ekki minnsti vafi í mínum huga að við
snúum rekstrinum við. Við ætlum að
fara landvinnsluleiðina en til þess
þurfa allir að ýta vagninum, jafnt háir
sem lágir.“
Óskemmtilegt að þurfa segja
upp fólki
„Það er langt í frá nokkurt skemmti-
verk að þurfa að segja fólki upp
störfum," segir Jóhann Pétur Ander-
sen, starfandi framkvæmdastjóri
Isfélagsins. „Það er sárt fyrir okkur,
engu síður en fyrir þá sem þau fengu
uppsagnarbréf.“
Þeir starfsmenn, sem hafa fengið
uppsögn, hafa sagt að uppsagnar-
hréfið hafi lítið verið á mannlegum
nótum, ástœða uppsagnar t.d. ekki
tilgreind heldur einungis að við-
komandi vœri sagt upp störfum. Hver
erástœða þess?
„Áður en bréfin vom send út var
talað þá aðila sem stóð til að segja upp
og náðist í alla nema tvo. Við fómm
yfir það með þessum starfsmönnum
hverjar ástæður uppsagnanna vom og
lýstum vonbrigðum okkar með
hvemig málin hefðu þróast. Við
skýrðum út fyrir þeim ástandið og
gáfum þeim möguleika á að ræða við
okkur. Bréfið var aðeins formleg
staðfesting á uppsögninni.
Ein af þeim aðgerðum, sem við
grípum til er að minnka allt viðhald
eins og kostur er. Við ætlum að sætta
okkur við að eitthvað drabbist niður á
næstu misserum en þessu íylgir að við
getum ekki rekið sérstök
viðhaldsverkstæði. Auðvitað verður
eitthvert viðhald en það verður keypt
út innanbæjar.“
Stefnt að arðbærari rekstri
„Við stefnum að því að gera rekst-
urinn arðbærari, m.a. með meiri
áherslu á vinnslu uppsjávarfisks til
manneldis. Með kaupunum á nóta-
skipinu Hörpu bættum við einum
síldarkvóta við okkur og um hálfu
prósenti af loðnukvótanum. Nú í
haust eigum við miklar veiðiheimildir,
bæði í sfid og loðnu, auk þess hefur
Gullberg verið að sfidveiðum fyrir
okkur og maikaðir íyrir sfld líta vel út.
Þá em að opnast markaðir í Rússlandi
fyrir loðnu og hefði veður að undan-
fömu ekki hamlað veiðum þá væri
búið að frysta talsvert á þann markað.
Það hefur ekki gerst áður að loðna hafi
verið fryst hér á þessum tíma árs en
við erum komnir með flokkara klára
og verður hægt að frysta loðnu um
leið og hún berst hingað.
Um þessar mundir eru ýmsar
tilfærslur í rekstrinum sem miða að
því að snúa honum til hins betra. Hjá
Isfélaginu em um 250 manns á launa-
skrá, af þeim hefur nú 17 verið sagt
upp og eftir þær uppsagnir emm við
með sama íjölda á launaskrá og við
vomm á sl. hausti. Það er engin
launung að við þurfum að geta náð
rneiri afköstum með því fólki sem við
höfum, menn þurfa að leggja sig fram.
Með því móti náum við að reka þetta
fyrirtæki með hagnaði og byggja það
upp og að því hljótum við að stefna,"
segir Jóhann Pétur Andersen.
Sigurg.
Jólahlaðborð Veitingahúss Hótels Þórshamars:
Gælt við bragðlaukana
FÖNDURHÓPUR Hraunbúða mætti á jólahlaðborðið á sunnu-
daginn og lét vel af kræsingunum.
Matseðillinn að jólahlaðborðinu
hjá Veisluþjónustu Gríms
Gíslasonar á Hótel Þórshamri er
virkilega glæsilegur.
Flestir byrja á köldu réttunum og
mestur vandinn er að fá sér nógu
lítið af hverju, annars er hætta á að
lítið rými verði fyrir það sem á
eftir kemur. Afsjávarréttum, sem
á boðstólum eru, má nefna
bananasfld, rússneskt sfldarsalat,
hvítlaukssfld, reyktan lax með
tartarasósu, gratinn lax með
sinnepssósu, súrsætan
sjávarréttakokteil, kryddlegnar
rækjur og sjávarréttapate. Þá er
og forvitnilegur ginleginn lax með
jógúrtsósu.
í köldu réttunum er einnig
kjötmeti að linna svo sem grafna
villigæsabringu með
hnetuvinaigrette, íjallagrasapate
með Cumberland sósu, sveitapate
og drottningarskinku með
ávaxtasalati.
