Fréttablaðið - 26.03.2013, Page 2

26. mars 2013 ÞRIÐJUDAGUR| FRÉTTIR | 2
Elsa, þarftu stundum að bera
blak af strákunum?
„Já, ef það er búið að blaka hressi-
lega við þeim.“
Elsa Sæný Valgeirsdóttir varð tvöfaldur
bikarmeistari í blaki um helgina. Hún er leik-
maður í kvennaliði HK og þjálfari karlaliðs
HK en bæði lið unnu í bikarúrslitum á
sunnudag.
ALÞINGI Bundið verður í lög
að dýr séu skyni gæddar
verur og eigi að vera laus
við vanlíðan, hungur, þorsta,
ótta, þjáningu, sársauka,
meiðsl og sjúkdóma. Frum-
varp um velferð dýra var
samþykkt til þriðju umræðu
á Alþingi.
Nokkur umræða fór fram
á milli Ólínu Þorvarðar-
dóttur, varaformanns atvinnuvega-
nefndar, og Einars K. Guðfinnsson-
ar, þingmanns Sjálfstæðisflokksins,
um geldingar grísa. Meiri-
hluti nefndarinnar hafði
gert þá breytingartillögu
við frumvarp ráðherra að
fella út heimild til að gelda
grísi, yngri en vikugamla,
án deyfingar. Einar og Jón
Gunnarsson, þingmaður
Sjálfstæðisflokksins, hafa
hins vegar lagt það til að sú
heimild verði veitt og því
leyft að gelda grísina án deyfingar,
fyrstu viku lífs þeirra.
Ólína sagði að ekki ætti að leyfast
að gelda nokkur dýr án deyfingar
og minnti á að lögin lytu að velferð
dýra, ekki búfjárháttum. „Hefur
háttvirtur þingmaður einhvern tíma
heyrt hljóðin í stungnum grís?“
Einar sagði hins vegar rök fyrir
því að leyfa deyfingarlausa geldingu
svo ungra grísa, en svínabændur
hafa lagt það til, og þvertók fyrir að
unnið væri gegn velferð dýra.
„Háttvirtur þingmaður á ekkert
að vera að gera mér upp þá skoð-
un að ég sé að tala fyrir einhverju
dýraplageríi.“ - kóp
Heitar umræður sköpuðust þegar frumvarp um dýravelferð var samþykkt til þriðju umræðu í gær:
Grísir skulu vera deyfðir við geldingar
EINAR K.
GUÐFINNSSON
Hefur
háttvirtur
þingmaður
einhvern tíma
heyrt hljóðin
í stungnum
grís?
Ólína Þorvarðardóttir,
þingmaður Samfylkingarinnar.
SLYS Banaslys varð á Skeiðavegi
til móts við Brautarholt í Árnes-
sýslu eftir hádegi í gærdag.
Karlmaður á fimmtugsaldri lést
þegar jeppi sem hann ók skall á
dráttarvél með skóflu.
Báðir ökumennirnir voru
einir í farartækjum sínum. Öku-
maður dráttarvélarinnar slapp
tiltölulega ómeiddur frá slysinu.
Lögreglan í Árnessýslu fer
með rannsókn málsins. Enn sem
komið er er ekkert sagt liggja
fyrir um tildrög slyssins. Nokkr-
ar tafir urðu á umferð vegna
starfa lögreglu á slysstað.
- sv
Banaslys á Skeiðavegi:
Jeppi og traktor
skullu saman
LÖGREGLUMÁL Fimm mánaða stúlka,
sem lést á voveiflegan hátt fyrir rúmri
viku, verður lögð til hinstu hvílu í dag.
Faðir stúlkunnar situr enn í gæsluvarð-
haldi, grunaður um að hafa orðið valdur
að dauða hennar, og ekki er útlit fyrir að
hann verði viðstaddur athöfnina. Útförin
fer fram í kyrrþey.
