Fréttir - Eyjafréttir - 25.09.2008, Qupperneq 8

8
Ffgttir / Fimmtudagur 25. september 2008
Sigurður Áss Grétarsson Siglingastofnun skrifar um nýja Vestmannaeyjaferju:
Aðkoma okkar byggist á
sérfræðiþekkingu á skipum
og aðstæðum í Bakkafjöru
Siglingastofnun hefur undanfarin ár
haft veg og vanda af rannsóknar-
vinnu um greiðari samgöngur milli
lands og Eyja. Nú er farið að sjá
fyrir endann á þeirri vinnu. Fram-
kvæmdir eru að hefjast í Bakkafjöru
og samningar um smíði nýrrar
Vestmannaeyjaferju eru á lokastigi.
í ágúst 2010 hefst nýr kafli í sögu
samgöngumála Vestmannaeyinga
þegar siglingar hefjast frá Vest-
mannaeyjum til Bakkafjöru. Sigl-
ingatími milli lands og Eyja mun
fara úr 3 klukkustundum niður í
hálftíma.
Vegna umfjöllunar um útboð nýrr-
ar Vestmanneyjaferju í Fréttum og
Eyjafréttum að undanförnu verður
hér gerð grein fyrir hvernig staðið
hefur verið að útboðinu og hver
staðan er.
Fræðiþekking á skipum
Aðkoma Siglingastofnunnar að út-
boði ferju byggist á sérfræði-
þekkingu hennar á skipum og að-
stæðum í Bakkafjöru. Innan Sigl-
ingastofnunar eru reynslumiklir
skipaverkfræðingar, fyrrum skip-
stjórnarmenn á Herjólfi, skipatækni-
fræðingar auk vélstjóra. Því var
eðlilegt að samgönguráðherra fæli
Siglingastofnun að sjá um útboðið á
nýrri Vestmannaeyjaferju.
Siglingastofnun hefur lögbundnar
skyldur vegna ferjunnar sem felast í
að taka út björgunarbúnað, sann-
reyna stöðugleikaútreikninga og
rúmþyngdarmælingar. Siglinga-
stofnun annast hins vegar ekki
eftirlit með smíði ferjunnar eins og
haldið er fram.
Umferðarspá
Áður en ferjan var boðin út var gerð
umferðarspá sem ákvarðaði stærð
ferju. Myndað var teymi frá Sigl-
ingastofnun, Ríkiskaupum, Verk-
fræðistofunni Navís og Vest-
mannaeyjabæ til að semja útboðs-
gögn fyrir ferju. Þegar þau lágu
fyrir gafst bæjarstjórn Vestmanna-
reyjabæjar færi á að koma með
athugasemdir og var tekið tillit til
þeirra flestra. Einnig voru gögnin
sett á netið og öllum frjálst að koma
með ábendingar.
Ríkisstjórnin ákvað að bjóða úl
ferjusiglingar milli lands og Eyja
sem einkaframkvæmd, en það felur í
sér að sá er rekur ferjuna á hana.
Tvö tilboð bárust í ferjusiglingarnar,
annað frá Samskip og hitt frá Vest-
mannaeyjabæ og Vinnslustöðinni
(V&V). Aðeins tilboð V&V upp-
fyllti allar kröfur útboðsgagna og
Sigurður Ass:
Metnaður Siglinga-
stofnunar og annarra
sem að þessu koma er
að smíðuð verði ferja
sem bæði er hagkvæm
og hentug fyrir Vest-
mannaeyinga. Vinnum
saman að því að koma
þessu þjóðþrifamáli í
örugga höfn.
var þar með eitt gjaldgengt í verkið.
Tilboð V&V var 16,3 milljarðar
króna en kostnaðaráætlun var 10,2
milljarðar króna. í skýringarvið-
ræðum kom í ljós að 2/3 kostnaðar-
munur milli verkkaupa og bjóðanda
var vegna þriggja þátta: Fjármagns-
kostnaðar, arðsemi eigin fjár og
áhættuálags. Reynt var að semja
við V&V en það gekk ekki eftir.
Boðið út að nýju
í framhaldi af því var ákveðið að
bjóða út verkið að nýju. Verkinu var
skipt í tvennt, annars vegar smíði
ferju og hins vegar rekstur lfkt og er
með Herjólf. Til að auðvelda vænt-
anlegum bjóðendum að bjóða í
ferjusmíðina voru gerð drög að
smíðalýsingu og tillaga að fyrir-
komulagi ferju. Þau gögn voru
aðeins til viðmiðunar og til að draga
að fleiri bjóðendur. Strax í upphafi
var ljóst að róðurinn yrði þungur þar
sem skipasmíðastöðvar sem leitað
var til voru mjög ásetnar til ársins
2011 og ekki bætti úr skák knappur
hönnunar- og smíðatími, 22
mánuðir.
I útboðsferlinu komu fyrirspumir
frá þremur aðilum. Einn af þeim var
Fassmer. Starfsmenn Siglingastofn-
unnar þekktu ekki til Fassmer og því
var leitað upplýsinga um þá af net-
inu.
Það er því ekkert undarlegt við það,
eins og haldið hefur verið fram í
Eyjafréttum, að starfsmenn Sigl-
ingastofnunnar hafi kannast við
Fassmer þegar tilboðin voru opnuð.
