Fréttir - Eyjafréttir - 03.04.2008, Blaðsíða 13

Frgttir / Fimmtudagur 3. aprfl 2008
13
s /
Kristín Osk Oskarsdóttir: Skyndibitar fyrir sálina
Að segja eitthvað jákvætt við fólk
Komið þið sælir kæru lesendur! :)
Ég ætla ekkert að hafa þetta eitt-
hvað flókið í dag. Ég fékk sendan
tölvupóst um daginn sem virkilega
snerti við mér og langar mig því að
deila honum með ykkur. Þetta er
falleg saga sem virkilega vekur
mann til umhugsunar! Hér kemur
sagan;
Dag einn bað kennari nemendur
sína að skrifa nöfn bekkjarfélag-
anna á blað.
Þeir áttu að skrifa eitt nafn í
hverja línu og hafa auða línu á
milli.
Síðan bað hún nemendur sína að
hugsa um það besta um hvem og
einn og skrifa það fyrir neðan
nafnið. Þegar nemendur fóru úr
tíma skiluðu þeir blöðunum til
kennarans sem fór með þetta heim,
safnaði saman því sem bekkjarfé-
lagarnir höfðu skrifað og bjó til
lista yfir hvern nemanda.
Síðan fengu nemendumir þetta í
hendurnar daginn eftir. Þegar þeir
lásu urðu þeir hissa á öllu því já-
kvæða sem bekkjarfélagamir höfðu
skrifað. Þeir höfðu ekki gert sér
grein fyrir að þeir skiptu svona
KRISTÍN: Ef maður hugsar út í
það, þá getur maður alltaf fundið
citthvað fallegt að segja/gera.
miklu máli. Kennarinn vissi ekki
hve mikið nemendurnir ræddu þetta
sfn á milli eða við foreldrana en
þetta bar tilætlaðan árangur.
Nemendurnir urðu ánægðari með
sig og aðra í bekknum, þeim leið
betur.
Lífið hélt áfram. Mörgum árum
seinna lést einn nemendanna, sem
hét Magnús, og kennarinn ákvað að
vera viðstaddur jarðarförina. Einn
vinur hins látna gekk til hennar og
spurði hvort hún hefði verið kenn-
arinn hans og sagði að Magnús
hefði talað mikið um hana.
Foreldrar hins látna komu einnig til
hennar og vildu sýna henni svolítið.
Þau höfðu fundið samanbrotið blað
í veski Magnúsar og var það listinn
með öllu jákvæðu atriðunum frá
bekkjarfélögunum sem kennarinn
hafði fengið honum fyrir mörgum
árum. „Þakka þér fyrir að gera
þetta, því eins og þú sérð þá skipti
þetta hann miklu máli,“ sagði
móðir Magnúsar. Fyrrum bekkjar-
félagar tóku undir það og sögðu að
þessi listi hefði fylgt þeim öllum
gegnum lífið og skipt þá mjög
miklu máli. Þetta var eitt af því sem
þeim þótti vænst um. Þegar gamli
kennarinn heyrði þetta settist hún
niður og grét, bæði syrgði hún
Magnús og svo var hún hrærð yfir
því að hafa snert nemendur sína
með þessu uppátæki.
Þessi saga sýnir manni að það er
ekki flókið að láta fólkið í lífi
manns finnast það mikilvægt, jafn-
vel fólk sem þú þekkir ekkert
sérstaklega vel. Ég veit að ég hef
skrifað þetta oft áður í pistlana
mína, en það er ekki að ástæðu-
lausu. Það er svo mikilvægt að
segja við þá sem þér þykir vænt um
hvað þeir séu þér mikilvægir og að
þeir eigi sérstakan stað í hjarta þér.
Gerðu það oft áður en það verður
of seint.
Ef maður hugsar út í það, þá getur
maður alltaf fundið eitthvað fallegt
að segja/gera. Mundu að þú ert
mikilvægur einhverjum og vonandi
er einhver þarna úti sem er þér
mikilvægur. Ég veit allavega um
marga sem eru mér mikilvægir og
ætla að biðja þá að taka þessi skrif
mín sérstaklega til sín. Ég vona að
þú, lesandi góður, eigir góðan dag
og frábæra helgi, þú átt það svo
sannarlega skilið.
