Fréttir - Eyjafréttir - 18.12.2008, Blaðsíða 18

18
Fréttir / Fimmtudagur 18. desember 2008
INGI á skrifstofu sinni -Það er hins vegar erfitt að takast á við þau tilfelli þar sem ævisparnaður fólks hverfur að hluta eða öllu leyti. Við hér í útibúinu tökum slík mál mjög nærri
okkur, segir hann.
Stöndum saman í að
verja og byggja upp
öflugt byggðarlag
-segir Ingi Sigurðsson, útibússtjóri Nýja Glitnis í Vestmannaeyjum, í viðtali við
Omar Garðarsson. Hann segir að reyndar séu erfiðir tímar framundan í
þjóðarbúskapnum og uppbygging að nýju á mörgum þáttum samfélagsins
En margt hér í Eyjum hafi verið vel gert og Glitnir muni leggja sig fram um
að styðja við samfélagið hér í heild sinni eins og hann hefur gert í áratugi
Æ& Viðtal
: % J Ómar Garðarsson
om&r @eyjafrettir.. is
Það má segja að Vestmannaeyingar hafi verið
minntir á að hér er banki sem einhverjar
töggur eru í þegar fréttin kom um fjármögnun
Glitnis á nýsmíði Þórunnar Sveinsdóttur VE
fyrir Ós ehf. Það var kannski fyrsta jákvæða
fréttin fyrir Eyjamenn úr þessari áttinni síðan
fall bankanna hófst með því að ríkið yfirtók
Glitni. Síðan hafa dunið yfir okkur heldur
óskemmtilegar fréttir úr bönkunum og sér
ekki fyrir endann á þeim.
Utvegsbankinn, síðar Útvegsbanki íslands,
Islandsbanki hf. og loks Glitnir hafa í áratugi
verið hryggbeinið í öllum atvinnurekstri í
Vestmannaeyjm og hafa bæði fyrirtæki, ekki
síst í sjávarútvegi og fjöldi einstaklinga átt
mikið undir bankanum. Þar sem þeir hafa
getað gengið að mjög hæfu starfsfólki sem
alltaf er til þjónustu reiðubúið.
Það skiptir Eyjamenn miklu máli hvernig
Nýja Glitni, sem ríkið reisti upp af rústum
þess gamla, reiðir af. Fréttir tóku hús á Inga
Sigurðssyni sem heldur um stjórnartaumana í
útibúi Glitnis í Eyjunt. Hann viðurkenndi að
síðustu vikur og mánuðir hefðu verið
bankafólki erfiðir en öll él létti upp um síðir
og það muni verða raunin hjá Glitni og hann
óttast ekki um stöðu Vestmannaeyja.
Þjónustum fyrirtæki í samræmi
við óskir
Fyrsta spurningin var hvort hann teldi að Nýi
Glitnir sé í stakk búinn til að takast á við að
veita fyrirtœkjum í Eyjum sömu þjónustu og
gamli Glitnir gerði?
-Nýi Glitnir og forverar hans hafa um ára-
tugaskeið leitast við að veita fyrirtækjum í
Vestmannaeyjum þá þjónustu sem þau hafa
óskað eftir. Eins og gefur að skilja eru þarfir
fyrirtækja mismunandi eftir því í hvaða
rekstri þau eru og hefur bankinn þjónustað
þau í samræmi við þeirra óskir. I gegnum
tíðina hefur bankinn komið að mörgum
stórum og mikilvægum verkum hér í bæ.
Nýlegt dæmi er fjármögnun á nýrri Þórunni
Sveinsdóttur VE sem er sérstaklega mikil-
vægt og ánægjulegt í ljósi þeirra umbrota
sem eru í íslensku efnahagslífí. Útgerð hefur
verið lífæð þessa byggðarlags og bankinn
hefur um langt skeið kappkostað að þjónusta
útgerð landsins sem best verður á kosið.
I því sambandi hefur bankinn komið að
margri nýsmíði og kaupum á skipum hér í
bæ. Einnig hefur bankinn komið að mörgum
„í gegnum tíðina hefur bankinn komið að mörgum stórum og
mikilvægum verkum hér í bæ. Nýlegt dæmi er fjármögnun á
nýrri Þórunni Sveinsdóttir VE sem er sérstaklega mikilvægt og
ánægjulegt í ljósi þeirra umbrota sem eru í íslensku efnahags-
lífi. Útgerð hefur verið lífæð þessa byggðarlags og bankinn
hefur um langt skeið kappkostað að þjónusta útgerð landsins
sem best verður á kosið.“