Stúlkan var úrskurðuð látin á spítala
aðfaranótt mánudagsins fyrir viku.
Bráðabirgðaniðurstaða rannsóknar benti
til að banameinið væri heilablæðing. Það
var talið geta hafa verið af völdum svo-
kallaðs „shaken baby syndrome“, sem
hlýst af því þegar ungbarn er hrist af
afli. Maðurinn, sem er tæplega þrítugur,
var handtekinn á heimili sínu morguninn
eftir.
Hann hafði verið einn með dóttur sína
á heimili þeirra fyrr um kvöldið, en bank-
aði síðan upp á hjá nágranna sínum og
bað um hjálp. Nágranninn hringdi eftir
sjúkrabíl. Móðir stúlkunnar, sem er 25
ára, var þá í vinnunni.
Héraðsdómur úrskurðaði manninn
í níu daga gæsluvarðhald, sem rennur
út á morgun, og Hæstiréttur staðfesti
úrskurðinn. Að sögn Friðriks Smára
Björgvinssonar yfirlögregluþjóns hefur
ekki verið ákveðið hvort farið verði fram
á lengra gæsluvarðhald yfir honum.
Samkvæmt heimildum Fréttablaðsins
neitaði maðurinn staðfastlega sök í yfir-
heyrslum á mánudaginn í síðustu viku og
kvaðst ekki hafa hugmynd um hvað hefði
komið fyrir dóttur hans.
Hann hefur verið í einangrun síðan
og ekki rætt við neinn nema lögmann
sinn. Lögregla hefur ekki tekið af honum
skýrslu síðan á mánudag þegar hann var
handtekinn.
Friðrik Smári segir það ekki óeðlilegt.
„Ég get fullvissað fólk um að við sitjum
ekki auðum höndum. Rannsóknin snýst
um ýmislegt annað en bara að yfirheyra
sakborninginn.“ - sh
Óvíst hvort farið verður fram á lengra varðhald yfir föður látinnar stúlku:
Ættingjar kveðja stúlkuna í dag
Ég get
fullvissað fólk
um að við
sitjum ekki
auðum
höndum.
Friðrik Smári
Björgvins son
yfirlögregluþjónn í
Reykjavík
ALÞINGI Reynt var að semja um
afdrif stjórnarskrármálsins
í gær. Samkvæmt heimildum
Fréttablaðsins var sú hugmynd
rædd að greidd yrðu atkvæði
um að breyta breytingarákvæði
stjórnarskrár. Ekki er komin nið-
urstaða í málið.
Nokkrir þingmenn Sjálfstæðis-
flokksins lögðu fram dagskrártil-
lögu í gær að málefni Bakka yrðu
fremst á dagskrá næsta þing-
fundar. Í kjölfar hennar var fundi
frestað og síðan ítrekað fram á
kvöld. Þing hafði ekki enn komið
saman á ný þegar Fréttablaðið
fór í prentun. - kóp
Þingfundi frestað ítrekað:
Breytingar-
ákvæðið undir
SPURNING DAGSINS
NÁTTÚRA Allstór sinubruni varð
í Vatnsmýrinni á sunnudag og
sina brennur víða um land. Þann-
ig börðust í gær 30 slökkviliðs-
menn og þyrla við sinueld í Lund-
areykjadal í Borgarfirði, en tök
náðust ekki á honum fyrr en
undir kvöld.
Fuglafræðingur segir að áhrif á
fugla séu lítil sem engin á þessum
tíma, enda margar tegundir ekki
komnar til landsins og varp ekki
hafið. Sinubrunar geta hins vegar
haft áhrif á sumar tegundir fugla
sem sækja á sama varpsvæðið ár
eftir ár.
„Algengustu mófuglarnir eru
ekki komnir til landsins svo
skaði af sinueldum er ekki telj-
andi. Hins vegar eru mófuglar,
eins og lóur og spóar, tryggir átt-
högum sínum; sömu varppörin
koma á sömu svæðin ár eftir ár.