Kœr lcveðja ykkar Kristín Osk
Oskarsdóttir
kristino @ vestmannaeyjar. is
S
Eftir Arna Johnsen alþingismann:
Hrauntunguna burtu úr bænum
-90 þúsund fermetra byggingarland skapast, 1,3 milljón rúmmetrar af
efni í hafnargarða og fleira
ÁRNI: -Ef við drögum línu rétt austan við Ásgarð og í djúpadalinn við Skansinn þá afmarkar sú lína um
90 þúsund fermetra landsvæðis og þar sem meðalþykkt hrauntungunnar á þessu svæði er um 20 metrar, er
þarna um að ræða um 1,3 milljón rúmmetra hrauns.
Grein
Árni Johnsen skrifar
Höfundur er alþingismaður
Sjálfstœðisjiokksins í
Suðurkjördœmi
Hvort sem byggður verður stór-
skipakantur fyrir norðan Eiði eða
við Skansfjöru þá þarf að byggja
nýja hafnargarða, sem hver um sig
tekur til sín um 500 þúsund rúm-
metra af grjóti. Gegnheilt berg sem
má sprengja til mannvirkjagerðar er
gulls ígildi. Nú er að minni tillögu
kominn tími til að taka til hendinni
við verkefni sem dagaði uppi á
sínum tíma vegna þess að önnur
verkefni lágu fyrir í kjölfar eld-
gossins 1973. Um 1985 skipaði
forsætisráðuneytið Hraunhreins-
unamefnd til þess að kanna mögu-
leika og vilja bæjarstjómar Vest-
mannaeyja til frekari hreinsunar
hrauns og frágang á hrauntungunni
sem teygði sig í miðbæ Vestmanna-
eyja og er þar í rauninni eins og
andskotinn hafi rekið tunguna út úr
sér inn í miðbæinn sjálfan. Þetta er
ekki fallega sagt, ekki síst með til-
liti til þess að við reynum alltaf að
gera gott úr öllu. Bæjarstjóm hafði
öðmm hnöppum að hneppa á þess-
um tíma og málið fór í bið, en lík-
lega er rétti tíminn núna að taka
það upp.
Efnistaka í nýja hafnargarða eða
garð er möguleg austur á Urðum og
myndi þá flýta eitthvað fyrir niður-
broti og landmótun þar, einnig
vestur á Skönsum, en stórkostlegi
möguleikinn er hrauntungan inn í
bæinn. Ef við drögum línu rétt
austan við Ásgarð og í djúpadalinn
við Skansinn þá afmarkar sú lína
um 90 þúsund fermetra landsvæðis
og þar sem meðalþykkt hraun-
tungunnar á þessu svæði er um 20
metrar, er þama um að ræða um 1,3
milljón rúmmetra hrauns.
Gerð hrauntungunnar er líklega að
mestu mjög heilt hraun. Þegar
borað var niður í Heimatorg á
sínum tíma, vegna hugmynda um
menningarhús inni í hrauninu, kom
í Ijós að efsta 4 metra þykka lagið í
20 metra þykkri tungunni er laus
jarðefni, hraun og klettar, en 15-16
metra þykkt lagið undir var gegn-
umheilt basalt og neðst pressað
öskulag, 70-100 sentimetra þykkt.
Tungan er því laus að neðan og
tilbúin til skurðar eins og sandkaka
með nútíma tækni. 90 þúsund fer-
metra byggingarsvæði fyrir bæinn á
þessu svæði er stórkostlegur
möguleiki og gæti orðið gríðarleg
lyftistöng fyrir Vestmannaeyjar.
Ég tala nú ekki um ef hægt er að
koma grjótinu í verð. Þá er einnig
vitað um verktaka sem hafa spurst
fyrir um hvort unnt væri að fá grjót
úti í Eyjum vegna byggingar
hafnargarða í Landeyjahöfn. Það
skiydi þó aldrei vera að það væri
gróðafyrirtæki að hreinsa hraun-
tunguna burt úr miðbænum. Það
myndu einnig skapast magnaðir
möguleikar í slíkri hraunhreinsun
að móta nýjan austurkant hraunsins
og gera hann aðlaðandi fyrir bæinn,
t.d. byggja þar menningarhús inn í
hlíðina, hótel, náttúrugripasafn eða
eitthvað annað.