Heitu réttirnir eru ýmist
gamalkunnugir íslenskir jólaréttir
á borð við hangikjöt með uppstúf
eða það sem nýrra er af nálinni svo
sem hreindýrabuff með
villibráðarsósu, kalkúnabringur
með sveppa- og heslihnetufyllingu,
eplaflesksteik, svínapurusteik með
hvítvínssósu og reykt svínakjöt
með rauðvínssósu.
Með þessum indælisréttum er að
sjálfsögðu viðeigandi meðlæti eftir
smekk hvers og eins, þ.á.m.
appelsínugljáðar kartöflur sem
fara einkar vel með mörgum heitu
réttunum.
Og þegar kemur að
eftirréttunum, sé magamál fyrir
slíkt, þá er að sjálfsögðu á
boðstólum sá sígildi jólaeftirréttur
ris a la mande með Grand Marnier
karamellusósu en auk þess er
einnig hægt að fá eplaköku með
rjóma eða sherrytriffle.
Grímur Gíslason og hans fólk
hafa í mörg ár kitlað bragðlauka
Eyjamanna og gesta en sjaldan
tekst þeim betur upp en á
jólahlaðborðinu og ekki bregst það
að þessu sinni. Vandinn er að taka
nógu lítið ef hverjum rétti og ætla
sér góðan tíma í borðhaldið. Sé
þessa gætt er svo sannarlega hægt
eiga góða stund á Veitingahúsi
Hótels Þórshamars og halda þaðan
sæll, glaður og saddur.
Jólahlaðborðið er í boði á
fostudags-, laugardags- og
sunnudagskvöldum en á
sunnudögum miðast það einkum
við fjölskyldufólk.
Þeirfengu
uppsagnarbréf
Kom ekki á
óvart
Þórður Karlsson, trésmiður, er
einn þeiira
starfsmanna Is-
félagsins sem
fékk uppsagn-
arbréf. Þórður
hefur haft með
höndum eftirlit
og viðhald með
fasteignum
ísfélags Vest-
mannaeyja sl. fjögur ár. Kom þessi
uppsögn honum á óvart?
„I sjálfu sér ekki. Eg hafði vitað
um nokkurt skeið að eitthvað væri
að gerast í þessum málum og vissi
að dregið yrði saman á einhverjum
sviðum. Þetta þýðir að öllu viðhaldi
verður hætt nema í því allra nauð-
synlegasta og hve víðtækt það er,
veit rnaður ekki. Kannski verður
þetta eitthvað endurskoðað en það
er á hreinu að ég verð að fara að
leita mér að nýju starfi," sagði
Þórður.
Sári
Sigurður Sigurðsson, rennismiður,
hefur unnið ú
vélaverkstæði
ísfélagsins og
við alls kyns
viðgerðir í
fimm ár. Hann
var einn þeirra
sem fékk upp-
sagnarbréf.
„Jú, ég neita
því ekki að þetta kom mér nokkuð á
óvart og það er óneitanlega sárt að
verða fyrir þessu. Eg skil heldur
ekki að það geti orðið spamaður í
því að sækja þessa vinnu annað og
leggja vélaverkstæðið niður. Eg er
ekki búinn að sækja um vinnu
annars staðar en verð að fara að
huga að því. Síður vildi ég flytja
suður en kannski verður það
þrautalendingin," sagði Sigurður.
Þriðja upp-
sagnarbréfið
Guðmundur Gíslason er vélvirkja-
meistari og
hefur unnið hjá
vélaverkstæði
Isfélagsins í 15
ár en hefur nú
verið sagt upp
störfum.
„Þetta er í
þriðja sinn sem
ég fæ upp-
sagnarbréf frá
ísfélaginu. Fyrst 1991 þegar
ísfélagið og Hraðfrystistöðin voru
sameinuð. síðan 1993 vegna
rekstrarerfiðleika en í bæði skiptin
var ég endurráðinn. Aftur á móti á
ég ekki von á því að ég verði
endurráðinn að þessu sinni. Fyrri
bréfin, sem voru undirrituð af Sig-
urði heitnum Einarssyni, voru á
mannlegum nótum og ástæður til-
greindar fyrir uppsögn. Síðasta
uppsagnarbréfið, sem er dagsett 30.
nóvember sl. og undirritað af
Jóhanni Pétri Andersen, er með allt
öðrum og neikvæðari tóni, mann-
lega þáttinn vantar í það bréf,“ sagði
Guðmundur.