Ef sinubrunar eru umfangsmikl-
ir þá geta þeir rýrt möguleika
fuglanna á hentugum hreiður-
stað. En í lok mars er ekki hægt
að skilgreina sinubruna sem
stórt vandamál fyrir fuglana,“
segir Gunnar Þór Hallgrímsson,
fuglafræðingur og forstöðumaður
Náttúrustofu Suðvesturlands.
Slökkviliðið á höfuðborgar-
svæðinu var kallað út í fyrrinótt
vegna mikils sinubruna í grennd
við Öskju og Norræna húsið í
Vatnsmýrinni. Töluverðan tíma
tók að ráða niðurlögum eldsins og
brann nokkur hundruð fermetra
svæði. Fréttir eru einnig af sinu-
brunum víða á Suðurlandi undan-
farna daga; undir Eyjafjöllum og
víðar.
Gunnar segir að frá byrjun maí
sé annað upp á teningnum því
þá fara fyrstu fuglarnir að gera
sig líklega til varps; um miðjan
mánuðinn fari svo fyrstu eggin
að detta.
Hvað stað eins og Vatnsmýrina
varðar, en þar halda fuglar sig
lengi á afmörkuðum stað, segir
Gunnar að þar geti áhrifin verið
meiri, til dæmis rýri sinubruni
möguleika fuglanna til að hyljast.
„En þegar brennur þá getur það
verið til bóta fyrir ýmsar tegund-
ir, tímabundið alla vega. Ástæð-
an er að undir sinunni er græna
grasið og fuglar, eins og gæsin,
sækja í nýgræðinginn sem þá er
aðgengilegri,“ segir Gunnar.
Gunnar tekur dæmi af stóra
sinubrunanum á Mýrum árið
2006. „Fyrst eftir brunann var
meira af fugli inni á brunna
svæðinu en í kring, sennilega
vegna meira fæðuframboðs og á
það líka við um smádýralíf.“
svavar@frettabladid.is
Áhrif sinubruna ekki
teljandi snemma árs
Víða brennur sina í þurrkum undanfarinna daga. Fuglafræðingur segir áhrif
á fuglalíf ekki teljandi, enda margar tegundir ókomnar. Tímabundið geta sinu-
brunar auðveldað fugli fæðuöflun. Í byrjun maí eru sinubrunar vandamál.
SINUBRUNI Fuglar eiga það til að sækja í brennd svæði því auðveldara er fyrir þá
að ná sér í grastuggu þegar sinan er brunnin burt. FRÉTTABLAÐIÐ/PJETUR
Ef sinubrunar eru
umfangsmiklir þá geta
þeir rýrt möguleika
fuglanna á hentugum
hreiðurstað. En í lok mars
er ekki hægt að skilgreina
sinubruna sem stórt
vandamál fyrir fuglana
Gunnar Þór Hallgrímsson
fuglafræðingur og forstöðumaður
Náttúrustofu Suðvesturlands
RÚSSLAND, AP Saksóknarar og skattayfirvöld í Moskvu gerðu í gær húsleit
á skrifstofum Amnesty International og fleiri mannréttindasamtaka.
Samtökin segjast hafa fundið fyrir vaxandi þrýstingi og telja hann lið í
herferð Vladimírs Pútín forseta gegn gagnrýnisröddum.
Sergei Nikitin, formaður Amnesty í Rússlandi, segir að við leitina hafi
samtökin verið krafin um skjöl, sem eiga að vera í fórum hins opinbera
hvort eð er. - gb
Pútín sagður í herferð gegn gagnrýnisröddum:
Gerðu húsleit hjá Amnesty
TALAR VIÐ FJÖLMIÐLA Sergei Nikítín, yfirmaður Amnesty International í Rúss-
landi, ræðir við fjölmiðla eftir leit saksóknara og skattayfirvalda á skrifstofum sam-
takanna í gær. FRÉTTABLAÐIÐ/AP