Þetta er ný sýn á nýja möguleika
og við skulum ekki gleyma því að
Viðlagasjóður (Viðlagatrygging)
hefur aldrei lokið þessu máli. Við
eigum þama inneign ef rétt er að
málum staðið.
Ef dregin er lína frá neðri hluta
Heimagötu í Djúpadal er um að
ræða spildu upp á liðlega 50
þúsund rúmmetra en með því að
fara austur fyrir Heimagötuna
svona um það bil sem strompurinn
liggur í hlfðinni þá stækkar spildan
um nær 40 þúsund m2 og það þýðir
ekkert að tefja við það, tökum
tunguna alla, gerum úr henni pen-
ing, sköpum eðlilegra rými fyrir
magnaðan miðbæ, snúum á þann
sem rak tunguna inn í hjarta
bæjarins okkar.
Það kostar um 10 þúsund krónur
að fjarlægja hvem rúmmetra af
hrauni, eða um 1.3 milljarða alla
tunguna. Það er svipað og kostar að
byggja meðal snjóflóðavarnargarð á
Austurlandi og Vestfjörðum og ætti
því ekki að standa í uppgjöri
ríkissjóðs við Vestmannaeyjar
vegna gossins. Öll efnissala eins og
fyrr getur í hafnargarða og fleira er
aðeins bónus. Reyndir aðilar em nú
að skoða hvemig væri auðveldast
að brjóta hraunið niður, en það er
ekki víst að það þurfi að bora og
sprengja nema mjög takmarkað.
Mjög kraftmiklar höggvélar geta
mögulega skipað stór hlutverk í
niðurbroti hraunsins, en það er
aðeins útfærsluatriði. Hrauntungan
er um 20 metra þykk lagkaka á
öskubakka þegar búið er að ryðja
lausmetinu ofan af henni.
Vonandi verður þessi möguleiki
skoðaður ofan í kjölinn, leggjumst
á árarnar.
Spurning vikunnar:
Er vorið
loks
komiðP
Uílhjálmur
Stefánsson
- Já, það er komið.
Það fer ört hlýn-
andi og fuglarnir
láta sjá sig.
Guðni Dauíð
Stefánsson
- Jú. Ég held að
það sé loksins
komið núna.
Sigrún Alda
Úmarsdóttír
- Já. Það er alltaf
að koma betra og
betra veður.
Sigurður
Sigurðsson
- Já, það er komið
vor. Það er
kominn fugl í
þjargið.
Lagafrum
varp um
Landeyja-
höfn
Samgönguráðherra hefur lagt
fram lagafrumvarp á Alþingi um
Landeyjahöfn en þar er lagt til
að byggð verði ferjuhöfn í
Bakkafjöru á Landeyjum sem
alfarið verður í eigu ríkisins,
fjármögnuð úr ríkissjóði og rckin
af ríkinu. Er höfninni ætla að
styrkja samgöngur milli lands og
Vestmannaeyja.
I greinargerð með frumvarpinu
segir, að um sé að ræða einstaka
hafnarframkvæmd sem ekki falli
að öllu leyti undir hafnalög. Því
þyki nauðsynlegt að sett verði
sérlög sem gildi um þessa
tilteknu ferjuhöfn eingöngu og
gangi framar hafnalögum.
í frumvarpinu er m.a.
eignarnámsheimild vegna þess
lands, sem þarf undir höfnina,
varnargarða, efnistöku og veg-
agerð henni tengdri. Er m.a.
kveðið á um, að ekki þurti að
leita samninga við landeigendur
áður en eignarnámið fer fram og
helgist það af því, að þegar hafi
verið fullreyndir samningar við
landeigendur um land fyrir höfn-
ina. Engin niðurstaða hafí orðið
af þeim samningaviðræðum og
ekki við því að búast, að hún fáist
þótt frumvarp þetta verði að
lögum. Þyki því ekki ástæða til
að framgangur málsins tefjist af
þeim sökum.
tnbl.is greindi frá.