Þann 14. ágúst sl. voru opnuð tilboð
í ferjusmíðina. Aðeins tveir aðilar
skiluðu inn tilboði. Simek, sem var
með frávikstilboð upp á 224 millj.
norskra króna, og Fassmer sem skil-
aði inn aðaltilboði í samræmi við
útboðsgögn upp á 30,5 millj. Evra
og frávikstilboð upp á 27,7 millj.
Evra. Simek bauð ferju sem þeir
höfðu unnið fyrir V&V en Fassmer
studdist í tilboði sínu við teikningar
og smíðalýsingu sem fylgdu útboðs-
gögnum.
Ferjurnar áþekkar
Til að leggja mat á tilboðin voru
fengnir tveir skipaverkfræðingar frá
Siglingastofnun Islands, einn skipa-
tæknifræðingur frá Navis og einn
fulltrúi Vestmannaeyinga. Allt að-
ilar sem höfðu komið að útboðinu
og þekktu því vel til þeirra krafna
sem gerðar voru. Niðurstöður mats-
manna voru að ferjurnar væru
nokkuð áþekkar. Þó fékk Simek ívið
betri umsögn. Hins vegar vantaði
gögn frá Simek um áætlaðan rekstr-
arkostnað ferju sem dró tilboð
þeirra niður.
Aðeins rætt við annan aðilann
Að kröfu Ríkiskaupa hefur aðeins
verið rætt við annan bjóðandann.
Standa nú yfir skýringaviðræður við
þann bjóðanda. Ef allt gengur eftir
er vonast til að samningum ljúki um
miðjan október. Þetta er nokkur
bjartsýni því reynslan úr öðrum
sambærilegum verkum er að frá
opnun tilboða þar til samningur er
undirritaður líða þrír til fjórir mán-
uðir.
Þegar endanlegar teikningar af
fyrirkomulagi ferju liggja fyrir er
ætlunin að vera með kynningu og
gefa öllum færi á að koma með
athugasemdir. Einnig er stefnt á að
halda kynningarfund í Vestmanna-
eyjum eftir að samningar um ferjuna
eru komnir í höfn og kynna þá
fyrirhugaða ferju og hver staðan er
með Landeyjahöfn.
I þessu verkefni hefur markvisst
verið unnið að því að vinna fyrir
opnum tjöldum. Vestamannaeyjabæ
var gefið færi á að koma með
athugsemdir í byrjun verks og allir
fengju tækifæri til að koma með
ábendingar. Slíkt hefur almennt
ekki viðgengist.
Metnaður Siglingastofnunnar og
annarra sem að þessu koma er að
smíðuð verði ferja sem bæði er
hagkvæm og hentug fyrir Vest-
mannaeyinga. Vinnum saman að
því að koma þessu þjóðþrifamáli í
örugga höfn.
Viska ráðgjafi í fjarnámi á Grænlandi
Valgerður Guðjónsdóttir for-
stöðumaður Visku hefur f.h.
Visku fræðslumiðstöðvar tekið
þátt í Evrópuverkefni þar sem
leitast var við að finna ástæðu
fyrir brottfalli úr námi í skólum
á einangruðum og afskekktum
byggðarlögum. Var verkefnið í
raun hugsað til þess að draga úr
brottfalli í námi í skólum á
Grænlandi, en hugmyndafræðin
getur nýst hvar sem er í
hciminum.Viska, háskólar á
Englandi og Finnlandi komu að
verkefninu auk tölvufyrirtækis í
Danmörku sem heitir itai.
„Þetta er Leonardo Evrópu-
verkefni sem fól í sér athugun í
tveimur skólum á Grænlandi.
Finnski skólinn Lathi Unuversity
of Applied Sciences sá um gerð
kennslugagna svokallað Combar
verkefni. Viska kom inn sem
ráðgjafi vegna fjarnáms og
fullorðinsfræðslu og danska
fyrirtækið ITAI sá um alla tölvu-
vinnslu eða gerð vefsins sem
notaður er til kennslu. Enski
háskólinn Buckinghamshire
Chilterns var metandi aðili í
uppeldisfræðilegri nálgun.
Við héldum ráðstefnu á
Grænlandi nú í september og
vorum fjóra daga í Nuuk og þrjá
daga í Sisimiut þar sem farið var
yfir þetta tveggja ára verkefni.
Áður höfðum við hist í
Danmörku, Finnlandi og á
Islandi.
Komið hafði fram að helstu
ástæður fyrir brottfalli nemenda
í dreifðum byggðum Grænlands
eru landfræðilegar, menningar-
legar og vegna tungumálaörðu-
gleika. Þessu fengum við svo að
kynnast í heimsókn okkar til
Nuuk og Sisimiut. Það er auðvi-
tað mikilvægt að taka þátt í
svona samstarfi og á ráðstefnunni
kom Mikael Cristensen yfir-
maður fræðslumála í Nuuk og
Sisimut að máli við mig og
óskaði eftir frekara samstarfi við
Visku. Hann hefur gríðarlegan
áhuga á uppbyggingu símenntu-
narstöðva í Grænlandi og horfir
til íslands til að sjá hvernig við
höfum útfært þetta hér hjá
okkur, “ sagði Valgerður og
vonast til að Viska geti enn
frekar komið að málinu.
VALGERÐUR á Grænlandi með
myndarlegan ís jaka í baksýn.